ਉਦਯੋਗਿਕ ਉਤਪਾਦਨ ’ਚ 5.2 ਫੀਸਦੀ ਦੀ ਤੇਜ਼ੀ, ਮੈਨੂਫੈਕਚਰਿੰਗ ਸੈਕਟਰ ਚਮਕਿਆ

ਬਿਜ਼ਨੈੱਸ ਡੈਸਕ - ਸਰਕਾਰੀ ਅੰਕੜਿਆਂ ਅਨੁਸਾਰ ਫਰਵਰੀ 2026 ’ਚ ਭਾਰਤ ਦੇ ਉਦਯੋਗਿਕ ਉਤਪਾਦਨ (ਇੰਡਸਟ੍ਰੀਅਲ ਪ੍ਰੋਡਕਸ਼ਨ) ’ਚ ਤੇਜ਼ੀ ਆਈ। ਇੰਡੈਕਸ ਆਫ ਇੰਡਸਟ੍ਰੀਅਲ ਪ੍ਰੋਡਕਸ਼ਨ (ਆਈ. ਆਈ. ਪੀ.) ’ਚ ਸਾਲ-ਦਰ-ਸਾਲ 5.2 ਫੀਸਦੀ ਦੀ ਤੇਜ਼ੀ ਆਈ, ਜੋ ਜਨਵਰੀ ਦੇ 4.8 ਫੀਸਦੀ ਤੋਂ ਜ਼ਿਆਦਾ ਹੈ।

ਇਹ ਵੀ ਪੜ੍ਹੋ :  1 ਅਪ੍ਰੈਲ ਤੋਂ ਲਾਗੂ ਹੋਵੇਗਾ ਨਵਾਂ ਇਨਕਮ ਟੈਕਸ ਕਾਨੂੰਨ, ਤਨਖਾਹ ਲੈਣ ਵਾਲੇ ਕਰਮਚਾਰੀਆਂ ਲਈ ਵੱਡੇ ਬਦਲਾਅ
ਇਹ ਵੀ ਪੜ੍ਹੋ :   LPG ਸਿਲੰਡਰ ਬੁੱਕ ਕਰਨ ਦੇ ਨਿਯਮਾਂ 'ਚ ਫਿਰ ਹੋ ਗਿਆ ਵੱਡਾ ਬਦਲਾਅ, 24 ਘੰਟੇ ਸੇਵਾ ਹੋਈ ਬੰਦ

ਇਸ ਵਾਧੇ ਦਾ ਮੁੱਖ ਕਾਰਨ ਮੈਨੂਫੈਕਚਰਿੰਗ ਸੈਕਟਰ ਦਾ ਮਜ਼ਬੂਤ ਪ੍ਰਦਰਸ਼ਨ ਰਿਹਾ, ਜਦਕਿ ਮਾਈਨਿੰਗ ਅਤੇ ਬਿਜਲੀ ਸੈਕਟਰ ’ਚ ਥੋੜ੍ਹਾ ਘੱਟ ਵਾਧਾ ਦਰਜ ਕੀਤਾ ਗਿਆ। ਫਰਵਰੀ ’ਚ ਮੈਨੂਫੈਕਚਰਿੰਗ ਸੈਕਟਰ ’ਚ 6.0 ਫੀਸਦੀ ਦਾ ਵਾਧਾ ਹੋਇਆ, ਜਦਕਿ ਦੂਜੇ ਮੁੱਖ ਸੈਕਟਰਾਂ ’ਚ ਵਾਧਾ ਸਥਿਰ ਪਰ ਮੱਠਾ ਰਿਹਾ। ਇਸ ਮਹੀਨੇ ਦੌਰਾਨ ਮਾਈਨਿੰਗ ਉਤਪਾਦਨ ’ਚ 3.1 ਫੀਸਦੀ ਅਤੇ ਬਿਜਲੀ ਉਤਪਾਦਨ ’ਚ 2.3 ਫੀਸਦੀ ਦਾ ਵਾਧਾ ਹੋਇਆ। ਅੰਕੜਿਆਂ ਦੇ ਹਿਸਾਬ ਨਾਲ, ਫਰਵਰੀ 2026 ’ਚ ਆਈ. ਆਈ. ਪੀ. 159.0 ’ਤੇ ਰਿਹਾ, ਜੋ ਪਿਛਲੇ ਸਾਲ ਇਸੇ ਮਹੀਨੇ ਦੇ 151.1 ਤੋਂ ਜ਼ਿਆਦਾ ਹੈ। ਇਹ ਉਦਯੋਗਿਕ ਸਰਗਰਮੀਆਂ ’ਚ ਲਗਾਤਾਰ ਹੋ ਰਹੇ ਵਿਸਥਾਰ ਦਾ ਸੰਕੇਤ ਹੈ।

