Navratri 2022 : ਚੇਤਰ ਨਵਰਾਤਰੀ 'ਚ ਜ਼ਰੂਰ ਕਰੋ ਇਹ ਕੰਮ, ਸਾਲ ਭਰ ਮਿਲੇਗਾ ਮਾਂ ਦੁਰਗਾ ਦਾ ਆਸ਼ੀਰਵਾਦ
4/3/2022 4:06:40 PM
ਨਵੀਂ ਦਿੱਲੀ - ਚੇਤਰ ਨਵਰਾਤਰੀ ਹਿੰਦੂ ਧਰਮ ਦੇ ਸਭ ਤੋਂ ਮਹੱਤਵਪੂਰਨ ਤਿਉਹਾਰਾਂ ਵਿੱਚੋਂ ਇੱਕ ਹੈ। ਨੌਂ ਦਿਨਾਂ ਤੱਕ ਚੱਲਣ ਵਾਲਾ ਇਹ ਤਿਉਹਾਰ ਬੁਰਾਈ ਉੱਤੇ ਚੰਗਿਆਈ ਦੀ ਜਿੱਤ ਦਾ ਪ੍ਰਤੀਕ ਹੈ। ਨਵਰਾਤਰੀ ਦੀਆਂ ਨੌਂ ਰਾਤਾਂ ਹਿੰਦੂ ਧਰਮ ਦੀਆਂ ਤਿੰਨ ਸਰਵਉੱਚ ਦੇਵੀ- ਪਾਰਵਤੀ, ਲਕਸ਼ਮੀ ਅਤੇ ਸਰਸਵਤੀ ਨੂੰ ਸਮਰਪਿਤ ਹਨ। ਪਹਿਲੇ ਤਿੰਨ ਦਿਨ ਦੇਵੀ ਦੁਰਗਾ ਨਾਲ ਸਬੰਧਤ ਹਨ, ਜੋ ਤਾਕਤ ਅਤੇ ਊਰਜਾ ਦਾ ਪ੍ਰਤੀਕ ਹੈ। ਨਵਰਾਤਰੀ ਦੇ ਅਗਲੇ ਤਿੰਨ ਦਿਨ ਦੇਵੀ ਲਕਸ਼ਮੀ ਨਾਲ ਸਬੰਧਤ ਹਨ, ਜੋ ਲੋਕਾਂ ਨੂੰ ਦੌਲਤ ਅਤੇ ਖੁਸ਼ਹਾਲੀ ਦਾ ਆਸ਼ੀਰਵਾਦ ਦਿੰਦੀ ਹੈ। ਜਦੋਂ ਕਿ ਆਖਰੀ 3 ਦਿਨ ਦੇਵੀ ਸਰਸਵਤੀ ਨੂੰ ਸਮਰਪਿਤ ਹਨ ਅਤੇ ਇਹ ਦੇਵੀ ਅਧਿਆਤਮਿਕ ਗਿਆਨ ਨਾਲ ਦੇਵਤਿਆਂ ਨੂੰ ਅਸੀਸ ਦੇਣ ਲਈ ਜਾਣੀ ਜਾਂਦੀ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਨਵਰਾਤਰੀ ਦੇ ਦੌਰਾਨ ਮਾਂ ਦੁਰਗਾ ਖੁਦ ਘਰ ਵਿੱਚ ਆਉਂਦੀ ਹੈ, ਇਸ ਲਈ ਤੁਸੀਂ ਜੋ ਵੀ ਕਰੋ, ਉਸ ਦਾ ਖਾਸ ਧਿਆਨ ਰੱਖੋ। ਇਸ ਦੇ ਨਾਲ ਹੀ, ਨਵਰਾਤਰੀ ਦੇ ਦੌਰਾਨ, ਤੁਸੀਂ ਕੁਝ ਵਾਸਤੂ ਨੁਸਖੇ ਅਪਣਾ ਕੇ ਘਰ ਨੂੰ ਖੁਸ਼ਹਾਲੀ ਨਾਲ ਭਰ ਸਕਦੇ ਹੋ।
