Dhanteras 'ਤੇ ਭੁੱਲ ਕੇ ਵੀ ਨਾ ਕਰੋ ਇਨ੍ਹਾਂ ਚੀਜ਼ਾਂ ਦੀ ਖਰੀਦਾਰੀ, ਹੋ ਸਕਦੈ ਭਾਰੀ ਨੁਕਸਾਨ

ਵੈੱਬ ਡੈਸਕ- ਧਨਤੇਰਸ ਦਾ ਤਿਉਹਾਰ ਇਸ ਸਾਲ 29 ਅਕਤੂਬਰ ਨੂੰ ਦੇਸ਼ ਭਰ 'ਚ ਮਨਾਇਆ ਜਾਵੇਗਾ। ਇਸ ਦਿਨ ਧਨ ਦੀ ਦੇਵੀ ਲਕਸ਼ਮੀ, ਧਨ ਦੇ ਦੇਵਤਾ ਕੁਬੇਰ ਅਤੇ ਆਯੁਰਵੇਦ ਦੇ ਦਾਤਾ ਧਨਵੰਤਰੀ ਦੀ ਪੂਜਾ ਕਰਨ ਦੀ ਪਰੰਪਰਾ ਹੈ। ਇਸ ਦੇ ਨਾਲ ਹੀ ਘਰ 'ਚ ਦੇਵੀ-ਦੇਵਤਿਆਂ ਦੇ ਨਾਮ 'ਤੇ ਦੀਵਾ ਜਗਾਉਣਾ ਵੀ ਸ਼ੁੱਭ ਹੈ।
ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਧਨਤੇਰਸ ਦੇ ਸ਼ੁੱਭ ਦਿਨ 'ਤੇ ਜੋ ਲੋਕ ਦੇਵੀ-ਦੇਵਤਿਆਂ ਦੀ ਪੂਜਾ ਦੇ ਨਾਲ-ਨਾਲ ਖਰੀਦਦਾਰੀ ਕਰਦੇ ਹਨ, ਉਨ੍ਹਾਂ ਨੂੰ ਦੇਵੀ ਲਕਸ਼ਮੀ ਅਤੇ ਧਨ ਦੇ ਦੇਵਤਾ ਕੁਬੇਰ ਜੀ ਦਾ ਵਿਸ਼ੇਸ਼ ਆਸ਼ੀਰਵਾਦ ਪ੍ਰਾਪਤ ਹੁੰਦਾ ਹੈ। ਇਸ ਦਿਨ ਜ਼ਿਆਦਾਤਰ ਲੋਕ ਸੋਨਾ, ਚਾਂਦੀ, ਭਾਂਡੇ ਅਤੇ ਮੂਰਤੀਆਂ ਖਰੀਦਦੇ ਹਨ। ਹਾਲਾਂਕਿ, ਧਨਤੇਰਸ 'ਤੇ ਕੁਝ ਅਜਿਹੀਆਂ ਚੀਜ਼ਾਂ ਹਨ ਜਿਨ੍ਹਾਂ ਨੂੰ ਖਰੀਦਣਾ ਸ਼ੁੱਭ ਨਹੀਂ ਮੰਨਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਧਨਤੇਰਸ ਦੇ ਸ਼ੁੱਭ ਦਿਨ 'ਤੇ ਕਿਹੜੇ ਧਾਤ ਦੇ ਭਾਂਡਿਆਂ ਨੂੰ ਖਰੀਦਣ ਤੋਂ ਬਚਣਾ ਚਾਹੀਦਾ ਹੈ।
ਧਨਤੇਰਸ 'ਤੇ ਕੀ ਨਹੀਂ ਖਰੀਦਣਾ ਚਾਹੀਦਾ?
ਧਾਰਮਿਕ ਮਾਨਤਾ ਅਨੁਸਾਰ ਧਨਤੇਰਸ 'ਤੇ ਲੋਹੇ ਦੇ ਭਾਂਡੇ ਨਹੀਂ ਖਰੀਦਣੇ ਚਾਹੀਦੇ। ਜੋਤਿਸ਼ ਵਿੱਚ, ਲੋਹੇ ਦਾ ਸਬੰਧ ਸ਼ਨੀ ਗ੍ਰਹਿ ਨਾਲ ਦੱਸਿਆ ਗਿਆ ਹੈ, ਜੋ ਚੰਗੇ ਨਤੀਜੇ ਦਿੰਦਾ ਹੈ। ਜੇਕਰ ਤੁਸੀਂ ਇਸ ਦਿਨ ਲੋਹੇ ਦੀਆਂ ਬਣੀਆਂ ਚੀਜ਼ਾਂ ਖਰੀਦਦੇ ਹੋ ਤਾਂ ਤੁਹਾਨੂੰ ਸ਼ਨੀ ਦੇ ਪ੍ਰਕੋਪ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਕਾਰਨ ਹੀ, ਧਨਤੇਰਸ 'ਤੇ ਲੋਹੇ ਦੇ ਭਾਂਡੇ ਖਰੀਦਣ ਤੋਂ ਬਚਣਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ-  Diwali 2024: ਮਾਂ ਲਕਸ਼ਮੀ ਤੇ ਗਣੇਸ਼ ਜੀ ਦੀ ਮੂਰਤੀ ਖਰੀਦਦੇ ਸਮੇਂ ਰੱਖੋ ਇਨ੍ਹਾਂ ਗੱਲਾਂ ਦਾ ਖ਼ਾਸ ਧਿਆਨ
ਕੱਚ ਦੇ ਭਾਂਡੇ 
ਧਨਤੇਰਸ 'ਤੇ ਲੋਹੇ ਤੋਂ ਇਲਾਵਾ ਕੱਚ ਦੇ ਭਾਂਡੇ ਵੀ ਨਹੀਂ ਖਰੀਦਣੇ ਚਾਹੀਦੇ। ਜੋਤਿਸ਼ ਵਿੱਚ ਸ਼ੀਸ਼ੇ ਦਾ ਸਬੰਧ ਗ੍ਰਹਿ ਰਾਹੂ ਨਾਲ ਦੱਸਿਆ ਗਿਆ ਹੈ। ਜੇਕਰ ਤੁਸੀਂ ਇਸ ਸ਼ੁੱਭ ਦਿਨ 'ਤੇ ਕੱਚ ਦੇ ਭਾਂਡੇ ਖਰੀਦਦੇ ਹੋ, ਤਾਂ ਤੁਹਾਨੂੰ ਆਰਥਿਕ ਤੰਗੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਇਨ੍ਹਾਂ 5 ਚੀਜ਼ਾਂ ਨੂੰ ਖਰੀਦਣ ਤੋਂ ਵੀ ਕਰੋ ਪਰਹੇਜ਼
ਧਾਰਮਿਕ ਮਾਨਤਾ ਅਨੁਸਾਰ ਧਨਤੇਰਸ 'ਤੇ ਪਲਾਸਟਿਕ ਦੀਆਂ ਬਣੀਆਂ ਚੀਜ਼ਾਂ ਨਹੀਂ ਖਰੀਦੀਆਂ ਜਾਣੀਆਂ ਚਾਹੀਦੀਆਂ ਹਨ।
ਧਨਤੇਰਸ 'ਤੇ ਤਿੱਖੀਆਂ ਤੇ ਧਾਰਦਾਰ ਚੀਜ਼ਾਂ ਜਿਵੇਂ ਚਾਕੂ, ਸੂਈਆਂ ਅਤੇ ਕੈਂਚੀ ਆਦਿ ਦੀ ਖਰੀਦਦਾਰੀ ਨਹੀਂ ਕਰਨੀ ਚਾਹੀਦੀ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਨ੍ਹਾਂ ਚੀਜ਼ਾਂ ਨੂੰ ਖਰੀਦਣ ਨਾਲ ਘਰ ਵਿਚ ਪਰੇਸ਼ਾਨੀਆਂ ਆਉਂਦੀਆਂ ਹਨ।

