CCPA ਦੀ ਸਖ਼ਤੀ : English Oven ਦੇ ਇਨ੍ਹਾਂ ਉਤਪਾਦ ਸਮੇਤ 2 ਕੰਪਨੀਆਂ ਨੂੰ ਲੱਗਾ ਭਾਰੀ ਜੁਰਮਾਨਾ

ਬਿਜ਼ਨੈੱਸ ਡੈਸਕ : ਕੇਂਦਰੀ ਖਪਤਕਾਰ ਸੁਰੱਖਿਆ ਅਥਾਰਟੀ (CCPA) ਨੇ ਲੁਧਿਆਣੇ ਦੀ ਕੰਪਨੀ ਮਿਸਿਜ਼ ਬੈਕਟਰਜ਼ ਫੂਡ ਸਪੈਸ਼ਲਿਟੀਜ਼ ਲਿਮਟਿਡ (ਜੋ ਇੰਗਲਿਸ਼ ਓਵਨ ਬ੍ਰੈੱਡ ਬਣਾਉਂਦੀ ਹੈ) ਅਤੇ ਸਟੋਰੀਆ ਫੂਡਜ਼ ਐਂਡ ਬੇਵਰੇਜਿਜ਼ ਪ੍ਰਾਈਵੇਟ ਲਿਮਟਿਡ ਵਿਰੁੱਧ ਕਾਰਵਾਈ ਕੀਤੀ ਹੈ। ਇਨ੍ਹਾਂ ਕੰਪਨੀਆਂ ਨੂੰ ਆਪਣੇ ਉਤਪਾਦਾਂ ਦੀ ਅਸਲ ਗੁਣਵੱਤਾ ਨੂੰ ਗਲਤ ਢੰਗ ਨਾਲ ਪੇਸ਼ ਕਰ ਦੇ ਦੋਸ਼ ਵਿਚ 1-1 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਇਨ੍ਹਾਂ ਕੰਪਨੀਆਂ ਨੇ ਉਤਪਾਦਾਂ 'ਤੇ "100%" ਸ਼ਬਦ ਦੀ ਵਰਤੋਂ ਕੀਤੀ ਸੀ ਜੋ ਉਨ੍ਹਾਂ ਦੇ ਉਤਪਾਦਾਂ ਦੀ ਅਸਲ ਗੁਣਵੱਤਾ ਨੂੰ ਗਲਤ ਢੰਗ ਨਾਲ ਪੇਸ਼ ਕਰ ਰਿਹਾ ਸੀ।

ਇਹ ਵੀ ਪੜ੍ਹੋ : ਸਿਰਫ਼ 19 ਦਿਨਾਂ 'ਚ ਆਸਮਾਨ ਤੋਂ ਜ਼ਮੀਨ 'ਤੇ ਆਏ Gold-Silver ਦੇ ਭਾਅ, ਜਾਣੋ ਨਵੇਂ ਤੇ ਪੁਰਾਣੇ ਨਿਵੇਸ਼ਕ ਕੀ ਕਰਨ

ਅਥਾਰਟੀ ਨੇ ਦੋਵਾਂ ਕੰਪਨੀਆਂ ਨੂੰ ਆਪਣੇ ਉਤਪਾਦ ਪੈਕੇਜਿੰਗ, ਵੈੱਬਸਾਈਟਾਂ ਅਤੇ ਸਾਰੇ ਡਿਜੀਟਲ ਪਲੇਟਫਾਰਮਾਂ ਤੋਂ ਅਜਿਹੇ ਦਾਅਵਿਆਂ ਨੂੰ ਤੁਰੰਤ ਹਟਾਉਣ ਦੇ ਨਿਰਦੇਸ਼ ਦਿੱਤੇ ਹਨ। ਇਹ ਕਾਰਵਾਈ ਖਪਤਕਾਰ ਸੁਰੱਖਿਆ ਐਕਟ, 2019, ਅਤੇ ਗੁੰਮਰਾਹਕੁੰਨ ਇਸ਼ਤਿਹਾਰਾਂ ਅਤੇ ਸਮਰਥਨ ਦੀ ਰੋਕਥਾਮ ਲਈ ਦਿਸ਼ਾ-ਨਿਰਦੇਸ਼, 2022 ਦੇ ਤਹਿਤ ਕੀਤੀ ਗਈ ਸੀ।