ਇਹ ਵੀ ਪੜ੍ਹੋ : ਨਵਰਾਤਰਿਆਂ ਦੌਰਾਨ ਇਨ੍ਹਾਂ 7 ਚੀਜ਼ਾਂ 'ਚੋਂ ਕੋਈ ਇੱਕ ਚੀਜ਼ ਘਰ ਲਿਆਓ, ਸਾਰੀਆਂ ਪਰੇਸ਼ਾਨੀਆਂ ਹੋਣਗੀਆਂ ਦੂਰ
ਅੰਬ ਦੇ ਪੱਤੇ ਬੰਨ੍ਹੋ
ਵਾਸਤੂ ਮਾਹਰਾਂ ਅਨੁਸਾਰ, ਮੁੱਖ ਦਰਵਾਜ਼ੇ 'ਤੇ ਅੰਬ ਦੇ ਪੱਤਿਆਂ ਨੂੰ ਟੰਗਣ ਨਾਲ ਨਕਾਰਾਤਮਕ ਊਰਜਾ ਨੂੰ ਘਰ ਵਿੱਚ ਦਾਖਲ ਹੋਣ ਤੋਂ ਰੋਕਿਆ ਜਾ ਸਕਦਾ ਹੈ। ਅਜਿਹੀ ਸਥਿਤੀ 'ਚ ਨਵਰਾਤਰੀ ਦੇ ਦੌਰਾਨ ਦਰਵਾਜ਼ੇ 'ਤੇ ਅੰਬ ਦੇ ਪੱਤਿਆਂ ਨੂੰ ਲਗਾਉਣਾ ਨਾ ਭੁੱਲੋ।
ਦੁਰਗਾ ਮਾਂ ਦੀ ਚੌਂਕੀ
ਵਾਸਤੂ ਅਨੁਸਾਰ ਨਵਰਾਤਰਿਆਂ ਵਿੱਚ ਮਾਂ ਦੁਰਗਾ ਦੀ ਮੂਰਤੀ ਨੂੰ ਲੱਕੜ ਦੀ ਚੌਂਕੀ 'ਤੇ ਸਥਾਪਤ ਕਰਨ ਨਾਲ ਘਰ ਦੇ ਸਾਰੇ ਵਾਸਤੂ ਨੁਕਸ ਦੂਰ ਹੋ ਜਾਂਦੇ ਹਨ।
ਸੂਰਜ ਦੇਵਤਾ ਦੀ ਪੂਜਾ ਕਰੋ
ਨਵਰਾਤਰਿਆਂ ਦੌਰਾਨ ਗ੍ਰਹਿਆਂ ਦੇ ਰਾਜਾ ਸੂਰਜ ਦੇਵਤਾ ਦੀ ਪੂਜਾ ਕਰਨਾ ਵੀ ਸ਼ੁਭ ਮੰਨਿਆ ਜਾਂਦਾ ਹੈ। ਜੇਕਰ ਗੁੱਸਾ ਜ਼ਿਆਦਾ ਆਉਂਦਾ ਹੈ ਤਾਂ ਇਨ੍ਹਾਂ 9 ਦਿਨਾਂ 'ਚ ਸੂਰਜ ਦੇਵਤਾ ਨੂੰ ਜਲ ਜ਼ਰੂਰ ਚੜ੍ਹਾਓ।
ਇਹ ਵੀ ਪੜ੍ਹੋ : ਘਰ 'ਚ ਆਉਂਦੇ-ਆਉਂਦੇ ਰੁਕ ਜਾਂਦਾ ਹੈ ਪੈਸਾ ਤਾਂ ਵਾਸਤੂ ਮੁਤਾਬਕ ਇਨ੍ਹਾਂ ਚੀਜ਼ਾਂ ਦਾ ਰੱਖੋ ਖ਼ਾਸ ਧਿਆਨ
ਮੱਛੀ ਦੇਵਤੇ ਦੀ ਪੂਜਾ ਕਰੋ
