ਇਕ ਨਾਰੀਅਲ ਬਦਲ ਸਕਦੈ ਤੁਹਾਡੀ ਕਿਸਮਤ! ਬਸ ਕਰ ਲਓ ਇਹ ਕੰਮ

ਵੈੱਬ ਡੈਸਕ - ਕਰਜ਼ੇ ਦਾ ਬੋਝ ਇਕ ਅਜਿਹਾ ਮਾਨਸਿਕ ਤਣਾਅ ਹੈ ਜੋ ਇਨਸਾਨ ਦੀ ਰਾਤਾਂ ਦੀ ਨੀਂਦ ਅਤੇ ਦਿਨ ਦਾ ਚੈਨ ਖੋਹ ਲੈਂਦਾ ਹੈ। ਕਈ ਵਾਰ ਸਖ਼ਤ ਮਿਹਨਤ ਦੇ ਬਾਵਜੂਦ ਹਾਲਾਤ ਅਜਿਹੇ ਬਣ ਜਾਂਦੇ ਹਨ ਕਿ ਵਿਅਕਤੀ ਕਰਜ਼ੇ ਦੇ ਜਾਲ 'ਚ ਫਸਦਾ ਚਲਿਆ ਜਾਂਦਾ ਹੈ। ਵਾਸਤੂ ਅਤੇ ਜਯੋਤਿਸ਼ ਸ਼ਾਸਤਰ 'ਚ ਨਾਰੀਅਲ ਨੂੰ 'ਸ੍ਰੀਫਲ' ਕਿਹਾ ਗਿਆ ਹੈ, ਜਿਸਦਾ ਅਰਥ ਹੈ 'ਲਕਸ਼ਮੀ ਦਾ ਫਲ'। ਨਾਰੀਅਲ 'ਚ ਸਕਾਰਾਤਮਕ ਊਰਜਾ ਨੂੰ ਖਿੱਚਣ ਦੀ ਅਦਭੁਤ ਸਮਰੱਥਾ ਹੁੰਦੀ ਹੈ। ਜੇਕਰ ਤੁਸੀਂ ਵੀ ਆਰਥਿਕ ਤੰਗੀ ਜਾਂ ਕਰਜ਼ੇ ਤੋਂ ਪਰੇਸ਼ਾਨ ਹੋ, ਤਾਂ ਨਾਰੀਅਲ ਦੇ ਇਹ ਉਪਾਅ ਤੁਹਾਡੇ ਲਈ ਮਦਦਗਾਰ ਸਾਬਤ ਹੋ ਸਕਦੇ ਹਨ:-

ਕਰਜ਼ੇ ਤੋਂ ਮੁਕਤੀ ਲਈ ਮੰਗਲਵਾਰ ਦਾ ਉਪਾਅ
ਜੇਕਰ ਤੁਸੀਂ ਲੰਬੇ ਸਮੇਂ ਤੋਂ ਕਰਜ਼ਾ ਨਹੀਂ ਉਤਾਰ ਪਾ ਰਹੇ, ਤਾਂ ਮੰਗਲਵਾਰ ਨੂੰ ਇਕ ਜਟਾ ਵਾਲਾ ਨਾਰੀਅਲ ਲਓ। ਉਸ 'ਤੇ ਚਮੇਲੀ ਦੇ ਤੇਲ 'ਚ ਲਾਲ ਸਿੰਦੂਰ ਮਿਲਾ ਕੇ ਸਵਸਤਿਕ ਦਾ ਚਿੰਨ੍ਹ ਬਣਾਓ। ਇਸ ਨੂੰ ਹਨੂੰਮਾਨ ਮੰਦਰ 'ਚ ਅਰਪਿਤ ਕਰੋ ਅਤੇ 'ਰਿਣਮੋਚਕ ਮੰਗਲ ਸਤੋਤਰ' ਦਾ ਪਾਠ ਕਰੋ। ਇਹ ਉਪਾਅ ਲਗਾਤਾਰ 5 ਜਾਂ 11 ਮੰਗਲਵਾਰ ਕਰਨ ਨਾਲ ਕਰਜ਼ਾ ਚੁਕਾਉਣ ਦੇ ਨਵੇਂ ਰਸਤੇ ਖੁੱਲ੍ਹਦੇ ਹਨ।

