ਘਰ ਦੀ ਸੁੱਖ-ਸ਼ਾਂਤੀ ਅਤੇ ਖੁਸ਼ਹਾਲੀ ਲਈ ਅਪਣਾਓ ਫੇਂਗ ਸ਼ੂਈ ਦੇ ਇਹ ਸਧਾਰਨ ਉਪਾਅ

ਨਵੀਂ ਦਿੱਲੀ - ਹਰ ਕੋਈ ਆਪਣੇ ਘਰ ਵਿੱਚ ਸੁੱਖ, ਸ਼ਾਂਤੀ ਅਤੇ ਖੁਸ਼ਹਾਲੀ ਦੀ ਕਾਮਨਾ ਕਰਦਾ ਹੈ। ਪਰ ਜ਼ਿੰਦਗੀ ਵਿੱਚ ਕਈ ਵਾਰ ਮੁਸ਼ਕਲਾਂ ਦਾ ਸਾਮ੍ਹਣਾ ਕਰਨਾ ਪੈ ਜਾਂਦਾ ਹੈ। ਅਜਿਹੀ ਸਥਿਤੀ ਵਿੱਚ ਇਸ ਤੋਂ ਬਚਣ ਲਈ ਤੁਸੀਂ ਫੇਂਗਸ਼ੂਈ ਨਾਲ ਸਬੰਧਤ ਕੁਝ ਉਪਾਅ ਕਰ ਸਕਦੇ ਹੋ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਘਰ 'ਚ ਖੁਸ਼ਹਾਲੀ ਆਉਂਦੀ ਹੈ।

ਖੁਸ਼ਹਾਲੀ ਲਈ

ਘਰ ਦੇ ਡਰਾਇੰਗ ਰੂਮ ਦੇ ਦਰਵਾਜ਼ੇ ਦੇ ਸੱਜੇ ਪਾਸੇ 6 ਸਟਿੱਕ ਵਾਲੀ ਵਿੰਡ ਚਾਈਮ ਲਗਾਓ। ਇਸ ਨਾਲ ਘਰ 'ਚ ਸਕਾਰਾਤਮਕ ਊਰਜਾ ਆਉਂਦੀ ਹੈ। ਇਸ ਦੇ ਨਾਲ ਹੀ ਘਰ 'ਚ ਖੁਸ਼ਹਾਲੀ ਅਤੇ ਬਰਕਤ ਬਣੀ ਰਹਿੰਦੀ ਹੈ।

ਇਹ ਵੀ ਪੜ੍ਹੋ : Vastu Shastra : ਕੀੜੀਆਂ ਘਰ 'ਚ ਬਣਾ ਰਹੀਆਂ ਹਨ ਰਸਤਾ , ਤਾਂ ਜਾਣੋ ਸ਼ੁੱਭ ਅਤੇ ਅਸ਼ੁੱਭ ਸੰਕੇਤ

ਤਣਾਅ ਨੂੰ ਦੂਰ ਕਰਨ ਲਈ

ਜੇਕਰ ਘਰ 'ਚ ਵਾਰ-ਵਾਰ ਕਲੇਸ਼ ਦਾ ਮਾਹੌਲ ਬਣ ਰਿਹਾ ਹੈ ਤਾਂ ਡਰਾਇੰਗ ਰੂਮ 'ਚ 9 ਰਾਡਾਂ ਨਾਲ ਵਿੰਡ ਚਾਈਮ ਲਗਾਓ। ਫੇਂਗ ਸ਼ੂਈ  ਅਨੁਸਾਰ ਇਸ ਨਾਲ ਘਰ ਵਿੱਚ ਸਕਾਰਾਤਮਕ ਊਰਜਾ ਫੈਲਦੀ ਹੈ। ਇਸ ਨਾਲ ਪਰਿਵਾਰਕ ਰਿਸ਼ਤਿਆਂ ਵਿੱਚ ਮਿਠਾਸ ਬਣੀ ਰਹਿੰਦੀ ਹੈ।

