4 ਰਾਸ਼ੀਆਂ ਦੀ ਚਮਕੇਗੀ ਕਿਸਮਤ, ਕੁੰਭ ਰਾਸ਼ੀ ''ਚ 4 ਗ੍ਰਹਿਆਂ ਦਾ ''ਮਹਾਮਿਲਨ''

ਨਵੀਂ ਦਿੱਲੀ : ਫਰਵਰੀ ਦਾ ਮਹੀਨਾ ਜੋਤਿਸ਼ ਦੇ ਨਜ਼ਰੀਏ ਤੋਂ ਬਹੁਤ ਮਹੱਤਵਪੂਰਨ ਸਾਬਤ ਹੋਣ ਵਾਲਾ ਹੈ। ਇਸ ਮਹੀਨੇ ਵਿੱਚ ਬੁੱਧ, ਸ਼ੁੱਕਰ, ਸੂਰਜ ਅਤੇ ਮੰਗਲ ਇੱਕੋ ਸਮੇਂ ਕੁੰਭ ਰਾਸ਼ੀ ਵਿੱਚ ਪ੍ਰਵੇਸ਼ ਕਰ ਰਹੇ ਹਨ। ਗ੍ਰਹਿਆਂ ਦਾ ਇਹ ਦੁਰਲੱਭ 'ਮਹਾਮਿਲਨ' ਸਮਾਜਿਕ ਤਬਦੀਲੀ, ਨਵੇਂ ਵਿਚਾਰਾਂ ਅਤੇ ਨਿੱਜੀ ਉੱਨਤੀ ਦਾ ਸੰਕੇਤ ਦੇ ਰਿਹਾ ਹੈ। ਜੋਤਿਸ਼ ਵਿਗਿਆਨ ਅਨੁਸਾਰ, ਇਹ ਖਾਸ ਸੰਯੋਗ 4 ਰਾਸ਼ੀਆਂ ਲਈ ਤਰੱਕੀ ਅਤੇ ਖੁਸ਼ੀਆਂ ਦੇ ਨਵੇਂ ਦਰਵਾਜ਼ੇ ਖੋਲ੍ਹਣ ਵਾਲਾ ਹੈ।

ਇਨ੍ਹਾਂ ਰਾਸ਼ੀਆਂ 'ਤੇ ਮਿਹਰਬਾਨ ਹੋਵੇਗੀ ਕਿਸਮਤ
ਮੇਖ ਰਾਸ਼ੀ (Aries): ਮੇਖ ਰਾਸ਼ੀ ਦੇ ਲੋਕਾਂ ਲਈ ਇਹ ਸਮਾਂ ਆਮਦਨ ਅਤੇ ਨੈਟਵਰਕਿੰਗ ਦੇ ਖੇਤਰ 'ਚ ਸ਼ਾਨਦਾਰ ਮੌਕੇ ਲੈ ਕੇ ਆਵੇਗਾ। ਪ੍ਰਭਾਵਸ਼ਾਲੀ ਲੋਕਾਂ ਨਾਲ ਮੁਲਾਕਾਤ ਹੋ ਸਕਦੀ ਹੈ ਜੋ ਕਰੀਅਰ ਨੂੰ ਨਵੀਂ ਉਚਾਈ 'ਤੇ ਲੈ ਜਾ ਸਕਦੇ ਹਨ। ਲੰਬੇ ਸਮੇਂ ਤੋਂ ਰੁਕੇ ਹੋਏ ਕੰਮ ਪੂਰੇ ਹੋਣ ਦੀ ਸੰਭਾਵਨਾ ਹੈ ਅਤੇ ਨਿਵੇਸ਼ ਲਈ ਇਹ ਸਮਾਂ ਅਨੁਕੂਲ ਰਹੇਗਾ।

