ਵਾਸਤੂ ਟਿਪਸ: ਘਰ ਦੀਆਂ ਇਹ ਛੋਟੀਆਂ ਗਲਤੀਆਂ ਬਣ ਸਕਦੀਆਂ ਹਨ ਵੱਡੀਆਂ ਪਰੇਸ਼ਾਨੀਆਂ ਦਾ ਕਾਰਨ, ਅੱਜ ਹੀ ਕਰੋ ਸੁਧਾਰ

ਵੈੱਬ ਡੈਸਕ -  ਅਸੀਂ ਸਾਰੇ ਬੜੇ ਚਾਅ ਅਤੇ ਮਿਹਨਤ ਨਾਲ ਆਪਣਾ ਘਰ ਬਣਾਉਂਦੇ ਤੇ ਸਜਾਉਂਦੇ ਹਾਂ, ਪਰ ਕਈ ਵਾਰ ਅਣਜਾਣੇ 'ਚ ਕੀਤੀਆਂ ਕੁਝ ਛੋਟੀਆਂ ਗਲਤੀਆਂ ਸਾਡੀ ਕਿਸਮਤ ਅਤੇ ਜੀਵਨ 'ਤੇ ਨਕਾਰਾਤਮਕ ਪ੍ਰਭਾਵ ਪਾ ਸਕਦੀਆਂ ਹਨ। ਵਾਸਤੂ ਅਤੇ ਜਤਿਸ਼ ਸ਼ਾਸਤਰ ਅਨੁਸਾਰ, ਘਰ ਦੀਆਂ ਕੁਝ ਆਮ ਦਿਖਣ ਵਾਲੀਆਂ ਕਮੀਆਂ ਵੀ ਤੁਹਾਡੀ ਸਫਲਤਾ, ਸਿਹਤ ਅਤੇ ਰਿਸ਼ਤਿਆਂ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ। ਜੇਕਰ ਤੁਸੀਂ ਵੀ ਮਹਿਸੂਸ ਕਰਦੇ ਹੋ ਕਿ ਘਰ 'ਚ ਸਭ ਕੁਝ ਠੀਕ ਨਹੀਂ ਚੱਲ ਰਿਹਾ, ਤਾਂ ਇਨ੍ਹਾਂ ਗੱਲਾਂ ਵੱਲ ਤੁਰੰਤ ਧਿਆਨ ਦਿਓ :

ਮੁੱਖ ਦੁਆਰ ਦੀ ਹਾਲਤ
- ਘਰ ਦਾ ਮੁੱਖ ਦੁਆਰ ਸਕਾਰਾਤਮਕ ਅਤੇ ਨਕਾਰਾਤਮਕ ਊਰਜਾ ਦੇ ਆਉਣ ਦਾ ਮੁੱਖ ਰਸਤਾ ਹੁੰਦਾ ਹੈ। ਵਾਸਤੂ ਅਨੁਸਾਰ, ਜੇਕਰ ਮੁੱਖ ਦੁਆਰ 'ਤੇ ਹਨੇਰਾ ਰਹਿੰਦਾ ਹੈ, ਉਸ ਦਾ ਰੰਗ ਖਰਾਬ ਹੋ ਗਿਆ ਹੈ ਜਾਂ ਦਰਵਾਜ਼ਾ ਟੁੱਟਿਆ-ਭੱਜਿਆ ਹੈ, ਤਾਂ ਇਹ ਜੀਵਨ 'ਚ ਮੌਕਿਆਂ ਦੀ ਕਮੀ ਪੈਦਾ ਕਰ ਸਕਦਾ ਹੈ। ਇਸ ਨੂੰ ਹਮੇਸ਼ਾ ਸਾਫ਼, ਮਜ਼ਬੂਤ ਅਤੇ ਰੋਸ਼ਨੀ ਨਾਲ ਭਰਪੂਰ ਰੱਖਣਾ ਚਾਹੀਦਾ ਹੈ।

ਤਸਵੀਰਾਂ ਅਤੇ ਸਜਾਵਟ
- ਘਰ 'ਚ ਬਹੁਤ ਜ਼ਿਆਦਾ ਤਸਵੀਰਾਂ ਲਗਾਉਣਾ ਜਾਂ ਉਨ੍ਹਾਂ 'ਤੇ ਧੂੜ ਜੰਮਣ ਦੇਣਾ ਨਕਾਰਾਤਮਕਤਾ ਵਧਾਉਂਦਾ ਹੈ। ਫਿੱਕੇ ਪੈ ਚੁੱਕੇ ਚਿੱਤਰ ਘਰ 'ਚ ਬੇਵਜ੍ਹਾ ਵਿਵਾਦ ਅਤੇ ਤਣਾਅ ਪੈਦਾ ਕਰ ਸਕਦੇ ਹਨ। ਇਸ ਲਈ ਹਮੇਸ਼ਾ ਘੱਟ ਅਤੇ ਸਾਫ਼-ਸੁਥਰੀਆਂ ਤਸਵੀਰਾਂ ਹੀ ਲਗਾਓ।

