ਚੀਨ ਨਿਸ਼ਚਿਤ ਤੌਰ ’ਤੇ ਹੁਣ ‘ਪਿਆਰਾ’ ਨਹੀਂ ਰਿਹਾ

ਅਭਿਜੀਤ ਭੱਟਾਚਾਰੀਆ
ਜਦੋਂ ਤੱਕ ਚੀਨ ਅਤੇ ਇਸ ਦੀ 1.4 ਬਿਲੀਅਨ ਤੋਂ ਵੱਧ ਆਬਾਦੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨਿਰਦਈ ਅਤੇ ਦਿਲ ਵਿਹੂਣੀ ਕਮਿਊਨਿਸਟ ਪਾਰਟੀ ਆਫ ਚਾਈਨਾ, ਜੋ ਕਿ 1 ਜੁਲਾਈ ਨੂੰ ਆਪਣੀ ਸ਼ਤਾਬਦੀ ਮਨਾ ਰਹੀ ਹੈ , ਗੁਲਾਮੀ ’ਚ ਰਹੇਗੀ ਉਦੋਂ ਤੱਕ ਚੀਨ ਦਾ ਪਿਆਰ ਅਤੇ ਨਿਮਰਤਾ ਵਾਲਾ ਅਕਸ ਹੱਥ ’ਚ ਆਉਣ ਵਾਲਾ ਨਹੀਂ ਹੈ।

ਸ਼ੀ ਜਿਨਪਿੰਗ ਜੋ ਕਿ 2012 ਤੋਂ ਚੀਨ ਦੇ ਸਰਵੋਤਮ ਨੇਤਾ ਰਹੇ ਹਨ (ਪਹਿਲਾਂ ਸੀ.ਪੀ.ਸੀ. ਦੇ ਜਨਰਲ ਸਕੱਤਰ ਅਤੇ ਉਸ ਦੇ ਬਾਅਦ ਰਾਸ਼ਟਰਪਤੀ) ਨੇ ਚੀਨ ਦੇ ਗੁਆਂਢੀ ਦੇਸ਼ ਭਾਰਤ ਸਮੇਤ ਪੂਰੇ ਵਿਸ਼ਵ ਦੇ ਵਿਰੁੱਧ ਇਕ ਪਰਹੇਜ਼ ਕਰਨ ਵਾਲੀ ਹਮਲਾਵਰਪੁਣੇ ਦੀ ਨੀਤੀ ਦਾ ਅਨੁਸਰਨ ਕੀਤਾ ਹੈ।

ਪਰ ਅਜਿਹਾ ਘੱਟ ਹੀ ਦੇਖਿਆ ਗਿਆ ਹੈ। ਉਨ੍ਹਾਂ ਦੇ ਦਿਲ ’ਚ ਤਬਦੀਲੀ ਨੂੰ ਇਕ ਸਿਆਸੀ ਤਬਦੀਲੀ ਕਿਹਾ ਜਾ ਸਕਦਾ ਹੈ ਜੋ ਕਿ ਸਨ ਤਜੁ ਦੀ ‘ਜੰਗ ਦੀ ਕਲਾ’ ਅਤੇ ਚੇਅਰਮੈਨ ਮਾਓ ਜੇਡਾਂਗ ਦੀ ਫੌਜੀ ਲੇਖਣੀ ਦੇ ਰਾਹ ’ਤੇ ਸਨ।

ਸ਼ੀ ਜਿਨਪਿੰਗ ਨੇ ਆਪਣੇ ਆਕਿਆਂ ਦੇ ਵਾਂਗ ਹਮਲਾਵਰਪੁਣੇ, ਰੱਖਿਆ ਅਤੇ ਧੋਖੇ ਦੀਆਂ ਰਵਾਇਤੀ ਚਾਲਾਂ ਨੂੰ ਲਾਗੂ ਕਰਨ ਦੀ ਕੋਸ਼ਿਸ਼ ਕੀਤੀ ਜੋ ਕਿ ‘ਦੋ ਕਦਮ ਅੱਗੇ , ਇਕ ਕਦਮ ਪਿੱਛੇ’ ਦੀ ਨੀਤੀ ’ਤੇ ਆਧਾਰਿਤ ਸੀ। ਅਸੀਂ ਕਮਿਊਨਿਸਟ ਪਾਰਟੀ ਆਫ ਚਾਈਨਾ (ਸੀ.ਪੀ. ਸੀ.) ਦੀ ਨਵੀਂ ਰਣਨੀਤੀ ਦੇ ਪਿੱਛੇ ਕੀ, ਉਸ ਨੂੰ ਲੱਭਣਾ ਹੈ।

