1100 ਸਾਲ ਪੁਰਾਣੇ ਜਗਨਨਾਥ ਮੰਦਰ ਦੀ ਰਸੋਈ, 6 ਰਸਾਂ ਨਾਲ ਬਣਦਾ ਹੈ ਭਗਵਾਨ ਲਈ ਭੋਗ
7/2/2022 5:41:51 PM
ਨਵੀਂ ਦਿੱਲੀ - ਪੁਰੀ 'ਚ ਅੱਜ ਤੋਂ ਭਗਵਾਨ ਜਗਨਨਾਥ ਦੀ ਰੱਥ ਯਾਤਰਾ ਨਿਕਲ ਰਹੀ ਹੈ। ਇਸ ਕਾਰਨ ਮੰਦਰ ਦੀ ਰਸੋਈ 'ਚ ਲੱਖਾਂ ਲੋਕਾਂ ਲਈ ਪ੍ਰਸ਼ਾਦ ਬਣਾਇਆ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਦੁਨੀਆ ਦੀ ਸਭ ਤੋਂ ਵੱਡੀ ਰਸੋਈ ਹੈ, ਜਿੱਥੇ ਹਰ ਰੋਜ਼ ਕਰੀਬ 1 ਲੱਖ ਲੋਕਾਂ ਲਈ ਖਾਣਾ ਤਿਆਰ ਕੀਤਾ ਜਾਂਦਾ ਹੈ। ਇਸ ਮੰਦਰ ਵਿੱਚ ਹਰ ਰੋਜ਼ 6 ਵਾਰ ਭਗਵਾਨ ਨੂੰ ਭੋਗ ਲਗਾਏ ਜਾਂਦੇ ਹਨ। ਭੋਗ ਤੋਂ ਬਾਅਦ ਇਹ ਮਹਾਪ੍ਰਸਾਦ ਮੰਦਰ ਦੇ ਕੰਪਲੈਕਸ ਵਿੱਚ ਬਣੇ ਆਨੰਦ ਬਜ਼ਾਰ ਵਿੱਚ ਵੀ ਵੇਚਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ : Gupt Navratri 2022 : ਕਰਜ਼ੇ ਦਾ ਬੋਝ ਤੁਹਾਨੂੰ ਕਰ ਰਿਹੈ ਪਰੇਸ਼ਾਨ ਤਾਂ ਕਰੋ ਇਹ ਉਪਾਅ
11ਵੀਂ ਸਦੀ ਵਿੱਚ ਸ਼ੁਰੂ ਹੋਈ ਰਸੋਈ
ਜਗਨਨਾਥ ਮੰਦਰ ਦੀ ਇਹ ਰਸੋਈ 11ਵੀਂ ਸਦੀ ਵਿੱਚ ਰਾਜਾ ਇੰਦਰਵਰਮਾ ਦੇ ਸਮੇਂ ਸ਼ੁਰੂ ਹੋਈ ਸੀ। ਉਸ ਸਮੇਂ ਰਸੋਈ ਮੰਦਰ ਦੇ ਪਿੱਛੇ ਦੱਖਣ ਦਿਸ਼ਾ ਵਿੱਚ ਸੀ। ਜਗ੍ਹਾ ਦੀ ਘਾਟ ਕਾਰਨ, ਰਸੋਈ 1682 ਅਤੇ 1713 ਈਸਵੀ ਦੇ ਵਿਚਕਾਰ ਤਤਕਾਲੀ ਰਾਜਾ ਦਿਵਿਆ ਸਿੰਘਦੇਵ ਦੁਆਰਾ ਬਣਾਈ ਗਈ ਸੀ। ਉਦੋਂ ਤੋਂ ਇਸ ਰਸੋਈ ਵਿੱਚ ਭਗਵਾਨ ਲਈ ਭੋਗ ਤਿਆਰ ਕੀਤੇ ਜਾ ਰਹੇ ਹਨ।
ਰੋਜ਼ ਹੁੰਦਾ ਹੈ ਨਵੇਂ ਭਾਂਡਿਆਂ ਦਾ ਇਸਤੇਮਾਲ
ਇਸ ਰਸੋਈ ਵਿੱਚ ਕਈ ਪਰਿਵਾਰ ਪੀੜ੍ਹੀਆਂ ਤੋਂ ਸਿਰਫ਼ ਖਾਣਾ ਬਣਾਉਣ ਦਾ ਕੰਮ ਹੀ ਕਰਦੇ ਆ ਰਹੇ ਹਨ। ਇਸੇ ਤਰ੍ਹਾਂ ਕੁਝ ਲੋਕ ਮਹਾਪ੍ਰਸਾਦ ਬਣਾਉਣ ਲਈ ਮਿੱਟੀ ਦੇ ਬਰਤਨ ਬਣਾਉਂਦੇ ਹਨ। ਮੰਦਰ ਦੀ ਰਸੋਈ ਵਿੱਚ ਤਿਆਰ ਕੀਤੇ ਸ਼ੁੱਧ ਅਤੇ ਸਾਤਵਿਕ ਭੋਗ ਲਈ ਹਰ ਰੋਜ਼ ਨਵੇਂ ਭਾਂਡੇ ਵਰਤੇ ਜਾਂਦੇ ਹਨ। ਕਿਉਂਕਿ ਇਹ ਇਸ ਮੰਦਰ ਦੀ ਪਰੰਪਰਾ ਹੈ।
