ਪਾਇਲਟਾਂ ਦੀ ਕਮੀ ਕਾਰਨ 2 ਦਿਨ ''ਚ ਇੰਡੀਗੋ ਦੀਆਂ 62 ਫਲਾਈਟਾਂ ਰੱਦ

ਨਵੀਂ ਦਿੱਲੀ— ਦੇਸ਼ ਦੀ ਮਸ਼ਹੂਰ ਏਅਰਲਾਈਨ ਕੰਪਨੀ ਇੰਡੀਗੋ ਦੇ ਨਾਲ ਇੰਨ੍ਹਾਂ ਦਿਨਾਂ 'ਚ ਸਭ ਕੁਝ ਠੀਕ ਚੱਲ ਰਿਹਾ ਹੈ। ਪਾਇਲਟਾਂ ਦੀ ਕਮੀ ਕਾਰਨ ਇੰਡੀਗੋ ਦੀਆਂ ਦੋ ਦਿਨਾਂ 'ਚ 60 ਤੋਂ ਜ਼ਿਆਦਾ ਫਲਾਈਟਾਂ ਕੈਂਸਲ ਹੋ ਗਈਆਂ ਹਨ। ਨਿਊਜ਼ ਏਜੰਸੀ ਪੀ.ਟੀ.ਆਈ. ਦੇ ਮੁਤਾਬਕ ਪਾਈਲਟਾਂ ਦੀ ਘਾਟ 'ਚ ਸੋਮਵਾਰ ਨੂੰ 32 ਉਡਾਣਾਂ ਤਾਂ ਉੱਥੇ ਹੀ ਮੰਗਲਵਾਰ ਨੂੰ 30 ਉਡਾਣਾਂ ਰੱਦ ਹੋ ਗਈਆਂ। ਇਸ 'ਚ ਜ਼ਿਆਦਾਤਰ ਫਲਾਈਟਾਂ ਕੋਲਕਾਤਾ, ਹੈਦਰਾਬਾਦ ਅਤੇ ਚੇਨਈ ਤੋਂ ਰਵਾਨਾ ਹੋਣੀਆਂ ਸਨ। ਸੂਤਰਾਂ ਮੁਤਾਬਕ ਕੋਲਕਾਤਾ ਤੋਂ ਅੱਠ ਉਡਾਣਾਂ, ਹੈਦਰਾਬਾਦ ਤੋਂ ਪੰਜ, ਬੈਂਗਲੁਰੂ ਤੋਂ ਚਾਰ ਅਤੇ ਚੇਨਈ ਤੋਂ ਚਾਰ ਉਡਾਣਾਂ ਰੱਦ ਕੀਤੀਆਂ ਗਈਆਂ ਹਨ।
ਏਜੰਸੀ ਸੂਤਰਾਂ ਮੁਤਾਬਕ ਫਲਾਈਟਾਂ ਕੈਂਸਲ ਹੋਣ ਕਾਰਨ ਪੈਸੇਂਜਰਾਂ ਨੂੰ ਕਾਫੀ ਪਰੇਸ਼ਾਨੀ ਹੋਈ ਹੈ। ਆਖਰੀ ਸਮੇਂ 'ਚ ਪੈਸੇਂਜਰਾਂ ਨੂੰ ਵਿਕਲਪਿਕ ਜਹਾਜ਼ਾਂ ਲਈ ਭਾਰੀ ਕਿਰਾਇਆ ਚੁੱਕਣਾ ਪੈ ਰਿਹਾ ਹੈ। ਅਜਿਹੇ 'ਚ ਇੰਡੀਗੋ ਦਾ ਸੰਕਟ ਪੈਸੇਂਜਰਾਂ ਦੀਆਂ ਜੇਬਾਂ 'ਤੇ ਵੀ ਭਾਰੀ ਪੈ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਇੰਡੀਗੋ ਪਿਛਲੇ ਸ਼ਨੀਵਾਰ ਤੋਂ ਲਗਾਤਾਰ ਆਪਣੀਆਂ ਉਡਾਣਾਂ ਰੱਦ ਕਰ ਰਹੀ ਹੈ। ਜਦਕਿ ਨਾਗਰ ਜਹਾਜ਼ ਡਾਇਰੈਕਟਰ ਜਨਰਲ (ਡੀ.ਜੀ.ਸੀ.ਏ) ਵਲੋਂ ਹੁਣ ਤੱਕ ਇਸ ਸੰਬੰਧ 'ਚ ਜਾਂਚ ਕਰਨ ਦੇ ਕੋਈ ਸੰਕੇਤ ਨਹੀਂ ਮਿਲੇ ਹਨ।
