ਚੀਨ ਨੇ ਵਿਆਜ ਦਰਾਂ ''ਚ ਕਟੌਤੀ ਦਾ ਕੀਤਾ ਐਲਾਨ , ਭਾਰਤ ''ਚ ਚਮਕੇ Metal ਦੇ ਸ਼ੇਅਰ

ਨਵੀਂ ਦਿੱਲੀ - ਚੀਨ ਦੇ ਪੀਪਲਜ਼ ਬੈਂਕ ਆਫ ਚਾਈਨਾ ਵੱਲੋਂ ਅਗਲੇ ਹਫਤੇ ਵਿਆਜ ਦਰਾਂ 'ਚ ਕਟੌਤੀ ਕਰਨ ਦੇ ਐਲਾਨ ਦਾ ਸਿੱਧਾ ਅਸਰ ਅੱਜ ਭਾਰਤੀ ਬਾਜ਼ਾਰਾਂ ਦੇ ਧਾਤੂ ਸ਼ੇਅਰਾਂ 'ਤੇ ਦੇਖਣ ਨੂੰ ਮਿਲਿਆ। ਭਾਰਤ 'ਚ ਸੈਂਸੈਕਸ ਅਤੇ ਨਿਫਟੀ ਦੇ ਫਲੈਟ ਕਾਰੋਬਾਰ ਦੇ ਬਾਵਜੂਦ ਮੈਟਲ ਇੰਡੈਕਸ 2 ਫੀਸਦੀ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਹੈ ਅਤੇ ਮੈਟਲ ਇੰਡੈਕਸ 'ਚ ਸ਼ਾਮਲ ਸਾਰੇ ਸ਼ੇਅਰਾਂ 'ਚ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ।

ਇਹ ਵੀ ਪੜ੍ਹੋ :     ਬੰਦ ਹੋ ਸਕਦੀ ਹੈ UPI ਦੀ ਵਰਤੋਂ, ਸਰਵੇ ਨੇ ਉਡਾਈ ਲੋਕਾਂ ਦੀ ਨੀਂਦ

BSE ਮੈਟਲ ਸ਼ੇਅਰਾਂ ਦੀ ਸਥਿਤੀ

ਬੀਐੱਸਈ 'ਤੇ ਅੱਜ ਧਾਤ ਦੇ ਸ਼ੇਅਰਾਂ ਦਾ ਕਾਰੋਬਾਰ 32,420 'ਤੇ ਸ਼ੁਰੂ ਹੋਇਆ, ਜਦੋਂ ਕਿ ਕੱਲ੍ਹ (23 ਸਤੰਬਰ) ਨੂੰ ਇਹ 32,178 'ਤੇ ਬੰਦ ਹੋਇਆ। ਫਿਲਹਾਲ ਇਹ 2 ਫੀਸਦੀ ਦੇ ਵਾਧੇ ਨਾਲ 32,788 'ਤੇ ਕਾਰੋਬਾਰ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ :     ਪੁਰਾਣੇ ਮਕਾਨ ਵਿਚ ਰਹਿੰਦੇ ਹਨ 134 ਕੰਪਨੀਆਂ ਦੇ ਮਾਲਕ ਅਨੰਦ ਮਹਿੰਦਰਾ, ਜਾਣੋ ਵਜ੍ਹਾ

ਸ਼ੇਅਰ                                 ਵਧੇ (ਪ੍ਰਤੀਸ਼ਤ ਵਿੱਚ)

ਨੈਸ਼ਨਲਮ                                 5.10%
NMDC                                  3.67%
ਸੇਲ                                        3.39%
ਟਾਟਾ ਸਟੀਲ                            3.38%
VEDL                                   2.94%
ਜਿੰਦਲ ਸਟੀਲ                          2.14%
ਹਿੰਡਾਲਕੋ                                 1.35%
JSL                                      0.97%
ਕੋਲਿੰਡੀਆ                               0.74%
JSWSTEEL                         0.48%