ਇਹ ਵੀ ਪੜ੍ਹੋ : ਇਸ ਦਿਨ ਤੋਂ ਸ਼ੁਰੂ ਹੋ ਰਿਹਾ ਹੈ ਸਾਵਣ ਦਾ ਮਹੀਨਾ , ਇਸ ਵਾਰ ਭੋਲੇਨਾਥ ਨੂੰ ਇਨ੍ਹਾਂ ਉਪਾਵਾਂ ਨਾਲ ਕਰੋ ਖ਼ੁਸ਼
240 ਚੁੱਲ੍ਹੇ ਅਤੇ 8000 ਵਰਗ ਫੁੱਟ ਦੀ ਰਸੋਈ
ਰਸੋਈ ਮੰਦਰ ਦੀ ਪੂਰਬ-ਦੱਖਣੀ ਦਿਸ਼ਾ ਵਿੱਚ ਹੈ। ਇਸ ਤੋਂ ਇਲਾਵਾ ਰਸੋਈ ਦੇ ਉੱਤਰ ਵਿੱਚ ਗੰਗਾ ਅਤੇ ਯਮੁਨਾ ਨਾਮ ਦੇ ਦੋ ਖੂਹ ਹਨ, ਉਨ੍ਹਾਂ ਖੂਹਾਂ ਦੇ ਪਾਣੀ ਤੋਂ ਭੋਜਨ ਪਕਾਇਆ ਜਾਂਦਾ ਹੈ। ਇਸ ਰਸੋਈ ਵਿੱਚ 240 ਚੁੱਲ੍ਹੇ ਹਨ ਅਤੇ 9-10 ਮਿੱਟੀ ਦੇ ਬਰਤਨਾਂ ਵਿੱਚ ਖਾਣਾ ਪਕਾਇਆ ਜਾਂਦਾ ਹੈ।
800 ਲੋਕਾਂ ਦੀ ਨਿਗਰਾਨੀ ਹੇਠ ਤਿਆਰ ਕੀਤਾ ਜਾਂਦਾ ਹੈ ਭੋਜਨ
ਇਸ ਰਸੋਈ ਵਿਚ ਖਾਣਾ ਬਣਾਉਣ ਵਾਲੇ ਰਸੋਈਏ ਬ੍ਰਾਹਮਣ ਪਰਿਵਾਰ ਨਾਲ ਸਬੰਧਤ ਹਨ ਜੋ ਕਈ ਪੀੜ੍ਹੀਆਂ ਤੋਂ ਇੱਥੇ ਖਾਣਾ ਬਣਾਉਂਦੇ ਆ ਰਹੇ ਹਨ। ਬੱਚਿਆਂ ਨੂੰ 12 ਸਾਲ ਦੀ ਉਮਰ ਤੋਂ ਹੀ ਨਾਲ ਰੱਖਿਆ ਜਾਂਦਾ ਹੈ ਤਾਂ ਜੋ ਇਹ ਪਰੰਪਰਾ ਪੀੜ੍ਹੀਆਂ ਤੱਕ ਜਾਰੀ ਰਹੇ। ਰਸੋਈ ਵਿੱਚ ਖਾਣਾ 300 ਸਾਥੀਆਂ ਦੇ ਨਾਲ 500 ਰਸੋਈਏ ਦੁਆਰਾ ਤਿਆਰ ਕੀਤਾ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਜਦੋਂ ਭਗਵਾਨ ਸ਼ਿਵ ਨੇ ਮਾਂ ਪਾਰਵਤੀ ਨੂੰ ‘ਅਮਰਤਵ’ ਦਾ ਰਹੱਸ ਦੱਸਿਆ
ਹਰ ਰੋਜ਼ ਨਵੀਆਂ 700 ਹਾਂਡੀਆਂ ਵਿੱਚ ਤਿਆਰ ਕੀਤਾ ਜਾਂਦਾ ਹੈ ਭੋਜਨ
ਜਦੋਂ ਭੋਜਨ ਤਿਆਰ ਹੋ ਜਾਂਦਾ ਹੈ ਤਾਂ ਸਾਰੀਆਂ ਹਾਂਡੀਆਂ ਨੂੰ ਤੋੜ ਦਿੱਤਾ ਜਾਂਦਾ ਹੈ। ਇਸ ਤੋਂ ਬਾਅਦ ਅਗਲੇ ਦਿਨ ਨਵੀਂਆਂ ਹਾਂਡੀਆਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। 700 ਛੋਟੀਆਂ-ਵੱਡੀਆਂ ਹਾਂਡੀਆਂ ਵਿੱਚ ਭੋਜਨ ਤਿਆਰ ਕੀਤਾ ਜਾਂਦਾ ਹੈ, ਜਿਸ ਨੂੰ 100 ਦੇ ਕਰੀਬ ਘੁਮਿਆਰ ਪਰਿਵਾਰਾਂ ਵੱਲੋਂ ਤਿਆਰ ਕੀਤਾ ਜਾਂਦਾ ਹੈ।
