ਘਰ ਦੀ ਇਸ ਦਿਸ਼ਾ ''ਚ ਰੱਖੋ Gold, ਫਕੀਰ ਵੀ ਹੋ ਜਾਵੋਗਾ ਅਮੀਰ
5/11/2026 3:05:49 AM
ਨਵੀਂ ਦਿੱਲੀ : ਵਾਸਤੂ ਸ਼ਾਸਤਰ ਅਨੁਸਾਰ, ਸੋਨਾ ਜਾਂ ਹੋਰ ਕੋਈ ਵੀ ਕੀਮਤੀ ਧਾਤ ਹਮੇਸ਼ਾ ਸਹੀ ਦਿਸ਼ਾ ਵਿੱਚ ਰੱਖਣੀ ਚਾਹੀਦੀ ਹੈ ਤਾਂ ਜੋ ਘਰ ਵਿੱਚ ਬਰਕਤ ਬਣੀ ਰਹੇ। ਜੇਕਰ ਸੋਨਾ ਖਰੀਦਣ ਤੋਂ ਬਾਅਦ ਉਸ ਨੂੰ ਸਹੀ ਦਿਸ਼ਾ ਵਿੱਚ ਰੱਖਿਆ ਜਾਵੇ, ਤਾਂ ਮਾਂ ਲਕਸ਼ਮੀ ਦੀ ਵਿਸ਼ੇਸ਼ ਕਿਰਪਾ ਹੁੰਦੀ ਹੈ ਅਤੇ ਇਨਸਾਨ ਆਰਥਿਕ ਪੱਖੋਂ ਮਜ਼ਬੂਤ ਹੁੰਦਾ ਹੈ।
ਵਾਸਤੂ ਮੁਤਾਬਕ, ਸੋਨਾ ਰੱਖਣ ਲਈ ਉੱਤਰ-ਪੱਛਮ ਦਿਸ਼ਾ ਸਭ ਤੋਂ ਵਧੀਆ ਮੰਨੀ ਜਾਂਦੀ ਹੈ। ਇਸ ਦਿਸ਼ਾ ਵਿੱਚ ਮਾਂ ਲਕਸ਼ਮੀ ਅਤੇ ਧਨ ਦੇ ਦੇਵਤਾ ਕੁਬੇਰ ਦਾ ਵਾਸ ਹੁੰਦਾ ਹੈ। ਤੁਸੀਂ ਇਸ ਦਿਸ਼ਾ ਵਿੱਚ ਆਪਣੀ ਤਿਜੋਰੀ ਜਾਂ ਲੋਕਰ ਵੀ ਰੱਖ ਸਕਦੇ ਹੋ, ਜਿਸ ਨਾਲ ਆਰਥਿਕ ਲਾਭ ਹੋਣ ਦੀ ਮਾਨਤਾ ਹੈ।
ਇਨ੍ਹਾਂ ਦਿਸ਼ਾਵਾਂ 'ਚ ਭੁੱਲ ਕੇ ਵੀ ਨਾ ਰੱਖੋ ਸੋਨਾ
ਵਾਸਤੂ ਸ਼ਾਸਤਰ ਅਨੁਸਾਰ, ਸੋਨੇ ਜਾਂ ਕਿਸੇ ਵੀ ਕੀਮਤੀ ਚੀਜ਼ ਨੂੰ ਦੱਖਣ ਦਿਸ਼ਾ ਵਿੱਚ ਨਹੀਂ ਰੱਖਣਾ ਚਾਹੀਦਾ। ਇਸ ਤੋਂ ਇਲਾਵਾ, ਦੱਖਣ-ਪੂਰਬ (ਆਗਨੇਯ ਕੋਣ) ਵਿੱਚ ਵੀ ਸੋਨਾ ਰੱਖਣ ਤੋਂ ਬਚਣਾ ਚਾਹੀਦਾ ਹੈ ਕਿਉਂਕਿ ਇਨ੍ਹਾਂ ਦਿਸ਼ਾਵਾਂ ਵਿੱਚ ਸੋਨਾ-ਚਾਂਦੀ ਰੱਖਣ ਨਾਲ ਸੁੱਖ-ਸੰਪੰਨਤਾ ਵਿੱਚ ਕਮੀ ਆ ਸਕਦੀ ਹੈ ਅਤੇ ਆਰਥਿਕ ਮੁਸ਼ਕਲਾਂ ਵਧ ਸਕਦੀਆਂ ਹਨ।
ਕਿਨ੍ਹਾਂ ਲੋਕਾਂ ਨੂੰ ਸੋਨਾ ਨਹੀਂ ਪਹਿਨਣਾ ਚਾਹੀਦਾ?