ਕੀ ਚੀਨ ਦੇ ਕੂਟਨੀਤਕ ਅਤੇ ਫੌਜੀ ਅਸਲ ’ਚ ਆਪਣੀ ਬਹੁ-ਪ੍ਰਚਲਿਤ ‘ਭੇੜੀਆ ਯੋਧਾ’ (ਵੁਲਫ ਵਾਰੀਅਰ) ਰਣਨੀਤੀ ਨੂੰ ਛੱਡ ਕੇ ਇਕ ਨਵਾਂ ਪੈਂਤੜਾ ਬਦਲ ਸਕਦੇ ਹਨ? ਸੰਭਾਵਨਾ ਨਹੀਂ ਹੈ। ‘ਪਿਆਰੇ’ ਅਤੇ ‘ਨਿਮਰ’ ਵਰਗੇ ਕੁਝ ਆਕਰਸ਼ਕ ਸ਼ਬਦ ਹਾਨ ਯੋਧਿਆਂ ਨੂੰ ਭਗਵਾਨ ਬੁੱਧ ਦੇ ਪਿਆਰ, ਗੁਣ, ਪਵਿੱਤਰਤਾ ਅਤੇ ਦਿਅਾ ’ਚ ਨਹੀਂ ਬਦਲ ਸਕਦੇ। ਕਲਿੰਗਾ ਯੁੱਧ ਦੇ ਬਾਅਦ ਅਸ਼ੋਕ ਨੇ ਸ਼ਾਂਤੀ ਦੇ ਪ੍ਰਸਾਰ ਦੀ ਜ਼ਿੰਮੇਵਾਰੀ ਲਈ ਸੀ। ਕੀ ਸ਼ੀ ਜਿਨਪਿੰਗ ਸਹੀ ਤੌਰ ’ਤੇ ਬੁੱਧ-ਧਰਮ, ਸ਼ਾਂਤੀ ਦੇ ਧਰਮ ਨੂੰ ਕੂਟਨੀਤਕ ਭੇੜੀਆਂ ਦੇ ਨਾਲ ਪੂਰੇ ਵਿਸ਼ਵ ਭਰ ’ਚ ਪ੍ਰਸਾਰ ਕਰ ਸਕਦੇ ਹਨ?

ਜਿਵੇਂ ਕਿ ਉਹ ਕਹਿੰਦੇ ਹਨ ਕਿ ਦਾਨ ਘਰ ਤੋਂ ਸ਼ੁਰੂ ਹੁੰਦਾ ਹੈ ਅਤੇ ਇਸ ਲਈ ਕੀ ਸ਼ੀ ਜਿਨਪਿੰਗ ਸ਼ਿਨਜਿਆਂਗ, ਤਿੱਬਤ, ਤਾਈਵਾਨ ਅਤੇ ਹਾਂਗਕਾਂਗ ’ਚ ਪ੍ਰੇਮ ਅਤੇ ਇਕਜੁੱਟਤਾ ਦੇ ਆਪਣੇ ਨਵੇਂ ਮੰਤਵ ਦੇ ਨਾਲ ਇਕ ਨਵੀਂ ਸ਼ੁਰੂਆਤ ਕਰ ਸਕਦੇ ਹਨ?

ਕੀ ਇਸ ਦੇ ਅਸਰ ਨੂੰ ਲੱਦਾਖ ’ਚ ਦੇਖਿਆ ਜਾ ਸਕਦਾ ਹੈ? ਵੁਹਾਨ ਮੂਲ ਦੇ ਵਾਇਰਸ ਦੇ ਕਾਰਨ ਚੀਨ ਦੇ ਇਰਾਦੇ ਅਤੇ ਸਾਜ਼ਿਸ਼ਾਂ ਦਾ ਪਰਦਾਫਾਸ਼ ਹੋ ਗਿਆ ਹੈ ਜਿਸ ਨੇ ਪੂਰੀ ਦੁਨੀਅਾ ਦੀ ਆਬਾਦੀ ਨੂੰ ਤਬਾਹ ਕਰ ਕੇ ਰੱਖ ਦਿੱਤਾ ਹੈ। ਚੀਨੀ ਲੋਕ (ਖਾਸ ਕਰ ਕੇ ਹਾਨ) ਮੰਨਦੇ ਹਨ ਕਿ ਬਾਕੀ ਦੁਨੀਆ ਜ਼ਾਲਮ ਅਤੇ ਚੀਨ ਇਕੋ ਇਕ ਸਭਿਅਕ ਹੈ।

