CBDT ਵਲੋਂ ਵੱਡੀ ਰਾਹਤ! ਟੈਕਸਦਾਤਿਆਂ ਦਾ ਮੁਆਫ਼ ਹੋ ਸਕਦਾ ਹੈ ਵਿਆਜ, ਬਸ ਇਨ੍ਹਾਂ ਸ਼ਰਤਾਂ ਨੂੰ ਕਰ ਲਓ ਪੂਰਾ

ਨਵੀਂ ਦਿੱਲੀ (ਭਾਸ਼ਾ) - ਆਮਦਨ ਕਰ ਵਿਭਾਗ ਨੇ ਟੈਕਸ ਅਧਿਕਾਰੀਆਂ ਨੂੰ ਨਿਰਧਾਰਤ ਸ਼ਰਤਾਂ ਤਹਿਤ ਕਰਦਾਤਾ (ਟੈਕਸਪੇਅਰ) ਦੇ ਭੁਗਤਾਨਯੋਗ ਵਿਆਜ ਨੂੰ ਮੁਆਫ ਜਾਂ ਘੱਟ ਕਰਨ ਦੀ ਆਗਿਆ ਦੇ ਦਿੱਤੀ ਹੈ। ਆਮਦਨ ਕਰ ਕਾਨੂੰਨ ਦੀ ਧਾਰਾ 220 (2ਏ) ਦੇ ਤਹਿਤ ਜੇ ਕੋਈ ਕਰਦਾਤਾ ਕਿਸੇ ਡਿਮਾਂਡ ਨੋਟਿਸ ’ਚ ਨਿਰਧਾਰਤ ਟੈਕਸ ਰਾਸ਼ੀ ਦਾ ਭੁਗਤਾਨ ਕਰਨ ’ਚ ਅਸਫਲ ਰਹਿੰਦਾ ਹੈ, ਤਾਂ ਉਸ ਨੂੰ ਭੁਗਤਾਨ ਕਰਨ ’ਚ ਦੇਰੀ ਦੀ ਮਿਆਦ ਲਈ 1 ਫ਼ੀਸਦੀ ਪ੍ਰਤੀ ਮਹੀਨਾ ਦੀ ਦਰ ਨਾਲ ਵਿਆਜ ਦਾ ਭੁਗਤਾਨ ਕਰਨਾ ਹੋਵੇਗਾ।

ਇਹ ਵੀ ਪੜ੍ਹੋ :      Bank Holiday List: ਦੀਵਾਲੀ ਤੋਂ ਬਾਅਦ ਫਿਰ ਆ ਗਈਆਂ ਲਗਾਤਾਰ 4 ਛੁੱਟੀਆਂ, ਦੇਖੋ ਪੂਰੀ ਸੂਚੀ

ਇਹ ਕਾਨੂੰਨ ਪ੍ਰਿੰਸੀਪਲ ਚੀਫ਼ ਕਮਿਸ਼ਨਰ (ਪੀ. ਆਰ. ਸੀ. ਸੀ. ਆਈ. ਟੀ.) ਜਾਂ ਚੀਫ਼ ਕਮਿਸ਼ਨਰ (ਸੀ. ਸੀ. ਆਈ. ਟੀ.) ਜਾਂ ਪ੍ਰਿੰਸੀਪਲ ਕਮਿਸ਼ਨਰ (ਪੀ. ਆਰ. ਸੀ. ਆਈ. ਟੀ.) ਜਾਂ ਕਮਿਸ਼ਰ ਰੈਂਕ ਦੇ ਅਧਿਕਾਰੀਆਂ ਨੂੰ ਭੁਗਤਾਨਯੋਗ ਵਿਆਜ ਰਾਸ਼ੀ ਨੂੰ ਘੱਟ ਕਰਨ ਜਾਂ ਮੁਆਫ ਕਰਨ ਦਾ ਅਧਿਕਾਰ ਵੀ ਦਿੰਦਾ ਹੈ।

ਇਹ ਵੀ ਪੜ੍ਹੋ :      ਪਾਕਿਸਤਾਨ ਨੇ ਭਾਰਤੀ ਸਿੱਖ ਸ਼ਰਧਾਲੂਆਂ ਲਈ ਕਰੰਸੀ ਨੂੰ ਲੈ ਕੇ ਲਗਾਈਆਂ ਨਵੀਆਂ ਸ਼ਰਤਾਂ

ਕਿੰਨਾ ਵਿਆਜ ਹੋ ਸਕਦਾ ਹੈ ਮੁਆਫ

ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ (ਸੀਬੀਡੀਟੀ), ਨੇ 4 ਨਵੰਬਰ ਨੂੰ ਜਾਰੀ ਕੀਤੇ ਇੱਕ ਸਰਕੂਲਰ ਰਾਹੀਂ, ਵਿਆਜ ਦੀ ਮੁਦਰਾ ਸੀਮਾ ਨਿਰਧਾਰਤ ਕੀਤੀ ਹੈ ਜਿਸ ਨੂੰ ਟੈਕਸ ਅਥਾਰਟੀ ਦੁਆਰਾ ਮੁਆਫ ਜਾਂ ਘਟਾਇਆ ਜਾ ਸਕਦਾ ਹੈ। ਇਸਦੇ ਅਨੁਸਾਰ, ਇੱਕ ਪੀਆਰਸੀਆਈਟੀ ਰੈਂਕ ਦਾ ਅਧਿਕਾਰੀ 1.5 ਕਰੋੜ ਰੁਪਏ ਤੋਂ ਵੱਧ ਦੇ ਬਕਾਇਆ ਵਿਆਜ ਨੂੰ ਘਟਾਉਣ ਜਾਂ ਮੁਆਫ ਕਰਨ ਦਾ ਫੈਸਲਾ ਕਰ ਸਕਦਾ ਹੈ। 