ਖਿਲਰਿਆ ਹੋਇਆ ਸਾਮਾਨ
- ਘਰ 'ਚ ਕੱਪੜੇ, ਜੁੱਤੇ-ਚੱਪਲ ਜਾਂ ਹੋਰ ਸਾਮਾਨ ਇੱਧਰ-ਉੱਧਰ ਖਿਲਰਿਆ ਰਹਿਣਾ ਆਰਥਿਕ ਨੁਕਸਾਨ ਅਤੇ ਕਰੀਅਰ 'ਚ ਉਤਰਾਅ-ਚੜ੍ਹਾਅ ਦਾ ਕਾਰਨ ਬਣ ਸਕਦਾ ਹੈ। ਅਲਮਾਰੀ 'ਚ ਗੰਦੇ ਅਤੇ ਸਾਫ਼ ਕੱਪੜੇ ਇਕੱਠੇ ਰੱਖਣ ਤੋਂ ਵੀ ਪਰਹੇਜ਼ ਕਰਨਾ ਚਾਹੀਦਾ ਹੈ।

ਪਾਣੀ ਦੀ ਬਰਬਾਦੀ 
- ਜੇਕਰ ਤੁਹਾਡੇ ਘਰ ਦੇ ਨਲ ਟਪਕਦੇ ਰਹਿੰਦੇ ਹਨ ਜਾਂ ਲੋੜ ਤੋਂ ਵੱਧ ਪਾਣੀ ਬਰਬਾਦ ਹੁੰਦਾ ਹੈ, ਤਾਂ ਇਸ ਦਾ ਸਿੱਧਾ ਅਸਰ ਤੁਹਾਡੀ ਮਾਨਸਿਕ ਸਥਿਤੀ ਅਤੇ ਸਿਹਤ 'ਤੇ ਪੈ ਸਕਦਾ ਹੈ। ਖਰਾਬ ਨਲਾਂ ਨੂੰ ਤੁਰੰਤ ਠੀਕ ਕਰਵਾਉਣਾ ਬੇਹੱਦ ਜ਼ਰੂਰੀ ਹੈ।

ਬੇਕਾਰ ਅਤੇ ਅਣਵਰਤਿਆ ਸਾਮਾਨ
- ਪੁਰਾਣੇ ਕੱਪੜੇ, ਟੁੱਟਿਆ ਹੋਇਆ ਸਾਮਾਨ ਜਾਂ ਅਜਿਹੀਆਂ ਚੀਜ਼ਾਂ ਜਿਨ੍ਹਾਂ ਦੀ ਵਰਤੋਂ ਨਹੀਂ ਹੁੰਦੀ, ਘਰ 'ਚ ਰੱਖਣ ਨਾਲ ਮਾਨਸਿਕ ਤਣਾਅ ਅਤੇ ਬਿਮਾਰੀਆਂ ਵਧਦੀਆਂ ਹਨ। ਸਮੇਂ-ਸਮੇਂ 'ਤੇ ਘਰ ਦੀ ਸਫਾਈ ਕਰਕੇ ਅਜਿਹੀਆਂ ਫਾਲਤੂ ਚੀਜ਼ਾਂ ਨੂੰ ਬਾਹਰ ਕੱਢ ਦੇਣਾ ਚਾਹੀਦਾ ਹੈ।

ਰੋਸ਼ਨੀ ਦੀ ਘਾਟ
- ਘਰ ਦੇ ਕੁਝ ਹਿੱਸਿਆਂ 'ਚ ਹਨੇਰਾ ਰਹਿਣਾ ਜਾਂ ਖਰਾਬ ਬਲਬਾਂ ਨੂੰ ਲੰਬੇ ਸਮੇਂ ਤੱਕ ਨਾ ਬਦਲਣਾ ਨਕਾਰਾਤਮਕਤਾ ਨੂੰ ਸੱਦਾ ਦਿੰਦਾ ਹੈ। ਘਰ ਦੇ ਹਰ ਕੋਨੇ 'ਚ ਲੋੜੀਂਦੀ ਰੋਸ਼ਨੀ ਹੋਣੀ ਚਾਹੀਦੀ ਹੈ ਅਤੇ ਖਰਾਬ ਇਲੈਕਟ੍ਰਾਨਿਕ ਉਪਕਰਣਾਂ ਨੂੰ ਤੁਰੰਤ ਹਟਾ ਦੇਣਾ ਚਾਹੀਦਾ ਹੈ।

 ਦਰਵਾਜ਼ਿਆਂ ਦੀ ਆਵਾਜ਼
- ਜੇਕਰ ਘਰ ਦੇ ਦਰਵਾਜ਼ੇ ਖੁੱਲ੍ਹਣ ਜਾਂ ਬੰਦ ਹੋਣ ਵੇਲੇ ਆਵਾਜ਼ ਕਰਦੇ ਹਨ, ਤਾਂ ਇਹ ਰਿਸ਼ਤਿਆਂ 'ਚ ਖਟਾਸ ਪੈਦਾ ਕਰ ਸਕਦਾ ਹੈ। ਦਰਵਾਜ਼ਿਆਂ ਨੂੰ ਸਹੀ ਸਥਿਤੀ ਵਿੱਚ ਰੱਖਣਾ ਅਤੇ ਉਨ੍ਹਾਂ ਦੀ ਦਿਸ਼ਾ 'ਤੇ ਧਿਆਨ ਦੇਣਾ ਪਰਿਵਾਰਕ ਸ਼ਾਂਤੀ ਲਈ ਜ਼ਰੂਰੀ ਹੈ।

ਇਨ੍ਹਾਂ ਛੋਟੀਆਂ ਪਰ ਅਹਿਮ ਗੱਲਾਂ ਦਾ ਧਿਆਨ ਰੱਖ ਕੇ ਤੁਸੀਂ ਆਪਣੇ ਘਰ ਵਿੱਚ ਸੁੱਖ-ਸ਼ਾਂਤੀ ਅਤੇ ਖੁਸ਼ਹਾਲੀ ਲਿਆ ਸਕਦੇ ਹੋ।