ਹਵਾਈ ਯਾਤਰੀਆਂ ਝਟਕਾ: Air India ਨੇ ਵਧਾਇਆ ਫਿਊਲ ਸਰਚਾਰਜ, ਜਾਣੋ ਨਵੀਆਂ ਦਰਾਂ

ਬਿਜ਼ਨੈੱਸ ਡੈਸਕ : ਦੁਨੀਆ ਭਰ ਵਿੱਚ ਜਹਾਜ਼ ਦੇ ਬਾਲਣ (ATF) ਦੀਆਂ ਕੀਮਤਾਂ ਵਿੱਚ ਆਏ ਭਾਰੀ ਉਛਾਲ ਤੋਂ ਬਾਅਦ ਏਅਰ ਇੰਡੀਆ ਗਰੁੱਪ ਨੇ ਆਪਣੀਆਂ ਘਰੇਲੂ ਅਤੇ ਅੰਤਰਰਾਸ਼ਟਰੀ ਉਡਾਣਾਂ 'ਤੇ ਫਿਊਲ ਸਰਚਾਰਜ ਵਧਾਉਣ ਦਾ ਵੱਡਾ ਫੈਸਲਾ ਲਿਆ ਹੈ। ਇਹ ਨਵੀਆਂ ਦਰਾਂ ਜ਼ਿਆਦਾਤਰ ਰੂਟਾਂ 'ਤੇ ਬੁੱਧਵਾਰ, 8 ਅਪ੍ਰੈਲ ਤੋਂ ਲਾਗੂ ਹੋ ਜਾਣਗੀਆਂ। ਜਦੋਂ ਕਿ ਯੂਰਪ, ਉੱਤਰੀ ਅਮਰੀਕਾ ਅਤੇ ਆਸਟ੍ਰੇਲੀਆ ਜਾਣ ਵਾਲੇ ਮੁਸਾਫਰਾਂ 'ਤੇ ਇਹ ਵਧਿਆ ਹੋਇਆ ਖਰਚਾ 10 ਅਪ੍ਰੈਲ 2026 ਤੋਂ ਲਾਗੂ ਹੋਵੇਗਾ।

ਇਹ ਵੀ ਪੜ੍ਹੋ :   Gold ਦੀਆਂ ਕੀਮਤਾਂ ਨੂੰ ਲੈ ਕੇ ਵੱਡੀ ਭਵਿੱਖਬਾਣੀ: ਟੁੱਟ ਸਕਦਾ ਹੈ 46 ਸਾਲਾਂ ਦਾ ਰਿਕਾਰਡ, ਜਾਣੋ ਕੀ ਹੈ ਨਵਾਂ ਟਾਰਗੇਟ

ਹੁਣ ਦੂਰੀ ਤੈਅ ਕਰੇਗੀ ਕਿੰਨਾ ਲੱਗੇਗਾ ਸਰਚਾਰਜ

ਏਅਰ ਇੰਡੀਆ ਨੇ ਘਰੇਲੂ ਉਡਾਣਾਂ ਲਈ ਇੱਕ ਨਵਾਂ ਸਿਸਟਮ ਤਿਆਰ ਕੀਤਾ ਹੈ। ਹੁਣ ਸਾਰੇ ਮੁਸਾਫਰਾਂ ਲਈ ਇੱਕੋ ਜਿਹਾ ਚਾਰਜ ਨਹੀਂ ਹੋਵੇਗਾ, ਸਗੋਂ ਤੁਸੀਂ ਕਿੰਨੀ ਦੂਰ ਦੀ ਯਾਤਰਾ ਕਰ ਰਹੇ ਹੋ, ਉਸੇ ਹਿਸਾਬ ਨਾਲ ਫਿਊਲ ਸਰਚਾਰਜ ਵਸੂਲਿਆ ਜਾਵੇਗਾ। ਇਹ ਨਵਾਂ ਨਿਯਮ ਏਅਰ ਇੰਡੀਆ ਐਕਸਪ੍ਰੈਸ ਦੀਆਂ ਉਡਾਣਾਂ 'ਤੇ ਵੀ ਲਾਗੂ ਹੋਵੇਗਾ।