• ਮਿਥੁਨ ਰਾਸ਼ੀ (Gemini): ਇਨ੍ਹਾਂ ਜਾਤਕਾਂ ਨੂੰ ਕਿਸਮਤ ਦਾ ਪੂਰਾ ਸਾਥ ਮਿਲੇਗਾ। ਸਿੱਖਿਆ, ਉਚੇਰੀ ਪੜ੍ਹਾਈ ਅਤੇ ਵਿਦੇਸ਼ ਯਾਤਰਾ ਦੇ ਮਾਮਲਿਆਂ ਵਿੱਚ ਸਕਾਰਾਤਮਕ ਨਤੀਜੇ ਦੇਖਣ ਨੂੰ ਮਿਲ ਸਕਦੇ ਹਨ। ਫੈਸਲੇ ਲੈਣ ਦੀ ਸਮਰੱਥਾ ਮਜ਼ਬੂਤ ਹੋਵੇਗੀ ਅਤੇ ਧਾਰਮਿਕ ਗਤੀਵਿਧੀਆਂ ਵਿੱਚ ਰੁਚੀ ਵਧਣ ਨਾਲ ਮਾਨਸਿਕ ਸ਼ਾਂਤੀ ਮਿਲੇਗੀ।

• ਤੁਲਾ ਰਾਸ਼ੀ (Libra): ਤੁਲਾ ਰਾਸ਼ੀ ਵਾਲਿਆਂ ਲਈ ਇਹ ਗ੍ਰਹਿ ਯੋਗ ਪ੍ਰੇਮ ਸਬੰਧਾਂ ਵਿੱਚ ਮਜ਼ਬੂਤੀ ਲਿਆਵੇਗਾ। ਕਲਾ, ਮੀਡੀਆ ਤੇ ਡਿਜ਼ਾਈਨ ਵਰਗੇ ਰਚਨਾਤਮਕ ਖੇਤਰਾਂ ਨਾਲ ਜੁੜੇ ਲੋਕਾਂ ਨੂੰ ਵਿਸ਼ੇਸ਼ ਸਫਲਤਾ ਮਿਲੇਗੀ। ਅਣਵਿਆਹੇ ਲੋਕਾਂ ਲਈ ਰਿਸ਼ਤੇ ਦੇ ਪ੍ਰਸਤਾਵ ਆ ਸਕਦੇ ਹਨ ਤੇ ਸੰਤਾਨ ਪੱਖ ਤੋਂ ਕੋਈ ਖੁਸ਼ਖਬਰੀ ਮਿਲ ਸਕਦੀ ਹੈ।

• ਧਨੁ ਰਾਸ਼ੀ (Sagittarius): ਇਸ ਰਾਸ਼ੀ ਦੇ ਲੋਕਾਂ 'ਚ ਆਤਮਵਿਸ਼ਵਾਸ ਅਤੇ ਸਾਹਸ ਵਧੇਗਾ। ਤੁਹਾਡੇ ਵਿਚਾਰਾਂ ਤੇ ਕੰਮ ਦੀ ਸ਼ਲਾਘਾ ਹੋਵੇਗੀ। ਕਾਰੋਬਾਰੀ ਸੌਦੇ ਅਤੇ ਛੋਟੀਆਂ ਯਾਤਰਾਵਾਂ ਫਾਇਦੇਮੰਦ ਸਾਬਤ ਹੋਣਗੀਆਂ। ਭੈਣ-ਭਰਾਵਾਂ ਨਾਲ ਸਬੰਧ ਮਜ਼ਬੂਤ ਹੋਣਗੇ ਅਤੇ ਤੁਸੀਂ ਮਹੱਤਵਪੂਰਨ ਫੈਸਲੇ ਲੈਣ ਵਿੱਚ ਭਰੋਸਾ ਮਹਿਸੂਸ ਕਰੋਗੇ। ਜੋਤਿਸ਼ ਮਾਹਿਰਾਂ ਅਨੁਸਾਰ, ਇਹ ਮਹਾਗ੍ਰਹਿ ਯੋਗ ਨਾ ਸਿਰਫ ਵਿਅਕਤੀਗਤ ਉੱਨਤੀ ਬਲਕਿ ਸਮੂਹਿਕ ਊਰਜਾ 'ਚ ਵੀ ਵੱਡਾ ਬਦਲਾਅ ਲਿਆਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e