ਵੈੱਬ ਡੈਸਕ - ਚੀਨ 'ਚ ਸੰਤਰੇ ਨੂੰ ਸਿਰਫ਼ ਇਕ ਫਲ ਹੀ ਨਹੀਂ, ਸਗੋਂ 'ਗੋਲਡਨ ਫਰੂਟ' ਮੰਨਿਆ ਜਾਂਦਾ ਹੈ। ਫੇਂਗਸ਼ੂਈ ਅਨੁਸਾਰ ਸੰਤਰਾ ਸੌਰ ਸ਼ਕਤੀ ਅਤੇ ਸੁਨਹਿਰੀ ਊਰਜਾ ਦਾ ਪ੍ਰਤੀਕ ਹੈ, ਜੋ ਘਰ ਜਾਂ ਦੁਕਾਨ ਦੇ ਵਾਤਾਵਰਣ ਨੂੰ ਬਦਲਣ ਦੀ ਸਮਰੱਥਾ ਰੱਖਦਾ ਹੈ। ਜੇਕਰ ਤੁਸੀਂ ਵੀ ਆਪਣੇ ਜੀਵਨ 'ਚ ਸੁੱਖ-ਸਮ੍ਰਿਧੀ ਅਤੇ ਸਫਲਤਾ ਚਾਹੁੰਦੇ ਹੋ, ਤਾਂ ਸੰਤਰੇ ਦਾ ਇਕ ਕਟੋਰਾ ਤੁਹਾਡੇ ਲਈ ਕਿਸਮਤ ਦਾ ਦਰਵਾਜ਼ਾ ਖੋਲ੍ਹ ਸਕਦਾ ਹੈ।

ਕਾਰੋਬਾਰ ਅਤੇ ਗਾਹਕਾਂ ਨੂੰ ਖਿੱਚਣ ਦਾ ਚੁੰਬਕ

ਫੇਂਗਸ਼ੂਈ ਅਨੁਸਾਰ, ਜੇਕਰ ਤੁਹਾਡਾ ਕਾਰੋਬਾਰ ਮੰਦਾ ਚੱਲ ਰਿਹਾ ਹੈ, ਤਾਂ ਆਪਣੀ ਦੁਕਾਨ ਜਾਂ ਆਫਿਸ ਦੇ ਮੁੱਖ ਦੁਆਰ ਦੇ ਨੇੜੇ ਇਕ ਕਟੋਰੇ 'ਚ 9 ਤਾਜ਼ੇ ਸੰਤਰੇ ਰੱਖੋ। ਇਹ ਸਥਿਰਤਾ ਅਤੇ ਪ੍ਰਗਤੀ ਲਿਆਉਂਦੇ ਹਨ ਅਤੇ ਗਾਹਕਾਂ ਨੂੰ ਮਾਨਸਿਕ ਤੌਰ 'ਤੇ ਸਕਾਰਾਤਮਕ ਵਾਈਬਸ ਦਿੰਦੇ ਹਨ, ਜਿਸ ਨਾਲ ਉਹ ਲੰਬੇ ਸਮੇਂ ਤੱਕ ਤੁਹਾਡੇ ਨਾਲ ਜੁੜੇ ਰਹਿੰਦੇ ਹਨ। ਦੁਕਾਨ ਦੇ ਕਾਊਂਟਰ ਦੇ ਸੱਜੇ ਕੋਨੇ 'ਚ ਸੰਤਰੇ ਰੱਖਣ ਨਾਲ ਲੈਣ-ਦੇਣ 'ਚ ਵਾਧਾ ਹੁੰਦਾ ਹੈ।

 ਨਕਾਰਾਤਮਕ ਊਰਜਾ ਦਾ ਹੋਵੇਗਾ ਖਾਤਮਾ 

 ਸੰਤਰੇ ਨੂੰ ਜਦੋਂ ਛਿੱਲਿਆ ਜਾਂਦਾ ਹੈ ਜਾਂ ਉਸ ਦਾ ਰਸ ਨਿਚੋੜਿਆ ਜਾਂਦਾ ਹੈ, ਤਾਂ ਉਸ 'ਚੋਂ ਨਿਕਲਣ ਵਾਲੀ ਸੂਖਮ ਧੁਨੀ ਨਕਾਰਾਤਮਕ ਊਰਜਾ ਨੂੰ ਖਤਮ ਕਰ ਦਿੰਦੀ ਹੈ। ਕਟੋਰੇ 'ਚ ਰੱਖੇ ਸੰਤਰੇ ਹੌਲੀ-ਹੌਲੀ ਅਜਿਹੀਆਂ ਤਰੰਗਾਂ ਛੱਡਦੇ ਹਨ, ਜੋ ਵਾਤਾਵਰਣ ਨੂੰ ਸਾਫ਼ ਰੱਖਦੀਆਂ ਹਨ ਅਤੇ ਮਾੜੀ ਨਜ਼ਰ ਜਾਂ ਈਰਖਾ ਤੋਂ ਬਚਾਉਣ ਲਈ ਇਕ ਸੁਰੱਖਿਆ ਕਵਚ ਵਾਂਗ ਕੰਮ ਕਰਦੀਆਂ ਹਨ।

