Maha Shivratri ਦੀ ਪੂਜਾ ''ਚ ਨਾ ਕਰੋ ਇਨ੍ਹਾਂ ਚੀਜ਼ਾਂ ਦਾ ਇਸਤੇਮਾਲ, ਰੱਖੋ ਇਨ੍ਹਾਂ ਗੱਲਾਂ ਦਾ ਧਿਆਨ

ਨਵੀਂ ਦਿੱਲੀ - ਮਹਾ ਸ਼ਿਵਰਾਤਰੀ ਹਿੰਦੂ ਧਰਮ 'ਚ ਸਭ ਤੋਂ ਮਹੱਤਵਪੂਰਨ ਤਿਉਹਾਰਾਂ ਵਿਚੋਂ ਇਕ ਹੈ। ਇਹ ਤਿਉਹਾਰ ਮਾਘ ਮਹੀਨੇ 'ਚ ਕ੍ਰਿਸ਼ਨ ਪੱਖ ਦੀ ਚਤੁਰਥੀ ਤਿਥੀ(14ਵੇਂ ਦਿਨ) ਨੂੰ ਮਨਾਇਆ ਜਾਂਦਾ ਹੈ। ਇਸ ਸਾਲ ਮਹਾ ਸ਼ਿਵਰਾਤਰੀ 1 ਮਾਰਚ ਨੂੰ ਮੰਗਲਵਾਰ ਨੂੰ ਮਨਾਈ ਜਾਵੇਗੀ। ਇਸ ਦਿਨ ਭਗਤ ਭਗਵਾਨ ਸ਼ਿਵ ਅਤੇ ਦੇਵੀ ਪਾਰਵਤੀ ਦੇ ਮਿਲਣ ਦਾ ਜਸ਼ਨ ਮਨਾਉਂਦੇ ਹਨ। ਇਸ ਦੇ ਨਾਲ ਹੀ ਅਣਵਿਆਹੀਆਂ ਕੁੜੀਆਂ ਅਤੇ ਵਿਆਹੀਆਂ ਔਰਤਾਂ ਵੀ ਇਸ ਦਿਨ ਭਗਵਾਨ ਸ਼ਿਵ ਦਾ ਵਰਤ ਰੱਖਦੀਆਂ ਹਨ। ਪਰ ਵਰਤ ਜਾਂ ਪੂਜਾ ਕਰਦੇ ਸਮੇਂ ਕੁਝ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਸ਼ਿਵਰਾਤਰੀ ਦੇ ਦਿਨ ਕੀ ਕਰਨਾ ਚਾਹੀਦਾ ਹੈ ਅਤੇ ਕੀ ਨਹੀਂ ਕਰਨਾ ਚਾਹੀਦਾ।

ਇਹ ਵੀ ਪੜ੍ਹੋ :  ਮਹਾਸ਼ਿਵਰਾਤਰੀ 'ਤੇ ਜ਼ਰੂਰ ਕਰੋ ਇਹ ਉਪਾਅ, ਹਮੇਸ਼ਾ ਪਰਿਵਾਰ ਰਹੇਗਾ ਖ਼ੁਸ਼ਹਾਲ

ਇਨ੍ਹਾਂ ਫੁੱਲਾਂ ਨੂੰ ਸ਼ਿਵਲਿੰਗ 'ਤੇ ਨਾ ਚੜ੍ਹਾਓ

ਭਗਵਾਨ ਸ਼ਿਵ ਨੂੰ ਕੇਤਕੀ ਅਤੇ ਕੇਵੜਾ ਦੇ ਫੁੱਲ ਨਾ ਚੜ੍ਹਾਓ ਕਿਉਂਕਿ ਕਿਹਾ ਜਾਂਦਾ ਹੈ ਕਿ ਇਹ ਫੁੱਲ ਭਗਵਾਨ ਸ਼ਿਵ ਦੁਆਰਾ ਸਰਾਪਿਆ ਅਤੇ ਤੁੱਛ ਹੈ।

ਤੁਲਸੀ ਦੀ ਵਰਤੋਂ ਦੀ ਹੈ ਮਨਾਹੀ 

ਸ਼ਿਵ ਪੂਜਾ ਵਿੱਚ ਤੁਲਸੀ ਦੇ ਪੱਤਿਆਂ ਦੀ ਵਰਤੋਂ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ ਕਿਉਂਕਿ ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਨ੍ਹਾਂ ਦੀ ਵਰਤੋਂ ਕਰਨ ਨਾਲ ਪੂਜਾ ਅਧੂਰੀ ਰਹਿ ਸਕਦੀ ਹੈ। ਇਸ ਤੋਂ ਇਲਾਵਾ, ਇਹ ਦੇਵੀ ਲਕਸ਼ਮੀ, ਵਿਸ਼ਨੂੰ ਦੀ ਪਤਨੀ ਦਾ ਪ੍ਰਤੀਕ ਹੈ।

