ਵੈੱਬ ਡੈਸਕ - ਹਿੰਦੂ ਪੰਚਾਂਗ ਅਨੁਸਾਰ, ਖਰਮਾਸ 14 ਅਪ੍ਰੈਲ 2026 ਭਾਵ ਕਿ ਅੱਜ ਸਮਾਪਤ ਹੋ ਰਿਹਾ ਹੈ, ਜਿਸ ਨਾਲ ਪਿਛਲੇ ਇਕ ਮਹੀਨੇ ਤੋਂ ਰੁਕੇ ਹੋਏ ਸਾਰੇ ਸ਼ੁਭ ਅਤੇ ਮਾਂਗਲਿਕ ਕਾਰਜਾਂ ਦੀ ਸ਼ੁਰੂਆਤ ਮੁੜ ਹੋ ਜਾਵੇਗੀ। 15 ਅਪ੍ਰੈਲ ਤੋਂ ਦੇਸ਼ ਭਰ 'ਚ ਵਿਆਹ-ਸ਼ਾਦੀਆਂ, ਗ੍ਰਹਿ ਪ੍ਰਵੇਸ਼, ਜਨੇਊ ਅਤੇ ਨਵੇਂ ਕੰਮਾਂ ਦੀ ਸ਼ੁਰੂਆਤ ਦਾ ਸਿਲਸਿਲਾ ਮੁੜ ਤੇਜ਼ ਹੋ ਜਾਵੇਗਾ।

ਕਿਉਂ ਰੁਕੇ ਹੋਏ ਸਨ ਸ਼ੁਭ ਕੰਮ?

ਜੋਤਿਸ਼ ਮਾਨਤਾਵਾਂ ਦੇ ਅਨੁਸਾਰ, ਜਦੋਂ ਸੂਰਜ ਦੇਵ ਗੁਰੂ ਬ੍ਰਹਸਪਤੀ ਦੀਆਂ ਰਾਸ਼ੀਆਂ ਮੀਨ ਜਾਂ ਧਨੁ 'ਚ ਪ੍ਰਵੇਸ਼ ਕਰਦੇ ਹਨ, ਤਾਂ ਖਰਮਾਸ ਲੱਗਦਾ ਹੈ। ਇਸ ਵਾਰ ਇਹ ਸਮਾਂ 15 ਮਾਰਚ ਤੋਂ ਸ਼ੁਰੂ ਹੋ ਕੇ 14 ਅਪ੍ਰੈਲ ਤੱਕ ਰਿਹਾ। ਮੰਨਿਆ ਜਾਂਦਾ ਹੈ ਕਿ ਇਸ ਦੌਰਾਨ ਸੂਰਜ ਦੀ ਸਥਿਤੀ ਕਮਜ਼ੋਰ ਹੁੰਦੀ ਹੈ, ਇਸ ਲਈ ਵਿਆਹ, ਮੁੰਡਨ ਜਾਂ ਨਵੇਂ ਕਾਰੋਬਾਰ ਵਰਗੇ ਸ਼ੁਭ ਕੰਮਾਂ ਤੋਂ ਬਚਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਮੇਖ ਸੰਗਰਾਂਦ ਨਾਲ ਬਦਲੇਗੀ ਸਥਿਤੀ

14 ਅਪ੍ਰੈਲ ਨੂੰ ਸੂਰਜ ਮੀਨ ਰਾਸ਼ੀ ਤੋਂ ਨਿਕਲ ਕੇ ਮੇਖ ਰਾਸ਼ੀ 'ਚ ਪ੍ਰਵੇਸ਼ ਕਰੇਗਾ, ਜਿਸ ਨੂੰ ਮੇਖ ਸੰਗਰਾਂਦ ਕਿਹਾ ਜਾਂਦਾ ਹੈ। ਜੋਤਿਸ਼ ਸ਼ਾਸਤਰ 'ਚ ਮੇਖ ਰਾਸ਼ੀ 'ਚ ਸੂਰਜ ਨੂੰ ਉੱਚਾ ਮੰਨਿਆ ਗਿਆ ਹੈ, ਇਸ ਲਈ ਇਸ ਦਿਨ ਤੋਂ ਬਾਅਦ ਸ਼ੁਭ ਕੰਮਾਂ ਲਈ ਅਨੁਕੂਲ ਸਮਾਂ ਸ਼ੁਰੂ ਹੋ ਜਾਂਦਾ ਹੈ।

ਸਾਲ 2026 ਦੇ ਵਿਆਹਾਂ ਦੇ ਸ਼ੁਭ ਮਹੂਰਤ :-

ਸਾਲ 2026 'ਚ ਵਿਆਹਾਂ ਲਈ ਕੁੱਲ 57 ਸ਼ੁਭ ਮਹੂਰਤ ਮਿਲਣਗੇ, ਜੋ ਕਿ ਸਾਲ 2025 (46 ਮਹੂਰਤ) ਦੇ ਮੁਕਾਬਲੇ ਕਿਤੇ ਜ਼ਿਆਦਾ ਹਨ।

ਅਪ੍ਰੈਲ - 15, 20 ਅਤੇ 29 ਤਰੀਕ ਨੂੰ ਵਿਆਹ ਦੇ ਚੰਗੇ ਯੋਗ ਹਨ।
ਮਈ - 1, 4, 11, 13 ਅਤੇ 14 ਤਰੀਕ (ਮਈ ਮਹੀਨੇ 'ਚ ਕੁੱਲ 11 ਦਿਨ ਸ਼ੁਭ ਹਨ)।
ਜੂਨ - 17, 24, 25 ਅਤੇ 27 ਤਰੀਕ (ਜੂਨ ਵਿੱਚ ਸਭ ਤੋਂ ਵੱਧ 12 ਦਿਨ ਸ਼ੁਭ ਹਨ)।
ਜੁਲਾਈ - 1, 2, 4 ਅਤੇ 15 ਤਰੀਕ।
ਨਵੰਬਰ - 20, 21, 24, 25, 26, 27 ਅਤੇ 30 ਤਰੀਕ।
ਦਸੰਬਰ - 1 ਤੋਂ 6 ਤਰੀਕ ਤੱਕ ਅਤੇ ਫਿਰ 9 ਤੋਂ 13 ਤਰੀਕ ਤੱਕ ਕਈ ਸ਼ੁਭ ਦਿਨ ਉਪਲਬਧ ਰਹਿਣਗੇ।

ਧਿਆਨ ਦੇਣ ਯੋਗ ਹੈ ਕਿ ਅਗਸਤ, ਸਤੰਬਰ ਅਤੇ ਅਕਤੂਬਰ ਮਹੀਨਿਆਂ 'ਚ ਵਿਆਹ ਲਈ ਕੋਈ ਵੀ ਸ਼ੁਭ ਮਹੂਰਤ ਨਹੀਂ ਹੋਵੇਗਾ। ਇਸ ਲਈ ਜਿਨ੍ਹਾਂ ਪਰਿਵਾਰਾਂ 'ਚ ਵਿਆਹ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ, ਉਨ੍ਹਾਂ ਲਈ ਮਈ ਅਤੇ ਜੂਨ ਦੇ ਮਹੀਨੇ ਸਭ ਤੋਂ ਵੱਧ ਮੌਕੇ ਪ੍ਰਦਾਨ ਕਰਨਗੇ।