ਵਾਸਤੂ ਸ਼ਾਸਤਰ: ਘਰ ''ਚ ਲਗਾਓ ਮਨੀ ਪਲਾਂਟ ਸਣੇ ਇਹ ਬੂਟੇ, ਚਮਕ ਸਕਦੀ ਹੈ ਤੁਹਾਡੀ ਕਿਸਮਤ
5/9/2023 4:24:01 PM
ਜਲੰਧਰ (ਬਿਊਰੋ) - ਘਰ 'ਚ ਲਗਾਏ ਗਏ ਬੂਟੇ ਘਰ ਦੇ ਵਾਤਾਵਰਣ ਨੂੰ ਸ਼ੁੱਧ ਕਰਦੇ ਹਨ। ਕੁਝ ਬੂਟੇ ਅਜਿਹੇ ਵੀ ਹਨ, ਜੋ ਵਾਤਾਵਰਣ ਦੇ ਨਾਲ-ਨਾਲ ਤੁਹਾਡੀ ਕਿਸਮਤ ਨੂੰ ਵੀ ਚਮਕਾ ਸਕਦੇ ਹਨ। ਵਾਸਤੂ ਸ਼ਾਸਤਰ ਅਨੁਸਾਰ ਘਰ 'ਚ ਮਨੀ ਪਲਾਂਟ ਲਗਾਉਣ ਨਾਲ ਸੁਖ-ਸ਼ਾਂਤੀ ਦੇ ਨਾਲ-ਨਾਲ ਧਨ ਵਿੱਚ ਵਾਧਾ ਹੁੰਦਾ ਹੈ। ਇਸ ਤੋਂ ਇਲਾਵਾ ਕੁਝ ਹੋਰ ਵੀ ਬੂਟੇ ਅਜਿਹੇ ਹਨ, ਜੋ ਤੁਹਾਡੀ ਜ਼ਿੰਦਗੀ ਵਿੱਚ ਖੁਸ਼ਹਾਲੀ ਲਿਆਉਣ ਵਿੱਚ ਮਦਦ ਕਰਦੇ ਹਨ। ਇਹ ਬੂਟੇ ਨਾ ਸਿਰਫ਼ ਤੁਹਾਡੀਆਂ ਆਰਥਿਕ ਸਮੱਸਿਆਵਾਂ ਨੂੰ ਦੂਰ ਕਰਦੇ ਹਨ ਸਗੋਂ ਤੁਹਾਡੀ ਸਿਹਤ ਅਤੇ ਭਵਿੱਖ ਲਈ ਵੀ ਫ਼ਾਇਦੇਮੰਦ ਹਨ। ਆਓ ਜਾਣਦੇ ਹਾਂ ਉਨ੍ਹਾਂ ਖ਼ਾਸ ਪੌਦਿਆਂ ਬਾਰੇ, ਜਿਨ੍ਹਾਂ ਨੂੰ ਵਾਸਤੂ ਮੁਤਾਬਕ ਸ਼ੁਭ ਮੰਨਿਆ ਜਾਂਦਾ ਹੈ....