ਇਹ ਵੀ ਪੜ੍ਹੋ :  ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ: ਮਾਰਚ 'ਚ 12% ਤੱਕ ਟੁੱਟੇ ਭਾਅ, ਜਾਣੋ ਹੁਣ ਕੀ ਹਨ ਨਵੇਂ ਰੇਟ

ਘਰੇਲੂ ਰੂਟਾਂ ਲਈ ਨਵਾਂ ਸਰਚਾਰਜ ਚਾਰਟ (ਡਾਲਰਾਂ ਵਿੱਚ):

• 0 ਤੋਂ 500 ਕਿਲੋਮੀਟਰ: $299
• 501 ਤੋਂ 1000 ਕਿਲੋਮੀਟਰ: $399
• 1001 ਤੋਂ 1500 ਕਿਲੋਮੀਟਰ: $549
• 1501 ਤੋਂ 2000 ਕਿਲੋਮੀਟਰ: $749
• 2000 ਕਿਲੋਮੀਟਰ ਤੋਂ ਵੱਧ: $899

ਅੰਤਰਰਾਸ਼ਟਰੀ ਉਡਾਣਾਂ ਹੋਈਆਂ ਹੋਰ ਵੀ ਮਹਿੰਗੀਆਂ

ਅੰਤਰਰਾਸ਼ਟਰੀ ਪੱਧਰ 'ਤੇ ਜੈੱਟ ਫਿਊਲ ਦੀਆਂ ਕੀਮਤਾਂ ਵਿੱਚ ਪਿਛਲੇ ਇੱਕ ਮਹੀਨੇ ਵਿੱਚ ਲਗਭਗ 100 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਕਾਰਨ ਅੰਤਰਰਾਸ਼ਟਰੀ ਮਾਰਗਾਂ 'ਤੇ ਸਰਚਾਰਜ ਵਿੱਚ ਵੱਡਾ ਵਾਧਾ ਕੀਤਾ ਗਿਆ ਹੈ।

ਇਹ ਵੀ ਪੜ੍ਹੋ :  Gold-Platinum ਨੂੰ ਲੈ ਕੇ ਸਰਕਾਰ ਨੇ ਲਾਗੂ ਕੀਤੇ ਸਖ਼ਤ ਨਿਯਮ; ਕੀਮਤਾਂ 'ਚ ਆ ਸਕਦਾ ਹੈ ਭਾਰੀ ਉਛਾਲ!

ਖੇਤਰ ਅਨੁਸਾਰ ਨਵਾਂ ਸਰਚਾਰਜ (ਪ੍ਰਤੀ ਯਾਤਰੀ):

• ਸਾਰਕ ਦੇਸ਼ (ਬੰਗਲਾਦੇਸ਼ ਨੂੰ ਛੱਡ ਕੇ): $24 (8 ਅਪ੍ਰੈਲ ਤੋਂ)
• ਖਾੜੀ ਦੇਸ਼ (ਮਿਡਲ ਈਸਟ): $50 (8 ਅਪ੍ਰੈਲ ਤੋਂ)
• ਸਿੰਗਾਪੁਰ: $60 (8 ਅਪ੍ਰੈਲ ਤੋਂ)
• ਚੀਨ ਅਤੇ ਦੱਖਣ-ਪੂਰਬੀ ਏਸ਼ੀਆ: $100 (8 ਅਪ੍ਰੈਲ ਤੋਂ)
• ਅਫਰੀਕਾ: $130 (8 ਅਪ੍ਰੈਲ ਤੋਂ)
• ਯੂਰਪ ਅਤੇ ਯੂ.ਕੇ.: $205 (10 ਅਪ੍ਰੈਲ ਤੋਂ)
• ਉੱਤਰੀ ਅਮਰੀਕਾ ਅਤੇ ਆਸਟ੍ਰੇਲੀਆ: $280 (10 ਅਪ੍ਰੈਲ ਤੋਂ)