ਇਹ ਵੀ ਪੜ੍ਹੋ :  ਜਾਣੋ Dubai ਦੇ Petrol Pump 'ਤੇ ਕੰਮ ਕਰਕੇ ਕਿੰਨਾ ਕਮਾ ਲੈਂਦੇ ਹਨ ਲੋਕ, ਕਿਹੜੇ ਅਹੁਦੇ ਲਈ ਮਿਲਦੀ ਹੈ ਕਿੰਨੀ ਤਨਖ਼ਾਹ

ਸਟੋਰੀਆ ਫੂਡਜ਼ 

CCPA ਮੁਤਾਬਕ ਸਟੋਰੀਆ ਫੂਡਜ਼ ਨੇ ਇਸ਼ਤਿਹਾਰਾਂ ਵਿੱਚ "100% ਟੈਂਡਰ ਕੋਕੋਨਟ ਵਾਟਰ" (100% ਨਾਰੀਅਲ ਪਾਣੀ) ਅਤੇ ਜੂਸ ਜਿਨ੍ਹਾਂ ਵਿੱਚ 100% ਅਨਾਰ, ਮਿਸ਼ਰਤ ਫਲ, ਅੰਬ ਅਤੇ ਅਮਰੂਦ-ਮਿਰਚ ਹੋਣ ਦਾ ਦਾਅਵਾ ਕੀਤਾ ਗਿਆ ਸੀ।

ਇਹਨਾਂ ਉਤਪਾਦਾਂ ਦਾ ਪ੍ਰਚਾਰ ਕੰਪਨੀ ਦੀ ਵੈੱਬਸਾਈਟ, ਉਤਪਾਦ ਪੈਕੇਜਿੰਗ ਅਤੇ ਐਮਾਜ਼ਾਨ, ਫਲਿੱਪਕਾਰਟ, ਬਿਗਬਾਸਕੇਟ, ਬਲਿੰਕਿਟ, ਜੀਓਮਾਰਟ ਅਤੇ ਜ਼ੈਪਟੋ ਵਰਗੇ ਈ-ਕਾਮਰਸ ਪਲੇਟਫਾਰਮਾਂ 'ਤੇ ਕੀਤਾ ਗਿਆ ਸੀ।

ਇਹ ਵੀ ਪੜ੍ਹੋ : ਹੁਣ ਖ਼ਾਤਾਧਾਰਕਾਂ ਨੂੰ ਪਾਲਸੀ ਜਾਂ ਯੋਜਨਾ ਖ਼ਰੀਦਣ ਲਈ ਮਜਬੂਰ ਨਹੀਂ ਕਰ ਸਕਣਗੇ ਬੈਂਕ, RBI ਨੇ ਜਾਰੀ ਕੀਤੇ ਨਵੇਂ ਨਿਯਮ

ਜਾਂਚ ਦਾ ਖੁਲਾਸਾ

ਜਾਂਚ ਤੋਂ ਪਤਾ ਲੱਗਾ ਕਿ ਇਹ ਪੀਣ ਵਾਲਾ ਪਦਾਰਥ ਪਾਣੀ ਅਤੇ ਨਾਰੀਅਲ ਪਾਣੀ ਦੇ ਕੰਸੰਟ੍ਰੇਟ(9.6%) ਤੋਂ ਬਣਾਇਆ ਗਿਆ ਸੀ। ਇਸਨੂੰ 100% ਨਾਰੀਅਲ ਪਾਣੀ ਦੇ "ਬਰਾਬਰ" ਹੋਣ ਲਈ ਪੁਨਰਗਠਿਤ ਕੀਤਾ ਗਿਆ ਸੀ। "ਪੁਨਰਗਠਿਤ/reconstituted" ਮੁੱਖ ਦਾਅਵੇ ਦੇ ਨਾਲ ਪ੍ਰਮੁੱਖਤਾ ਨਾਲ ਪ੍ਰਦਰਸ਼ਿਤ ਕਰਨ ਦੀ ਬਜਾਏ ਸ਼ਬਦ ਸਮੱਗਰੀ ਸੂਚੀ 'ਤੇ ਬਹੁਤ ਛੋਟੇ ਪ੍ਰਿੰਟ ਵਿੱਚ ਲਿਖਿਆ ਗਿਆ ਸੀ।

ਉਤਪਾਦ ਵਿੱਚ ਕਲਾਸ II ਪ੍ਰੀਜ਼ਰਵੇਟਿਵ INS 202 ਵੀ ਮਿਲਾਇਆ ਗਿਆ ਸੀ, ਜਿਸ ਕਾਰਨ CCPA ਨੇ "100% ਕੁਦਰਤੀ" ਦਾਅਵੇ ਨੂੰ ਰੱਦ ਕਰ ਦਿੱਤਾ।

ਇਹ ਵੀ ਪੜ੍ਹੋ : SBI, ICICI ਅਤੇ HDFC ਸਮੇਤ ਕਈ ਬੈਂਕਾਂ ਨੇ FCNR ਜਮ੍ਹਾਂ 'ਤੇ ਵਧਾ ਦਿੱਤੀਆਂ ਵਿਆਜ ਦਰਾਂ

ਸੀਸੀਪੀਏ ਨੇ ਅਖ਼ਬਾਰਾਂ ਅਤੇ ਕੰਪਨੀ ਦੀ ਵੈੱਬਸਾਈਟ, ਯੂਟਿਊਬ, ਇੰਸਟਾਗ੍ਰਾਮ, ਲਿੰਕਡਇਨ ਅਤੇ ਉਤਪਾਦ ਪੈਕੇਜਿੰਗ 'ਤੇ ਪ੍ਰਕਾਸ਼ਿਤ "ਇੰਗਲਿਸ਼ ਓਵਨ" ਦੇ ਇਸ਼ਤਿਹਾਰਾਂ ਦੀ ਵੀ ਜਾਂਚ ਕੀਤੀ। ਇਨ੍ਹਾਂ ਇਸ਼ਤਿਹਾਰਾਂ ਵਿੱਚ "100% ਆਟਾ ਬਰੈੱਡ," "100% ਹੋਲ-ਵੀਟ ਬ੍ਰੈੱਡ," "ਰਿਚ ਇਨ ਹੋਲ ਗ੍ਰੇਨ ਵਿਦ 100% ਹੋਲ-ਵੀਟ ਆਟੇ" ਵਰਗੇ ਦਾਅਵਿਆਂ ਅਤੇ "100% ਹੋਲਸਮ ਹੈਪੀਨੈਸ ਦਾ ਸੁਆਦ" ਵਰਗੇ ਦਾਅਵਿਆਂ ਦੀ ਵਰਤੋਂ ਕੀਤੀ ਗਈ ਸੀ। 23 ਅਪ੍ਰੈਲ, 2026 ਤੱਕ, ਇਨ੍ਹਾਂ ਦਾਅਵਿਆਂ ਵਾਲੇ ਵੀਡੀਓ ਕੁੱਲ 5 ਮਿਲੀਅਨ ਤੋਂ ਵੱਧ ਵਾਰ ਦੇਖੇ ਗਏ ਸਨ।