ਇਹ ਵੀ ਪੜ੍ਹੋ :      ਦੀਵਾਲੀ 'ਤੇ ਇਕ ਝਟਕੇ 'ਚ ਕਮਾਏ 9,00,23,23,77,970 ਰੁਪਏ, ਜਾਣੋ ਕਿਸ ਰਈਸ 'ਤੇ ਮਿਹਰਬਾਨ ਹੋਈ ਲਕਸ਼ਮੀ

50 ਲੱਖ ਰੁਪਏ ਤੋਂ 1.5 ਕਰੋੜ ਰੁਪਏ ਤੱਕ ਦੇ ਬਕਾਇਆ ਵਿਆਜ ਲਈ, ਇੱਕ ਸੀਸੀਆਈਟੀ ਰੈਂਕ ਦਾ ਅਧਿਕਾਰੀ ਛੋਟ/ਕਟੌਤੀ ਦਾ ਫੈਸਲਾ ਕਰੇਗਾ, ਜਦੋਂ ਕਿ ਪੀਆਰਸੀਆਈਟੀ ਜਾਂ ਇਨਕਮ ਟੈਕਸ ਕਮਿਸ਼ਨਰ 50 ਲੱਖ ਰੁਪਏ ਤੱਕ ਦੇ ਬਕਾਇਆ ਵਿਆਜ ਬਾਰੇ ਫੈਸਲਾ ਕਰ ਸਕਦੇ ਹਨ।

ਤਿੰਨ ਸ਼ਰਤਾਂ ਕਰਨੀਆਂ ਪੈਣਗੀਆਂ ਪੂਰੀਆਂ

ਸੈਕਸ਼ਨ 220(2A) ਦੇ ਤਹਿਤ, ਭੁਗਤਾਨ ਯੋਗ ਵਿਆਜ ਵਿੱਚ ਕਟੌਤੀ ਜਾਂ ਛੋਟ ਤਿੰਨ ਨਿਸ਼ਚਿਤ ਸ਼ਰਤਾਂ ਦੀ ਪੂਰਤੀ 'ਤੇ ਉਪਲਬਧ ਹੋਵੇਗੀ। ਇਹ ਸ਼ਰਤਾਂ ਹਨ ਕਿ ਅਜਿਹੀ ਰਕਮ ਦਾ ਭੁਗਤਾਨ ਟੈਕਸਦਾਤਾ ਨੂੰ ਅਸਲ ਮੁਸ਼ਕਲ ਦਾ ਕਾਰਨ ਬਣਦਾ ਹੈ ਜਾਂ ਕਰੇਗਾ; ਵਿਆਜ ਦੀ ਅਦਾਇਗੀ ਵਿੱਚ ਡਿਫਾਲਟ ਟੈਕਸਦਾਤਾ ਦੇ ਨਿਯੰਤਰਣ ਤੋਂ ਬਾਹਰ ਦੀਆਂ ਸਥਿਤੀਆਂ ਕਾਰਨ ਸੀ; ਟੈਕਸਦਾਤਾ ਨੇ ਟੈਕਸ ਦੇ ਮੁਲਾਂਕਣ ਨਾਲ ਸਬੰਧਤ ਜਾਂਚ ਜਾਂ ਉਸ ਤੋਂ ਬਕਾਇਆ ਰਕਮ ਦੀ ਵਸੂਲੀ ਲਈ ਕਾਰਵਾਈ ਵਿੱਚ ਸਹਿਯੋਗ ਕੀਤਾ ਹੈ।

ਮਾਹਰਾਂ ਮੁਤਾਬਕ , “ਸੀਬੀਡੀਟੀ ਦੇ ਇਸ ਕਦਮ ਨਾਲ ਧਾਰਾ 220 ਦੇ ਤਹਿਤ ਛੋਟ ਜਾਂ ਵਿਆਜ ਵਿੱਚ ਕਟੌਤੀ ਲਈ ਟੈਕਸਦਾਤਾਵਾਂ ਦੁਆਰਾ ਕੀਤੀਆਂ ਅਰਜ਼ੀਆਂ ਦੇ ਤੇਜ਼ੀ ਨਾਲ ਨਿਪਟਾਰੇ ਵਿੱਚ ਮਦਦ ਮਿਲਣ ਦੀ ਉਮੀਦ ਹੈ। ਇਹ ਧਿਆਨ ਦੇਣ ਯੋਗ ਹੈ ਕਿ ਐਕਟ ਦੀ ਧਾਰਾ 220 ਦੇ ਤਹਿਤ ਵਿਆਜ ਵਿੱਚ ਅਜਿਹੀ ਕਟੌਤੀ ਜਾਂ ਛੋਟ ਦੀ ਮੰਗ ਕਰਨ ਲਈ ਨਿਰਧਾਰਤ ਸ਼ਰਤਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।"

ਇਹ ਵੀ ਪੜ੍ਹੋ :     SBI, ICICI ਗਾਹਕਾਂ ਲਈ ਵੱਡੀ ਖ਼ਬਰ, ਬੈਂਕਾਂ ਨੇ ਨਿਯਮਾਂ 'ਚ ਕੀਤਾ ਵੱਡਾ ਬਦਲਾਅ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8