ਵੈੱਬ ਡੈਸਕ - ਹਿੰਦੂ ਧਰਮ 'ਚ ਅਕਸ਼ੈ ਤ੍ਰਿਤੀਆ ਦੇ ਦਿਨ ਨੂੰ ਬੇਹੱਦ ਪਵਿੱਤਰ ਅਤੇ ਭਾਗਾਂ ਵਾਲਾ ਮੰਨਿਆ ਜਾਂਦਾ ਹੈ। 'ਅਕਸ਼ੈ' ਦਾ ਅਰਥ ਹੈ ਜਿਸਦਾ ਕਦੇ ਨਾਸ ਨਾ ਹੋਵੇ। ਪੌਰਾਣਿਕ ਮਾਨਤਾਵਾਂ ਅਨੁਸਾਰ, ਇਸ ਦਿਨ ਕੀਤੇ ਗਏ ਦਾਨ, ਪੁੰਨ ਅਤੇ ਨਿਵੇਸ਼ ਦਾ ਫਲ ਅਨੰਤ ਕਾਲ ਤੱਕ ਬਣਿਆ ਰਹਿੰਦਾ ਹੈ। ਸਾਲ 2026 'ਚ ਇਹ ਤਿਉਹਾਰ ਕਈ ਸ਼ੁਭ ਯੋਗਾਂ ਦੇ ਨਾਲ ਆ ਰਿਹਾ ਹੈ, ਜੋ ਇਸਨੂੰ ਖਰੀਦਦਾਰੀ ਅਤੇ ਲਕਸ਼ਮੀ ਪੂਜਾ ਲਈ ਬਹੁਤ ਖਾਸ ਬਣਾ ਰਿਹਾ ਹੈ।

ਅਕਸ਼ੈ ਤ੍ਰਿਤੀਆ 2026: ਤਿਥੀ ਅਤੇ ਸਮਾਂ

ਪੰਚਾਂਗ ਅਨੁਸਾਰ, ਅਕਸ਼ੈ ਤ੍ਰਿਤੀਆ ਵਿਸਾਖ ਮਹੀਨੇ ਦੇ ਸ਼ੁਕਲ ਪੱਖ ਦੀ ਤ੍ਰਿਤੀਆ ਤਿਥੀ ਨੂੰ ਮਨਾਈ ਜਾਂਦੀ ਹੈ। ਸਾਲ 2026 'ਚ ਇਸ ਦੀ ਸਹੀ ਤਾਰੀਖ ਅਤੇ ਸਮਾਂ ਇਸ ਪ੍ਰਕਾਰ ਹੈ:

ਮਿਤੀ - 19 ਅਪ੍ਰੈਲ 2026, ਦਿਨ ਐਤਵਾਰ
ਤ੍ਰਿਤੀਆ ਮਿਤੀ ਸ਼ੁਰੂ - 19 ਅਪ੍ਰੈਲ 2026 ਨੂੰ ਸਵੇਰੇ 10:49 ਵਜੇ
ਤ੍ਰਿਤੀਆ ਮਿਤੀ ਸਮਾਪਤੀ - 20 ਅਪ੍ਰੈਲ 2026 ਨੂੰ ਸਵੇਰੇ 07:27 ਵਜੇ ਤੱਕ

ਮੁੱਖ ਦਿਨ ਅਤੇ ਪੂਜਾ ਐਤਵਾਰ, 19 ਅਪ੍ਰੈਲ ਨੂੰ ਹੀ ਮਨਾਈ ਜਾਵੇਗੀ ਕਿਉਂਕਿ ਮਿਤੀ ਸੂਰਜ ਚੜ੍ਹਨ ਤੋਂ ਬਾਅਦ ਸ਼ੁਰੂ ਹੋ ਕੇ ਅਗਲੇ ਦਿਨ ਤੱਕ ਰਹਿ ਰਹੀ ਹੈ।

ਸੋਨਾ ਖਰੀਦਣ ਲਈ ਸ਼ੁਭ ਮਹੂਰਤ 

ਅਕਸ਼ੈ ਤ੍ਰਿਤੀਆ 'ਤੇ ਸੋਨਾ ਖਰੀਦਣਾ ਖੁਸ਼ਹਾਲੀ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਜੇਕਰ ਤੁਸੀਂ ਵੀ ਨਿਵੇਸ਼ ਜਾਂ ਗਹਿਣੇ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇਹ ਸਮਾਂ ਸਭ ਤੋਂ ਉੱਤਮ ਹੈ :

ਪਹਿਲਾ ਅਤੇ ਸਭ ਤੋਂ ਸ਼ੁਭ ਸਮਾਂ : 19 ਅਪ੍ਰੈਲ ਸਵੇਰੇ 10:49 ਵਜੇ ਤੋਂ ਲੈ ਕੇ ਦੁਪਹਿਰ 12:20 ਵਜੇ ਤੱਕ।
ਖਰੀਦਦਾਰੀ ਲਈ ਲੰਬਾ ਮਹੂਰਤ : 19 ਅਪ੍ਰੈਲ ਸਵੇਰੇ 10:49 ਵਜੇ ਤੋਂ ਲੈ ਕੇ 20 ਅਪ੍ਰੈਲ ਸਵੇਰੇ 05:51 ਵਜੇ ਤੱਕ।
ਦੂਜਾ ਸ਼ੁਭ ਮਹੂਰਤ : 20 ਅਪ੍ਰੈਲ ਸਵੇਰੇ 05:51 ਵਜੇ ਤੋਂ ਲੈ ਕੇ 07:27 ਵਜੇ ਤੱਕ।

ਦਿਨ ਦਾ ਮਹੱਤਵ

ਮਾਨਤਾ ਹੈ ਕਿ ਇਸ ਦਿਨ ਭਗਵਾਨ ਵਿਸ਼ਨੂੰ ਅਤੇ ਮਾਤਾ ਲਕਸ਼ਮੀ ਦੀ ਪੂਜਾ ਕਰਨ ਨਾਲ ਘਰ 'ਚ ਕਦੇ ਵੀ ਧਨ-ਦੌਲਤ ਦੀ ਕਮੀ ਨਹੀਂ ਹੁੰਦੀ। ਇਸ ਦਿਨ ਸੋਨਾ ਖਰੀਦਣਾ ਘਰ 'ਚ ਸਥਾਈ ਬਰਕਤ ਲੈ ਕੇ ਆਉਂਦਾ ਹੈ। ਬਹੁਤ ਸਾਰੇ ਲੋਕ ਇਸ ਦਿਨ ਨਵਾਂ ਕਾਰੋਬਾਰ ਸ਼ੁਰੂ ਕਰਨਾ, ਗ੍ਰਹਿ ਪ੍ਰਵੇਸ਼ ਜਾਂ ਵਾਹਨ ਖਰੀਦਣਾ ਵੀ ਸ਼ੁਭ ਮੰਨਦੇ ਹਨ।