ਉਤਪਾਦ ਉੱਤੇ ਕੀਤਾ ਗਿਆ '100%' ਦਾਅਵਾ ਸਹੀ ਨਹੀਂ

ਸੁਣਵਾਈ ਦੌਰਾਨ, ਕੰਪਨੀ ਨੇ ਮੰਨਿਆ ਕਿ ਉਸਦੇ ਬਰੈੱਡ ਉਤਪਾਦਾਂ ਵਿੱਚ ਸਿਰਫ਼ 87% ਹੋਲ ਕਣਕ ਦਾ ਆਟਾ ਸੀ - ਸੀਸੀਪੀਏ ਨੇ '100%' ਦਾਅਵੇ  ਗਲਤ ਪਾਇਆ। ਪੈਕੇਜਿੰਗ 'ਤੇ "100% ਹੋਲ ਕਣਕ ਦੀ ਰੋਟੀ" ਅਤੇ "ਜ਼ੀਰੋ ਮੈਦਾ" ਦੀ ਇੱਕੋ ਸਮੇਂ ਵਰਤੋਂ 'ਤੇ ਵੀ ਸਵਾਲ ਉਠਾਏ। ਉਨ੍ਹਾਂ ਕਿਹਾ ਕਿ ਇਹ ਗਲਤ ਪ੍ਰਭਾਵ ਪੈਦਾ ਕਰਦਾ ਹੈ ਕਿ ਉਤਪਾਦ ਪੂਰੀ ਤਰ੍ਹਾਂ ਹੋਲ ਕਣਕ ਦੇ ਆਟੇ ਤੋਂ ਬਣਿਆ ਹੈ। ਖਾਸ ਤੌਰ 'ਤੇ, ਸ਼੍ਰੀਮਤੀ ਬੈਕਟਰਸ ਨੇ ਖੁਦ ਸੁਣਵਾਈ ਦੌਰਾਨ ਮੰਨਿਆ ਕਿ ਦੋਹਰੀ ਜਾਣਕਾਰੀ "ਬੇਲੋੜੀ" ਜਾਪਦੀ ਸੀ। ਸ਼੍ਰੀਮਤੀ ਬੈਕਟਰਸ ਨੇ ਦਲੀਲ ਦਿੱਤੀ ਕਿ "100% ਆਟਾ" ਦਾ ਉਦੇਸ਼ ਸਿਰਫ਼ ਇਹ ਦਰਸਾਉਣਾ ਸੀ ਕਿ ਸਿਰਫ਼ ਕਣਕ ਦੇ ਆਟੇ ਨੂੰ ਅਨਾਜ ਵਜੋਂ ਵਰਤਿਆ ਗਿਆ ਸੀ, ਇਹ ਦਾਅਵਾ ਕਰਨ ਲਈ ਨਹੀਂ ਕਿ ਉਤਪਾਦ ਪੂਰੀ ਤਰ੍ਹਾਂ ਕਣਕ ਦੇ ਆਟੇ ਤੋਂ ਬਣਿਆ ਸੀ।

ਸੀਸੀਪੀਏ ਨੇ ਦਲੀਲ ਨੂੰ ਕੀਤਾ ਰੱਦ

ਸੀਸੀਪੀਏ ਨੇ ਇਸ ਦਲੀਲ ਨੂੰ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਇਸ਼ਤਿਹਾਰਾਂ ਨੂੰ ਇੱਕ ਵਾਜਬ ਖਪਤਕਾਰ ਦੇ ਦ੍ਰਿਸ਼ਟੀਕੋਣ ਤੋਂ ਦੇਖਿਆ ਜਾਣਾ ਚਾਹੀਦਾ ਹੈ। ਇਸ਼ਤਿਹਾਰ ਦੇਣ ਵਾਲਿਆਂ ਦੁਆਰਾ ਤਕਨੀਕੀ ਜਾਂ ਬਾਅਦ ਦੀਆਂ ਵਿਆਖਿਆਵਾਂ ਖਪਤਕਾਰਾਂ 'ਤੇ ਗਲਤ ਪ੍ਰਭਾਵ ਪਾਉਂਦੀਆਂ ਹਨ। ਹਰ ਗਲਤ ਜਾਣਕਾਰੀ ਜਿਹੜੀ ਖਪਤਕਾਰਾਂ ਨੂੰ ਗੁੰਮਰਾਹ ਕਰਦੀ ਹੈ, ਤਾਂ ਵਿਭਾਗ ਕਾਰਵਾਈ ਕਰਦਾ ਰਹੇਗਾ। ਸੀਸੀਪੀਏ ਨੇ ਦੁਹਰਾਇਆ ਕਿ ਸਿਹਤ ਸੰਬੰਧੀ ਸਾਰੇ ਦਾਅਵੇ ਸੱਚੇ, ਪ੍ਰਮਾਣਿਤ ਹੋਣੇ ਚਾਹੀਦੇ ਹਨ ਅਤੇ ਗੁੰਮਰਾਹਕੁੰਨ ਨਹੀਂ ਹੋਣੇ ਚਾਹੀਦੇ। 

ਇਹ ਵੀ ਪੜ੍ਹੋ :  ਘਰ ਦੀ ਬਜਾਏ ਬੈਂਕ ਲਾਕਰ ਵਿੱਚ ਰੱਖਦੇ ਹੋ Gold, ਤਾਂ ਜਾਣੋ RBI ਦੇ ਇਨ੍ਹਾਂ ਮਹੱਤਵਪੂਰਨ ਨਿਯਮਾਂ ਬਾਰੇ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt