ਪ੍ਰਾਈਵੇਟ ਸੈਟਕਰ ''ਚ ਉਤਪਾਦਨ ਨੇ ਮਾਰੀ ਛਾਲ, ਜੂਨ ਮਹੀਨੇ ''ਚ ਬਣਿਆ ਰਿਕਾਰਡ

ਨੈਸ਼ਨਲ ਡੈਸਕ : ਭਾਰਤ ਦੇ ਪ੍ਰਾਈਵੇਟ ਸੈਟਕਰ 'ਚ ਉਤਪਾਦਨ ਨੇ ਜੂਨ ਮਹੀਨੇ ਦੌਰਾਨ ਤੇਜ਼ੀ ਨਾਲ ਵਾਧਾ ਦਰਜ ਕੀਤਾ ਹੈ। ਇਹ ਗੱਲ ਐਸਐਂਡਪੀ ਗਲੋਬਲ ਵੱਲੋਂ ਜਾਰੀ ਕੀਤੇ ਗਏ ਹਾਲੀਆ ਐਚਐੱਸਬੀਸੀ ਫਲੈਸ਼ ਇੰਡੀਆ ਕੰਪੋਜ਼ਿਟ ਪਰਚੇਜ਼ਿੰਗ ਮੈਨੇਜਰਜ਼ ਇੰਡੈਕਸ (PMI) ਦੇ ਅੰਕੜਿਆਂ 'ਚ ਸਾਹਮਣੇ ਆਈ ਹੈ। ਮਈ ਵਿੱਚ ਇਹ ਦਰਜਾ 59.3 ਸੀ ਜੋ ਕਿ ਜੂਨ ਵਿੱਚ ਵਧ ਕੇ 61 'ਤੇ ਪਹੁੰਚ ਗਿਆ। ਇਹ ਸੂਚਕਾਂਕ ਪਿਛਲੇ 47 ਮਹੀਨਿਆਂ ਤੋਂ ਲਗਾਤਾਰ 50 ਦੇ ਪੱਧਰ ਤੋਂ ਉੱਪਰ ਬਣਿਆ ਹੋਇਆ ਹੈ, ਜੋ ਕਿ ਵਾਧੇ ਅਤੇ ਮੰਦਾਪਣ ਵਿਚਕਾਰ ਦਾ ਅੰਤਰ ਦਰਸਾਉਂਦਾ ਹੈ। ਇਸ ਵਾਧੇ ਦਾ ਮੁੱਖ ਕਾਰਣ ਨਵੇਂ ਠੇਕੇ, ਅੰਤਰਰਾਸ਼ਟਰੀ ਵਿਕਰੀ ਵਿੱਚ ਵਾਧਾ ਅਤੇ ਮੰਗ 'ਚ ਆਈ ਵਾਧੂ ਸਥਿਰਤਾ ਦੱਸੀ ਗਈ।
ਐਚਐੱਸਬੀਸੀ ਫਲੈਸ਼ ਮੈਨਿਊਫੈਕਚਰਿੰਗ PMI ਵੀ ਜੂਨ ਵਿੱਚ ਵਧ ਕੇ 58.4 ਹੋ ਗਿਆ, ਜੋ ਕਿ ਮਈ ਵਿੱਚ 57.6 ਸੀ। ਇਹ ਅੰਕੜਾ ਅਪਰੈਲ 2024 ਤੋਂ ਬਾਅਦ ਸਭ ਤੋਂ ਵਧੀਆ ਸੁਧਾਰ ਦਰਸਾਉਂਦਾ ਹੈ। ਪ੍ਰੋਡਕਸ਼ਨ 'ਚ ਇਹ ਵਾਧਾ ਨਵੇਂ ਆਰਡਰਾਂ, ਉਤਪਾਦਨ, ਨੌਕਰੀਆਂ, ਸਪਲਾਈ ਡਿਲੀਵਰੀ ਅਤੇ ਖਰੀਦ ਸਟਾਕ ਵਿੱਚ ਹੋਏ ਬਦਲਾਅ ਦੇ ਕਾਰਨ ਆਇਆ।

ਸੇਵਾ ਖੇਤਰ 'ਚ ਵੀ ਨਜ਼ਰ ਆਇਆ ਜੋਸ਼
ਹਾਲਾਂਕਿ ਸੇਵਾ ਖੇਤਰ ਵਿੱਚ ਵੀ ਵਾਧਾ ਹੋਇਆ, ਪਰ ਇਹ ਵਾਧਾ ਮੈਨਿਊਫੈਕਚਰਿੰਗ ਨਾਲੋਂ ਥੋੜ੍ਹਾ ਘੱਟ ਰਿਹਾ। ਐਚਐੱਸਬੀਸੀ ਭਾਰਤ ਦੀ ਮੁੱਖ ਅਰਥਸ਼ਾਸਤਰੀ ਪ੍ਰਾਂਜੁਲ ਭੰਡਾਰੀ ਨੇ ਦੱਸਿਆ ਕਿ ਵਿਦੇਸ਼ੀ ਮੰਗ ਅਤੇ ਪਿਛਲੀ ਪੈਂਡਿੰਗ ਮੰਗ ਦੇ ਪੂਰਾ ਹੋਣ ਕਾਰਨ ਨਵੇਂ ਆਰਡਰਾਂ ਮਿਲਣ ਨਾਲ ਕਾਰੋਬਾਰੀ ਸਰਗਰਮੀਆਂ ਨੂੰ ਫਾਇਦਾ ਹੋਇਆ। ਉਨ੍ਹਾਂ ਇਹ ਵੀ ਕਿਹਾ ਕਿ ਨਵੇਂ ਕਰਮਚਾਰੀ ਭਰਤੀ ਕੀਤੇ ਗਏ ਹਨ, ਜੋ ਕਿ ਵਾਧੂ ਮੰਗ ਨੂੰ ਪੂਰਾ ਕਰਨ ਲਈ ਜ਼ਰੂਰੀ ਸੀ।

ਮੁੱਲਾਂ 'ਚ ਵਾਧਾ ਰੁਝਾਨ, ਪਰ ਰਫ਼ਤਾਰ ਹੌਲੀ
ਜਦ ਕਿ ਉਤਪਾਦਨ ਅਤੇ ਸੇਵਾ ਖੇਤਰਾਂ ਵਿੱਚ ਇਨਪੁਟ ਅਤੇ ਆਉਟਪੁੱਟ ਮੁੱਲ ਵਧੇ ਹਨ, ਪਰ ਉਨ੍ਹਾਂ ਦੀ ਵਾਧਾ ਦਰ ਪਿਛਲੇ ਮਹੀਨੇ ਨਾਲੋਂ ਥੋੜ੍ਹੀ ਹੌਲੀ ਰਹੀ। ਸਰਵੇ ਨੇ ਦਰਸਾਇਆ ਕਿ ਨਿੱਜੀ ਖੇਤਰ ਦੀ ਆਉਣ ਵਾਲੀਆਂ ਮਾਹੀਨਿਆਂ ਵਿੱਚ ਵੀ ਮਜ਼ਬੂਤ ਰਫ਼ਤਾਰ ਬਣੀ ਰਹਿ ਸਕਦੀ ਹੈ, ਜੋ ਕਿ ਭਾਰਤ ਦੀ ਆਰਥਿਕਤਾ ਲਈ ਹੌਸਲਾ ਅਫਜ਼ਾਈ ਕਰਨ ਵਾਲੀ ਗੱਲ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8