ਨਵੀਂ ਦਿੱਲੀ - ਜੋਤਿਸ਼ ਸ਼ਾਸਤਰ ਦੇ ਨਜ਼ਰੀਏ ਤੋਂ ਮਈ 2026 ਦਾ ਮਹੀਨਾ ਬਹੁਤ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਇਸ ਮਹੀਨੇ ਦੌਰਾਨ ਸੂਰਜ ਅਤੇ ਮੰਗਲ ਸਮੇਤ ਚਾਰ ਵੱਡੇ ਗ੍ਰਹਿ ਆਪਣੀ ਚਾਲ ਬਦਲਣ ਜਾ ਰਹੇ ਹਨ, ਜਿਸ ਦਾ ਸਿੱਧਾ ਅਸਰ ਸਾਰੀਆਂ ਰਾਸ਼ੀਆਂ 'ਤੇ ਪਵੇਗਾ। ਗ੍ਰਹਿਆਂ ਦੇ ਇਸ ਗੋਚਰ (ਬਦਲਾਅ) ਕਾਰਨ ਕੁਝ ਖਾਸ ਰਾਸ਼ੀਆਂ ਦੇ ਜਾਤਕਾਂ ਨੂੰ ਸੁਖ-ਸਮਰੱਧੀ ਅਤੇ ਭਾਰੀ ਆਰਥਿਕ ਲਾਭ ਹੋਣ ਦੀ ਸੰਭਾਵਨਾ ਹੈ।

ਗ੍ਰਹਿਆਂ ਦੀ ਸਥਿਤੀ 'ਚ ਬਦਲਾਅ 

ਸਰੋਤਾਂ ਅਨੁਸਾਰ, ਮਈ ਮਹੀਨੇ 'ਚ ਗ੍ਰਹਿਆਂ ਦੀ ਹਲਚਲ ਕੁਝ ਇਸ ਤਰ੍ਹਾਂ ਰਹੇਗੀ :-

ਬੁੱਧ ਗ੍ਰਹਿ- 1 ਮਈ ਨੂੰ ਮੇਖ ਰਾਸ਼ੀ 'ਚ ਅਸਤ ਹੋਵੇਗਾ, 15 ਮਈ ਨੂੰ ਬ੍ਰਿਖ ਰਾਸ਼ੀ 'ਚ ਪ੍ਰਵੇਸ਼ ਕਰੇਗਾ ਅਤੇ 26 ਮਈ ਨੂੰ ਮੁੜ ਉਦਿਤ ਹੋ ਜਾਵੇਗਾ।
ਮੰਗਲ ਗ੍ਰਹਿ - 11 ਮਈ ਨੂੰ ਮੇਖ ਰਾਸ਼ੀ 'ਚ ਗੋਚਰ ਕਰੇਗਾ।
ਸ਼ੁੱਕਰ ਗ੍ਰਹਿ - 14 ਮਈ ਨੂੰ ਮਿਥੁਨ ਰਾਸ਼ੀ 'ਚ ਪ੍ਰਵੇਸ਼ ਕਰੇਗਾ।
ਸੂਰਜ ਗ੍ਰਹਿ - 15 ਮਈ ਨੂੰ ਬ੍ਰਿਖ ਰਾਸ਼ੀ 'ਚ ਪ੍ਰਵੇਸ਼ ਕਰੇਗਾ।

ਇਨ੍ਹਾਂ ਰਾਸ਼ੀਆਂ ਲਈ ਸ਼ੁਭ ਰਹੇਗਾ ਸਮਾਂ :-

ਮੇਖ ਰਾਸ਼ੀ 
ਇਸ ਰਾਸ਼ੀ ਦੇ ਸੁਆਮੀ ਮੰਗਲ 'ਰੁਚਕ ਯੋਗ' ਬਣਾਉਣਗੇ ਅਤੇ ਸੂਰਜ ਦਾ ਗੋਚਰ ਧਨ ਦੇ ਭਾਵ 'ਚ ਹੋਵੇਗਾ। ਇਸ ਕਾਰਨ ਮੇਖ ਰਾਸ਼ੀ ਦੇ ਲੋਕਾਂ ਨੂੰ ਅਪਾਰ ਧਨ-ਦੌਲਤ ਦੀ ਪ੍ਰਾਪਤੀ ਹੋ ਸਕਦੀ ਹੈ ਅਤੇ ਕਰੀਅਰ 'ਚ ਨਵੀਆਂ ਉਚਾਈਆਂ ਮਿਲਣਗੀਆਂ। ਕਿਸੇ ਮੰਗਲਿਕ ਕਾਰਜ 'ਚ ਸ਼ਾਮਲ ਹੋਣ ਦਾ ਮੌਕਾ ਵੀ ਮਿਲੇਗਾ।