ਜਿਨ੍ਹਾਂ ਲੋਕਾਂ ਦੀ ਕੁੰਡਲੀ ਵਿੱਚ ਗੁਰੂ (ਬ੍ਰਹਿਸਪਤੀ) ਖਰਾਬ ਜਾਂ ਕਮਜ਼ੋਰ ਹੋਵੇ, ਉਨ੍ਹਾਂ ਨੂੰ ਸੋਨਾ ਧਾਰਨ ਨਹੀਂ ਕਰਨਾ ਚਾਹੀਦਾ।
ਲੋਹੇ, ਕੋਲੇ ਜਾਂ ਸ਼ਨੀ ਨਾਲ ਸਬੰਧਤ ਕਾਰੋਬਾਰ ਕਰਨ ਵਾਲੇ ਲੋਕਾਂ ਨੂੰ ਵੀ ਸੋਨਾ ਪਹਿਨਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ, ਕਿਉਂਕਿ ਇਹ ਕਾਰੋਬਾਰ ਵਿੱਚ ਰੁਕਾਵਟਾਂ ਪੈਦਾ ਕਰ ਸਕਦਾ ਹੈ।
ਗਰਭਵਤੀ ਔਰਤਾਂ ਅਤੇ ਬਹੁਤ ਜ਼ਿਆਦਾ ਉਮਰ ਦੀਆਂ ਔਰਤਾਂ ਨੂੰ ਵੀ ਬਹੁਤ ਜ਼ਿਆਦਾ ਸੋਨਾ ਨਹੀਂ ਪਹਿਨਣਾ ਚਾਹੀਦਾ।
ਸੋਨਾ ਪਹਿਨਣ ਦੇ ਸਹੀ ਤਰੀਕੇ
ਨਾਮ ਅਤੇ ਸ਼ੋਹਰਤ: ਜੇਕਰ ਤੁਸੀਂ ਜੀਵਨ ਵਿੱਚ ਨਾਮ ਅਤੇ ਪ੍ਰਸਿੱਧੀ ਪਾਉਣੀ ਚਾਹੁੰਦੇ ਹੋ, ਤਾਂ ਅਨਾਮਿਕਾ ਉਂਗਲੀ ਵਿੱਚ ਸੋਨਾ ਪਹਿਨਣਾ ਸ਼ੁਭ ਹੁੰਦਾ ਹੈ।
ਇਕਾਗਰਤਾ (Concentration): ਜਿਨ੍ਹਾਂ ਨੂੰ ਇਕਾਗਰਤਾ ਦੀ ਸਮੱਸਿਆ ਹੈ, ਉਨ੍ਹਾਂ ਲਈ ਤਰਜਨੀ ਉਂਗਲੀ ਵਿੱਚ ਸੋਨਾ ਪਹਿਨਣਾ ਫਾਇਦੇਮੰਦ ਹੈ।
ਵਿਆਹੁਤਾ ਜੀਵਨ: ਜੇਕਰ ਵਿਆਹੁਤਾ ਜੀਵਨ ਵਿੱਚ ਦਿੱਕਤਾਂ ਆ ਰਹੀਆਂ ਹਨ, ਤਾਂ ਲਾਲ ਧਾਗੇ ਵਿੱਚ ਸੋਨੇ ਦਾ ਲੋਕਟ ਜਾਂ ਮੰਗਲਸੂਤਰ ਪਹਿਨਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।