ਇਹ ਵੀ ਪੜ੍ਹੋ- Dhanteras 'ਤੇ ਖਰੀਦਣ ਜਾ ਰਹੇ ਹੋ ਵਾਹਨ ਤਾਂ ਜਾਣ ਲਓ ਸ਼ੁੱਭ ਮਹੂਰਤ
ਆਰਟੀਫਿਸ਼ੀਅਲ ਗਹਿਣੇ 
ਧਨਤੇਰਸ ਦੇ ਸ਼ੁੱਭ ਦਿਨ 'ਤੇ ਆਰਟੀਫਿਸ਼ੀਅਲ ਗਹਿਣੇ ਵੀ ਨਹੀਂ ਖਰੀਦਣੇ ਚਾਹੀਦੇ। ਇਸ ਦਿਨ ਸਿਰਫ ਸੋਨਾ ਅਤੇ ਚਾਂਦੀ ਖਰੀਦਣਾ ਸ਼ੁੱਭ ਹੁੰਦਾ ਹੈ।

ਕਾਲੇ ਰੰਗ ਦੇ ਕੱਪੜੇ
ਧਨਤੇਰਸ 'ਤੇ ਕਾਲੇ ਰੰਗ ਦੇ ਕੱਪੜੇ ਨਹੀਂ ਖਰੀਦਣੇ ਚਾਹੀਦੇ। ਜੋਤਿਸ਼ ਵਿਚ ਕਿਹਾ ਗਿਆ ਹੈ ਕਿ ਕਾਲਾ ਰੰਗ ਸ਼ਨੀ ਗ੍ਰਹਿ ਨਾਲ ਸਬੰਧਤ ਹੈ। ਜੇਕਰ ਤੁਸੀਂ ਇਸ ਦਿਨ ਕਾਲੇ ਰੰਗ ਦੇ ਕੱਪੜੇ ਖਰੀਦਦੇ ਹੋ ਤਾਂ ਤੁਹਾਨੂੰ ਸ਼ਨੀ ਦੀ ਕ੍ਰੋਧ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