ਪਿਛਲੇ ਵਿੱਤੀ ਸਾਲ ''ਚ ਪਰਿਵਾਰਾਂ ''ਤੇ ਕਰਜ਼ੇ ਦਾ ਬੋਝ ਹੋਇਆ ਦੁੱਗਣਾ, ਬਚਤ ਹੋਈ ਅੱਧੀ : SBI ਰਿਸਰਚ

ਮੁੰਬਈ (ਭਾਸ਼ਾ) - ਪਿਛਲੇ ਵਿੱਤੀ ਸਾਲ 2022-23 'ਚ ਪਰਿਵਾਰਾਂ ਦੀ ਸ਼ੁੱਧ ਵਿੱਤੀ ਬੱਚਤ ਕਰੀਬ 55 ਫ਼ੀਸਦੀ ਡਿੱਗ ਕੇ ਕੁੱਲ ਘਰੇਲੂ ਉਤਪਾਦ (ਜੀਡੀਪੀ) 5.1 ਫ਼ੀਸਦੀ ਰਹਿ ਗਈ ਹੈ। ਇਨ੍ਹਾਂ ਪਰਿਵਾਰਾਂ 'ਤੇ ਕਰਜ਼ੇ ਦਾ ਬੋਝ ਦੁੱਗਣੇ ਤੋਂ ਵੀ ਵੱਧ ਹੋ ਕੇ 15.6 ਲੱਖ ਕਰੋੜ ਰੁਪਏ 'ਚੇ ਪਹੁੰਚ ਗਿਆ ਹੈ। ਇਹ ਜਾਣਕਾਰੀ ਤਾਜ਼ਾ ਅਧਿਕਾਰਤ ਅੰਕੜਿਆਂ ਦੇ ਵਿਸ਼ਲੇਸ਼ਣ ਤੋਂ ਪ੍ਰਾਪਤ ਹੋਈ ਹੈ। ਐੱਸਬੀਆਈ ਰਿਸਰਚ ਦੀ ਵਿਸ਼ਲੇਸ਼ਣਾਤਮਕ ਰਿਪੋਰਟ ਦੇ ਅਨੁਸਾਰ ਘਰੇਲੂ ਬਚਤ ਤੋਂ ਨਿਕਾਸ ਦਾ ਇਕ ਵੱਡਾ ਹਿੱਸਾ ਭੌਤਿਕ ਸੰਪਤੀਆਂ ਵਿੱਚ ਚਲਾ ਗਿਆ ਹੈ ਅਤੇ 2022-23 ਵਿੱਚ ਇਨ੍ਹਾਂ 'ਤੇ ਕਰਜ਼ਾ ਵੀ 8.2 ਲੱਖ ਕਰੋੜ ਰੁਪਏ ਵੱਧ ਗਿਆ। 

ਇਹ ਵੀ ਪੜ੍ਹੋ : ਬੰਦ ਹੋ ਸਕਦੀ ਹੈ ਅਕਾਸਾ ਏਅਰ! 43 ਪਾਇਲਟਾਂ ਨੇ ਦਿੱਤਾ ਅਸਤੀਫ਼ਾ, ਜਾਣੋ ਕੀ ਹੈ ਮਾਮਲਾ

ਇਨ੍ਹਾਂ ਵਿੱਚੋਂ 7.1 ਲੱਖ ਕਰੋੜ ਰੁਪਏ ਬੈਂਕਾਂ ਤੋਂ ਹਾਊਸਿੰਗ ਲੋਨ ਅਤੇ ਹੋਰ ਰਿਟੇਲ ਲੋਨ ਦੇ ਰੂਪ ਵਿੱਚ ਲਏ ਗਏ ਹਨ। ਘਰੇਲੂ ਬੱਚਤ ਪਿਛਲੇ ਵਿੱਤੀ ਸਾਲ 'ਚ ਜੀਡੀਪੀ ਦੇ 5.1 ਫ਼ੀਸਦੀ 'ਤੇ ਆ ਗਈ, ਜੋ ਪਿਛਲੇ ਪੰਜ ਦਹਾਕਿਆਂ 'ਚ ਸਭ ਤੋਂ ਘੱਟ ਹੈ। ਵਿੱਤੀ ਸਾਲ 2020-21 ਵਿੱਚ ਘਰੇਲੂ ਬਚਤ ਜੀਡੀਪੀ ਦਾ 11.5 ਫ਼ੀਸਦੀ ਸੀ, ਜਦੋਂ ਕਿ ਮਹਾਂਮਾਰੀ ਤੋਂ ਪਹਿਲਾਂ 2019-20 ਵਿੱਚ 7.6 ਫ਼ੀਸਦੀ ਸੀ। ਘਰੇਲੂ ਬੱਚਤਾਂ ਆਮ ਸਰਕਾਰੀ ਵਿੱਤ ਅਤੇ ਗੈਰ-ਵਿੱਤੀ ਕੰਪਨੀਆਂ ਲਈ ਫੰਡਾਂ ਦਾ ਸਭ ਤੋਂ ਮਹੱਤਵਪੂਰਨ ਸਰੋਤ ਹਨ। ਅਜਿਹੇ 'ਚ ਪਰਿਵਾਰਾਂ ਦੀ ਘੱਟ ਰਹੀ ਬੱਚਤ ਚਿੰਤਾ ਦਾ ਵਿਸ਼ਾ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ : ਹਵਾਈ ਯਾਤਰੀਆਂ ਲਈ ਖ਼ਾਸ ਖ਼ਬਰ, ਹੁਣ ਫਲਾਇਟ 'ਚ ਨਹੀਂ ਮਿਲਣਗੇ ਕੈਨ, ਇਹ ਹੋਵੇਗਾ ਵਿਕਲਪ

