ਨਹੀਂ ਜਾ ਰਹੀ ਆਰਥਿਕ ਤੰਗੀ ? ਚੈੱਕ ਕਰੋ ਆਪਣਾ ਪਰਸ, ਕਿਤੇ ਇਹ ਚੀਜ਼ਾਂ ਤਾਂ ਨਹੀਂ ਰੋਕ ਰਹੀਆਂ ਤੁਹਾਡੀ ਤਰੱਕੀ

ਵੈੱਬ ਡੈਸਕ- ਵਾਸਤੂ ਅਤੇ ਜੋਤਿਸ਼ ਵਿਗਿਆਨ ਅਨੁਸਾਰ ਪਰਸ ਸਿਰਫ਼ ਪੈਸੇ ਰੱਖਣ ਦੀ ਜਗ੍ਹਾ ਨਹੀਂ, ਬਲਕਿ ਖੁਸ਼ਹਾਲੀ ਅਤੇ ਊਰਜਾ ਦਾ ਪ੍ਰਤੀਕ ਹੁੰਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਪਰਸ 'ਚ ਰੱਖੀਆਂ ਛੋਟੀਆਂ-ਛੋਟੀਆਂ ਵਸਤਾਂ ਵੀ ਕਿਸੇ ਵਿਅਕਤੀ ਦੀ ਕਿਸਮਤ, ਆਰਥਿਕ ਹਾਲਤ ਅਤੇ ਤਰੱਕੀ ‘ਤੇ ਪ੍ਰਭਾਵ ਪਾਉਂਦੀਆਂ ਹਨ। ਇਸੇ ਲਈ ਪਰਸ 'ਚ ਕੀ ਰੱਖਣਾ ਹੈ ਅਤੇ ਕੀ ਨਹੀਂ—ਇਹ ਜਾਣਨਾ ਬਹੁਤ ਜ਼ਰੂਰੀ ਹੈ।

ਊਰਜਾ ਨੂੰ ਵੀ ਆਕਰਸ਼ਿਤ ਕਰਦਾ ਹੈ ਪਰਸ 

ਵਾਸਤੂ ਅਨੁਸਾਰ ਪਰਸ 'ਚ ਹਰ ਚੀਜ਼ ਦੀ ਆਪਣੀ ਊਰਜਾ ਹੁੰਦੀ ਹੈ। ਕੁਝ ਵਸਤਾਂ ਪਾਜ਼ੇਟਿਵਿਟੀ ਅਤੇ ਤਰੱਕੀ ਲਿਆਉਂਦੀਆਂ ਹਨ, ਜਦਕਿ ਕੁਝ ਨਕਾਰਾਤਮਕਤਾ ਅਤੇ ਰੁਕਾਵਟ ਪੈਦਾ ਕਰਦੀਆਂ ਹਨ। ਇਸੇ ਕਾਰਨ ਪਰਸ ਨੂੰ ਸਾਫ਼-ਸੁਥਰਾ ਅਤੇ ਸੰਗਠਿਤ ਰੱਖਣਾ ਸ਼ੁੱਭ ਮੰਨਿਆ ਜਾਂਦਾ ਹੈ।

ਪਰਸ 'ਚ ਦਵਾਈਆਂ ਰੱਖਣਾ ਹੁੰਦਾ ਹੈ ਅਸ਼ੁੱਭ

ਵਾਸਤੂ ਮਾਹਿਰਾਂ ਦੇ ਮੁਤਾਬਕ ਪਰਸ 'ਚ ਦਵਾਈਆਂ ਰੱਖਣਾ ਬਿਲਕੁਲ ਵੀ ਠੀਕ ਨਹੀਂ। ਇਸ ਨਾਲ ਨਕਾਰਾਤਮਕ ਊਰਜਾ ਵਧਦੀ ਹੈ, ਆਰਥਿਕ ਨੁਕਸਾਨ ਦੇ ਚਾਂਸ ਵੱਧ ਜਾਂਦੇ ਹਨ, ਤਰੱਕੀ ਦੀ ਗਤੀ ਹੌਲੀ ਪੈ ਸਕਦੀ ਹੈ।