ਇਸ ਤਰ੍ਹਾਂ ਉਨ੍ਹਾਂ ਨੂੰ ਚੀਨ ਦੇ ਅਧੀਨ ਹੋਣ ਦੀ ਲੋੜ ਹੈ। ਉਨ੍ਹਾਂ ਨੂੰ ਪੇਈਚਿੰਗ ਦਰਬਾਰ ਦੇ ਸਾਹਮਣੇ ਝੁਕਣਾ ਚਾਹੀਦਾ ਹੈ। ਜਿਹੜੇ ਲੋਕਾਂ ਨੂੰ ਧਮਕਾਇਆ ਨਹੀਂ ਜਾ ਸਕਦਾ ਉਨ੍ਹਾਂ ਨੂੰ ਜ਼ਮੀਨ, ਸਮੁੰਦਰ ਅਤੇ ਸਾਈਬਰ ਸਪੇਸ ’ਤੇ ਪੀ.ਐੱਲ.ਏ. ਦੀਆਂ ਲਗਾਤਾਰ ਵੱਧਦੀਆਂ ਤਾਕਤਾਂ ਰਾਹੀਂ ਜਿੱਤ ਲਿਆ ਜਾਣਾ ਚਾਹੀਦਾ ਹੈ। ਚੀਨ ਦੀ ਫੌਜ ਆਪਣਾ ਜਾਲ ਫੈਲਾ ਰਹੀ ਹੈ।

ਚੀਨ ਦਾ ਮਕਸਦ ਵਿਦੇਸ਼ੀ ਸਿਆਸੀ ਆਗੂਆਂ ਨੂੰ ਨਕਦੀ ਜਾਂ ਵਸਤੂਆਂ ਦੇ ਲਾਲਚ ਦੇ ਕੇ ਅਤੇ ‘ਪਿਆਰੇ’ ਚੀਨ ਦੇ ਅਕਸ ਦੇ ਨਾਲ ਹਰ ਤਰ੍ਹਾਂ ਨਾਲ ਮੀਡੀਆ ’ਚ ਹੇਰ-ਫੇਰ ਕਰਕੇ ਵਿਦੇਸ਼ਾਂ ’ਚ ਹਰ ਸੰਭਵ ਰਣਨੀਤਕ ਜਾਇਦਾਦ ਖਰੀਦਣਾ ਹੈ।

ਇਕ ਦੇਸ਼ ਦੀ ਉਦਾਹਰਣ ਇਨ੍ਹਾਂ ਗੱਲਾਂ ਨੂੰ ਪ੍ਰਦਰਸ਼ਿਤ ਕਰੇਗੀ। ਯੂਨਾਇਟਿਡ ਕਿੰਗਡਮ ਖਾਸ ਤੌਰ ’ਤੇ ਸੀ.ਪੀ.ਸੀ. ਦੇ ਬੇਲੋੜੇ ਧਿਆਨ ਦਾ ਇਕ ਵਿਸ਼ੇਸ਼ ਟੀਚਾ ਹੈ। ਚੀਨੀ ਨਿਵੇਸ਼ਕਾਂ ਨੇ ਯੂ.ਕੇ ਦੇ ਕਾਰੋਬਾਰ, ਮੁੱਢਲੇ ਢਾਂਚੇ, ਜਾਇਦਾਦ ਅਤੇ ਹੋਰਨਾਂ ਪਰਿਜਾਇਦਾਦਾਂ ਜੋ ਕਿ ਲਗਭਗ 135 ਬਿਲੀਅਨ ਪੌਂਡ ਦੀਆਂ ਬਣਦੀਆਂ ਹਨ, ਜਮ੍ਹਾ ਕਰ ਕੇ ਰੱਖੀਆਂ ਹਨ।

2019 ਤੋਂ 200 ਚੀਨੀ ਨਿਵੇਸ਼ ’ਚੋਂ 80 ਤੋਂ ਵੱਧ ਨੂੰ ਖੋਲ੍ਹਿਅਾ ਗਿਆ। ਇਹ ਅਜਿਹਾ ਸਮਾਂ ਸੀ ਜਦੋਂ ਲੰਦਨ ਅਤੇ ਪੇਈਚਿੰਗ ਦੇ ਦਰਮਿਆਨ ਤਣਾਅ ਵੱਧਣਾ ਸ਼ੁਰੂ ਹੋ ਗਿਆ ਸੀ।

ਨਿਊ ਸਟੇਟਸਮੈਨ ਨੇ ਜੁਲਾਈ 2020 ’ਚ ਇਕ ਰਿਪੋਰਟ ’ਚ ਕਿਹਾ ਕਿ ਕਮਜ਼ੋਰ ਨਿਯਮਾਂ ਨੇ ਚੀਨ ਨੂੰ ਬ੍ਰਿਟਿਸ਼ ਨਿਊਕਲੀਅਰ ਪਾਵਰ, ਤੇਲ, ਸਟੀਲ, ਪਾਣੀ ਅਤੇ ਆਵਾਜਾਈ ’ਚ ਮਹੱਤਵਪੂਰਨ ਹਿੱਸੇਦਾਰੀ ਮਿਲੀ। ਈਸਟ ਏਸ਼ੀਅਨ ਕੰਪਨੀ ਆਫ ਚਾਈਨਾ ਪੁਰਾਣੀ ਈਸਟ ਇੰਡੀਆ ਕੰਪਨੀ ਦਾ ਬਦਲਾ ਲੈ ਰਹੀ ਸੀ।