ਰਾਸ਼ਟਰੀ ਖਾਤਿਆਂ ਵਿੱਚ ਘਰੇਲੂ ਖੇਤਰ ਦੇ ਵਿਅਕਤੀਆਂ ਤੋਂ ਇਲਾਵਾ ਸਾਰੇ ਗੈਰ-ਸਰਕਾਰੀ, ਗੈਰ-ਕਾਰਪੋਰੇਟ ਉੱਦਮਾਂ ਜਿਵੇਂ ਕਿ ਖੇਤੀ ਅਤੇ ਗੈਰ-ਖੇਤੀਬਾੜੀ ਕਾਰੋਬਾਰ, ਅਦਾਰੇ ਜਿਵੇਂ ਕਿ ਇਕੱਲੇ ਮਲਕੀਅਤ ਅਤੇ ਭਾਈਵਾਲੀ, ਅਤੇ ਗੈਰ-ਲਾਭਕਾਰੀ ਸੰਸਥਾਵਾਂ ਸ਼ਾਮਲ ਹਨ। ਸਟੇਟ ਬੈਂਕ ਆਫ਼ ਇੰਡੀਆ (ਐੱਸਬੀਆਈ) ਦੇ ਸਮੂਹ ਦੀ ਮੁੱਖ ਆਰਥਿਕ ਸਲਾਹਕਾਰ ਸੌਮਿਆ ਕਾਂਤੀ ਘੋਸ਼ ਨੇ ਕਿਹਾ ਕਿ ਮਹਾਂਮਾਰੀ ਤੋਂ ਬਾਅਦ ਪਰਿਵਾਰਾਂ ਦੀਆਂ ਵਿੱਤੀ ਦੇਣਦਾਰੀਆਂ ਵਿੱਚ 8.2 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ, ਜੋ ਕੁੱਲ ਵਿੱਤੀ ਬੱਚਤਾਂ ਵਿੱਚ 6.7 ਲੱਖ ਕਰੋੜ ਰੁਪਏ ਦੇ ਵਾਧੇ ਤੋਂ ਵੱਧ ਹੈ। ਇਸ ਦੌਰਾਨ ਬੀਮਾ, ਪ੍ਰਾਵੀਡੈਂਟ ਫੰਡ ਅਤੇ ਪੈਨਸ਼ਨ ਫੰਡਾਂ ਵਿੱਚ ਪਰਿਵਾਰਾਂ ਦੀ ਸੰਪਤੀ ਦੇ ਪੱਧਰ ਵਿੱਚ 4.1 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ।

ਇਹ ਵੀ ਪੜ੍ਹੋ : ਹੋਟਲ 'ਚ ਪਾਸਪੋਰਟ ਭੁੱਲ ਰਵਾਨਾ ਹੋਏ ਰੋਹਿਤ ਸ਼ਰਮਾ, ਪਤਾ ਲੱਗਣ 'ਤੇ ਸਾਥੀਆਂ ਨੇ ਉਡਾਇਆ ਮਜ਼ਾਕ, ਵੀਡੀਓ ਵਾਇਰਲ

ਘਰੇਲੂ ਦੇਣਦਾਰੀਆਂ ਦੇ ਪੱਧਰ ਵਿੱਚ 8.2 ਲੱਖ ਕਰੋੜ ਰੁਪਏ ਦੇ ਵਾਧੇ ਵਿੱਚੋਂ 7.1 ਲੱਖ ਕਰੋੜ ਰੁਪਏ ਵਪਾਰਕ ਬੈਂਕਾਂ ਤੋਂ ਘਰੇਲੂ ਉਧਾਰ ਲੈਣ ਦਾ ਨਤੀਜਾ ਹੈ। ਪਿਛਲੇ ਦੋ ਸਾਲਾਂ ਵਿੱਚ ਘਰਾਂ ਨੂੰ ਦਿੱਤੇ ਗਏ ਪ੍ਰਚੂਨ ਕਰਜ਼ਿਆਂ ਦਾ 55 ਫ਼ੀਸਦੀ ਮਕਾਨ, ਸਿੱਖਿਆ ਅਤੇ ਵਾਹਨਾਂ 'ਤੇ ਖ਼ਰਚ ਕੀਤਾ ਗਿਆ ਹੈ। ਘੋਸ਼ ਨੇ ਕਿਹਾ ਕਿ ਅਜਿਹਾ ਸ਼ਾਇਦ ਘੱਟ ਵਿਆਜ ਦਰ ਵਿਵਸਥਾ ਕਾਰਨ ਹੋਇਆ ਹੈ। ਇਸ ਕਾਰਨ ਪਿਛਲੇ ਦੋ ਸਾਲਾਂ ਵਿੱਚ ਘਰੇਲੂ ਵਿੱਤੀ ਬੱਚਤਾਂ ਦਾ ਰੂਪ ਘਰੇਲੂ ਭੌਤਿਕ ਬੱਚਤਾਂ ਵਿੱਚ ਬਦਲ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਵਿੱਤੀ ਸੰਪਤੀਆਂ ਦੇ ਹਿੱਸੇ ਵਿੱਚ ਆਈ ਗਿਰਾਵਟ ਕਾਰਨ ਵਿੱਤੀ ਸਾਲ 2022-23 ਵਿੱਚ ਭੌਤਿਕ ਜਾਇਦਾਦ ਦਾ ਹਿੱਸਾ 70 ਫ਼ੀਸਦੀ ਤੱਕ ਪਹੁੰਚਣ ਦੀ ਉਮੀਦ ਹੈ। 

ਇਹ ਵੀ ਪੜ੍ਹੋ : ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਨਿਪਟਾ ਲਓ ਜ਼ਰੂਰੀ ਕੰਮ, ਸਤੰਬਰ ਮਹੀਨੇ ਇਨ੍ਹਾਂ ਤਾਰੀਖ਼ਾਂ ਨੂੰ ਬੰਦ ਰਹਿਣਗੇ ਬੈਂਕ

ਉਹ ਇਹ ਵੀ ਮੰਨਦਾ ਹੈ ਕਿ ਰੀਅਲ ਅਸਟੇਟ ਸੈਕਟਰ ਵਿੱਚ ਸੁਧਾਰਾਂ ਅਤੇ ਜਾਇਦਾਦ ਦੀਆਂ ਵਧਦੀਆਂ ਕੀਮਤਾਂ ਨੇ ਭੌਤਿਕ ਸੰਪਤੀਆਂ ਵੱਲ ਰੁਝਾਨ ਵਧਾਇਆ ਹੈ। ਮਹਾਂਮਾਰੀ ਦੌਰਾਨ ਘਰੇਲੂ ਕਰਜ਼ੇ ਅਤੇ ਜੀਡੀਪੀ ਦਾ ਅਨੁਪਾਤ ਵਧਿਆ ਸੀ ਪਰ ਹੁਣ ਘਟ ਗਿਆ ਹੈ। ਮਾਰਚ 2020 ਵਿੱਚ ਇਹ ਅਨੁਪਾਤ 40.7 ਫ਼ੀਸਦੀ ਸੀ ਪਰ ਜੂਨ 2023 ਵਿੱਚ ਇਹ ਘਟ ਕੇ 36.5 ਫ਼ੀਸਦੀ ਰਹਿ ਗਿਆ।

ਇਹ ਵੀ ਪੜ੍ਹੋ : ਬ੍ਰਿਟੇਨ: ਗਣੇਸ਼ ਚਤੁਰਥੀ ਮਨਾ ਰਹੇ ਹਿੰਦੂਆਂ ਨੂੰ ਮੁਸਲਿਮ ਪੁਲਸ ਨੇ ਪੂਜਾ ਕਰਨ ਤੋਂ ਰੋਕਿਆ, ਪੁਜਾਰੀ 'ਤੇ ਕੀਤਾ ਹਮਲਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8