ਧਾਰਮਿਕ ਗ੍ਰੰਥਾਂ ਮੁਤਾਬਕ ਹਮੇਸ਼ਾ ਯਾਦ ਰੱਖੋ ਇਹ ਸਫ਼ਲਤਾ ਦੇ ਫਾਰਮੂਲੇ, ਮਿਲੇਗੀ ਸਫ਼ਲਤਾ

ਨਵੀਂ ਦਿੱਲੀ - ਆਮ ਤੌਰ 'ਤੇ ਹਰ ਧਰਮ ਦੇ ਲੋਕਾਂ ਨੂੰ ਭਗਤੀ, ਗਿਆਨ ਆਦਿ ਬਾਰੇ ਦੱਸਿਆ ਗਿਆ ਹੈ ਅਤੇ ਧਰਮ ਦੇ ਮਾਰਗ 'ਤੇ ਚੱਲਣ ਲਈ ਪ੍ਰੇਰਿਤ ਕੀਤਾ ਗਿਆ ਹੈ। ਧਾਰਮਿਕ ਪਰੰਪਰਾ ਮੁਤਾਬਕ ਇਕ ਵਿਅਕਤੀ ਦੇ ਨਿੱਤਨੇਮ ਬਾਰੇ ਵੀ ਦੱਸਿਆ ਗਿਆ ਹੈ ਅਤੇ ਇਹ ਨਿਯਮਿਤ ਤੌਰ 'ਤੇ ਕੁਝ ਗੱਲਾਂ ਦਾ ਧਿਆਨ ਰੱਖਣ ਦੀ ਸਲਾਹ ਦਿੱਤੀ ਗਈ ਹੈ, ਜੋ ਸਕਾਰਾਤਮਕਤਾ ਲਿਆਉਂਦੀ ਹੈ। ਸਕਾਰਾਤਮਕ ਰਵੱਈਏ ਕਾਰਨ ਤੁਸੀਂ ਆਪਣੇ ਸਾਰੇ ਕੰਮ ਪੂਰੀ ਲਗਨ ਨਾਲ ਕਰਨ ਦੇ ਯੋਗ ਹੋ ਸਕਦੇ ਹੋ ਨਤੀਜੇ ਵਜੋਂ ਤੁਹਾਨੂੰ ਸਫਲਤਾ ਮਿਲਦੀ ਹੈ।

ਨਹਾਉਣਾ ਕਿਸੇ ਵਿਅਕਤੀ ਦੇ ਨਿੱਤਨੇਮ ਦਾ ਸਭ ਤੋਂ ਜ਼ਰੂਰੀ ਹਿੱਸਾ ਹੁੰਦਾ ਹੈ। ਇਸ ਲਈ ਹਰ ਕਿਸੇ ਨੂੰ ਆਪਣਾ ਦਿਨ ਇਸ਼ਨਾਨ ਨਾਲ ਸ਼ੁਰੂ ਕਰਨਾ ਚਾਹੀਦਾ ਹੈ। ਇਸ ਤਰ੍ਹਾਂ ਕਰਨ ਨਾਲ ਸਰੀਰ ਨੂੰ ਊਰਜਾ ਮਿਲਦੀ ਹੈ ਅਤੇ ਮਨ ਵਿਚ ਸ਼ੁੱਧਤਾ ਦੀ ਭਾਵਨਾ ਆਉਂਦੀ ਹੈ। ਇਹ ਸਰੀਰ ਅਤੇ ਮਨ ਦੋਵਾਂ ਨੂੰ ਸ਼ੁੱਧ ਕਰਦਾ ਹੈ। ਅਜਿਹੀ ਸਥਿਤੀ ਵਿਚ ਵਿਅਕਤੀ ਦਾ ਰਵੱਈਆ ਵੀ ਸਕਾਰਾਤਮਕ ਹੋ ਜਾਂਦਾ ਹੈ।

ਧਾਰਮਿਕ ਗ੍ਰੰਥਾਂ ਵਿਚ ਦਾਨ ਨੂੰ ਬਹੁਤ ਮਹੱਤਵ ਦਿੱਤਾ ਗਿਆ ਹੈ ਜੇ ਕੋਈ ਵਿਅਕਤੀ ਹਰ ਰੋਜ਼ ਨਹਾਉਣ ਤੋਂ ਬਾਅਦ ਆਪਣੀ ਸਮਰੱਥਾ ਅਨੁਸਾਰ ਕੁਝ ਦਾਨ ਕਰਦਾ ਹੈ, ਤਾਂ ਮਨ ਖੁਸ਼ ਹੋ ਜਾਂਦਾ ਹੈ। ਇਸ ਨਾਲ ਬਦਕਿਸਮਤੀ ਦੂਰ ਹੁੰਦੀ ਹੈ ਅਤੇ ਜ਼ਰੂਰਤ ਮੰਦਾਂ ਦੀਆਂ ਅਸੀਸਾਂ ਪ੍ਰਾਪਤ ਹੁੰਦੀਆਂ ਹਨ। ਅਜਿਹੇ ਵਿਅਕਤੀ ਨੂੰ ਜੀਵਨ ਵਿਚ ਬੇਅੰਤ ਖੁਸ਼ੀਆਂ ਅਤੇ ਸਫਲਤਾ ਮਿਲਦੀ ਹੈ।

