FengShui Tips : ਘਰ 'ਚ ਖੁਸ਼ੀਆਂ ਲਿਆਵੇਗਾ ਇਹ ਬੂਟਾ, ਜਾਣੋ ਰੱਖਣ ਦੀ ਸਹੀ ਦਿਸ਼ਾ
9/19/2022 5:30:48 PM
ਨਵੀਂ ਦਿੱਲੀ - ਵਾਸਤੂ ਸ਼ਾਸਤਰ ਦੀ ਤਰ੍ਹਾਂ ਫੇਂਗ ਸ਼ੂਈ ਸ਼ਾਸਤਰ ਵਿੱਚ ਵੀ ਵਾਸਤੂ ਨੁਕਸ ਨੂੰ ਦੂਰ ਕਰਨ ਲਈ ਕੁਝ ਨਿਯਮ ਦੱਸੇ ਗਏ ਹਨ। ਫੇਂਗ ਸ਼ੂਈ ਇੱਕ ਚੀਨੀ ਸ਼ਾਸਤਰ ਹੈ। ਪਰ ਭਾਰਤ ਵਿੱਚ ਵੀ ਬਹੁਤ ਸਾਰੇ ਲੋਕ ਇਸ ਸ਼ਾਸਤਰ ਨੂੰ ਮੰਨਦੇ ਹਨ। ਇਸ ਸ਼ਾਸਤਰ ਦੇ ਅਨੁਸਾਰ ਘਰ ਵਿੱਚ ਬਾਂਸ ਦਾ ਬੂਟਾ ਰੱਖਣ ਨਾਲ ਤੁਹਾਡੇ ਘਰ ਵਿੱਚੋਂ ਨਕਾਰਾਤਮਕਤਾ ਦੂਰ ਹੁੰਦੀ ਹੈ ਅਤੇ ਘਰ ਦਾ ਵਾਤਾਵਰਣ ਵੀ ਸਾਫ਼ ਰਹਿੰਦਾ ਹੈ। ਘਰ ਤੋਂ ਇਲਾਵਾ ਤੁਸੀਂ ਇਸ ਪੌਦੇ ਨੂੰ ਆਪਣੀ ਦੁਕਾਨ ਜਾਂ ਦਫਤਰ 'ਚ ਵੀ ਤਰੱਕੀ ਲਈ ਰੱਖ ਸਕਦੇ ਹੋ। ਤਾਂ ਆਓ ਜਾਣਦੇ ਹਾਂ ਇਸ ਪੌਦੇ ਨਾਲ ਜੁੜੇ ਕੁਝ ਫੇਂਗ ਸ਼ੂਈ ਟਿਪਸ...
ਡਰਾਇੰਗ ਰੂਮ ਵਿੱਚ ਲਗਾਓ ਬਾਂਸ ਦਾ ਬੂਟਾ
ਫੇਂਗ ਸ਼ੂਈ ਸ਼ਾਸਤਰ ਅਨੁਸਾਰ, ਤੁਸੀਂ ਡਰਾਇੰਗ ਰੂਮ ਵਿੱਚ ਬਾਂਸ ਦਾ ਬੂਟਾ ਲਗਾ ਸਕਦੇ ਹੋ। ਤੁਸੀਂ ਇਸਨੂੰ ਡਰਾਇੰਗ ਰੂਮ ਦੀ ਪੂਰਬ ਦਿਸ਼ਾ ਵਿੱਚ ਰੱਖ ਸਕਦੇ ਹੋ। ਇਸ ਪੌਦੇ ਨੂੰ ਅਜਿਹੀ ਜਗ੍ਹਾ 'ਤੇ ਲਗਾਉਣਾ ਚਾਹੀਦਾ ਹੈ ਜਿਥੇ ਪਰਿਵਾਰ ਦੇ ਸਾਰੇ ਮੈਂਬਰ ਇਕੱਠੇ ਬੈਠਦੇ ਹਨ। ਇਸ ਬੂਟੇ ਨੂੰ ਡਰਾਇੰਗ ਰੂਮ 'ਚ ਰੱਖਣ ਨਾਲ ਘਰ ਦੇ ਮੈਂਬਰਾਂ ਦੇ ਰਿਸ਼ਤੇ ਮਜ਼ਬੂਤ ਹੁੰਦੇ ਹਨ ਅਤੇ ਉਨ੍ਹਾਂ 'ਚ ਸਦਭਾਵਨਾ ਬਣੀ ਰਹਿੰਦੀ ਹੈ।
ਇਹ ਵੀ ਪੜ੍ਹੋ : Vastu Shastra : ਘਰ 'ਚ ਆਵੇਗੀ ਖੁਸ਼ਹਾਲੀ, ਪੂਰਵਜਾਂ ਨੂੰ ਖੁਸ਼ ਕਰਨ ਲਈ ਕਰੋ ਇਹ ਕੰਮ
ਆਰਥਿਕ ਸਥਿਤੀ ਹੁੰਦੀ ਹੈ ਮਜ਼ਬੂਤ