ਵਪਾਰ 'ਚ ਘਾਟੇ ਅਤੇ ਰੁਕੇ ਹੋਏ ਪੈਸੇ ਲਈ
- ਸ਼ੁੱਕਰਵਾਰ ਦੇ ਦਿਨ ਇਕ ਨਾਰੀਅਲ ਨੂੰ ਚਮਕਦਾਰ ਲਾਲ ਕੱਪੜੇ 'ਚ ਲਪੇਟ ਕੇ ਆਪਣੇ ਘਰ ਦੇ ਪੂਜਾ ਸਥਾਨ ਜਾਂ ਤਿਜੋਰੀ 'ਚ ਰੱਖੋ। ਮਾਂ ਲਕਸ਼ਮੀ ਦੀ ਆਰਤੀ ਕਰੋ ਅਤੇ ਅਗਲੇ ਦਿਨ ਇਸ ਨਾਰੀਅਲ ਨੂੰ ਵਗਦੇ ਪਾਣੀ 'ਚ ਪ੍ਰਵਾਹਿਤ ਕਰ ਦਿਓ। ਇਸ ਨਾਲ ਧਨ ਦੇ ਆਗਮਨ 'ਚ ਆ ਰਹੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ।

ਬੁਰੀ ਨਜ਼ਰ ਅਤੇ ਨਕਾਰਾਤਮਕ ਊਰਜਾ ਲਈ
- ਕਈ ਵਾਰ ਲੱਗੀ ਹੋਈ ਨਜ਼ਰ ਵੀ ਬੇਵਜ੍ਹਾ ਦੇ ਖਰਚਿਆਂ ਦਾ ਕਾਰਨ ਬਣਦੀ ਹੈ। ਇਕ ਨਾਰੀਅਲ 'ਤੇ ਆਪਣੀ ਲੰਬਾਈ ਦੇ ਬਰਾਬਰ ਕਾਲਾ ਧਾਗਾ ਲਪੇਟ ਕੇ ਉਸ ਨੂੰ ਆਪਣੇ ਸਿਰ ਤੋਂ ਪੈਰਾਂ ਤੱਕ 7 ਵਾਰ ਵਾਰ ਲਓ। ਇਸ ਤੋਂ ਬਾਅਦ ਇਸ ਨੂੰ ਕਿਸੇ ਸੁਨਸਾਨ ਥਾਂ 'ਤੇ ਜਲਾ ਦਿਓ ਜਾਂ ਵਗਦੇ ਪਾਣੀ 'ਚ ਪਾ ਦਿਓ।

ਸ਼ਨੀ ਦੋਸ਼ ਦੇ ਨਿਵਾਰਣ ਲਈ
- ਸ਼ਨੀ ਦੀ ਢਈਆ ਜਾਂ ਸਾਢੇਸਾਤੀ ਕਾਰਨ ਆ ਰਹੇ ਆਰਥਿਕ ਦਬਾਅ ਨੂੰ ਘੱਟ ਕਰਨ ਲਈ ਸ਼ਨੀਵਾਰ ਨੂੰ ਨਾਰੀਅਲ 'ਚ ਇਕ ਛੋਟਾ ਛੇਦ ਕਰਕੇ ਉਸ ਵਿੱਚ ਖੰਡ ਅਤੇ ਘਿਓ ਭਰ ਦਿਓ। ਇਸ ਨੂੰ ਕਿਸੇ ਪਿੱਪਲ ਦੇ ਦਰੱਖਤ ਹੇਠਾਂ ਮਿੱਟੀ 'ਚ ਦਬਾ ਦਿਓ ਜਿੱਥੇ ਕੀੜੀਆਂ ਆਉਂਦੀਆਂ ਹੋਣ। ਜਿਵੇਂ-ਜਿਵੇਂ ਕੀੜੀਆਂ ਇਸ ਨੂੰ ਖਾਣਗੀਆਂ, ਤੁਹਾਡਾ ਆਰਥਿਕ ਦਬਾਅ ਘਟਣ ਲੱਗੇਗਾ।

ਘਰ ਦੀ ਸੁੱਖ-ਸ਼ਾਂਤੀ ਲਈ
- ਪਰਿਵਾਰਕ ਕਲੇਸ਼ ਨੂੰ ਦੂਰ ਕਰਨ ਲਈ ਇਕ ਨਾਰੀਅਲ ਨੂੰ ਅੱਧਾ ਕੱਟ ਕੇ ਉਸ 'ਚ ਸ਼ੱਕਰ ਭਰੋ ਅਤੇ ਸ਼ਾਮ ਵੇਲੇ ਮੁੱਖ ਦਰਵਾਜ਼ੇ 'ਤੇ ਰੱਖ ਦਿਓ। ਅਗਲੇ ਦਿਨ ਸਵੇਰੇ ਇਸ ਨੂੰ ਪੰਛੀਆਂ ਨੂੰ ਪਾ ਦਿਓ।

ਇਹ ਛੋਟੇ-ਛੋਟੇ ਵਾਸਤੂ ਉਪਾਅ ਨਾ ਸਿਰਫ਼ ਨਕਾਰਾਤਮਕਤਾ ਨੂੰ ਦੂਰ ਕਰਦੇ ਹਨ, ਸਗੋਂ ਜੀਵਨ 'ਚ ਖੁਸ਼ਹਾਲੀ ਅਤੇ ਬਰਕਤ ਵੀ ਲਿਆਉਂਦੇ ਹਨ।