ਸੋਨੇ-ਚਾਂਦੀ 'ਚ ਨਿਵੇਸ਼ ਕਰਨ ਤੋਂ ਪਹਿਲਾਂ ਪੜ੍ਹ ਲਓ ਮਾਹਿਰਾਂ ਦੀ ਚਿਤਾਵਨੀ!

ਵੈੱਬ ਡੈਸਕ- ਤਿਉਹਾਰੀ ਸੀਜ਼ਨ ਵਿਚਾਲੇ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਨਵੀਆਂ ਉਚਾਈਆਂ 'ਤੇ ਪਹੁੰਚ ਚੁੱਕੀਆਂ ਹਨ। ਪਿਛਲੇ ਇਕ ਮਹੀਨੇ 'ਚ ਹੀ ਸੋਨੇ 'ਚ 3-4 ਫੀਸਦੀ ਤੋਂ ਜ਼ਿਆਦਾ ਹੀ ਤੇਜ਼ੀ ਦੇਖਣ ਨੂੰ ਮਿਲੀ ਹੈ, ਜਦੋਂਕਿ ਚਾਂਦੀ ਦੀਆਂ ਕੀਮਤਾਂ ਵੀ ਉਦਯੋਗਿਕ ਮੰਗ ਅਤੇ ਨਿਵੇਸ਼ਕਾਂ ਦੀ ਵਧਦੀ ਖਰੀਦਦਾਰੀ ਦੇ ਚਲਦੇ ਮਜਬੂਤ ਹੋਈਆਂ ਹਨ। ਅਜਿਹੇ 'ਚ ਕਈ ਨਿਵੇਸ਼ਕ ਜੋ ਸੋਨੇ 'ਚ ਗਿਰਾਵਟ ਦਾ ਇੰਤਜ਼ਾਰ ਕਰ ਰਹੇ ਸਨ, ਹੁਣ ਨਿਰਾਸ਼ ਨਜ਼ਰ ਆ ਰਹੇ ਹਨ। 

ਇਸ ਪੂਰੇ ਘਟਨਾਕ੍ਰਮ 'ਤੇ ਚਾਰਟਰਡ ਅਕਾਊਂਟੇਂਟ ਨਿਤਿਨ ਕੌਸ਼ਿਕ ਨੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਪੋਸਟ ਕਰਦੇ ਹੋਏ ਕਿਹਾ ਕਿ ਗੋਲਡ ਕ੍ਰੈਸ਼ ਦਾ ਇੰਤਜ਼ਾਰ ਕਰਨਾ ਬੰਦ ਕਰੋ। ਅਜਿਹਾ ਨਹੀਂ ਹੋ ਰਿਹਾ। ਸੋਨਾ ਸਿਰਫ ਇਕ ਚਮਕਦਾਰ ਧਾਤੂ ਨਹੀਂ ਹੈ, ਇਹ ਗਲੋਬਲ ਅਰਥਵਿਵਸਥਾ 'ਚ ਡਰ ਅਤੇ ਵਿਸ਼ਵਾਸ ਦਾ ਬੈਰੋਮੀਟਰ ਹੈ। 

ਇਹ ਵੀ ਪੜ੍ਹੋ- ਦੀਵਾਲੀ ਦਾ ਮਜ਼ਾ ਕਿਰਕਿਰਾ ਕਰੇਗਾ ਮੀਂਹ! IMD ਜਾਰੀ ਕੀਤੀ ਚਿਤਾਵਨੀ

ਸੋਨੇ ਦੀ ਤੇਜ਼ੀ ਦੇ ਪਿੱਛੇ ਦੇ ਵੱਡੇ ਕਾਰਨ

ਨਿਤਿਨ ਕੌਸ਼ਿਕ ਨੇ ਦੱਸਿਆ ਕਿ ਸੋਨੇ ਦੀ ਮੌਜੂਦਾ ਤੇਜ਼ੀ ਸਿਰਫ ਸੀਜ਼ਨਲ ਮੰਗ ਜਾਂ ਟ੍ਰੇਡਿੰਗ ਦਾ ਨਤੀਜਾ ਨਹੀਂ ਹੈ, ਜਦੋਂਕਿ ਇਸ ਪਿੱਛੇ ਗਲੋਬਲ ਸੰਕੇਤ ਲੁਕੇ ਹਨ। ਉਨ੍ਹਾਂ ਕਿਹਾ ਕਿ ਜਦੋਂ ਵੱਡੇ ਨਿਵੇਸ਼ਕ ਫਿਏਟ ਕਰੰਸੀ ਜਾਂ ਇਕੁਇਟੀ ਬਾਜ਼ਾਰਾਂ 'ਤੇ ਭਰੋਸਾ ਗੁਆਉਣ ਲੱਗਦੇ ਹਨ ਤਾਂ ਉਹ ਇਸਦਾ ਰੋਲਾ ਨਹੀਂ ਪਾਉਂਦੇ। ਉਹ ਚੁਪਚਾਪ ਆਪਣੇ ਪੈਸੇ ਸੋਨੇ 'ਚ ਲਗਾਉਂਦੇ ਹਨ। ਇਹੀ ਕਾਰਨ ਹੈ ਕਿ ਜਦੋਂ ਵੀ ਤੁਸੀਂ ਸੋਨੇ ਦੇ ਠੰਡਾ ਪੈਣ ਦੀ ਉਮੀਦ ਕਰਦੇ ਹੋ, ਇਹ ਉਲਟ ਦਿਸ਼ਾ 'ਚ ਚੱਲ ਪੈਂਦਾ ਹੈ। 