 ਕਿਹੜੀ ਦਿਸ਼ਾ 'ਚ ਰੱਖਣਾ ਹੈ ਫਾਇਦੇਮੰਦ? 

ਦੱਖਣ-ਪੂਰਬ - ਮੁੱਖ ਦੁਆਰ ਦੇ ਕੋਲ ਇਸ ਦਿਸ਼ਾ 'ਚ ਸੰਤਰੇ ਰੱਖਣ ਨਾਲ ਧਨ ਦੀ ਆਮਦ ਵਧਦੀ ਹੈ।
ਪੂਰਬ ਦਿਸ਼ਾ - ਜੇਕਰ ਘਰ 'ਚ ਲਗਾਤਾਰ ਬਿਮਾਰੀਆਂ ਜਾਂ ਪੈਸੇ ਦਾ ਨੁਕਸਾਨ ਹੋ ਰਿਹਾ ਹੋਵੇ, ਤਾਂ ਪੂਰਬ ਦਿਸ਼ਾ 'ਚ ਸੰਤਰੇ ਦਾ ਕਟੋਰਾ ਰੱਖੋ। ਰਸੋਈ 'ਚ ਇਸ ਦਿਸ਼ਾ 'ਚ ਰੱਖਣ ਨਾਲ ਸਿਹਤ ਅਤੇ ਸ਼ੁੱਧਤਾ ਬਣੀ ਰਹਿੰਦੀ ਹੈ।
ਉੱਤਰ ਦਿਸ਼ਾ - ਡਰਾਇੰਗ ਰੂਮ ਦੀ ਉੱਤਰ ਦਿਸ਼ਾ 'ਚ ਸੰਤਰੇ ਸਜਾਉਣ ਨਾਲ ਪਰਿਵਾਰਕ ਮੈਂਬਰਾਂ 'ਚ ਆਪਸੀ ਤਾਲਮੇਲ ਵਧਦਾ ਹੈ।

 ਇਨ੍ਹਾਂ ਗੱਲਾਂ ਦਾ ਰੱਖੋ ਖਾਸ ਧਿਆਨ 

- ਹਮੇਸ਼ਾ ਤਾਜ਼ੇ ਸੰਤਰੇ ਹੀ ਵਰਤੋ। ਜੇਕਰ ਉਹ ਸੁੱਕਣ ਲੱਗਣ ਤਾਂ ਤੁਰੰਤ ਬਦਲ ਦਿਓ।
- ਸੰਤਰੇ ਰੱਖਣ ਲਈ ਹਮੇਸ਼ਾ ਕੰਚ ਜਾਂ ਪਿੱਤਲ ਦੇ ਕਟੋਰੇ ਦੀ ਵਰਤੋਂ ਕਰੋ, ਪਲਾਸਟਿਕ ਜਾਂ ਸਟੀਲ ਤੋਂ ਪਰਹੇਜ਼ ਕਰੋ।
- ਹਰ ਸ਼ੁੱਕਰਵਾਰ ਕਟੋਰੇ 'ਚ ਇਕ ਨਵਾਂ ਸੰਤਰਾ ਜੋੜਨਾ ਭਾਗਾਂ ਦੇ ਚੱਕਰ ਨੂੰ ਗਤੀਸ਼ੀਲ ਰੱਖਦਾ ਹੈ।
- ਜੇਕਰ ਘਰ 'ਚ ਝਗੜਾ ਹੋ ਜਾਵੇ, ਤਾਂ ਸੰਤਰੇ ਦੇ ਕਟੋਰੇ ਕੋਲ 3 ਅਗਰਬੱਤੀਆਂ ਲਗਾਉਣ ਨਾਲ ਮਾਨਸਿਕ ਊਰਜਾ ਸਥਿਰ ਹੁੰਦੀ ਹੈ।

ਇਹ ਛੋਟਾ ਜਿਹਾ ਬਦਲਾਅ ਤੁਹਾਡੇ ਜੀਵਨ 'ਚ ਸੁਨਹਿਰੀ ਮੌਕੇ ਅਤੇ ਖੁਸ਼ਹਾਲੀ ਲਿਆ ਸਕਦਾ ਹੈ।