15 ਮਿੰਟਾਂ ਵਿੱਚ ਬਣਦਾ ਹੈ 17,000 ਲੋਕਾਂ ਦਾ ਭੋਜਨ
ਰਸੋਈ ਦੇ 175 ਚੁੱਲਿਆਂ 'ਤੇ ਚੌਲ ਤਿਆਰ ਕੀਤੇ ਜਾਂਦੇ ਹਨ, ਜਿਸ ਲਈ 10-12 ਲੋਕਾਂ ਦੇ ਖਾਣ ਜਿੰਨ੍ਹੇ ਚੌਲ ਇਕ ਮਿੱਟੀ ਦੇ ਭਾਂਡੇ 'ਚ ਭਰੇ ਜਾਂਦੇ ਹਨ। ਇਸੇ ਢੰਗ ਨਾਲ 15 ਮਿੰਟ ਵਿੱਚ 17,000 ਲੋਕਾਂ ਦੇ ਖਾਣ ਲਈ ਚੌਲ ਤਿਆਰ ਕੀਤੇ ਜਾਂਦੇ ਹਨ।
ਇਹ ਵੀ ਪੜ੍ਹੋ : ਇਥੇ 1 ਨਹੀਂ ਸਗੋਂ ਇਕੱਠੀਆਂ ਬਿਰਾਜਮਾਨ ਹਨ ਬਜਰੰਗਬਲੀ ਦੀਆਂ ਦੋ ਮੂਰਤੀਆਂ, ਜਾਣੋ ਮੰਦਰ ਦੀ ਖ਼ਾਸੀਅਤ
6 ਰਸ ਵਾਲਾ ਬਣਦਾ ਹੈ ਭੋਗ
ਰੋਜ਼ਾਨਾ ਭੋਗ ਲਈ 6 ਵੱਖ-ਵੱਖ ਰਸ ਵਰਤੇ ਜਾਂਦੇ ਹਨ। ਇਸ ਦਾ ਸੁਆਦ ਮਿੱਠਾ, ਨਮਕੀਨ, ਤਿੱਖਾ, ਕੌੜਾ ਅਤੇ ਕਸੈਲਾ ਹੁੰਦਾ ਹੈ।
56 ਭੋਗ ਅਤੇ 10 ਕਿਸਮ ਦੀਆਂ ਮਠਿਆਈਆਂ
ਰਸੋਈ ਵਿੱਚ ਰੋਜ਼ਾਨਾ 56 ਤਰ੍ਹਾਂ ਦੇ ਭੋਗ ਤਿਆਰ ਕੀਤੇ ਜਾਂਦੇ ਹਨ। ਇਸ ਤੋਂ ਇਲਾਵਾ ਘੱਟੋ-ਘੱਟ 10 ਮਠਿਆਈਆਂ ਵੀ ਬਣਾਈਆਂ ਜਾਂਦੀਆਂ ਹਨ। ਸਬਜ਼ੀਆਂ ਵਿੱਚ ਦੇਸੀ ਮੂਲੀ, ਕੇਲਾ, ਬੈਂਗਣ, ਚਿੱਟਾ ਅਤੇ ਲਾਲ ਕੱਦੂ, ਕੰਦਮੂਲ, ਪਰਵਲ,ਬੇਰ ਅਤੇ ਆਰਬੀ ਵੀ ਬਣਾਏ ਜਾਂਦੇ ਹਨ। ਦਾਲਾਂ ਵਿੱਚ ਸਿਰਫ਼ ਮੂੰਗ, ਅਰਹਰ, ਉੜਦ ਅਤੇ ਛੋਲਿਆਂ ਦੀ ਦਾਲ ਹੀ ਚੜ੍ਹਾਈ ਜਾਂਦੀ ਹੈ। ਪ੍ਰਭੂ ਲਈ ਕੇਵਲ ਸ਼ੁੱਧ ਅਤੇ ਸਾਤਵਿਕ ਭੋਜਨ ਹੀ ਤਿਆਰ ਕੀਤਾ ਜਾਂਦਾ ਹੈ। ਇਸ ਵਿਚ ਪਿਆਜ਼, ਟਮਾਟਰ ਅਤੇ ਲਸਣ ਦੀ ਵਰਤੋਂ ਬਿਲਕੁਲ ਨਹੀਂ ਕੀਤੀ ਜਾਂਦੀ।
ਇਹ ਵੀ ਪੜ੍ਹੋ : ਗਰਭਅਵਸਥਾ ਦਰਮਿਆਨ ਜ਼ਰੂਰ ਕਰੋ ਇਸ ਮੰਤਰ ਦਾ ਜਾਪ, ਪੈਦਾ ਹੋਵੇਗੀ ਸੰਸਕਾਰੀ ਔਲਾਦ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
