ਵੈੱਬ ਡੈਸਕ - ਹਿੰਦੂ ਧਰਮ 'ਚ ਚੇਤ ਮਹੀਨੇ ਦੀ ਪੂਰਨਮਾਸ਼ੀ ਦਾ ਵਿਸ਼ੇਸ਼ ਮਹੱਤਵ ਮੰਨਿਆ ਗਿਆ ਹੈ, ਕਿਉਂਕਿ ਪੌਰਾਣਿਕ ਮਾਨਤਾਵਾਂ ਅਨੁਸਾਰ ਇਸੇ ਦਿਨ ਭਗਵਾਨ ਸ੍ਰੀ ਰਾਮ ਦੇ ਪਰਮ ਭਗਤ ਹਨੂਮਾਨ ਜੀ ਦਾ ਜਨਮ ਹੋਇਆ ਸੀ। ਅੱਜ, 2 ਅਪ੍ਰੈਲ 2026, ਵੀਰਵਾਰ ਨੂੰ ਦੇਸ਼ ਭਰ 'ਚ ਹਨੂਮਾਨ ਜਯੰਤੀ (ਜਨਮ ਉਤਸਵ) ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਧਾਰਮਿਕ ਮਾਨਤਾ ਹੈ ਕਿ ਅੱਜ ਦੇ ਦਿਨ ਵਿਧੀ-ਵਿਧਾਨ ਨਾਲ ਪੂਜਾ ਕਰਨ ਨਾਲ ਜੀਵਨ ਦੇ ਸਾਰੇ ਡਰ, ਕਸ਼ਟ ਅਤੇ ਰੁਕਾਵਟਾਂ ਦੂਰ ਹੁੰਦੀਆਂ ਹਨ।

ਮਾਂਗਲਿਕ ਦੋਸ਼ ਦੀ ਸ਼ਾਂਤੀ ਲਈ ਵਿਸ਼ੇਸ਼ ਉਪਾਅ

ਜੋਤਿਸ਼ ਸ਼ਾਸਤਰ ਅਨੁਸਾਰ, ਅੱਜ ਦੇ ਦਿਨ ਕੀਤੇ ਗਏ ਉਪਾਅ ਮਾਂਗਲਿਕ ਦੋਸ਼ ਨੂੰ ਸ਼ਾਂਤ ਕਰਨ ਲਈ ਬਹੁਤ ਪ੍ਰਭਾਵਸ਼ਾਲੀ ਮੰਨੇ ਜਾਂਦੇ ਹਨ। ਹਨੂਮਾਨ ਜੀ ਨੂੰ ਚਮੇਲੀ ਦੇ ਤੇਲ 'ਚ ਮਿਲਾ ਕੇ ਸਿੰਦੂਰ ਦਾ ਚੋਲਾ ਚੜ੍ਹਾਉਣ ਨਾਲ ਮੰਗਲ ਦੋਸ਼ ਸ਼ਾਂਤ ਹੁੰਦਾ ਹੈ ਅਤੇ ਜੀਵਨ 'ਚ ਸਕਾਰਾਤਮਕ ਊਰਜਾ ਆਉਂਦੀ ਹੈ। ਇਸ ਤੋਂ ਇਲਾਵਾ, ਬਾਂਦਰਾਂ ਨੂੰ ਗੁੜ-ਚਨਾ ਖੁਆਉਣ ਜਾਂ ਲੋੜਵੰਦਾਂ ਨੂੰ ਲਾਲ ਮਸੂਰ ਦੀ ਦਾਲ ਅਤੇ ਗੁੜ ਦਾ ਦਾਨ ਕਰਨ ਨਾਲ ਵੀ ਗ੍ਰਹਿਆਂ ਦੇ ਨਕਾਰਾਤਮਕ ਪ੍ਰਭਾਵ ਘੱਟ ਹੁੰਦੇ ਹਨ।

ਪੂਜਾ ਅਤੇ ਪਾਠ ਦਾ ਮਹੱਤਵ

ਹਨੂਮਾਨ ਜੀ ਦੀ ਕਿਰਪਾ ਪ੍ਰਾਪਤ ਕਰਨ ਲਈ ਸ਼ਰਧਾਲੂਆਂ ਨੂੰ ਅੱਜ ਇਹ ਵਿਸ਼ੇਸ਼ ਕਾਰਜ ਕਰਨੇ ਚਾਹੀਦੇ ਹਨ :-

ਸੁੰਦਰਕਾਂਡ ਦਾ ਪਾਠ
- ਇਸ ਨਾਲ ਨਕਾਰਾਤਮਕ ਸ਼ਕਤੀਆਂ ਦੂਰ ਹੁੰਦੀਆਂ ਹਨ ਅਤੇ ਆਤਮ-ਵਿਸ਼ਵਾਸ 'ਚ ਵਾਧਾ ਹੁੰਦਾ ਹੈ।

ਰਾਮ ਨਾਮ ਦਾ ਜਾਪ
- ‘ਰਾਮ-ਰਾਮ’ ਦਾ 108 ਵਾਰ ਜਾਪ ਕਰਨ ਨਾਲ ਹਨੂਮਾਨ ਜੀ ਬਹੁਤ ਪ੍ਰਸੰਨ ਹੁੰਦੇ ਹਨ।

ਬਜਰੰਗ ਬਾਣ
- ਇਸ ਦਾ ਪਾਠ ਕਰਨ ਨਾਲ ਵਿਆਹ 'ਚ ਆ ਰਹੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ।

ਭੋਗ
- ਬਜਰੰਗਬਲੀ ਨੂੰ ਲਾਲ ਗੁਲਾਬ ਦੇ ਫੁੱਲ ਅਤੇ ਬੂੰਦੀ ਜਾਂ ਬੇਸਣ ਦੇ ਲੱਡੂ ਅਰਪਿਤ ਕਰਨੇ ਚਾਹੀਦੇ ਹਨ, ਜਿਸ ਨਾਲ ਸ਼ੁਭ ਫਲ ਮਿਲਦੇ ਹਨ।

ਇਸ ਪਵਿੱਤਰ ਦਿਹਾੜੇ 'ਤੇ ਹਨੂਮਾਨ ਜੀ ਦੀ ਅਰਾਧਨਾ ਮਾਨਸਿਕ ਸ਼ਾਂਤੀ, ਸਾਹਸ ਅਤੇ ਜੀਵਨ 'ਚ ਸਥਿਰਤਾ ਲਿਆਉਣ ਵਾਲੀ ਮੰਨੀ ਗਈ ਹੈ।

ਨੋਟ :- ਇਹ ਜਾਣਕਾਰੀ ਆਮ ਤੱਥਾਂ ਉਤੇ ਆਧਾਰਿਤ ਹੈ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।