ਹਲਦੀ ਦਾ ਪੌਦਾ
ਇਹ ਪੌਦਾ ਘਰ ਨੂੰ ਨਕਾਰਾਤਮਕ ਊਰਜਾ ਤੋਂ ਦੂਰ ਰੱਖਦਾ ਹੈ। ਜਿਨ੍ਹਾਂ ਲੋਕਾਂ ਦੇ ਵਿਹੜੇ 'ਚ ਹਲਦੀ ਦਾ ਬੂਟਾ ਹੁੰਦਾ ਹੈ, ਉਹ ਮਾਨਸਿਕ ਅਤੇ ਸਰੀਰਕ ਤੌਰ 'ਤੇ ਬਹੁਤ ਮਜ਼ਬੂਤ ਹੁੰਦੇ ਹਨ।
ਨਾਰੀਅਲ ਦਾ ਰੁੱਖ
ਵਾਸਤੂ ਅਨੁਸਾਰ ਨਾਰੀਅਲ ਦਾ ਦਰੱਖ਼ਤ ਵੀ ਤੁਹਾਡੀ ਇੱਜ਼ਤ ਅਤੇ ਮਾਣ ਵਧਾਉਂਦਾ ਹੈ। ਜਿਸ ਘਰ 'ਚ ਨਾਰੀਅਲ ਦਾ ਦਰੱਖ਼ਤ ਹੋਵੇ, ਉਨ੍ਹਾਂ ਨੂੰ ਕੰਮ 'ਚ ਵੀ ਸਫ਼ਲਤਾ ਮਿਲਦੀ ਹੈ।
ਕ੍ਰਿਸ਼ਨਾ ਕਾਂਤਾ ਦਾ ਬੂਟਾ
ਕ੍ਰਿਸ਼ਨਕਾਂਤਾ ਦੇ ਫੁੱਲਾਂ ਨੂੰ ਲਕਸ਼ਮੀ ਦਾ ਰੂਪ ਮੰਨਿਆ ਜਾਂਦਾ ਹੈ। ਇਹ ਪੌਦਾ ਘਰ ਦੀ ਆਰਥਿਕ ਸਥਿਤੀ ਨੂੰ ਵੀ ਮਜ਼ਬੂਤ ਕਰਦਾ ਹੈ। ਨਾਲ ਹੀ, ਇਸ ਦੀ ਖੁਸ਼ਬੂ ਘਰ ਨੂੰ ਹਮੇਸ਼ਾ ਮਹਿਕ ਦਿੰਦੀ ਹੈ।
ਅਸ਼ੋਕ ਦਾ ਰੁੱਖ
ਇਹ ਰੁੱਖ ਬੱਚਿਆਂ ਲਈ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਜਿਸ ਘਰ ਵਿੱਚ ਅਸ਼ੋਕ ਦਾ ਰੁੱਖ ਹੁੰਦਾ ਹੈ, ਉੱਥੇ ਬੱਚਿਆਂ ਦਾ ਮਾਨਸਿਕ ਅਤੇ ਸਰੀਰਕ ਵਿਕਾਸ ਬਹੁਤ ਵਧੀਆ ਹੁੰਦਾ ਹੈ।
ਆਂਵਲਾ
ਹਿੰਦੂ ਧਰਮ ਵਿੱਚ ਆਂਵਲੇ ਦੇ ਪੌਦੇ ਨੂੰ ਸ਼ੁੱਧ ਮੰਨਿਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਆਂਵਲੇ ਦੇ ਬੂਟੇ ਨੂੰ ਘਰ 'ਚ ਰੱਖਣ ਨਾਲ ਵਿਅਕਤੀ ਦੀ ਸਿਹਤ ਹਮੇਸ਼ਾ ਠੀਕ ਰਹਿੰਦੀ ਹੈ ਅਤੇ ਇਸ ਨਾਲ ਸਕਾਰਾਤਮਕ ਊਰਜਾ ਵੀ ਮਿਲਦੀ ਹੈ।
ਮੈਰੀਗੋਲਡ
ਜੋਤਿਸ਼ ਸ਼ਾਸਤਰ ਅਨੁਸਾਰ ਘਰ ਵਿੱਚ ਮੈਰੀਗੋਲਡ ਦਾ ਬੂਟਾ ਲਗਾਉਣ ਨਾਲ ਤੁਹਾਡਾ ਜੁਪੀਟਰ ਮਜ਼ਬੂਤ ਹੁੰਦਾ ਹੈ, ਜੋ ਤੁਹਾਡੇ ਵਿਆਹੁਤਾ ਜੀਵਨ ਨੂੰ ਹੋਰ ਖੁਸ਼ਹਾਲ ਬਣਾਉਣ ਵਿੱਚ ਮਦਦ ਕਰਦਾ ਹੈ।