ਘਰ ਵਿਚ ਹਰ ਵਿਅਕਤੀ ਨੂੰ ਹਰ ਰੋਜ਼ ਦੀਵਾ ਜਗਾਉਣਾ ਚਾਹੀਦਾ ਹੈ। ਦੀਵੇ ਦੀ ਇਕੋ ਲਾਟ ਪੂਰੇ ਘਰ ਦਾ ਮਾਹੌਲ ਸ਼ੁੱਧ ਕਰਦੀ ਹੈ। ਜੇ ਤੁਸੀਂ ਹਵਨ ਕਰਵਾ ਸਕੋ ਤਾਂ ਇਹ ਹੋਰ ਵੀ ਵਧੀਆ ਹੈ। ਸ਼ੁੱਧ ਵਾਤਾਵਰਣ ਦੇ ਕਾਰਨ ਬਿਮਾਰੀਆਂ ਅਤੇ ਨਕਾਰਾਤਮਕਤਾ ਘਰ ਤੋਂ ਦੂਰ ਰਹਿੰਦੀ ਹੈ। ਅਜਿਹੇ ਵਿਅਕਤੀ ਦੇ ਕਰਮ ਵਿਚ ਕਦੇ ਵੀ ਉਸਦੀ ਸਿਹਤ ਰਸਤਾ ਨਹੀਂ ਰੋਕਦੀ ਅਤੇ ਵਿਅਕਤੀ ਆਪਣੀ ਮਿਹਨਤ ਦੇ ਸਕਦੇ ਆਪਣੀ ਇੱਛਾ ਵਾਲੀ ਵਸਤੂ ਹਾਸਲ ਕਰ ਸਕਦਾ ਹੈ।

ਹਰ ਦਿਨ ਹਰ ਵਿਅਕਤੀ ਨੂੰ ਕੁਝ ਸਮੇਂ ਲਈ ਪ੍ਰਭੂ ਦੇ ਕਿਸੇ ਮੰਤਰ ਦਾ ਜਾਪ ਕਰਨਾ ਚਾਹੀਦਾ ਹੈ। ਜਾਪ ਵਿਚ ਬਹੁਤ ਸ਼ਕਤੀ ਹੈ। ਜਾਪ ਵਿਅਕਤੀ ਦੇ ਅੰਦਰ ਇਕ ਚਮਕ ਪੈਦਾ ਕਰਦਾ ਹੈ ਅਤੇ ਇਸ ਨੂੰ ਸਕਾਰਾਤਮਕ ਬਣਾਉਂਦਾ ਹੈ। ਇਹ ਵਿਅਕਤੀ ਦੇ ਸਨਮਾਨ, ਸਤਿਕਾਰ ਅਤੇ ਵੱਕਾਰ ਨੂੰ ਵਧਾਉਂਦਾ ਹੈ।

ਜਿਸ ਤਰ੍ਹਾਂ ਸਰੀਰ ਨੂੰ ਸਾਰੀਆਂ ਬਿਮਾਰੀਆਂ ਤੋਂ ਬਚਾਉਣ ਲਈ ਨਹਾਇਆ ਜਾਂਦਾ ਹੈ, ਇਸੇ ਤਰ੍ਹਾਂ ਮਨ ਦੀ ਸ਼ੁੱਧਤਾ ਲਈ ਪੂਜਾ ਦੀ ਜ਼ਰੂਰਤ ਹੁੰਦੀ ਹੈ। ਪੂਜਾ ਮਨ ਨੂੰ ਸ਼ਾਂਤ ਕਰਦੀ ਹੈ ਅਤੇ ਪ੍ਰਮਾਤਮਾ ਵਿਚ ਭਰੋਸਾ ਵਧਾਉਂਦੀ ਹੈ। ਅਜਿਹਾ ਵਿਅਕਤੀ ਡਰ ਮਹਿਸੂਸ ਨਹੀਂ ਕਰਦਾ ਅਤੇ ਬਹੁਤ ਸਾਰੀਆਂ ਮੁਸੀਬਤਾਂ ਆਪਣੇ ਆਪ ਘਰੋਂ ਹਟਾ ਲੈਂਦਾ ਹੈ।