ਇਹ ਵੀ ਪੜ੍ਹੋ :   ਆਮ ਆਦਮੀ 'ਤੇ ਮਹਿੰਗਾਈ ਦੀ ਮਾਰ: ਪੈਟਰੋਲ 5.30 ਰੁਪਏ ਤੇ ਡੀਜ਼ਲ 3 ਰੁਪਏ ਹੋਇਆ ਮਹਿੰਗਾ
ਇਹ ਵੀ ਪੜ੍ਹੋ :   1 ਅਪ੍ਰੈਲ ਤੋਂ ਬਦਲ ਜਾਵੇਗੀ ਤੁਹਾਡੀ ਸੈਲਰੀ! ਜਾਣੋ ਨਵੇਂ IT ਨਿਯਮਾਂ ਦਾ ਤੁਹਾਡੀ ਜੇਬ 'ਤੇ ਕੀ ਪਵੇਗਾ ਅਸਰ

ਆਟੋਮੋਬਾਈਲ ਸੈਕਟਰ ’ਚ ਆਟੋ ਕੰਪੋਨੈਂਟਸ ਅਤੇ ਕਮਰਸ਼ੀਅਲ ਵਾਹਨਾਂ ਨੇ ਵਾਧੇ ਦੀ ਅਗਵਾਈ ਕੀਤੀ, ਜਦਕਿ ਟਰੈਕਟਰ ਅਤੇ ਇੰਜਣ ਨਾਲ ਜੁੜੇ ਉਪਕਰਣਾਂ ਨੇ ਮਸ਼ੀਨਰੀ ਅਤੇ ਉਪਕਰਣਾਂ ’ਚ ਵਾਧੇ ਨੂੰ ਸਹਾਰਾ ਦਿੱਤਾ। ਕੁਝ ਸੈਕਟਰਾਂ ’ਚ ਗਿਰਾਵਟ ਜਾਰੀ ਰਹੀ। ਫਾਰਮਾਸਿਊਟੀਕਲਸ ਦੇ ਉਤਪਾਦਨ ’ਚ ਕਮੀ ਆਈ, ਜਦਕਿ ਟੈਕਸਟਾਈਲਸ, ਕੱਪੜਿਆਂ ਅਤੇ ਚਮੜੇ ਦੇ ਉਤਪਾਦਾਂ ’ਚ ਵੀ ਨਾਂਹ-ਪੱਖੀ ਵਾਧਾ ਦਰਜ ਕੀਤਾ ਗਿਆ। ਇਹ ਵੱਖ-ਵੱਖ ਉਦਯੋਗਾਂ ’ਚ ਗੈਰ-ਬਰਾਬਰੀ ਵਾਲੇ ਪ੍ਰਦਰਸ਼ਨ ਵੱਲ ਇਸ਼ਾਰਾ ਕਰਦਾ ਹੈ।

ਇਹ ਵੀ ਪੜ੍ਹੋ :  1 ਅਪ੍ਰੈਲ ਤੋਂ ਬਦਲ ਜਾਣਗੇ ਅਹਿਮ ਨਿਯਮ, LPG ਸਿਲੰਡਰ ਤੋਂ ਲੈ ਕੇ ATM ਤੱਕ, ਤੁਹਾਡੀ ਜੇਬ 'ਤੇ ਹੋਵੇਗਾ ਅਸਰ
ਇਹ ਵੀ ਪੜ੍ਹੋ :  ਹੁਣ 25 ਦਿਨਾਂ ਬਾਅਦ ਬੁਕਿੰਗ ਵਾਲਾ ਨਿਯਮ ਵੀ ਬਦਲਿਆ, ਜਾਣੋ ਕਿਸ ਨੂੰ ਕਿੰਨੇ ਦਿਨਾਂ ਬਾਅਦ ਮਿਲੇਗਾ ਸਿਲੰਡਰ