ਘਰ 'ਚ ਬਾਂਸ ਦਾ ਬੂਟਾ ਰੱਖਣ ਨਾਲ ਆਰਥਿਕ ਸਥਿਤੀ ਵੀ ਮਜ਼ਬੂਤ ਹੁੰਦੀ ਹੈ। ਘਰ ਵਿੱਚ ਧਨ ਲਾਭ ਦੇ ਯੋਗ ਬਣਦੇ ਹਨ। ਫੇਂਗ ਸ਼ੂਈ ਸ਼ਾਸਤਰ ਅਨੁਸਾਰ, ਪੈਸੇ ਨਾਲ ਜੁੜੇ ਮਾਮਲਿਆਂ ਵਿੱਚ ਸਫਲਤਾ ਪ੍ਰਾਪਤ ਕਰਨ ਲਈ, ਵਿਅਕਤੀ ਪੂਰਬ ਜਾਂ ਉੱਤਰ ਦਿਸ਼ਾ ਵਿੱਚ ਬਾਂਸ ਦਾ ਪੌਦਾ ਰੱਖ ਸਕਦੇ ਹਨ।
ਬੱਚੇ ਦੇ ਕਮਰੇ ਵਿੱਚ ਲਗਾਓ ਬਾਂਸ ਦਾ ਬੂਟਾ
ਬਾਂਸ ਦਾ ਬੂਟਾ ਵੀ ਸਫਲਤਾ ਲਈ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਫੇਂਗਸ਼ੂਈ ਸ਼ਾਸਤਰ ਅਨੁਸਾਰ ਤੁਹਾਨੂੰ ਬੱਚਿਆਂ ਦੇ ਕਮਰੇ ਵਿੱਚ ਬਾਂਸ ਦੇ ਛੋਟੇ ਪੌਦੇ ਲਗਾਉਣੇ ਚਾਹੀਦੇ ਹਨ। ਇਸ ਨਾਲ ਉਨ੍ਹਾਂ ਦੇ ਜੀਵਨ ਵਿੱਚ ਸਫਲਤਾ ਦੇ ਨਵੇਂ ਰਾਹ ਖੁੱਲ੍ਹਣਗੇ।
ਇਹ ਵੀ ਪੜ੍ਹੋ : Whatsapp 'ਤੇ ਆਏ ਮੈਸੇਜ ਕਾਰਨ ਧੋਖਾਧੜੀ ਦਾ ਸ਼ਿਕਾਰ ਹੋਈ JBM ਕੰਪਨੀ, ਲੱਗਾ 1 ਕਰੋੜ ਦਾ ਚੂਨਾ
ਤੁਸੀਂ ਦਫ਼ਤਰ ਵਿੱਚ ਵੀ ਰੱਖ ਸਕਦੇ ਹੋ ਬਾਂਸ ਦਾ ਪੌਦਾ
ਤੁਸੀਂ ਦਫ਼ਤਰ ਵਿੱਚ ਵੀ ਬਾਂਸ ਦਾ ਬੂਟਾ ਰੱਖੋ। ਇਸ ਪੌਦੇ ਨੂੰ ਦਫ਼ਤਰ ਵਿੱਚ ਰੱਖਣ ਨਾਲ ਵਿਕਾਸ ਦੇ ਮੌਕੇ ਖੁੱਲ੍ਹਦੇ ਹਨ। ਨਾਲ ਹੀ, ਦਫ਼ਤਰ ਵਿੱਚ ਸਕਾਰਾਤਮਕ ਮਾਹੌਲ ਬਣਿਆ ਰਹਿੰਦਾ ਹੈ।
ਪਤੀ-ਪਤਨੀ ਦੇ ਰਿਸ਼ਤੇ ਨੂੰ ਮਜ਼ਬੂਤ ਕਰਨਾ
ਜੇਕਰ ਪਤੀ-ਪਤਨੀ ਦੇ ਰਿਸ਼ਤੇ ਵਿਚ ਹਰ ਸਮੇਂ ਖਟਾਸ ਬਣੀ ਰਹਿੰਦੀ ਹੈ ਤਾਂ ਉਸ ਲਈ ਵੀ ਇਹ ਪੌਦਾ ਬਹੁਤ ਫਾਇਦੇਮੰਦ ਹੈ। ਤੁਸੀਂ ਬਾਂਸ ਦੇ ਡੰਡੇ ਨੂੰ ਲਾਲ ਰਿਬਨ ਨਾਲ ਬੰਨ੍ਹੋ ਅਤੇ ਇਸਨੂੰ ਕੱਚ ਦੇ ਭਾਂਡੇ ਵਿੱਚ ਰੱਖੋ। ਇਸ ਭਾਂਡੇ ਵਿੱਚ ਪਾਣੀ ਪਾਓ। ਖਾਸ ਧਿਆਨ ਰੱਖੋ ਕਿ ਪੌਦਾ ਸੁੱਕ ਨਾ ਜਾਵੇ। ਇਸ ਨਾਲ ਤੁਹਾਡਾ ਆਪਸੀ ਰਿਸ਼ਤਾ ਮਜ਼ਬੂਤ ਹੋਵੇਗਾ।
ਇਹ ਵੀ ਪੜ੍ਹੋ : ਵਾਸਤੂ ਸ਼ਾਸਤਰ : ਇਸ ਦਿਸ਼ਾ 'ਚ ਲਗਾਓ ਕਾਮਧੇਨੂ ਗਾਂ ਦੀ ਮੂਰਤੀ , ਘਰ 'ਚ ਨਹੀਂ ਹੋਵੇਗੀ ਪੈਸੇ ਦੀ ਘਾਟ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