ਅਜਿਹੇ ਭਾਂਡੇ ਵਿਚ ਪਾਣੀ ਨਾ ਚੜ੍ਹਾਓ

ਭਗਵਾਨ ਸ਼ਿਵ ਨੂੰ ਕਦੇ ਵੀ ਪਿੱਤਲ ਦੇ ਭਾਂਡੇ, ਕਿਸੇ ਵੀ ਧਾਤ ਜਾਂ ਸਟੀਲ ਦੇ ਭਾਂਡੇ ਤੋਂ ਦੁੱਧ ਨਾ ਚੜ੍ਹਾਓ। ਹਮੇਸ਼ਾ ਤਾਂਬੇ ਦੇ ਭਾਂਡੇ 'ਚ ਹੀ ਪਾਣੀ ਜਾਂ ਦੁੱਧ ਚੜਾਓ।

ਇਹ ਵੀ ਪੜ੍ਹੋ :  Jyotish Shastra : ਮਾਂ ਲਕਸ਼ਮੀ ਨੂੰ ਬਹੁਤ ਪਿਆਰਾ ਹੈ ਇਹ ਯੰਤਰ, ਹਮੇਸ਼ਾ ਖੁਸ਼ੀਆਂ ਨਾਲ ਭਰਿਆ ਰਹੇਗਾ ਘਰ

ਮਹਾ ਸ਼ਿਵਰਾਤਰੀ: ਵਰਤ ਰੱਖਣ ਵੇਲੇ ਕੀ ਕਰੀਏ?

1. ਸੂਰਜ ਚੜ੍ਹਨ ਤੋਂ ਦੋ ਘੰਟੇ ਪਹਿਲਾਂ ਉੱਠੋ ਅਤੇ ਸਭ ਤੋਂ ਪਹਿਲਾਂ ਭਗਵਾਨ ਸ਼ਿਵ ਜਾਂ ਆਪਣੇ ਇਸ਼ਟ ਦੇਵ ਦਾ ਸਿਮਰਨ ਕਰੋ।
2. ਇਸ਼ਨਾਨ ਕਰੋ ਅਤੇ ਪੂਜਾ ਲਈ ਸਾਫ਼ ਅਤੇ ਚਿੱਟੇ-ਲਾਲ ਕੱਪੜੇ ਪਹਿਨੋ ਕਿਉਂਕਿ ਇਹ ਰੰਗ ਭਗਵਾਨ ਸ਼ਿਵ ਨੂੰ ਪਿਆਰਾ ਹੈ।
3. ਨਿਸ਼ਿਤਾ ਕਾਲ ਦੌਰਾਨ ਪੂਜਾ ਕਰੋ। ਸ਼ਿਵਲਿੰਗ 'ਤੇ ਕੱਚਾ ਦੁੱਧ, ਪੰਚਾਮ੍ਰਿਤ, ਬੇਲਪੱਤਰ, ਭੰਗ ਧਤੂਰਾ, ਗੁੜ-ਸ਼ੱਕਰ, ਫਲ, ਦਹੀ, ਫੁੱਲ ਆਦਿ ਚੜ੍ਹਾਓ।
4. ਓਮ ਨਮਹ ਸ਼ਿਵਾਯ ਅਤੇ ਮਹਾਮ੍ਰਿਤੁੰਜਯ ਮੰਤਰ ਦਾ ਜਾਪ ਕਰੋ। ਸ਼ਿਵਰਾਤਰੀ ਦੀ ਕਥਾ ਵੀ ਸੁਣੋ ਜਾਂ ਪੜ੍ਹੋ।
5. ਵਰਤ ਰੱਖੋ ਅਤੇ ਫਲ, ਦੁੱਧ, ਸੁੱਕੇ ਮੇਵੇ ਆਦਿ ਦਾ ਸੇਵਨ ਕਰੋ। ਇਸ ਦਿਨ ਨਮਕ ਦਾ ਸੇਵਨ ਕਰਨਾ ਵਰਜਿਤ ਮੰਨਿਆ ਜਾਂਦਾ ਹੈ।
6. ਸਵੇਰੇ ਅਤੇ ਸ਼ਾਮ ਨੂੰ ਦਿਨ ਵਿੱਚ ਦੋ ਵਾਰ ਦੀਵਾ ਜਗਾਓ ਅਤੇ ਸ਼ਿਵ ਚਾਲੀਸਾ ਜਾਂ ਸ਼ਿਵਰਾਤਰੀ ਕਥਾ ਦਾ ਪਾਠ ਕਰੋ।
7. ਸ਼ਿਵ ਦੀ ਪੂਜਾ ਦੇ ਸਮੇਂ ਸ਼ਿਵਲਿੰਗ 'ਤੇ ਭਸਮ ਚੜ੍ਹਾਉਣਾ ਸ਼ੁਭ ਮੰਨਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ :  Vastu Tips:ਗੁਲਾਬ ਦਾ ਫੁੱਲ ਬਦਲ ਸਕਦਾ ਹੈ ਤੁਹਾਡੀ ਕਿਸਮਤ, ਜਾਣੋ ਇਸ ਨਾਲ ਜੁੜੇ ਨੁਸਖੇ

