L&T ਨੇ 2.5 ਲੱਖ ਮਜ਼ਦੂਰਾਂ ਅਤੇ 45 ਹਜ਼ਾਰ ਕਰਮਚਾਰੀਆਂ ਲਈ ਸਥਾਪਤ ਕੀਤੇ ਕੁਆਰੰਟੀਨ ਸੈਂਟਰ
Sunday, May 30, 2021 - 06:45 PM (IST)
ਰਾਂਚੀ / ਨਵੀਂ ਦਿੱਲੀ (ਭਾਸ਼ਾ) - ਉਸਾਰੀ ਸਮੂਹ ਲਾਰਸਨ ਐਂਡ ਟੂਬਰੋ (L&T) ਨੇ ਐਤਵਾਰ ਨੂੰ ਕਿਹਾ ਕਿ ਉਸਨੇ ਕੋਵਿਡ -19 ਦੇ ਪ੍ਰਕੋਪ ਦੇ ਦੌਰਾਨ ਆਪਣੇ 2.5 ਲੱਖ ਠੇਕੇਦਾਰ ਮਜ਼ਦੂਰਾਂ ਅਤੇ 45,000 ਕਰਮਚਾਰੀਆਂ ਲਈ ਕੁਆਰੰਟੀਨ ਸੈਂਟਰ ਸਥਾਪਤ ਕੀਤੇ ਹਨ। ਐਲ.ਐਂਡ.ਟੀ. ਕੰਪਨੀ ਨੇ ਕਿਹਾ ਕਿ ਇਸਨੇ ਪੂਰਬੀ ਤੋਂ ਦੱਖਣੀ ਭਾਰਤ ਤੱਕ ਕਈ ਥਾਵਾਂ ਤੇ ਕੁਆਰੰਟੀਨ ਸੈਂਟਰ ਸਥਾਪਤ ਕੀਤੇ ਹਨ। ਦੂਜੇ ਪਾਸੇ 144 ਹਸਪਤਾਲਾਂ ਨਾਲ ਸੰਕਰਮਿਤ ਕਰਮਚਾਰੀਆਂ ਨੂੰ ਡਾਕਟਰੀ ਦੇਖਭਾਲ ਮੁਹੱਈਆ ਕਰਵਾਉਣ ਲਈ ਸਮਝੌਤਾ ਕੀਤਾ ਗਿਆ ਹੈ।
ਕੰਪਨੀ ਦੇ ਇਕ ਅਧਿਕਾਰੀ ਨੇ ਕਿਹਾ ਕਿ ਐਲ.ਐਂਡ.ਟੀ. ਨੇ ਠੇਕੇਦਾਰ ਮਜ਼ਦੂਰਾਂ ਅਤੇ ਕਰਮਚਾਰੀਆਂ ਨੂੰ ਸੁਰੱਖਿਅਤ, ਜ਼ਰੂਰੀ ਉਪਕਰਣ ਅਤੇ ਇੱਕ ਸਾਫ਼ ਵਾਤਾਵਰਣ ਮੁਹੱਈਆ ਕਰਵਾਉਣ ਲਈ ਆਪਣੀਆਂ ਬਹੁਤ ਸਾਰੀਆਂ ਨਿਰਮਾਣ ਸਹੂਲਤਾਂ ਨੂੰ ਕੁਆਰੰਟੀਨ ਸੈਂਟਰਾਂ ਵਿਚ ਤਬਦੀਲ ਕਰ ਦਿੱਤਾ ਹੈ।
ਕੰਪਨੀ ਦੇ ਮੁੱਖ ਕਾਰਜਕਾਰੀ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਐਸ.ਐਨ. ਸੁਬਰਾਮਨੀਅਮ ਨੇ ਦੱਸਿਆ ਕਿ ਇਸ ਕਦਮ ਦਾ ਉਦੇਸ਼ ਕੋਰੋਨਾ ਨਾਲ ਪ੍ਰਭਾਵਿਤ ਕਰਮਚਾਰੀਆਂ ਨੂੰ ਚੰਗੀ ਤਰ੍ਹਾਂ ਤਿਆਰ ਕੀਤੇ ਕੁਆਰੰਟੀਨ ਸੈਂਟਰਾਂ ਵਿਚ ਇਕ ਸੁਰੱਖਿਅਤ ਅਤੇ ਸਾਫ ਵਾਤਾਵਰਣ ਪ੍ਰਦਾਨ ਕਰਨਾ ਹੈ। ਇਸ ਵਿਚ ਡਾਕਟਰੀ ਸਹੂਲਤ, ਸਾਫ ਵਾਤਾਵਰਣ, ਪੌਸ਼ਟਿਕ ਭੋਜਨ ਅਤੇ ਨਰਸਿੰਗ ਕਰਮਚਾਰੀਆਂ ਦੀਆਂ ਸਹੂਲਤਾਂ ਵੀ ਹਨ।' ਕੰਪਨੀ ਨੇ ਕੋਲਕਾਤਾ, ਉੜੀਸਾ, ਰਾਜਸਥਾਨ, ਗੁਜਰਾਤ, ਦਿੱਲੀ ਅਤੇ ਮੁੰਬਈ ਸਣੇ ਦੇਸ਼ ਭਰ ਦੇ ਤੀਹ ਸ਼ਹਿਰਾਂ ਵਿਚ 144 ਹਸਪਤਾਲਾਂ ਨਾਲ ਸਾਂਝੇਦਾਰੀ ਕੀਤੀ ਹੈ ਤਾਂ ਜੋ ਸਟਾਫ ਅਤੇ ਠੇਕਾ ਮਜ਼ਦੂਰ ਨੂੰ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾ ਸਕਣ।
ਇਹ ਵੀ ਪੜ੍ਹੋ : 5 ਲੱਖ ਰੁਪਏ ਜਿੱਤਣ ਦਾ ਮੌਕਾ, 25 ਜੂਨ ਤੋਂ ਪਹਿਲਾਂ ਭਾਰਤ ਸਰਕਾਰ ਨੂੰ ਜਮਾਂ ਕਰਵਾਓ ਇਹ ਮਾਡਲ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