ਸਕਾਰਾਤਮਕ ਊਰਜਾ ਲਈ

ਫੇਂਗ ਸ਼ੂਈ ਵਿੱਚ ਲਾਫਿੰਗ ਬੁੱਧਾ ਨੂੰ ਸ਼ੁਭ ਮੰਨਿਆ ਜਾਂਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਨੂੰ ਘਰ 'ਚ ਰੱਖਣ ਨਾਲ ਸਕਾਰਾਤਮਕ ਊਰਜਾ ਮਿਲਦੀ ਹੈ। ਘਰ ਵਿੱਚ ਸੁਖ, ਖੁਸ਼ਹਾਲੀ, ਸ਼ਾਂਤੀ ਅਤੇ ਖੁਸ਼ੀਆਂ ਵੱਸਦੀਆਂ ਹਨ। ਇਸ ਨੂੰ ਹਮੇਸ਼ਾ ਡਰਾਇੰਗ ਰੂਮ ਦੇ ਸਾਹਮਣੇ ਰੱਖਣਾ ਚਾਹੀਦਾ ਹੈ ਤਾਂ ਕਿ ਘਰ 'ਚ ਦਾਖਲ ਹੋਣ 'ਤੇ ਪਹਿਲੀ ਨਜ਼ਰ ਇਸ 'ਤੇ ਹੀ ਪਵੇ।

ਇਹ ਵੀ ਪੜ੍ਹੋ : Home Sutra: ਸਿਰਫ ਮਨੀ ਪਲਾਂਟ ਹੀ ਨਹੀਂ, ਇਹ ਬੂਟੇ ਵੀ ਲਿਆਉਂਦੇ ਹਨ ਘਰ 'ਚ Good Luck

ਘਰ ਤੋਂ ਪੁਰਾਣੀਆਂ ਚੀਜ਼ਾਂ ਨੂੰ ਹਟਾ ਦਿਓ

ਵਾਸਤੂ ਦੀ ਤਰ੍ਹਾਂ ਹੀ ਫੇਂਗਸ਼ੂਈ 'ਚ ਵੀ ਘਰ ਦੀ ਸਫਾਈ ਦਾ ਖਾਸ ਮਹੱਤਵ ਹੈ। ਕਿਹਾ ਜਾਂਦਾ ਹੈ ਕਿ ਘਰ ਵਿੱਚ ਪਈਆਂ ਬੇਕਾਰ, ਪੁਰਾਣੀਆਂ ਚੀਜ਼ਾਂ ਨਕਾਰਾਤਮਕ ਊਰਜਾ ਫੈਲਾਉਂਦੀਆਂ ਹਨ। ਇਸ ਕਾਰਨ ਘਰ ਵਿੱਚ ਤਣਾਅ ਅਤੇ ਕਲੇਸ਼ ਦਾ ਮਾਹੌਲ ਬਣਿਆ ਰਹਿੰਦਾ ਹੈ। ਇਸ ਦੇ ਨਾਲ ਹੀ ਪਤੀ-ਪਤਨੀ ਦੇ ਰਿਸ਼ਤੇ 'ਚ ਵੀ ਖਟਾਸ ਆ ਸਕਦੀ ਹੈ। ਅਜਿਹੀ ਸਥਿਤੀ ਤੋਂ ਬਚਣ ਲਈ ਅਤੇ ਘਰ ਦੀ ਖੁਸ਼ਹਾਲੀ ਲਈ ਘਰ 'ਚੋਂ ਪੁਰਾਣੀਆਂ ਅਤੇ ਬੇਕਾਰ ਚੀਜ਼ਾਂ ਨੂੰ ਕੱਢ ਦਿਓ।

ਵਿੱਤੀ ਸਥਿਤੀ ਨੂੰ ਮਜ਼ਬੂਤ ​​ਕਰਨ ਲਈ

ਘਰ ਦੇ ਦਰਵਾਜ਼ੇ ਦੇ ਹੈਂਡਲ 'ਤੇ ਸਿੱਕੇ ਟੰਗੋ। ਅਜਿਹਾ ਘਰ ਦੇ ਸਾਰੇ ਕਮਰਿਆਂ 'ਚ ਕਰਨ ਦੀ ਬਜਾਏ ਮੁੱਖ ਗੇਟ 'ਤੇ ਹੀ ਕਰੋ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਘਰ 'ਚ ਭੋਜਨ ਅਤੇ ਪੈਸੇ ਦੀ ਬਰਕਤ ਹੋਵੇਗੀ।

ਇਹ ਵੀ ਪੜ੍ਹੋ : Vastu Tips: ਆਰਥਿਕ ਤਰੱਕੀ 'ਚ ਰੁਕਾਵਟ ਬਣ ਸਕਦੀਆਂ ਹਨ ਘਰ 'ਚ ਰੱਖੀਆਂ ਇਹ ਚੀਜ਼ਾਂ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।