ਪੁਰਾਣੇ ਬਿੱਲ ਅਤੇ ਰਸੀਦਾਂ ਬਣਦੀਆਂ ਹਨ ਰੁਕਾਵਟਾਂ

ਬਹੁਤ ਲੋਕ ਪਰਸ 'ਚ ਬਿੱਲ, ਰਸੀਦਾਂ, ਕਾਗਜ਼ ਆਦਿ ਇਕੱਠੇ ਕਰ ਲੈਂਦੇ ਹਨ। ਵਾਸਤੂ ਅਨੁਸਾਰ ਇਹ ਵਸਤਾਂ ਨੇਗੇਟਿਵ ਊਰਜਾ ਪੈਦਾ ਕਰਦੀਆਂ ਹਨ ਅਤੇ ਪੈਸੇ ਦੇ ਰਾਹ 'ਚ ਰੁਕਾਵਟ ਬਣਦੀਆਂ ਹਨ। ਅਜਿਹੇ ਕਾਗਜ਼ ਪਰਸ ਦੀ ਊਰਜਾ ਅਤੇ ਸਪੇਸ ਦੋਵਾਂ ਨੂੰ ਪ੍ਰਭਾਵਿਤ ਕਰਦੇ ਹਨ।

ਫੱਟੇ ਜਾਂ ਗੰਦਲੇ ਨੋਟ ਲਿਆਉਂਦੇ ਹਨ ਧਨ ਹਾਨੀ

ਪਰਸ 'ਚ ਫੱਟੇ ਜਾਂ ਗੰਦੇ ਨੋਟ ਰੱਖਣਾ ਅਸ਼ੁੱਭ ਮੰਨਿਆ ਗਿਆ ਹੈ। ਇਹ ਆਰਥਿਕ ਨੁਕਸਾਨ ਦਾ ਸੰਕੇਤ ਹੁੰਦੇ ਹਨ ਅਤੇ ਧਨ ਦੀ ਬਰਕਤ ਨੂੰ ਘਟਾਉਂਦੇ ਹਨ। ਇਸ ਲਈ ਅਜਿਹੇ ਨੋਟ ਤੁਰੰਤ ਪਰਸ ਤੋਂ ਹਟਾ ਦੇਣੇ ਚਾਹੀਦੇ ਹਨ।

ਪੁਰਾਣੀਆਂ ਚਾਬੀਆਂ ਅਤੇ ਧਾਤੂ ਵਸਤਾਂ ਰੋਕਦੀਆਂ ਹਨ ਖੁਸ਼ਹਾਲੀ

ਪਰਸ 'ਚ ਰੱਖੀਆਂ ਪੁਰਾਣੀਆਂ ਚਾਬੀਆਂ, ਜੰਗ ਲੱਗੇ ਸਿੱਕੇ, ਸੇਫ਼ਟੀ ਪਿਨ ਜਾਂ ਹੋਰ ਬੇਕਾਰ ਧਾਤੂ ਵਸਤਾਂ ਤਰੱਕੀ ਦੇ ਰਾਹ 'ਚ ਰੁਕਾਵਟ ਬਣਦੀਆਂ ਹਨ। ਇਸ ਨਾਲ ਧਨ ਦਾ ਪ੍ਰਵਾਹ ਰੁਕਦਾ ਹੈ ਅਤੇ ਨਕਾਰਾਤਮਕ ਵਾਤਾਵਰਣ ਪੈਦਾ ਹੁੰਦਾ ਹੈ।

ਨੋਟ : ਇਸ ਖ਼ਬਰ 'ਚ ਦਿੱਤੀ ਗਈ ਜਾਣਕਾਰੀ ਸਿਰਫ ਧਾਰਨਾਵਾਂ 'ਤੇ ਅਧਾਰਤ ਹੈ। ਇੱਥੇ ਤੁਹਾਨੂੰ ਇਹ ਦੱਸਣਾ ਜ਼ਰੂਰੀ ਹੈ ਕਿ ਜਗ ਬਾਣੀ ਕਿਸੇ ਵੀ ਤਰ੍ਹਾਂ ਦੀ ਮਾਨਤਾ, ਜਾਣਕਾਰੀ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।