ਪੈਸੇਂਜਰਾਂ ਲਈ ਵਧੀਆਂ ਮੁਸ਼ਕਲਾਂ
ਏਜੰਸੀ ਸੂਤਰਾਂ ਮੁਤਾਬਕ ਇੰਡੀਗੋ ਦੀਆਂ ਫਲਾਈਟਾਂ ਰੱਦ ਹੋਣ ਕਾਰਨ ਪੈਸੇਂਜਰਾਂ ਨੂੰ ਕਾਫੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਰਿਆ ਹੈ। ਸੂਤਰ ਨੇ ਦੋਸ਼ ਲਗਾਇਆ ਹੈ ਕਿ ਇੰਡੀਗੋ ਯਾਤਰੀਆਂ ਨੂੰ ਆਖਰੀ ਸਮੇਂ 'ਚ ਭਾਰੀ ਕਿਰਾਏ 'ਤੇ ਵੈਕਲਪਿਕ ਉਡਾਣਾਂ ਦੀਆਂ ਟਿਕਟਾਂ ਖਰੀਦਣ ਨੂੰ ਮਜਬੂਰ ਕਰ ਰਹੀ ਹੈ। ਇਸ ਸੰਬੰਧ 'ਚ ਇੰਡੀਗੋ ਅਤੇ ਡੀ.ਜੀ.ਸੀ.ਏ. ਦੇ ਸਵਾਲ ਵੀ ਪੁੱਛੇ ਗਏ ਹਨ ਪਰ ਹੁਣ ਤੱਕ ਕੋਈ ਜਵਾਬ ਨਹੀਂ ਆਇਆ ਹੈ। ਬੀਤੇ ਦਿਨਾਂ 'ਚ ਇੰਡੀਗੋ ਨੇ ਇਕ ਬਿਆਨ 'ਚ ਦੱਸਿਆ ਸੀ ਕਿ ਸਾਡੀ ਸਮਾਂ ਸਾਰਣੀ ਠੀਕ ਕਰਨ ਲਈ ਕੁਝ ਪਾਇਲਟ ਅਤੇ ਫਲਾਈਟ ਨੂੰ ਲਗਾਉਣ 'ਚ ਫੇਰਬਦਲ ਕੀਤਾ ਗਿਆ ਹੈ। ਇਸ ਦੇ ਨਤੀਜੇ ਸਵਰੂਪ, ਕਈ ਫਲਾਈਟ ਕੈਂਸਲ ਕੀਤੀਆਂ ਗਈਆਂ ਹਨ। ਸਾਨੂੰ ਆਪਣੇ ਉਪਭੋਗਤਾਵਾਂ ਨੂੰ ਹੋਈ ਪਰੇਸ਼ਾਨੀ ਲਈ ਖੇਦ ਹੈ।
ਜ਼ਿਕਰਯੋਗ ਹੈ ਕਿ ਜਨਵਰੀ 'ਚ ਇੰਡੀਗੋ ਏਅਰਲਾਈਟ ਦੇ ਅਕਤੂਬਰ-ਦਸੰਬਰ ਤਿਮਾਹੀ 'ਚ ਨਤੀਜੇ ਆਏ ਸਨ। ਇੰਡੀਗੋ ਦਾ ਮੁਨਾਫਾ 190.90 ਕਰੋੜ ਰੁਪਏ ਰਹਿ ਗਿਆ ਹੈ। ਇਹ 2017 ਦੀ ਇਸ ਤਿਮਾਹੀ ਤੋਂ 75 ਫੀਸਦੀ ਘੱਟ ਹੈ। ਹੁਣ 762 ਕਰੋੜ ਰੁਪਏ ਦਾ ਫਾਇਦਾ ਹੋਇਆ ਹੈ।