ਵੈੱਬ ਡੈਸਕ - ਹਿੰਦੂ ਧਰਮ 'ਚ ਇਕਾਦਸ਼ੀ ਦੇ ਵਰਤ ਦਾ ਵਿਸ਼ੇਸ਼ ਮਹੱਤਵ ਹੈ, ਪਰ ਸਾਲ 2026 'ਚ ਆਉਣ ਵਾਲੀ ਪਦਮਿਨੀ ਇਕਾਦਸ਼ੀ ਨੂੰ ਬੇਹੱਦ ਦੁਰਲੱਭ ਮੰਨਿਆ ਜਾ ਰਿਹਾ ਹੈ। ਇਹ ਇਕਾਦਸ਼ੀ ਸਿਰਫ਼ ਅਧਿਕਮਾਸ (ਮਲਮਾਸ) 'ਚ ਹੀ ਆਉਂਦੀ ਹੈ, ਜਿਸ ਕਾਰਨ ਇਹ 3 ਸਾਲਾਂ 'ਚ ਸਿਰਫ਼ ਇਕ ਵਾਰ ਰੱਖੀ ਜਾਂਦੀ ਹੈ।

ਕਿਉਂ 3 ਸਾਲਾਂ ਬਾਅਦ ਆਉਂਦੀ ਹੈ ਇਹ ਇਕਾਦਸ਼ੀ?
ਹਿੰਦੂ ਪੰਚਾਂਗ ਦੇ ਅਨੁਸਾਰ, ਚੰਦਰ ਸਾਲ ਅਤੇ ਸੂਰਜੀ ਸਾਲ 'ਚ ਹਰ ਸਾਲ ਲਗਭਗ 11 ਦਿਨਾਂ ਦਾ ਅੰਤਰ ਹੁੰਦਾ ਹੈ। ਇਸ ਅੰਤਰ ਨੂੰ ਖ਼ਤਮ ਕਰਨ ਲਈ ਅਤੇ ਖਗੋਲੀ ਸੰਤੁਲਨ ਬਣਾਉਣ ਲਈ ਹਰ 3 ਸਾਲਾਂ ਬਾਅਦ ਇਕ ਵਾਧੂ ਮਹੀਨਾ ਜੋੜਿਆ ਜਾਂਦਾ ਹੈ, ਜਿਸ ਨੂੰ ਅਧਿਕਮਾਸ, ਮਲਮਾਸ ਜਾਂ ਪੁਰਸ਼ੋਤਮ ਮਾਸ ਕਿਹਾ ਜਾਂਦਾ ਹੈ। ਇਸ ਪਵਿੱਤਰ ਮਹੀਨੇ 'ਚ ਆਉਣ ਵਾਲੀ ਇਕਾਦਸ਼ੀ ਨੂੰ ਹੀ 'ਪਦਮਿਨੀ ਇਕਾਦਸ਼ੀ' ਕਿਹਾ ਜਾਂਦਾ ਹੈ।

ਭਗਵਾਨ ਵਿਸ਼ਨੂੰ ਨੂੰ ਸਮਰਪਿਤ ਹੈ ਇਹ ਵਰਤ
ਇਹ ਵਰਤ ਜਗਤ ਦੇ ਪਾਲਣਹਾਰ ਭਗਵਾਨ ਵਿਸ਼ਨੂੰ ਨੂੰ ਸਮਰਪਿਤ ਹੈ। ਮਾਨਤਾ ਹੈ ਕਿ ਅਧਿਕਮਾਸ ਦੌਰਾਨ ਇਸ ਦਿਨ ਭਗਵਾਨ ਵਿਸ਼ਨੂੰ ਦੀ ਪੂਜਾ ਅਤੇ ਵਰਤ ਰੱਖਣ ਨਾਲ ਵਿਸ਼ੇਸ਼ ਪੁੰਨ ਮਿਲਦਾ ਹੈ। ਇਹ ਵਰਤ ਮਨੋਕਾਮਨਾਵਾਂ ਦੀ ਪੂਰਤੀ ਲਈ ਬਹੁਤ ਸ਼ੁਭ ਮੰਨਿਆ ਗਿਆ ਹੈ ਅਤੇ ਇਸ ਨਾਲ ਜੀਵਨ ਦੀਆਂ ਸਾਰੀਆਂ ਰੁਕਾਵਟਾਂ ਦੂਰ ਹੋਣ ਲੱਗਦੀਆਂ ਹਨ।

ਵਿਸ਼ੇਸ਼ ਮਹੱਤਵ :-

ਮਨੋਕਾਮਨਾਵਾਂ ਦੀ ਪੂਰਤੀ
- ਸ਼ਰਧਾਲੂ ਆਪਣੀਆਂ ਇੱਛਾਵਾਂ ਦੀ ਪੂਰਤੀ ਲਈ ਇਹ ਵਰਤ ਬੜੀ ਸ਼ਰਧਾ ਨਾਲ ਰੱਖਦੇ ਹਨ।

ਰੁਕਾਵਟਾਂ ਦਾ ਨਾਸ਼
- ਭਗਵਾਨ ਵਿਸ਼ਨੂੰ ਦੀ ਕਿਰਪਾ ਨਾਲ ਜੀਵਨ ਵਿੱਚ ਆ ਰਹੀਆਂ ਬਾਧਾਵਾਂ ਦੂਰ ਹੁੰਦੀਆਂ ਹਨ।

ਦੁਰਲੱਭ ਸੰਯੋਗ
- 3 ਸਾਲਾਂ 'ਚ ਇਕ ਵਾਰ ਆਉਣ ਕਾਰਨ ਇਸ ਦਾ ਫਲ ਹੋਰਨਾਂ ਇਕਾਦਸ਼ੀਆਂ ਨਾਲੋਂ ਕਿਤੇ ਜ਼ਿਆਦਾ ਮੰਨਿਆ ਜਾਂਦਾ ਹੈ।

ਧਾਰਮਿਕ ਮਾਨਤਾਵਾਂ ਅਨੁਸਾਰ, ਅਧਿਕਮਾਸ ਦੇ ਪਹਿਲੇ ਸ਼ਨੀਵਾਰ ਨੂੰ ਦਾਨ ਕਰਨ ਨਾਲ ਸ਼ਨੀ ਦੀ ਸਾਢੇਸਾਤੀ ਅਤੇ ਢੱਈਆ ਦੇ ਮਾੜੇ ਪ੍ਰਭਾਵਾਂ ਨੂੰ ਵੀ ਘੱਟ ਕੀਤਾ ਜਾ ਸਕਦਾ ਹੈ। ਸ਼ਰਧਾਲੂਆਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਸਹੀ ਤਿਥੀ ਅਤੇ ਪੂਜਾ ਵਿਧੀ ਅਨੁਸਾਰ ਹੀ ਇਸ ਪਵਿੱਤਰ ਦਿਹਾੜੇ ਦੀ ਪਾਲਣਾ ਕਰਨ।