ਚੇਤਰ ਦੇ ਮਹੀਨੇ ਭਗਵਾਨ ਵਿਸ਼ਨੂੰ ਦੇ ਮੱਛੀ ਰੂਪ ਦੀ ਪੂਜਾ ਕਰਨਾ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ 9 ਦਿਨਾਂ 'ਚ ਮੱਛੀਆਂ ਨੂੰ ਦਾਣਾ ਪਾਉਣ ਨਾਲ ਸਾਰੀਆਂ ਮਨੋਕਾਮਨਾਵਾਂ ਪੂਰੀਆਂ ਹੋਣਗੀਆਂ।
ਦੁਰਗਾ ਮਾਂ ਨੂੰ ਲਾਲ ਫੁੱਲ ਚੜ੍ਹਾਓ
ਚੇਤਰ ਦੇ ਮਹੀਨੇ ਦੌਰਾਨ ਦੇਵੀ ਲਕਸ਼ਮੀ ਨੂੰ ਸ਼ੁੱਧ ਗੁਲਾਬ ਦਾ ਅਤਰ ਜਾਂ ਲਾਲ ਗੁਲਾਬ ਦੇ ਫੁੱਲ ਚੜ੍ਹਾਓ। ਵਾਸਤੂ ਅਨੁਸਾਰ ਇਸ ਨਾਲ ਮਾਂ ਪ੍ਰਸੰਨ ਹੁੰਦੀ ਹੈ ਅਤੇ ਧਨ ਵਿਚ ਵੀ ਬਰਕਤ ਆਉਂਦੀ ਹੈ।
ਇਹ ਵੀ ਪੜ੍ਹੋ : Vastu Shastra : ਮਨਪਸੰਦ ਨੌਕਰੀ ਲਈ ਦਰ-ਦਰ ਭਟਕ ਰਹੇ ਹੋ ਤਾਂ ਕਰੋ ਇਹ ਕੰਮ
ਲਾਲ ਫਲ ਦਾਨ ਕਰੋ
ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਨਵਰਾਤਰੀ ਦੌਰਾਨ ਲਾਲ ਫਲਾਂ ਦਾ ਦਾਨ ਕਰਨਾ ਚਾਹੀਦਾ ਹੈ। ਇਸ ਨਾਲ ਪਰਿਵਾਰ ਵਿਚ ਖੁਸ਼ਹਾਲੀ ਆਉਂਦੀ ਹੈ ਅਤੇ ਮਾਂ ਦਾ ਅਪਾਰ ਅਸ਼ੀਰਵਾਦ ਵੀ ਮਿਲਦਾ ਹੈ।
ਸਾਰੀਆਂ ਇੱਛਾਵਾਂ ਪੂਰੀਆਂ ਹੋਣਗੀਆਂ
ਨਵਰਾਤਰੀ ਦੇ ਕਿਸੇ ਵੀ ਦਿਨ ਸੁਪਾਰੀ ਦੇ ਪੱਤੇ 'ਤੇ 2 ਲੌਂਗ ਰੱਖ ਕੇ ਪਾਣੀ 'ਚ ਡੁਬੋ ਦਿਓ। ਇਸ ਨਾਲ ਤੁਹਾਡੀਆਂ ਸਾਰੀਆਂ ਮਨੋਕਾਮਨਾਵਾਂ ਪੂਰੀਆਂ ਹੋਣਗੀਆਂ।
ਇਹ ਵੀ ਪੜ੍ਹੋ : Vastu Shastra : ਰਸੋਈ ਦੀਆਂ ਕੰਧਾਂ 'ਤੇ ਕਰੋ ਇਹ ਰੰਗ, ਘਰ 'ਚ ਆਵੇਗੀ ਖ਼ੁਸ਼ਹਾਲੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
