ਘਰ ''ਚ ਆਵੇਗੀ ਸੁੱਖ-ਸਮ੍ਰਿੱਧੀ: ਇਸ ਨਵਰਾਤਰੀ 9 ਦਿਨਾਂ ''ਚ ਪਹਿਨੋ ਇਹ 9 ਖਾਸ ਰੰਗ ਦੇ ਕਪੜੇ
10/10/2026 7:52:04 PM
ਨਵੀਂ ਦਿੱਲੀ — ਧਾਰਮਿਕ ਮਾਨਤਾਵਾਂ ਅਨੁਸਾਰ ਸ਼ਾਰਦੀਆ ਨਵਰਾਤਰੀ 2026 ਦਾ ਪਵਿੱਤਰ ਤਿਉਹਾਰ ਭਲਕੇ 11 ਅਕਤੂਬਰ (ਐਤਵਾਰ) ਤੋਂ ਸ਼ੁਰੂ ਹੋ ਕੇ 19 ਅਕਤੂਬਰ (ਸੋਮਵਾਰ) ਤੱਕ ਮਨਾਇਆ ਜਾਵੇਗਾ। ਨਵਰਾਤਰੀ ਦੇ ਇਨ੍ਹਾਂ ਨੌਂ ਦਿਨਾਂ ਵਿੱਚ ਮਾਂ ਦੁਰਗਾ ਦੇ ਨੌਂ ਵੱਖ-ਵੱਖ ਸਰੂਪਾਂ ਦੀ ਪੂਜਾ ਕੀਤੀ ਜਾਂਦੀ ਹੈ, ਜੋ ਸ਼ਕਤੀ, ਸਾਹਸ, ਸੁੱਖ-ਸਮ੍ਰਿੱਧੀ ਅਤੇ ਸਕਰਾਤਮਕ ਊਰਜਾ ਦਾ ਪ੍ਰਤੀਕ ਮੰਨੇ ਜਾਂਦੇ ਹਨ। ਇਸ ਦੌਰਾਨ ਪੂਜਾ-ਪਾਠ ਤੋਂ ਇਲਾਵਾ ਹਰ ਦਿਨ ਖਾਸ ਰੰਗ ਦੇ ਕੱਪੜੇ ਪਹਿਨਣ ਦੀ ਵੀ ਪਰੰਪਰਾ ਹੈ, ਜਿਸ ਨੂੰ ਬਹੁਤ ਸੁਭ ਮੰਨਿਆ ਜਾਂਦਾ ਹੈ।
ਨਵਰਾਤਰੀ ਦੇ 9 ਦਿਨ ਅਤੇ ਸੁਭ ਰੰਗਾਂ ਦੀ ਸੂਚੀ:
ਪਹਿਲਾ ਦਿਨ (11 ਅਕਤੂਬਰ, ਐਤਵਾਰ): ਇਸ ਦਿਨ ਮਾਂ ਸ਼ੈਲਪੁਤਰੀ ਦੀ ਪੂਜਾ ਹੁੰਦੀ ਹੈ। ਮਾਂ ਸ਼ੈਲਪੁਤਰੀ ਦੀ ਆਰਾਧਨਾ ਲਈ ਪੀਲਾ ਰੰਗ (Yellow) ਪਹਿਨਣਾ ਸੁਭ ਮੰਨਿਆ ਜਾਂਦਾ ਹੈ।
ਦੂਜਾ ਦਿਨ (12 ਅਕਤੂਬਰ, ਸੋਮਵਾਰ): ਦੂਜੇ ਦਿਨ ਤਪ ਅਤੇ ਸੰਯਮ ਦੀ ਦੇਵੀ ਮਾਂ ਬ੍ਰਹਮਚਾਰਿਣੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਸ ਦਿਨ ਹਰਾ ਰੰਗ (Green) ਪਹਿਨਣਾ ਉੱਤਮ ਮੰਨਿਆ ਗਿਆ ਹੈ।
ਤੀਜਾ ਦਿਨ (13 ਅਕਤੂਬਰ, ਮੰਗਲਵਾਰ): ਇਸ ਦਿਨ ਸਾਹਸ ਅਤੇ ਸ਼ਾਂਤੀ ਦੀ ਦੇਵੀ ਮਾਂ ਚੰਦਰਘੰਟਾ ਦੀ ਆਰਾਧਨਾ ਹੁੰਦੀ ਹੈ। ਇਸ ਦਿਨ ਗ੍ਰੇ/ਸਲੇਟੀ ਰੰਗ (Grey) ਦੇ ਕੱਪੜੇ ਪਹਿਨਣਾ ਸੁਭ ਹੁੰਦਾ ਹੈ।