ਮਹਾ ਸ਼ਿਵਰਾਤਰੀ 'ਤੇ ਵਰਤ ਰੱਖਦੇ ਹੋਏ ਕੀ ਨਹੀਂ ਕਰਨਾ ਚਾਹੀਦਾ?

1. ਮਹਾਸ਼ਿਵਰਾਤਰੀ ਦਾ ਵਰਤ ਰੱਖਣ ਵਾਲੇ ਲੋਕਾਂ ਨੂੰ ਕਣਕ, ਚੌਲ ਅਤੇ ਦਾਲਾਂ ਦੇ ਸੇਵਨ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।
2. ਵਰਤ ਰੱਖਣ ਦੀ ਰਸਮ ਕਰਦੇ ਸਮੇਂ ਸ਼ਿਵ ਲਿੰਗ ਦੀ ਪੂਰੀ ਪਰਿਕਰਮਾ ਨਾ ਕਰੋ। ਇੱਕ ਅਰਧ-ਚੱਕਰ ਵਿੱਚ ਆਲੇ-ਦੁਆਲੇ ਜਾਓ ਅਤੇ ਜਿੱਥੇ ਤੁਸੀਂ ਸ਼ੁਰੂ ਕੀਤਾ ਸੀ ਉੱਥੇ ਵਾਪਸ ਆਓ।
3. ਪਿਆਜ਼, ਲਸਣ ਅਤੇ ਮਾਸ ਦਾ ਸੇਵਨ ਨਾ ਕਰੋ।
4. ਤੰਬਾਕੂ ਜਾਂ ਸ਼ਰਾਬ ਦਾ ਸੇਵਨ ਨਾ ਕਰੋ।
5. ਸ਼ਿਵਲਿੰਗ 'ਤੇ ਨਾਰੀਅਲ ਪਾਣੀ ਨਾ ਚੜ੍ਹਾਓ।
6. ਔਰਤਾਂ ਨੂੰ ਸ਼ਿਵਲਿੰਗ 'ਤੇ ਸਿੰਦੂਰ/ਕੁਮਕੁਮ ਨਹੀਂ ਲਗਾਉਣਾ ਚਾਹੀਦਾ। ਇਸ ਦੀ ਬਜਾਏ ਚੰਦਨ ਦਾ ਤਿਲਕ ਲਗਾਓ।
7. ਭਗਤਾਂ ਨੂੰ ਇਸ ਦਿਨ ਕਾਲੇ ਰੰਗ ਦੇ ਕੱਪੜੇ ਪਹਿਨਣ ਤੋਂ ਬਚਣਾ ਚਾਹੀਦਾ ਹੈ ਕਿਉਂਕਿ ਕਿਹਾ ਜਾਂਦਾ ਹੈ ਕਿ ਭਗਵਾਨ ਸ਼ਿਵ ਨੂੰ ਇਹ ਰੰਗ ਪਸੰਦ ਨਹੀਂ ਹੈ।
8. ਸ਼ਿਵਰਾਤਰੀ 'ਤੇ ਨਹੁੰ ਅਤੇ ਵਾਲ ਕੱਟਣੇ ਵੀ ਵਰਜਿਤ ਮੰਨੇ ਜਾਂਦੇ ਹਨ।
9. ਵਰਤ ਦੌਰਾਨ ਗੁੱਸਾ ਨਾ ਕਰੋ ਅਤੇ ਕਿਸੇ ਦਾ ਅਪਮਾਨ ਨਾ ਕਰੋ। ਇਸ ਨਾਲ ਭਗਵਾਨ ਭੋਲੇਨਾਥ ਨੂੰ ਗੁੱਸਾ ਆਵੇਗਾ।

ਇਹ ਵੀ ਪੜ੍ਹੋ : Feng Shui: ਘਰ ਦੀ ਇਸ ਦਿਸ਼ਾ 'ਤੇ ਰੱਖੋ Aquarium , ਪਰਿਵਾਰ 'ਚ ਵਧੇਗਾ ਪਿਆਰ ਅਤੇ ਮਿਲੇਗੀ ਤਰੱਕੀ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।