ਮਿਥੁਨ ਰਾਸ਼ੀ 
ਮਿਥੁਨ ਰਾਸ਼ੀ ਵਾਲਿਆਂ ਦੇ ਲੰਬੇ ਸਮੇਂ ਤੋਂ ਰੁਕੇ ਹੋਏ ਕੰਮ ਪੂਰੇ ਹੋਣਗੇ। ਜਿਹੜੇ ਲੋਕ ਨਵਾਂ ਕਾਰੋਬਾਰ ਸ਼ੁਰੂ ਕਰਨਾ ਚਾਹੁੰਦੇ ਹਨ, ਉਨ੍ਹਾਂ ਦੇ ਸੁਪਨੇ ਸਾਕਾਰ ਹੋ ਸਕਦੇ ਹਨ। ਬੱਚਿਆਂ ਵੱਲੋਂ ਕੋਈ ਖੁਸ਼ਖਬਰੀ ਮਿਲ ਸਕਦੀ ਹੈ ਅਤੇ ਨਿਵੇਸ਼ ਕੀਤੇ ਪੈਸੇ ਤੋਂ ਵਧੀਆ ਮੁਨਾਫਾ ਹੋਣ ਦੀ ਉਮੀਦ ਹੈ।

ਸਿੰਘ ਰਾਸ਼ੀ 
ਗ੍ਰਹਿਆਂ ਦੀ ਚਾਲ ਸਿੰਘ ਰਾਸ਼ੀ ਦੇ ਜਾਤਕਾਂ ਲਈ ਬਹੁਤ ਸ਼ੁਭ ਸਾਬਤ ਹੋਵੇਗੀ। ਅਟਕਿਆ ਹੋਇਆ ਪੈਸਾ ਵਾਪਸ ਮਿਲਣ ਨਾਲ ਆਰਥਿਕ ਸਥਿਤੀ 'ਚ ਸੁਧਾਰ ਹੋਵੇਗਾ। ਸਮਾਜਿਕ ਪੱਧਰ 'ਤੇ ਮਾਣ-ਸਨਮਾਨ ਵਧੇਗਾ ਅਤੇ ਪਰਿਵਾਰ ਨਾਲ ਕਿਤੇ ਬਾਹਰ ਘੁੰਮਣ ਦੀ ਯੋਜਨਾ ਵੀ ਬਣ ਸਕਦੀ ਹੈ।

ਮਕਰ ਰਾਸ਼ੀ 
ਮਕਰ ਰਾਸ਼ੀ ਦੇ ਲੋਕਾਂ ਦੇ ਜੀਵਨ 'ਚ ਖੁਸ਼ੀਆਂ ਦੀ ਦਸਤਕ ਹੋਵੇਗੀ। ਕਾਰਜਖੇਤਰ 'ਚ ਤੁਹਾਡੇ ਕੰਮ ਦੀ ਸ਼ਲਾਘਾ ਹੋਵੇਗੀ ਅਤੇ ਆਮਦਨ ਦੇ ਵਾਧੂ ਸਰੋਤ ਪੈਦਾ ਹੋਣਗੇ। ਪੈਸੇ ਨਾਲ ਜੁੜੀਆਂ ਸਮੱਸਿਆਵਾਂ ਦਾ ਹੱਲ ਨਿਕਲੇਗਾ ਅਤੇ ਨਵੇਂ ਅਵਸਰਾਂ ਦੀ ਪ੍ਰਾਪਤੀ ਹੋਵੇਗੀ।

 ਨੋਟ: ਇਹ ਜਾਣਕਾਰੀ ਆਮ ਤੱਥਾਂ ਉਤੇ ਆਧਾਰਿਤ ਹੈ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।