19 ਸਾਲ ਬਾਅਦ ਗੁਪਤ ਨੌਰਾਤਿਆਂ ''ਚ ਸਾਧਨਾ ਲਈ ਸਹੀ ਸਮਾਂ, ਕਈ ਸੁੱਖਾਂ ਦੀ ਹੋਵੇਗੀ ਪ੍ਰਾਪਤੀ

ਉਜੈਨ- 2 ਫਰਵਰੀ ਨੂੰ ਮਾਘ ਦੇ ਗੁਪਤ ਨੌਰਾਤੇ ਸ਼ੁਰੂ ਹੋਣਗੇ। 19 ਸਾਲ ਬਾਅਦ ਰਾਹੂ ਦਾ ਵਰਿਸ਼ਭ 'ਚ ਗੋਚਰ ਹੋਵੇਗਾ, ਜੋ ਸਾਧਨਾ ਦੇ ਲਈ ਚੰਗਾ ਮੌਕਾ ਬਣਾਏਗਾ। ਸਾਲ 'ਚ ਚਾਰ ਨੌਰਾਤੇ ਆਉਂਦੇ ਹਨ। ਇਸ 'ਚੋਂ ਦੋ ਗੁਪਤ ਅਤੇ ਦੋ ਪ੍ਰਗਟ ਨੌਰਾਤੇ ਹੁੰਦੇ ਹਨ। ਅਸ਼ਾੜ੍ਹ ਤੇ ਮਾਘ ਦੇ ਨੌਰਾਤੇ ਗੁਪਤ ਨੌਰਾਤੇ ਕਹਾਉਂਦੇ ਹਨ। 
ਗੁਪਤ ਨੌਰਾਤਿਆਂ ਨੂੰ ਤੰਤਰ ਸਾਧਨਾ ਲਈ ਬਿਹਤਰ ਮੰਨਿਆ ਜਾਂਦਾ ਹੈ। ਪੰਡਿਤ ਮਨੀਸ਼ ਸ਼ਰਮਾ ਮੁਤਾਬਕ ਗੁਪਤ ਨੌਰਾਤਿਆਂ 'ਚ ਦਸ ਮਹਾਵਿੱਦਿਆ ਜੋ ਦਸ ਮਾਤਾ ਦੇ ਰੂਪ 'ਚ ਜਾਣੀ ਜਾਂਦੀ ਹੈ। ਉਨ੍ਹਾਂ ਦੀ ਅਰਾਧਨਾ ਕੀਤੀ ਜਾਂਦੀ ਹੈ। ਉਨ੍ਹਾਂ ਦਾ ਨਾਂ ਹੈ-ਕਾਲੀ, ਤਾਰਾ, ਸ਼ੋਢਸ਼ੀ, ਭੁਵਨੇਸ਼ਵਰੀ, ਭੈਰਵੀ, ਛਿੰਮਸਤਿਕਾ, ਧੂਮਾਵਤੀ, ਬੰਗਲਾਮੁਖੀ, ਮਾਤੰਗੀ ਅਤੇ ਕਮਲਾ। ਇਨ੍ਹਾਂ ਵਿੱਦਿਆਵਾਂ ਦਾ ਕਾਦੀ, ਹਾਦੀ, ਸਾਦੀ ਕ੍ਰਮ ਨਾਲ ਉਪਾਸਨਾ ਭੇਦ ਹੈ। ਗੁਪਤ ਸਾਧਾਨਾਵਾਂ 'ਚ ਰਾਹੂ ਦੀ ਸਥਿਤੀ ਜ਼ਿਆਦਾ ਮਹੱਤਵਪੂਰਨ ਹੁੰਦੀ ਹੈ। ਰਾਹੂਕਾਲ ਦੇ ਚੱਲਦੇ ਸਮੇਂ ਕੁਝ ਵਿਸ਼ੇਸ਼ ਪਾਠ ਕਰਨ ਨਾਲ ਇਨ੍ਹਾਂ 'ਚ ਬਹੁਤ ਲਾਭ ਪ੍ਰਾਪਤ ਹੁੰਦੇ ਹਨ। ਇਸ ਵਾਰ ਗੁਪਤ ਨੌਰਾਤੇ ਗ੍ਰਹਿਾਂ ਦੀ ਚਾਲ ਦੇ ਕਾਰਨ ਹੋਰ ਵੀ ਜ਼ਿਆਦਾ ਮਹੱਤਵਪੂਰਨ ਹੋ ਗਈ ਹੈ। 
ਇਸ ਵਾਰ 19 ਸਾਲ ਬਾਅਦ ਗੁਪਤ ਨੌਰਾਤੇ 'ਚ ਰਾਹੂ ਆਪਣੀ ਮਿੱਤਰ ਰਾਸ਼ੀ ਵਸ਼ਿਭ 'ਚ ਗੋਚਰ ਹੋ ਰਿਹਾ ਹੈ। 
ਇਸ ਤੋਂ ਪਹਿਲਾਂ 2 ਫਰਵਰੀ 2003 ਨੂੰ ਗੁਪਤ ਨੌਰਾਤੇ ਦੀ ਸ਼ੁਰੂਆਤ ਰਾਹੂ ਦੇ ਰਹਿੰਦੇ ਹੋਈ ਸੀ। ਸੂਰਜ ਅਤੇ ਸ਼ਨੀ ਮਕਰ ਰਾਸ਼ੀ 'ਚ ਗੋਚਰ ਕਰਨਗੇ, ਇਸ 'ਚ ਮਕਰ ਸ਼ਨੀ ਦੀ ਅਗਵਾਈ ਦੀ ਰਾਸ਼ੀ ਹੈ। ਸੂਰਜ-ਸ਼ਨੀ ਦੇ ਇਕੱਠੇ ਇਕ ਹੀ ਰਾਸ਼ੀ 'ਚ ਹੋਣ ਨਾਲ ਤੰਤਰ ਕਿਰਿਆਵਾਂ ਸੁਗਮਤਾ ਨਾਲ ਹੁੰਦੀਆਂ ਹੈ। ਇਹ ਲਾਭ- ਇਸ ਦੀ ਆਰਾਧਨਾ ਨਾਲ ਕੋਰਟ 'ਚ ਜਿੱਤ, ਸੰਤਾਨ ਸੁੱਖ, ਮਾਰਨ, ਮੋਹਨ, ਆਕਰਸ਼ਨ ਆਦਿ ਕਈ ਲਾਭ ਪ੍ਰਾਪਤ ਹੁੰਦੇ ਹਨ। ਰਾਜਨੀਤਿਕ ਸਫਲਤਾ ਦੇ ਲਈ, ਅਹੁਦੇ ਦੀ ਪ੍ਰਾਪਤੀ ਅਤੇ ਕਈ ਸਾਧਕ ਆਤਮ ਸੁੱਖ ਦਾ ਤਿਉਹਾਰ ਹੈ। ਗੁਪਤ ਨੌਰਾਤੇ ਦੇ ਦੌਰਾਨ 5 ਫਰਵਰੀ ਨੂੰ ਬਸੰਤ ਪੰਚਮੀ ਤਿਉਹਾਰ ਹੈ। ਇਸ ਦਿਨ ਦੇਵੀ ਸਰਸਵਤੀ ਦੀ ਪੂਜਾ ਕੀਤੀ ਜਾਂਦੀ ਹੈ। 8 ਨੂੰ ਨਰਮਦਾ ਜਯੰਤੀ ਰਹੇਗੀ। ਇਸ ਦਿਨ ਨਦੀਆਂ ਦੀ ਪੂਜਾ ਕੀਤੀ ਜਾਂਦੀ ਹੈ। ਗੁਪਤ ਨੌਰਾਤੇ ਦੀ ਅਸ਼ਟਮੀ 9 ਫਰਵਰੀ ਨੂੰ ਰਹੇਗੀ। 
ਮਾਘੀ ਪੂਰਨਮਾਸ਼ੀ ਦਾ ਇਸ਼ਨਾਨ ਤਿਉਹਾਰ 16 ਫਰਵਰੀ ਨੂੰ, ਤੀਰਥਾਂ ਨੂੰ ਹੋਵੇਗਾ ਇਸ਼ਨਾਨ ਦਾਨ
ਮਾਘੀ ਪੂਰਨਮਾਸ਼ੀ ਦਾ ਤਿਉਹਾਰ 16 ਫਰਵਰੀ ਬੁੱਧਵਾਰ ਨੂੰ ਹੋਵੇਗਾ। ਜੋਤਸ਼ੀਆਂ ਅਨੁਸਾਰ ਇਸ ਵਾਰ ਮਾਘੀ ਪੂਰਨਮਾਸ਼ੀ 'ਤੇ ਅਜਿਹੇ ਗ੍ਰਹਿ-ਯੋਗ ਹਨ ਜੋ ਵਪਾਰ 'ਚ ਵਾਧਾ ਕਰਨਗੇ ਅਤੇ ਜਨਤਾ 'ਚ ਡਰ, ਤਣਾਅ ਘੱਟ ਹੋਵੇਗਾ। ਇਸ ਨੂੰ ਕੋਰੋਨਾ ਸੰਕਰਮਣ ਨਾਲ ਜੋੜ ਕੇ ਦੇਖੀਏ ਤਾਂ ਕੋਰੋਨਾ ਤੋਂ ਰਾਹਤ ਦੀ ਉਮੀਦ ਕੀਤੀ ਜਾ ਸਕਦੀ ਹੈ। ਮਾਘ ਮਾਸ ਦੀ ਪੂਰਨਮਾਸ਼ੀ 'ਤੇ ਚੰਦਰਮਾ ਮਘਾ ਨਕਸ਼ਤਰ 'ਚ ਅਤੇ ਸਿੰਘ ਰਾਸ਼ੀ 'ਚ ਸਥਿਤ ਹੁੰਦਾ ਹੈ। ਇਸ ਲਈ ਮਾਸ ਮਾਘ ਅਤੇ ਮਾਘੀ ਪੂਰਨਮਾਸ਼ੀ ਕਹਾਉਂਦੀ ਹੈ। ਸੂਰਜ ਕੁੰਭ ਰਾਸ਼ੀ 'ਚ ਹੁੰਦਾ ਹੈ।