ਸੀ.ਪੀ.ਸੀ. ਦਾ ਲੰਦਨ ’ਤੇ ਆਰਥਿਕ, ਵਪਾਰਕ ਹਮਲਾ ਇਕ ਸਪੱਸ਼ਟ ਚੁਣੌਤੀ ਹੈ। ‘ਚੀਨੀ ਆ ਰਹੇ ਹਨ’ ਇਹ ਹੁਣ ਇਕ ਨਾਅਰਾ ਨਹੀਂ ਰਿਹਾ। ਅਸਲੀਅਤ ਇਹ ਹੈ ਕਿ ਚੀਨੀ ਹੁਣ ਹਰ ਕੋਨੇ-ਕੋਨੇ ’ਚ ਆ ਗਏ ਹਨ। ਵਿਸ਼ਵ ਦੇ ਸਾਰੇ ਦੇਸ਼ਾਂ ਨੂੰ ਇਸ ਖਤਰੇ ਦੀ ਘੰਟੀ ਨੂੰ ਮਹਿਸੂਸ ਕਰਨਾ ਚਾਹੀਦਾ ਹੈ ਕਿਉਂਕਿ ਇਹ ਚੀਨੀ ਹਮਲਾ ਅਸਲੀ ਹੈ।

ਕੁਝ ਦੇਸ਼ ਤਾਂ ਜਾਗਣੇ ਸ਼ੁਰੂ ਹੋ ਗਏ ਹਨ ਅਤੇ ਉਨ੍ਹਾਂ ਨੇ ਚੀਨੀ ਵਾਇਰਸ ਤੋਂ ਆਪਣੇ ਆਪ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਸ਼ੁਰੂ ਕਰ ਦਿੱਤੀਆਂ ਹਨ। ਹੁਣ ਵਿਦੇਸ਼ੀਆਂ ਨੂੰ ‘ਬੈਲਟ ਐਂਡ ਰੋਡ ਇਨੀਸ਼ਿਏਟਿਵ’ ਆਕਰਸ਼ਿਤ ਨਹੀਂ ਕਰ ਰਿਹਾ ਅਤੇ ਕਈ ਤਾਂ ਚੀਨ ਨੂੰ ਚੁਣੌਤੀ ਦੇਣੀ ਸ਼ੁਰੂ ਕਰ ਚੁੱਕੇ ਹਨ।

ਇਸ ਨਾਲ ਸ਼ੀ ਜਿਨਪਿੰਗ ਦੀਆਂ ਵੱਡੀਆਂ ਯੋਜਨਾਵਾਂ ਨੂੰ ਇਕ ਗੰਭੀਰ ਖਤਰਾ ਪੈਦਾ ਹੋ ਗਿਆ ਹੈ। ਇਸ ਲਈ ਸ਼ੀ ਜਿਨਪਿੰਗ ਚੀਨ ਨੂੰ ਇਕ ਪਿਆਰਾ ਰਾਸ਼ਟਰ ਬਣਾਉਣ ’ਚ ਲੱਗੇ ਹੋਏ ਹਨ। ਨਵੀਂ ਦਿੱਲੀ ’ਚ ਸ਼ੀ ਦੇ ਰਾਜਦੂਤ ਸੂ ਵੀਡਾਂਗ ਨੇ ਭਾਰਤ ਨੂੰ ਬੇਨਤੀ ਕੀਤੀ ਹੈ ਕਿ,‘‘ਆਓ, ਅਸੀਂ ਇਕੱਠੇ ਚੱਲੀਏ ਅਤੇ ਇਕ ਦੂਸਰੇ ਦੇ ਨਾਲ ਨਾ ਭਿੜੀਏ।’’

ਇਕ ਹੋਰ ਖਬਰ ’ਚ ਪਤਾ ਲੱਗਾ ਹੈ ਕਿ ਚੀਨੀ ਧੋਖੇਬਾਜ਼ਾਂ ਨੇ 5 ਲੱਖ ਭਾਰਤੀਆਂ ਕੋਲੋਂ ਕਰੋੜਾਂ ਠੱਗੇ ਹਨ। ਓਧਰ, ਭਾਰਤ-ਬੰਗਲਾਦੇਸ਼ ਸਰਹੱਦ ’ਤੇ ਇਕ ਚੀਨੀ ਜਾਸੂਸ ਅਤੇ ਅਪਰਾਧੀ ਫੜਿਆ ਗਿਆ।’’