ਇਹ ਵੀ ਪੜ੍ਹੋ :    ਮਹੀਨੇ ਦੇ ਪਹਿਲੇ ਦਿਨ ਲੱਗ ਗਏ ਝਟਕੇ , ਜਾਣੋ ਕੀ ਹੋਇਆ ਸਸਤਾ ਤੇ ਕੀ ਮਹਿੰਗਾ

ਮੁਸਾਫਰਾਂ ਲਈ ਜ਼ਰੂਰੀ ਗੱਲਾਂ:

1. ਤੈਅ ਮਿਤੀ ਅਤੇ ਸਮੇਂ ਤੋਂ ਪਹਿਲਾਂ ਜਾਰੀ ਹੋ ਚੁੱਕੀਆਂ ਟਿਕਟਾਂ 'ਤੇ ਨਵਾਂ ਸਰਚਾਰਜ ਲਾਗੂ ਨਹੀਂ ਹੋਵੇਗਾ।
2. ਜੇਕਰ ਯਾਤਰੀ ਆਪਣੀ ਯਾਤਰਾ ਦੀ ਤਰੀਕ ਜਾਂ ਰੂਟ ਬਦਲਦੇ ਹਨ ਅਤੇ ਟਿਕਟ ਦੁਬਾਰਾ ਬਣਦੀ ਹੈ, ਤਾਂ ਹੀ ਨਵੀਆਂ ਦਰਾਂ ਲਾਗੂ ਹੋਣਗੀਆਂ।
3. ਏਅਰਲਾਈਨ ਨੇ ਕਿਹਾ ਹੈ ਕਿ ਤੇਲ ਦੀਆਂ ਕੀਮਤਾਂ ਦੇ ਆਧਾਰ 'ਤੇ ਸਮੇਂ-ਸਮੇਂ 'ਤੇ ਇਸ ਸਰਚਾਰਜ ਦੀ ਸਮੀਖਿਆ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ :    ਈਰਾਨ ਜੰਗ ਦੇ ਵਿਚਕਾਰ ਮਿਲੀ ਵੱਡੀ ਸਫਲਤਾ ; ਭਾਰਤ ਦੇ ਰੇਗਿਸਤਾਨ ਨੇ ਉਗਲਿਆ 'ਕਾਲਾ ਸੋਨਾ'

ਏਅਰਲਾਈਨ ਅਨੁਸਾਰ, ਅੰਤਰਰਾਸ਼ਟਰੀ ਪੱਧਰ 'ਤੇ ਤੇਲ ਦੀਆਂ ਕੀਮਤਾਂ $195.19 ਪ੍ਰਤੀ ਬੈਰਲ ਤੱਕ ਪਹੁੰਚ ਗਈਆਂ ਹਨ, ਜਿਸ ਕਾਰਨ ਕੰਪਨੀ ਲਈ ਲਾਗਤ ਕੱਢਣੀ ਮੁਸ਼ਕਲ ਹੋ ਰਹੀ ਸੀ। ਹਾਲਾਂਕਿ, ਕੰਪਨੀ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਅਜੇ ਵੀ ਵਧੀ ਹੋਈ ਲਾਗਤ ਦਾ ਇੱਕ ਹਿੱਸਾ ਖੁਦ ਬਰਦਾਸ਼ਤ ਕਰ ਰਹੀ ਹੈ।

ਇਹ ਵੀ ਪੜ੍ਹੋ :  ਜਾਣੋ 1 ਲੱਖ ਦੀ ਚਾਂਦੀ 'ਤੇ ਕਿੰਨਾ ਮਿਲ ਸਕਦੈ Loan , ਕੀ ਹਨ ਸ਼ਰਤਾਂ ਤੇ ਨਿਯਮ
ਇਹ ਵੀ ਪੜ੍ਹੋ :  ਸੋਨਾ ਖ਼ਰੀਦਣ ਵਾਲਿਆਂ ਲਈ ਵੱਡੀ ਖ਼ਬਰ: ਗਾਹਕ ਖ਼ੁਦ ਕਰ ਸਕਣਗੇ ਅਸਲੀ ਗਹਿਣੇ ਦੀ ਪਰਖ਼, ਜਾਣੋ ਨਿਯਮ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt