ਸਾਊਦੀ ਅਰਬ ਨਾਲ 10 ਅਰਬ ਡਾਲਰ ਦਾ ਨਿਵੇਸ਼ ਕਰਾਰ ਕਰੇਗਾ ਪਾਕਿਸਤਾਨ

ਇਸਲਾਮਾਬਾਦ — ਪਾਕਿਸਤਾਨ ਅਤੇ ਸਾਊਦੀ ਅਰਬ ਗਦਾਵਰ 'ਚ ਅਰਬਾਂ ਡਾਲਰ ਦੀ ਤੇਲ ਰਿਫਾਇਨਰੀ ਸਮੇਤ ਕਰੀਬ 10 ਅਰਬ ਡਾਲਰ ਦੇ ਨਿਵੇਸ਼ ਕਰਾਰ 'ਤੇ ਦਸਤਖਤ ਕਰਨਗੇ। ਸਾਊਦੀ ਅਰਬ ਦੇ ਯੁਵਰਾਜ ਮੁਹੰਮਦ ਬਿਨ ਸਲਮਾਨ ਦੀ ਆਗਾਮੀ ਪਾਕਿਸਤਾਨ ਯਾਤਰਾ ਦੌਰਾਨ ਇਹ ਕਰਾਰ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ ਅਜੇ ਅਲੀ ਅਹਦ ਸਲਮਾਨ ਦੀ ਯਾਤਰਾ ਦਾ ਤਾਰੀਖ ਤੈਅ ਨਹੀਂ ਹੋਈ ਹੈ ਪਰ ਉਨ੍ਹਾਂ ਦੀ ਇਹ ਹਫਤਾ ਖਤਮ ਹੋਣ ਤੋਂ ਪਹਿਲਾਂ ਦੋ ਦਿਨ ਲਈ ਪਾਕਿਸਤਾਨ ਯਾਤਰਾ 'ਤੇ ਆਉਣ ਦੀ ਉਮੀਦ ਹੈ। ਪਾਕਿਸਤਾਨ ਦੀ ਅਖਬਾਰ ਡਾਨ ਦੀ ਖਬਰ ਅਨੁਸਾਰ ਸਲਮਾਨ ਦੀ ਯਾਤਰਾ ਦੌਰਾਨ 10 ਅਰਬ ਡਾਲਰ ਤੋਂ ਜ਼ਿਆਦਾ ਦੇ ਤਿੰਨ ਸਹਿਮਤੀ ਸਮਝੌਤਿਆਂ 'ਤੇ ਦਸਤਖਤ ਕੀਤੇ ਜਾਣ ਦੀ ਉਮੀਦ ਹੈ। ਨਿਵੇਸ਼ ਬੋਰਡ ਦੇ ਚੇਅਰਮੈਨ ਹਾਰੂਨ ਸ਼ਰੀਫ ਨੇ ਕਿਹਾ,' ਦੋਵਾਂ ਸਰਕਾਰਾਂ ਵਿਚਕਾਰ ਤਿੰਨ ਵੱਡੇ ਸਮਝੌਤੇ ਕੀਤੇ ਜਾਣਗੇ।ਇਸ ਦੌਰਾਨ ਕੁੱਲ ਨਿਵੇਸ਼ 10 ਅਰਬ ਡਾਲਰ ਤੋਂ ਜ਼ਿਆਦਾ ਦਾ ਹੋਵੇਗਾ। ਉਨ੍ਹਾਂ ਨੇ ਦੱਸਿਆ ਕਿ ਇਹ ਕਰਾਰ ਪੈਟਰੋਲੀਅਮ ਰਿਫਾਇਨਰੀ, ਕੁਦਰਤੀ ਗੈਸ ਅਤੇ ਖਣਿਜ ਵਿਕਾਸ ਦੇ ਖੇਤਰ 'ਚ ਹੋਣਗੇ। ਇਸ ਤੋਂ ਇਲਾਵਾ ਦੋਵਾਂ ਦੇਸ਼ਾਂ ਦੇ ਕਾਰੋਬਾਰੀਆਂ ਅਤੇ ਉਦਯੋਗਪਤੀਆਂ ਵਿਚਕਾਰ ਕਈ ਵਪਾਰਕ ਕਰਾਰ ਵੀ ਕੀਤੇ ਜਾਣ ਦੀ ਉਮੀਦ ਹੈ । ਵਲੀ ਅਹਿਮਦ ਸਲਮਾਨ ਦੇ ਨਾਲ 40 ਸਾਊਦੀ ਉਦਯੋਗਪਤੀਆਂ ਦਾ ਵਫਦ ਵੀ ਪਾਕਿਸਤਾਨ ਆ ਰਿਹਾ ਹੈ।