ਨਿਵੇਸ਼ ਨਾਲ ਜੁੜੇ ਸੈਕਟਰ ਮਜ਼ਬੂਤ

ਯੂਜ਼ ਬੇਸਡ ਕਲਾਸੀਫਿਕੇਸ਼ਨ ਦੇ ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ ਨਿਵੇਸ਼ ਨਾਲ ਜੁੜੇ ਸੈਕਟਰਾਂ ’ਚ ਮਜ਼ਬੂਤੀ ਬਣੀ ਹੋਈ ਹੈ। ਇਨਫ੍ਰਾਸਟਰੱਕਚਰ ਅਤੇ ਨਿਰਮਾਣ ਸਮੱਗਰੀ ਸਭ ਤੋਂ ਜ਼ਿਆਦਾ ਯੋਗਦਾਨ ਦੇਣ ਵਾਲੇ ਸੈਕਟਰ ਬਣੇ ਰਹੇ, ਜਿਨ੍ਹਾਂ ’ਚ ਫਰਵਰੀ ’ਚ 11.2 ਫੀਸਦੀ ਦਾ ਵਾਧਾ ਹੋਇਆ। ਇਸ ਤੋਂ ਬਾਅਦ ਪੂੰਜੀਗਤ ਸਾਮਾਨ ਦਾ ਨੰਬਰ ਆਇਆ, ਜਿਨ੍ਹਾਂ ’ਚ 12.5 ਫੀਸਦੀ ਦੀ ਤੇਜ਼ੀ ਆਈ ਅਤੇ ਅੰਤ੍ਰਿਮ ਸਾਮਾਨ, ਜਿਨ੍ਹਾਂ ’ਚ 7.7 ਫੀਸਦੀ ਦਾ ਵਾਧਾ ਹੋਇਆ।

ਇਹ ਵੀ ਪੜ੍ਹੋ :  ਸਰਕਾਰ ਨੇ ਪੈਟਰੋਲ ਅਤੇ ਡੀਜ਼ਲ 'ਤੇ ਘਟਾਈ ਐਕਸਾਈਜ਼ ਡਿਊਟੀ, ਕੀ ਸਸਤਾ ਹੋਵੇਗਾ ਤੇਲ ?

ਕੰਜ਼ਿਊਮਰ ਡਿਊਰੇਬਲਸ ’ਚ 7.3 ਫੀਸਦੀ ਦਾ ਵਾਧਾ ਹੋਇਆ, ਜੋ ਵਿਵੇਕਸ਼ੀਲ ਮੰਗ ’ਚ ਮਜ਼ਬੂਤੀ ਦਾ ਸੰਕੇਤ ਹੈ। ਇਸ ਦੇ ਉਲਟ ਖਪਤਕਾਰ ਗੈਰ-ਟਿਕਾਊ ਵਸਤਾਂ ’ਚ 0.6 ਫੀਸਦੀ ਦੀ ਗਿਰਾਵਟ ਆਈ, ਜੋ ਜ਼ਰੂਰੀ ਖਪਤ ’ਚ ਹਲਕੀ ਕਮਜ਼ੋਰੀ ਨੂੰ ਦਿਖਾਉਂਦਾ ਹੈ। ਇਸ ਮਹੀਨੇ ਦੌਰਾਨ ਪ੍ਰਾਇਮਰੀ ਉਤਪਾਦਾਂ ’ਚ 1.8 ਫੀਸਦੀ ਦਾ ਵਾਧਾ ਹੋਇਆ। ਕੁੱਲ ਮਿਲਾ ਕੇ, ਫਰਵਰੀ ’ਚ ਬੁਨਿਆਦੀ ਢਾਂਚਾ, ਅੰਤ੍ਰਿਮ ਅਤੇ ਪੂੰਜੀਗਤ ਵਸਤਾਂ ਸਮੁੱਚੇ ਉਦਯੋਗਿਕ ਵਿਕਾਸ ਦੇ ਮੁੱਖ ਚਾਲਕ ਬਣ ਕੇ ਉੱਭਰੀਆਂ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt