ਕੰਪਨੀਆਂ ਦੇ ਨਿਰਦੇਸ਼ਕਾਂ ਨੂੰ ਵੈਰੀਫਿਕੇਸ਼ਨ ਲਈ ਆਪਣਾ ਵਿਅਕਤੀਗਤ ਮੋਬਾਇਲ ਨੰਬਰ ਦੇਣਾ ਹੋਵੇਗਾ: ਸਰਕਾਰ

ਨਵੀਂ ਦਿੱਲੀ—ਕੰਪਨੀਆਂ ਦੇ ਨਿਰਦੇਸ਼ਕਾਂ ਨੂੰ ਛੇਤੀ ਵੈਰੀਫਿਕੇਸ਼ਨ ਦੇ ਲਈ ਸਰਕਾਰ ਨੂੰ ਆਪਣਾ ਮੋਬਾਇਲ ਨੰਬਰ ਅਤੇ ਈ-ਮੇਲ ਆਈ.ਡੀ. ਦੇਣੀ ਹੋਵੇਗੀ। ਬੋਗਸ ਨਿਰਦੇਸ਼ਕਾਂ ਨੂੰ ਹਟਾਉਣ ਦੇ ਤਹਿਤ ਇਹ ਕਦਮ ਚੁੱਕਿਆ ਜਾ ਰਿਹਾ ਹੈ। ਇਕ ਵਰਣਨਯੋਗ ਪਹਿਲ ਦੇ ਤਹਿਤ ਕਾਰਪੋਰੇਸ਼ਨ ਮਾਮਲਿਆਂ ਦੇ ਮੰਤਰਾਲੇ ਨੇ ਸਾਰੇ ਨਿਰਦੇਸ਼ਕਾਂ ਲਈ ਆਪਣੇ ਗਾਹਕ ਨੂੰ ਜਾਣੋ (ਕੇ.ਵਾਈ.ਸੀ.) ਪ੍ਰਕਿਰਿਆ ਨੂੰ ਪੂਰਾ ਕਰਨ ਦਾ ਫੈਸਲਾ ਕੀਤਾ ਹੈ। ਇਸ 'ਚ ਉਹ ਨਿਰਦੇਸ਼ਕ  ਵੀ ਸ਼ਾਮਲ ਹਨ ਜਿਨ੍ਹਾਂ ਨੂੰ ਕਮਿਸ਼ਨ ਐਲਾਨ ਕਰ ਦਿੱਤਾ ਗਿਆ ਹੈ।
ਇਕ ਅਧਿਕਾਰਿਕ ਸੂਚਨਾ ਮੁਤਾਬਕ ਸਾਰੇ ਨਿਰਦੇਸ਼ਕਾਂ ਲਈ ਇਕ ਵਿਸ਼ੇਸ਼ ਨਵਾਂ ਇਲੈਕਟ੍ਰਾਨਿਕ ਫਾਰਮ ਕੱਢਿਆ ਜਾਵੇਗਾ ਜਿਸ ਰਾਹੀਂ ਪੂਰਾ ਬਿਓਰੋ ਮੰਤਰਾਲੇ ਨੂੰ ਦੇਣਾ ਹੋਵੇਗਾ। ਇਸ ਈ-ਫਾਰਮ ਡੀ.ਆਈ.ਆਰ.-3 ਕੇਵਾਈ ਨੂੰ ਛੇਤੀ ਅਧਿਸੂਚਿਤ ਅਤੇ ਜਾਰੀ ਕੀਤਾ ਜਾਵੇਗਾ।