ਵਾਸਤੂ ਮੁਤਾਬਕ ਬਣਾਓ ਘਰ ਦਾ ਡਰਾਇੰਗ ਰੂਮ, ਬਣੀ ਰਹੇਗੀ ਸੁੱਖ-ਸ਼ਾਂਤੀ

9/4/2022 12:53:35 PM

ਨਵੀਂ ਦਿੱਲੀ- ਘਰ ਦਾ ਹਰ ਕੋਨਾ ਬਹੁਤ ਮਹੱਤਵਪੂਰਨ ਹੁੰਦਾ ਹੈ। ਵਾਸਤੂ ਸ਼ਾਸਤਰ ਅਨੁਸਾਰ ਡਰਾਇੰਗ ਰੂਮ, ਗੈਸਟ ਰੂਮ ਅਤੇ ਘਰ ਦੇ ਸਾਰੇ ਕਮਰੇ ਤੁਹਾਨੂੰ ਸਿਹਤਮੰਦ ਅਤੇ ਖੁਸ਼ ਰੱਖਣ ਵਿੱਚ ਬਹੁਤ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਜੇਕਰ ਇਨ੍ਹਾਂ ਕਮਰਿਆਂ ਦੀ ਵਾਸਤੂ ਸਹੀ ਹੋਵੇ ਤਾਂ ਘਰ 'ਚ ਸਕਾਰਾਤਮਕ ਊਰਜਾ ਅਤੇ ਖੁਸ਼ਹਾਲੀ ਆਉਂਦੀ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਜਿਸ ਘਰ 'ਚ ਮਾਂ ਲਕਸ਼ਮੀ ਦਾ ਵਾਸ ਹੁੰਦਾ ਹੈ, ਉੱਥੇ ਪਰਿਵਾਰ 'ਚ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ। ਮਾਂ ਲਕਸ਼ਮੀ ਦਾ ਵਾਸ ਹੋਣ ਕਾਰਨ ਘਰ ਵਿੱਚ ਕਦੇ ਵੀ ਗਰੀਬੀ ਨਹੀਂ ਆਉਂਦੀ। ਡਰਾਇੰਗ ਰੂਮ ਲਈ ਵੀ ਕੁਝ ਵਾਸਤੂ ਟਿਪਸ ਦੱਸੇ ਗਏ ਹਨ ਆਓ ਜਾਣਦੇ ਹਾਂ ਉਨ੍ਹਾਂ ਬਾਰੇ...
ਡਰਾਇੰਗ ਰੂਮ ਲਈ ਸਹੀ ਦਿਸ਼ਾ 
ਵਾਸਤੂ ਸ਼ਾਸਤਰ ਅਨੁਸਾਰ ਡਰਾਇੰਗ ਰੂਮ ਘਰ ਦੇ ਉੱਤਰ-ਪੂਰਬ ਜਾਂ ਉੱਤਰ ਤੋਂ ਪੱਛਮ ਵੱਲ ਹੋਣਾ ਚਾਹੀਦਾ ਹੈ।
ਖਿੜਕੀਆਂ ਦੀ ਦਿਸ਼ਾ
ਡਰਾਇੰਗ ਰੂਮ ਦੀਆਂ ਖਿੜਕੀਆਂ ਪੂਰਬ ਜਾਂ ਉੱਤਰ ਦਿਸ਼ਾ ਵਿੱਚ ਹੋਣੀਆਂ ਚਾਹੀਦੀਆਂ ਹਨ। ਇਸ ਨਾਲ ਤੁਹਾਡੇ ਘਰ ਵਿੱਚ ਰੌਸ਼ਨੀ ਅਤੇ ਹਵਾ ਆਉਂਦੀ ਰਹਿੰਦੀ ਹੈ।
ਇਸ ਦਿਸ਼ਾ ਵਿੱਚ ਹੋਵੇ ਗੇਟ
ਵਾਸਤੂ ਅਨੁਸਾਰ ਡਰਾਇੰਗ ਰੂਮ ਦਾ ਗੇਟ ਪੂਰਬ ਜਾਂ ਉੱਤਰ ਦਿਸ਼ਾ ਵਿੱਚ ਹੋਣਾ ਚਾਹੀਦਾ ਹੈ ਅਤੇ ਸੋਫਾ, ਕੁਰਸੀ, ਦੀਵਾਨ ਆਦਿ ਚੀਜ਼ਾਂ ਦਾ ਪ੍ਰਬੰਧ ਦੱਖਣ ਅਤੇ ਪੱਛਮ ਦਿਸ਼ਾ ਵਿੱਚ ਹੋਣਾ ਚਾਹੀਦਾ ਹੈ।
ਰੰਗਾਂ ਦਾ ਵੀ ਧਿਆਨ ਰੱਖੋ
ਡਰਾਇੰਗ ਰੂਮ ਵਿੱਚ ਦੀਵਾਰਾਂ ਨੂੰ ਹਲਕੇ ਰੰਗਾਂ ਵਿੱਚ ਹੀ ਪੇਂਟ ਕਰੋ। ਤੁਸੀਂ ਹਲਕੇ ਨੀਲੇ, ਹਲਕੇ ਹਰੇ ਅਤੇ ਅਸਮਾਨੀ ਰੰਗਾਂ ਵਿੱਚ ਪੇਂਟ ਕਰ ਸਕਦੇ ਹੋ। ਧਿਆਨ ਰਹੇ ਕਿ ਕਮਰੇ ਦੀ ਛੱਤ 'ਤੇ ਸਿਰਫ ਸਫੈਦ ਪੇਂਟ ਹੀ ਕੀਤਾ ਜਾਵੇ। ਖਿੜਕੀ ਅਤੇ ਦਰਵਾਜ਼ੇ ਦੇ ਪਰਦੇ ਦੀਵਾਰਾਂ ਦੇ ਰੰਗਾਂ ਨਾਲ ਮੇਲ ਖਾਂਦੇ ਹੀ ਰੂਪ ਵਿੱਚ ਚੁਣੋ। ਇਸ ਨਾਲ ਤੁਹਾਡੇ ਘਰ 'ਚ ਸਕਾਰਾਤਮਕਤਾ ਆਉਂਦੀ ਹੈ ਅਤੇ ਮਾਂ ਤੁਹਾਡੇ ਤੋਂ ਖ਼ੁਸ਼ ਹੁੰਦੀ ਹੈ।
ਇਸ ਤਰ੍ਹਾਂ ਦੀਆਂ ਤਸਵੀਰਾਂ ਲਗਾਓ
ਤੁਸੀਂ ਡਰਾਇੰਗ ਰੂਮ ਵਿੱਚ ਪਰਿਵਾਰ ਦੀਆਂ ਤਸਵੀਰਾਂ ਲਗਾ ਸਕਦੇ ਹੋ। ਇਸ ਨਾਲ ਤੁਹਾਡੇ ਘਰ ਵਿੱਚ ਖੁਸ਼ਹਾਲੀ ਆਵੇਗੀ। ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਡਰਾਇੰਗ ਰੂਮ 'ਚ ਐਕੁਏਰੀਅਮ ਰੱਖਣਾ ਚਾਹੁੰਦੇ ਹੋ ਤਾਂ ਇਸ ਨੂੰ ਉੱਤਰ ਦਿਸ਼ਾ 'ਚ ਰੱਖ ਸਕਦੇ ਹੋ। ਘਰ ਵਿੱਚ ਦੌੜਦੇ ਘੋੜੇ ਦੀ ਤਸਵੀਰ ਲਗਾਉਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ।


Aarti dhillon

Content Editor Aarti dhillon