22 ਜੂਨ ਤੋਂ ਜ਼ਰਾ ਬਚ ਕੇ...! ਬਣੇਗਾ ਤ੍ਰਿਗ੍ਰਹੀ ਯੋਗ, 4 ਰਾਸ਼ੀਆਂ ਦੀਆਂ ਵਧਣਗੀਆਂ ਮੁਸ਼ਕਲਾਂ
6/21/2026 4:18:09 PM
ਵੈੱਬ ਡੈਸਕ : 22 ਜੂਨ 2026 ਨੂੰ ਕਰਕ ਰਾਸ਼ੀ ਵਿਚ ਇੱਕ ਦੁਰਲੱਭ ਤ੍ਰਿਗ੍ਰਹੀ ਯੋਗ ਬਣਨ ਜਾ ਰਿਹਾ ਹੈ, ਜਿਸਦਾ ਵਿਸ਼ੇਸ਼ ਪ੍ਰਭਾਵ ਮੇਖ, ਸਿੰਘ, ਧਨੁ ਅਤੇ ਮੀਨ ਰਾਸ਼ੀ 'ਤੇ ਪਵੇਗਾ। ਵੈਦਿਕ ਜੋਤਿਸ਼ ਅਨੁਸਾਰ, ਜਦੋਂ ਗ੍ਰਹਿਆਂ ਦਾ ਰਾਜਕੁਮਾਰ ਬੁੱਧ ਆਪਣੀ ਰਾਸ਼ੀ ਬਦਲ ਕੇ ਕਰਕ ਵਿਚ ਪ੍ਰਵੇਸ਼ ਕਰੇਗਾ ਤਾਂ ਉੱਥੇ ਪਹਿਲਾਂ ਤੋਂ ਹੀ ਮੌਜੂਦ ਗੁਰੂ ਬ੍ਰਹਸਪਤੀ ਅਤੇ ਸ਼ੁੱਕਰ ਨਾਲ ਮਿਲ ਕੇ ਇਸ ਸ਼ਕਤੀਸ਼ਾਲੀ ਯੋਗ ਦਾ ਨਿਰਮਾਣ ਕਰੇਗਾ।
ਇਹ ਯੋਗ ਚੁਣੌਤੀਪੂਰਨ ਕਿਉਂ ਹੈ?
ਜੋਤਿਸ਼ ਸ਼ਾਸਤਰ ਅਨੁਸਾਰ, ਕਰਕ ਇੱਕ ਜਲ ਤੱਤ ਦੀ ਰਾਸ਼ੀ ਹੈ। ਇਨ੍ਹਾਂ ਤਿੰਨਾਂ ਗ੍ਰਹਿਆਂ ਦਾ ਮਿਲਣ ਭਾਵਨਾਵਾਂ ਅਤੇ ਤਰਕ ਕਰਨ ਦੀ ਸ਼ਕਤੀ ਵਿਚਕਾਰ ਅਸੰਤੁਲਨ ਪੈਦਾ ਕਰ ਸਕਦਾ ਹੈ। ਬੁੱਧ (ਬੁੱਧੀ ਦਾ ਕਾਰਕ) ਅਤੇ ਬ੍ਰਹਸਪਤੀ (ਗਿਆਨ ਦਾ ਕਾਰਕ) ਦੀ ਯੁਤੀ ਕਈ ਵਾਰ ਵਿਅਕਤੀ ਨੂੰ 'ਓਵਰਥਿੰਕਰ' ਬਣਾ ਦਿੰਦੀ ਹੈ, ਜਿਸ ਨਾਲ ਫੈਸਲੇ ਲੈਣ ਵਿਚ ਦੇਰੀ ਹੁੰਦੀ ਹੈ। ਇਸ ਤੋਂ ਇਲਾਵਾ, ਮਨ ਵਿਚ ਬੇਚੈਨੀ ਤੇ ਪਰਿਵਾਰਕ ਵਿਵਾਦ ਵਧਣ ਦੀ ਵੀ ਸੰਭਾਵਨਾ ਰਹਿੰਦੀ ਹੈ।
ਇਨ੍ਹਾਂ ਰਾਸ਼ੀਆਂ 'ਤੇ ਪਏਗਾ ਅਸਰ
ਮੇਖ ਰਾਸ਼ੀ: ਇਨ੍ਹਾਂ ਜਾਤਕਾਂ ਨੂੰ ਆਪਣੀ ਬਾਣੀ 'ਤੇ ਸੰਜਮ ਰੱਖਣ ਦੀ ਲੋੜ ਹੈ। ਪਰਿਵਾਰ ਵਿਚ ਮਤਭੇਦ ਤੇ ਕੰਮ ਵਾਲੀ ਥਾਂ 'ਤੇ ਸਹਿਕਰਮੀਆਂ ਨਾਲ ਤਾਲਮੇਲ ਵਿਚ ਦਿੱਕਤ ਆ ਸਕਦੀ ਹੈ।
ਸਿੰਘ ਰਾਸ਼ੀ: ਖਰਚਿਆਂ ਵਿਚ ਵਾਧਾ ਹੋ ਸਕਦਾ ਹੈ ਅਤੇ ਅਚਾਨਕ ਧਨ ਦੀ ਹਾਨੀ ਦੇ ਯੋਗ ਬਣ ਸਕਦੇ ਹਨ। ਬਜਟ ਬਣਾ ਕੇ ਚੱਲਣਾ ਹੀ ਸਮਝਦਾਰੀ ਹੋਵੇਗੀ।
ਧਨੁ ਰਾਸ਼ੀ: ਇਸ ਸਮੇਂ ਦੌਰਾਨ ਮਾਨਸਿਕ ਤਣਾਅ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ ਤੇ ਕੰਮ ਦਾ ਦਬਾਅ ਵਧ ਸਕਦਾ ਹੈ।
ਮੀਨ ਰਾਸ਼ੀ: ਹਾਲਾਂਕਿ ਆਰਥਿਕ ਸਥਿਤੀ ਮਜ਼ਬੂਤ ਹੋਵੇਗੀ, ਪਰ ਪ੍ਰੇਮ ਸਬੰਧਾਂ ਵਿਚ ਗਲਤਫਹਿਮੀਆਂ ਪੈਦਾ ਹੋ ਸਕਦੀਆਂ ਹਨ।
ਨਕਾਰਾਤਮਕ ਪ੍ਰਭਾਵ ਘਟਾਉਣ ਦੇ ਉਪਾਅ
1. ਗਣੇਸ਼ ਪੂਜਾ: ਬੁੱਧ ਦੇ ਮਾੜੇ ਪ੍ਰਭਾਵਾਂ ਨੂੰ ਘਟਾਉਣ ਲਈ ਭਗਵਾਨ ਗਣੇਸ਼ ਨੂੰ ਦੂਰਵਾ ਅਰਪਿਤ ਕਰੋ।
2. ਸ਼ਿਵਲਿੰਗ 'ਤੇ ਜਲ: ਭਗਵਾਨ ਸ਼ਿਵ ਦੀ ਪੂਜਾ ਇਸ ਸਮੇਂ ਬਹੁਤ ਫਲਦਾਇਕ ਹੁੰਦੀ ਹੈ।
3. ਤੁਲਸੀ ਦੀ ਸੇਵਾ: ਘਰ ਦੀ ਊਰਜਾ ਨੂੰ ਸ਼ੁੱਧ ਰੱਖਣ ਲਈ ਨਿਯਮਿਤ ਤੌਰ 'ਤੇ ਤੁਲਸੀ ਦੇ ਪੌਦੇ ਨੂੰ ਜਲ ਦਿਓ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
