ਨਰਾਤਿਆਂ ਦੌਰਾਨ ਇੰਝ ਕਰੋ ਮਾਂ ਦਾ 16 ਸ਼ਿੰਗਾਰ, ਹੋਵੇਗੀ ਕਿਰਪਾ

ਜਲੰਧਰ(ਬਿਊਰੋ)— ਅੱਜ ਤੋਂ ਨਰਾਤੇ ਸ਼ੁਰੂ ਹੋ ਚੁਕੇ ਹਨ। ਭਾਰਤੀ ਸੰਸਕ੍ਰਿਤੀ ਮੁਤਾਬਕ ਨਰਾਤਿਆਂ 'ਚ ਮਾਂ ਦੁਰਗਾ ਦੀ ਪੂਜਾ ਕਰਨ ਦਾ ਰਿਵਾਜ਼ ਸਦੀਆ ਪੁਰਾਣਾ ਹੈ। ਨਰਾਤਿਆਂ ਦੌਰਾਨ ਮਾਂ ਦੁਰਗਾ ਦੇ ਨੌਂ ਰੂਪਾਂ ਦੀ ਪੂਜਾ ਕੀਤੀ ਜਾਂਦੀ ਹੈ। ਭਗਤ ਇਸ ਦੌਰਾਨ ਮਾਂ ਦੁਰਗਾ ਦੇ ਵਰਤ ਰੱਖਦੇ ਹਨ ਅਤੇ ਪੂਜਾ ਕਰਦੇ ਹਨ। ਨਰਾਤੇ ਦੇ ਪਹਿਲੇ ਦਿਨ ਕਈ ਲੋਕ ਘਰ ਵਿਚ ਕਲਸ਼ ਸਥਾਪਤ ਕਰਦੇ ਹਨ। ਇਨ੍ਹਾਂ ਨਿਯਮਾਂ ਦੇ ਪਾਲਣ ਨਾਲ ਦੇਵੀ ਦੀ ਦੋਗੁਣੀ ਕਿਰਪਾ ਦੀ ਪ੍ਰਾਪਤੀ ਹੋਵੇਗੀ। ਇਨ੍ਹਾਂ ਨਿਯਮਾਂ ’ਚ ਮਾਂ ਦਾ 16 ਸ਼ਿੰਗਾਰ ਵੀ ਆਉਂਦਾ ਹੈ।
16 ਸ਼ਿੰਗਾਰ ਦੀ ਸਮੱਗਰੀ
ਲਾਲ ਚੁੰਨੀ, ਚੂੜੀਆਂ, ਬਿਛੁੱਆ, ਇੰਤਰ, ਸੰਧੂਰ, ਮਹਾਵਰ, ਬਿੰਦੀ, ਮਹਿੰਦੀ, ਕਾਜਲ, ਚੋਟੀ, ਮੰਗਲ ਸੂਤਰ ਜਾਂ ਗਲੇ ਲਈ ਮਾਲਾ, ਝਾਂਜਰਾ, ਨੇਲ ਪੇਂਟ, ਲਾਲੀ, ਝੁੱਮਕੇ ਤੇ ਰਿਬਨ ਹੈ।

ਇੰਝ ਕਰੋ ਦੇਵੀ ਮਾਂ ਦਾ ਸ਼ਿੰਗਾਰ
ਦੇਵੀ ਦੁਰਗਾ ਦੀ ਮੂਰਤੀ ਜਾਂ ਤਸਵੀਰ ਸਥਾਪਿਤ ਕਰਨ ਲਈ ਇਕ ਚੌਕੀ ਲਿਆਓ। ਉਸ ’ਤੇ ਲਾਲ ਜਾਂ ਪੀਲੇ ਰੰਗ ਦਾ ਕੱਪੜਾ ਵਿਛਾ ਕੇ ਮਾਤਾ ਰਾਣੀ ਨੂੰ ਸਥਾਪਿਤ ਕਰੋ। ਇਸ ਤੋਂ ਬਾਅਦ ਮਾਂ ਨੂੰ ਟਿੱਕਾ ਲਗਾ ਕੇ ਇਕ-ਇਕ ਕਰਕੇ ਸ਼ਿੰਗਾਰ ਦੀ ਸਾਰੀ ਸਮੱਗਰੀ ਮਾਂ ਨੂੰ ਭੇਟ ਕਰੋ।

16 ਸ਼ਿੰਗਾਰ ਦਾ ਮਹੱਤਵ
ਮਾਨਤਾ ਹੈ ਕਿ ਜੋ ਕਿ ਵਿਅਕਤੀ ਨਰਾਤੇ ’ਚ ਮਾਤਾ ਰਾਣੀ ਦਾ ਸ਼ਿੰਗਾਰ ਕਰਦਾ ਹੈ, ਉਸ ਦੇ ਘਰ ’ਚ ਖੁਸ਼ੀਆਂ ਆਉਂਦੀਆਂ ਹਨ। ਦੱਸ ਦੇਈਏ ਕਿ ਜੋ ਵਿਆਹੁਤਾ ਮਹਿਲਾ ਦੇਵੀ ਦਾ 16 ਸ਼ਿੰਗਾਰ ਕਰਦੀ ਹੈ, ਉਸ ਨੂੰ ਖੁਦ ਵੀ 16 ਸ਼ਿੰਗਾਰ ਕਰਨਾ ਚਾਹੀਦਾ ਹੈ। ਇੰਝ ਕਰਨ ਨਾਲ ਮਾਂ ਜਲਦੀ ਖੁਸ਼ ਹੋ ਜਾਵੇਗੀ।