ਚੀਨ ਨੇ ਵਿਆਜ ਦਰਾਂ 'ਚ ਕਟੌਤੀ ਦਾ ਕੀਤਾ ਐਲਾਨ 

ਅਮਰੀਕਾ ਵਿੱਚ ਫੈਡਰਲ ਰਿਜ਼ਰਵ ਵੱਲੋਂ ਵਿਆਜ ਦਰਾਂ ਵਿੱਚ ਕਟੌਤੀ ਦੇ ਐਲਾਨ ਤੋਂ ਕੁਝ ਹੀ ਹਫ਼ਤੇ ਬਾਅਦ, ਚੀਨ ਨੇ ਵੀ ਰਿਜ਼ਰਵ ਰਿਕੁਆਇਰਮੈਂਟ ਰੇਸ਼ੋ (ਆਰਆਰਆਰ) ਵਿੱਚ ਅੱਧਾ ਪ੍ਰਤੀਸ਼ਤ ਦੀ ਕਟੌਤੀ ਕੀਤੀ ਹੈ। ਇਸ ਕਟੌਤੀ ਤੋਂ ਬਾਅਦ ਹੁਣ ਬੈਂਕਾਂ ਨੂੰ ਆਪਣੇ ਕੋਲ ਘੱਟ ਨਕਦੀ ਰੱਖਣੀ ਪਵੇਗੀ, ਜਿਸ ਨਾਲ ਬਾਜ਼ਾਰ 'ਚ ਨਕਦੀ ਦਾ ਪ੍ਰਵਾਹ ਵਧੇਗਾ। ਇਸ ਦੇ ਨਾਲ ਹੀ ਅਗਲੇ ਇੱਕ ਹਫ਼ਤੇ ਵਿੱਚ ਵਿਆਜ ਦਰਾਂ ਵਿੱਚ ਕਟੌਤੀ ਦਾ ਐਲਾਨ ਵੀ ਕੀਤਾ ਗਿਆ ਹੈ।

ਇਹ ਵੀ ਪੜ੍ਹੋ :     ਸੋਨਾ ਹੋਇਆ ਮਹਿੰਗਾ, ਚਾਂਦੀ ਦੇ ਭਾਅ ਡਿੱਗੇ, ਜਾਣੋ ਕੀਮਤੀ ਧਾਤਾਂ ਦੇ ਨਵੇਂ ਭਾਅ  

ਚੀਨ ਦੇ ਇਸ ਐਲਾਨ ਤੋਂ ਬਾਅਦ ਅੱਜ ਸਵੇਰ ਤੋਂ ਹੀ ਏਸ਼ੀਆਈ ਬਾਜ਼ਾਰਾਂ 'ਚ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਤੋਂ ਪਹਿਲਾਂ ਬੈਂਕ ਆਫ ਕੈਨੇਡਾ ਜੁਲਾਈ ਅਤੇ ਅਗਸਤ 'ਚ ਦੋ ਵਾਰ ਵਿਆਜ ਦਰਾਂ 'ਚ ਕਟੌਤੀ ਕਰ ਚੁੱਕਾ ਹੈ, ਜਦਕਿ ਯੂਰਪੀਅਨ ਸੈਂਟਰਲ ਬੈਂਕ ਵੀ ਦੋ ਵਾਰ ਵਿਆਜ ਦਰਾਂ ਘਟਾ ਚੁੱਕਾ ਹੈ। ਪੀਪਲਜ਼ ਬੈਂਕ ਆਫ ਚਾਈਨਾ ਦੇ ਗਵਰਨਰ ਪੈਨ ਗੋਂਗਸ਼ੇਂਗ ਨੇ ਵਿਆਜ ਦਰਾਂ 'ਚ 50 ਬੇਸਿਸ ਪੁਆਇੰਟ ਦੀ ਕਟੌਤੀ ਦਾ ਐਲਾਨ ਕੀਤਾ ਹੈ।

ਇਹ ਵੀ ਪੜ੍ਹੋ :     Facebook, Instagram ਅਤੇ WhatsApp ਨੂੰ ਲੈ ਕੇ ਜਾਰੀ ਹੋਏ ਨਵੇਂ ਦਿਸ਼ਾ-ਨਿਰਦੇਸ਼

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8