ਚੌਥਾ ਦਿਨ (14 ਅਕਤੂਬਰ, ਬੁੱਧਵਾਰ): ਚੌਥੇ ਦਿਨ ਮਾਂ ਕੁਸ਼ਮਾਂਡਾ ਦੀ ਪੂਜਾ ਹੁੰਦੀ ਹੈ, ਜੋ ਦੁੱਖਾਂ ਨੂੰ ਦੂਰ ਕਰਦੀ ਹੈ। ਇਸ ਦਿਨ ਨਾਰੰਗੀ ਰੰਗ (Orange) ਪਹਿਨਣਾ ਸਕਰਾਤਮਕਤਾ ਦਾ ਪ੍ਰਤੀਕ ਹੈ।
ਪੰਜਵਾਂ ਦਿਨ (15 ਅਕਤੂਬਰ, ਵੀਰਵਾਰ): ਪੰਜਵੇਂ ਦਿਨ ਮਮਤਾ ਦੀ ਮੂਰਤ ਮਾਂ ਸਕੰਦਮਾਤਾ ਦੀ ਪੂਜਾ ਹੁੰਦੀ ਹੈ। ਇਸ ਦਿਨ ਸ਼ਾਂਤੀ ਅਤੇ ਪਵਿੱਤਰਤਾ ਦਾ ਪ੍ਰਤੀਕ ਚਿੱਟਾ ਰੰਗ (White) ਪਹਿਨਣਾ ਚੰਗਾ ਮੰਨਿਆ ਜਾਂਦਾ ਹੈ।
ਛੇਵਾਂ ਦਿਨ (16 ਅਕਤੂਬਰ, ਸ਼ੁੱਕਰਵਾਰ): ਛੇਵੇਂ ਦਿਨ ਮਾਂ ਕਾਤਿਆਯਨੀ ਦੀ ਆਰਾਧਨਾ ਹੁੰਦੀ ਹੈ। ਇਸ ਦਿਨ ਲਾਲ/ਹਰਾ ਰੰਗ (Red/Green) ਪਹਿਨਣਾ ਸੁਭ ਮੰਨਿਆ ਜਾਂਦਾ ਹੈ।
ਸੱਤਵਾਂ ਦਿਨ (17 ਅਕਤੂਬਰ, ਸ਼ਨੀਵਾਰ): ਸੱਤਵੇਂ ਦਿਨ ਬੁਰਾਈ ਦਾ ਨਾਸ ਕਰਨ ਵਾਲੀ ਮਾਂ ਕਾਲਰਾਤਰੀ ਦੀ ਪੂਜਾ ਹੁੰਦੀ ਹੈ। ਇਸ ਦਿਨ ਨੀਲਾ ਰੰਗ (Blue) ਪਹਿਨਣਾ ਸੁਭ ਹੁੰਦਾ ਹੈ।
ਅੱਠਵਾਂ ਦਿਨ (18 ਅਕਤੂਬਰ, ਐਤਵਾਰ): ਅੱਠਵੇਂ ਦਿਨ ਮਾਂ ਮਹਾਗੌਰੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਸ ਦਿਨ ਗੁਲਾਬੀ ਰੰਗ (Pink) ਦੇ ਕੱਪੜੇ ਪਹਿਨਣਾ ਸੁਭ ਮੰਨਿਆ ਜਾਂਦਾ ਹੈ।
ਨੌਵਾਂ ਦਿਨ (19 ਅਕਤੂਬਰ, ਸੋਮਵਾਰ): ਨਵਰਾਤਰੀ ਦੇ ਆਖਰੀ ਦਿਨ ਗਿਆਨ ਅਤੇ ਸਿੱਧੀ ਦੇਣ ਵਾਲੀ ਮਾਂ ਸਿੱਧੀਦਾਤਰੀ ਦੀ ਪੂਜਾ ਹੁੰਦੀ ਹੈ। ਇਸ ਦਿਨ ਬੈਂਗਣੀ ਰੰਗ (Purple) ਪਹਿਨਣਾ ਸੁਭ ਹੁੰਦਾ ਹੈ।