ਮਾਹਿਰਾਂ ਦਾ ਮੰਨਣਾ ਹੈ ਕਿ ਕਮਜ਼ੋਰ ਰੁਪਏ, ਵਧਦੇ ਭੂ-ਰਾਜਨੀਤਿਕ ਤਣਾਅ ਅਤੇ ਦੁਨੀਆ ਭਰ ਦੇ ਕੇਂਦਰੀ ਬੈਂਕਾਂ ਵੱਲੋਂ ਸੋਨੇ ਦੀ ਖਰੀਦਦਾਰੀ ਨੇ ਇਸ ਦੀਆਂ ਕੀਮਤਾਂ ਵਿੱਚ ਤੇਜ਼ੀ ਨਾਲ ਵਾਧਾ ਕੀਤਾ ਹੈ। ਨਵਰਾਤਰੀ, ਕਰਵਾ ਚੌਥ ਅਤੇ ਦੀਵਾਲੀ ਵਰਗੇ ਤਿਉਹਾਰਾਂ ਕਾਰਨ ਭਾਰਤ ਵਿੱਚ ਗਹਿਣਿਆਂ ਦੀ ਮਜ਼ਬੂਤ ​​ਮੰਗ ਵੀ ਇਸ ਰੁਝਾਨ ਵਿੱਚ ਯੋਗਦਾਨ ਪਾ ਰਹੀ ਹੈ।

ਇਹ ਵੀ ਪੜ੍ਹੋ- ਛੁੱਟੀਆਂ ਹੀ ਛੁੱਟੀਆਂ! ਇੰਨੇ ਦਿਨ ਬੰਦ ਰਹਿਣਗੇ ਬੈਂਕ

ਸੀਏ ਕੌਸ਼ਿਕ ਨੇ ਕਿਹਾ ਕਿ ਸੋਨੇ ਦੀਆਂ ਕੀਮਤਾਂ ਵਿੱਚ ਇਹ ਵਾਧਾ ਦਰਸਾਉਂਦਾ ਹੈ ਕਿ "ਸਮਾਰਟ ਮਨੀ" ਹੁਣ ਕਾਗਜ਼ੀ ਵਾਅਦਿਆਂ 'ਤੇ ਭਰੋਸਾ ਨਹੀਂ ਕਰ ਰਿਹਾ ਹੈ। ਇਹ ਸਿਰਫ਼ ਵਪਾਰ ਜਾਂ ਨਿਵੇਸ਼ ਦਾ ਮੁੱਦਾ ਨਹੀਂ ਹੈ, ਸਗੋਂ ਨਿਵੇਸ਼ਕਾਂ ਦੇ ਵਿਸ਼ਵਾਸ ਵਿੱਚ ਗਿਰਾਵਟ ਦਾ ਸੰਕੇਤ ਹੈ। 

ਨਿਵੇਸ਼ਕਾਂ ਨੂੰ ਕੀ ਸਮਝਣਾ ਚਾਹੀਦਾ ਹੈ

ਨਿਤਿਨ ਕੌਸ਼ਿਕ ਦਾ ਮੰਨਣਾ ਹੈ ਕਿ ਨਿਵੇਸ਼ਕਾਂ ਨੂੰ ਸਿਰਫ ਸ਼ਾਰਟ ਟਰਮ ਪ੍ਰਾਈਜ਼ ਮੂਵਮੈਂਟ 'ਤੇ ਧਿਆਨ ਨਹੀਂ ਦੇਣਾ ਚਾਹੀਦਾ, ਸਗੋਂ ਇਹ ਸਮਝਣਾ ਚਾਹੀਦਾ ਹੈ ਕਿ ਸੋਨੇ ਦੀ ਮਜਬੂਤੀ ਗਲੋਬਲਸ ਅਸਥਿਰਤਾ ਅਤੇ ਪਾਰੰਪਰਿਕ ਨਿਵੇਸ਼ ਆਪਸ਼ਨਾਂ ਤੋਂ ਹਟ ਕੇ ਸੁਰੱਖਿਅਤ ਨਿਵੇਸ਼ ਵੱਲ ਸੁਝਾਅ ਦਾ ਸੰਕੇਤ ਹੈ। 

ਇਹ ਵੀ ਪੜ੍ਹੋ- Gold ਹੋਣ ਵਾਲਾ ਹੈ 45 ਫੀਸਦੀ ਤਕ ਸਸਤਾ! ਮਾਹਿਰਾਂ ਨੇ ਕੀਤਾ ਖੁਲਾਸਾ