ਪੁਤਿਨ ਖ਼ਿਲਾਫ਼ ਬਗਾਵਤ ਕਰਨ ਵਾਲੇ ਵਾਗਨਰ ਸਮੂਹ ਦੇ ਮੁਖੀ ਦੀ ਪਲੇਨ ਕ੍ਰੈਸ਼ ‘ਚ ਮੌਤ, ਘਟਨਾ ਬਾਰੇ ਹੁਣ ਤੱਕ ਕੀ ਪਤਾ

ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਖ਼ਿਲਾਫ਼ ਬਗ਼ਾਵਤੀ ਸੁਰ ਛੇੜਨ ਵਾਲੇ ਵਾਗਨਰ ਸਮੂਹ ਦੇ ਮੁਖੀ ਯੇਵਗੇਨੀ ਪ੍ਰਿਗੋਜ਼ਿਨ ਦੀ ਇੱਕ ਜਹਾਜ਼ ਹਾਦਸੇ ਵਿੱਚ ਮੌਤ ਹੋ ਗਈ ਹੈ।

ਇਹ ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ ਇੱਕ ਜਹਾਜ਼ ਰੂਸ ਦੇ ਟਿਵੈਰ ਸ਼ਹਿਰ ਵਿੱਚ ਕ੍ਰੈਸ਼ ਹੋ ਗਿਆ।

ਹਾਲਾਂਕਿ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਜਹਾਜ਼ ਨੂੰ ਮਾਰ ਗਿਰਾਇਆ ਗਿਆ ਜਾਂ ਇਹ ਹਵਾ ''''ਚ ਹੀ ਫਟ ਗਿਆ।

ਰੂਸੀ ਟਰਾਂਸਪੋਰਟ ਏਜੰਸੀ ਨੇ ਮ੍ਰਿਤਕਾਂ ਦੀ ਸੂਚੀ ''''ਚ ਵਾਗਨਰ ਗਰੁੱਪ ਦੇ ਸਹਿ-ਸੰਸਥਾਪਕ ਦਮਿਤਰੀ ਐਟਕਿਨ ਦਾ ਨਾਂ ਵੀ ਸ਼ਾਮਲ ਕੀਤਾ ਹੈ।

ਪ੍ਰਿਗੋਜ਼ਿਨ ਤੋਂ ਇਲਾਵਾ ਛੇ ਹੋਰ ਯਾਤਰੀਆਂ ਅਤੇ ਚਾਲਕ ਦਲ ਦੇ ਤਿੰਨ ਮੈਂਬਰਾਂ ਦੇ ਨਾਂ ਵੀ ਮਰਨ ਵਾਲਿਆਂ ਦੀ ਗਿਣਤੀ ਵਿੱਚ ਸ਼ਾਮਲ ਕੀਤੇ ਗਏ ਹਨ।

ਜਹਾਜ਼ ਹਾਦਸੇ ਵਿੱਚ ਮਾਰੇ ਗਏ ਸਾਰੇ ਦਸ ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ ਅਤੇ ਹਾਦਸੇ ਵਾਲੀ ਥਾਂ ਤੋਂ ਜਹਾਜ਼ ਦਾ ਮਲਬਾ ਵੀ ਬਰਾਮਦ ਕਰ ਲਿਆ ਗਿਆ ਹੈ।

ਐਮਰਜੈਂਸੀ ਸੇਵਾਵਾਂ ਦਾ ਹਵਾਲਾ ਦਿੰਦੇ ਹੋਏ ਸਮਾਚਾਰ ਏਜੰਸੀ ਇੰਟਰਫੈਕਸ ਨੇ ਕਿਹਾ ਹੈ ਕਿ ਜਹਾਜ਼ ਦੀ ਤਲਾਸ਼ੀ ਮੁਹਿੰਮ ਪੂਰੀ ਹੋ ਗਈ ਹੈ।

ਹਾਦਸੇ ਬਾਰੇ ਹੁਣ ਤੱਕ ਹੋਰ ਕੀ-ਕੀ ਪਤਾ

• ਮਾਸਕੋ ਦੇ ਉੱਤਰ-ਪੱਛਮ ਵਿੱਚ ਕ੍ਰੈਸ਼ ਹੋਏ ਇੱਕ ਨਿੱਜੀ ਜਹਾਜ਼ ਵਿੱਚ ਵਾਗਨਰ ਚੀਫ਼ ਯੇਵਗੇਨੀ ਪ੍ਰਿਗੋਜ਼ਿਨ ਦੀ ਮੌਤ ਹੋ ਗਈ ਹੈ।
• ਇਹ ਜਹਾਜ਼ ਪ੍ਰਿਗੋਜ਼ਿਨ ਦੀ ਮਲਕੀਅਤ ਵਾਲਾ ਹੀ ਸੀ, ਜਿਸ ਵਿੱਚ ਉਨ੍ਹਾਂ ਤੋਂ ਇਲਾਵਾ ਜਹਾਜ਼ 6 ਹੋਰ ਯਾਤਰੀ ਅਤੇ ਚਾਲਕ ਦਲ ਦੇ ਤਿੰਨ ਮੈਂਬਰ ਸਨ।
• ਇਹ ਜਹਾਜ਼ ਮਾਸਕੋ ਤੋਂ ਸੇਂਟ ਪੀਟਰਸਬਰਗ ਜਾ ਰਿਹਾ ਸੀ ਜਦੋਂ ਇਹ ਟਿਵੈਰ ਖੇਤਰ ਵਿੱਚ ਹਾਦਸਾਗ੍ਰਸਤ ਹੋ ਗਿਆ।
• ਰਿਪੋਰਟਾਂ ਮੁਤਾਬਕ, ਸਾਰੀਆਂ 10 ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ।
• ਵਾਗਨਰ ਨਾਲ ਜੁੜੇ ਟੈਲੀਗ੍ਰਾਮ ਚੈਨਲ ''''ਗ੍ਰੇ ਜ਼ੋਨ'''' ਨੇ ਪਹਿਲਾਂ ਦੱਸਿਆ ਸੀ ਕਿ ਜਹਾਜ਼ ਨੂੰ ਰੂਸੀ ਫੌਜ ਨੇ ਨਿਸ਼ਾਨਾ ਬਣਾਇਆ ਹੈ ਅਤੇ ਇਸ ਦਾ ਕੋਈ ਸਬੂਤ ਵੀ ਨਹੀਂ ਛੱਡਿਆ।
• ਬੁੱਧਵਾਰ ਨੂੰ ਇਹ ਜਹਾਜ਼ ਮਾਸਕੋ ਨੇੜੇ ਉੱਡਦਾ ਦਿਖਾਈ ਦਿੱਤਾ ਸੀ। ਉਸ ਵੇਲੇ ਇਹ ਅਸਮਾਨ ਵਿੱਚ 29 ਹਜ਼ਾਰ ਫੁੱਟ ਦੀ ਉਚਾਈ ''''ਤੇ ਸੀ, ਪਰ ਫਿਰ ਇਹ ਟਰੈਕਿੰਗ ਵੈਬਸਾਈਟ ਤੋਂ ਗਾਇਬ ਹੋ ਗਿਆ।
• ਇਸ ਮਗਰੋਂ ਜਹਾਜ਼ ਦੇ ਜ਼ਮੀਨ ''''ਤੇ ਡਿੱਗਣ ਦੇ ਸੰਕੇਤ ਮਿਲਨੇ ਸ਼ੁਰੂ ਹੋ ਗਏ ਕਿਉਂਕਿ ਉਸ ਵੇਲੇ ਇਸ ਦੀ ਉਚਾਈ 0 ਦਿਖਾਈ ਦੇਣ ਲੱਗੀ।
• ਰੂਸ ਦੇ ਸਰਕਾਰੀ ਮੀਡੀਆ ਨੇ ਕਿਹਾ ਕਿ ਜਹਾਜ਼ ਅੱਧੇ ਘੰਟੇ ਤੋਂ ਵੀ ਘੱਟ ਸਮੇਂ ਤੱਕ ਹਵਾ ਰਿਹਾ ਅਤੇ ਫਿਰ ਜ਼ਮੀਨ ਨਾਲ ਟਕਰਾ ਗਿਆ, ਜਿਸ ਕਾਰਨ ਉਸ ਵਿੱਚ ਅੱਗ ਲੱਗ ਗਈ।
• ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
• ਦੱਸ ਦੇਈਏ ਕਿ ਪ੍ਰਿਗੋਜਿਨ, ਰਾਸ਼ਟਰਪਤੀ ਪੁਤਿਨ ਦੇ ਮੁੱਖ ਸਹਿਯੋਗੀ ਦਿਨ ਪਰ ਜੂਨ ਵਿੱਚ ਰੂਸ ਦੇ ਫੌਜੀ ਆਗੂਆਂ ਵਿਰੁੱਧ ਅਸਫਲ ਬਗਾਵਤ ਕਰਨ ਤੋਂ ਬਾਅਦ ਉਨ੍ਹਾਂ ਦੇ ਸਬੰਧਾਂ ਵਿੱਚ ਤਣਾਅ ਆ ਗਿਆ ਸੀ।

''''ਪ੍ਰਿਗੋਜ਼ਿਨ ਨੇ ਆਪਣੇ ਮੌਤ ਦੇ ਵਾਰੰਟ ''''ਤੇ ਦਸਤਖਤ ਕੀਤੇ ਸਨ''''

ਇਸ ਪੂਰੀ ਘਟਨਾ ''''ਤੇ ਦੁਨੀਆਂ ਦੇ ਵੱਖ-ਵੱਖ ਆਗੂ ਅਤੇ ਦੇਸ਼ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ।

ਯੂਕਰੇਨ ਨੇ ਕਿਹਾ ਹੈ ਕਿ ਵਗਨਰ ਗਰੁੱਪ ਦੇ ਮੁਖੀ ਯੇਵਗੇਨੀ ਪ੍ਰਿਗੋਜ਼ਿਨ ਨੇ ਆਪਣੇ ਮੌਤ ਦੇ ਵਾਰੰਟ ''''ਤੇ ਦਸਤਖਤ ਕੀਤੇ ਸਨ।

ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਦੇ ਸਲਾਹਕਾਰ ਮਾਈਖਾਈਲੋ ਪੋਡੋਲੇਕ ਨੇ ਇਸ ਬਾਰੇ ਐਕਸ (ਪਹਿਲਾਂ ਟਵਿੱਟਰ) ''''ਤੇ ਇੱਕ ਪੋਸਟ ਜਾਰੀ ਕੀਤੀ।

ਉਨ੍ਹਾਂ ਲਿਖਿਆ, "ਜੰਗ ਦੀ ਧੁੰਦ ਦੂਰ ਹੋਣ ਦਾ ਇੰਤਜ਼ਾਰ ਕਰਨਾ ਪਏਗਾ, ਪਰ ਇਹ ਸਪਸ਼ਟ ਹੈ ਕਿ ਪ੍ਰਿਗੋਜ਼ਿਨ ਨੇ ਉਸੇ ਪਲ ਆਪਣੀ ਵਿਸ਼ੇਸ਼ ਮੌਤ ਦੇ ਵਾਰੰਟ ''''ਤੇ ਦਸਤਖਤ ਕਰ ਦਿੱਤੇ ਸਨ, ਜਦੋਂ ਉਨ੍ਹਾਂ ਨੇ ਲੁਕਾਸੈਂਕੋ ਦੀਆਂ ਅਜੀਬ ''''ਗਾਰੰਟੀਆਂ'''' ਅਤੇ ਪੁਤਿਨ ਦੇ ਸਤਿਕਾਰ ਦੇ ਸ਼ਬਦਾਂ ''''ਤੇ ਭਰੋਸਾ ਕਰ ਲਿਆ ਸੀ।''''''''

ਮਿਖਾਈਲੋ ਨੇ ਲਿਖਿਆ, "ਤਖਤਾਪਲਟ ਦੀ ਕੋਸ਼ਿਸ਼ ਤੋਂ ਦੋ ਮਹੀਨੇ ਬਾਅਦ ਪ੍ਰਿਗੋਜ਼ਿਨ ਅਤੇ ਵਾਗਨਰ ਦਾ ਨਜ਼ਰ ਨਾ ਆਉਣਾ, ਪੁਤਿਨ ਵੱਲੋਂ 2024 ਦੀਆਂ ਚੋਣਾਂ ਤੋਂ ਪਹਿਲਾਂ ਰੂਸ ਦੇ ਕੁਲੀਨ ਵਰਗ ਲਈ ਇੱਕ ਸੰਕੇਤ ਹੈ। ''''ਸਾਵਧਾਨ! ਵਫ਼ਾਦਾਰੀ ਨਾ ਦਿਖਾਉਣਾ ਮੌਤ ਦੇ ਬਰਾਬਰ ਹੈ''''।''''''''

ਅਮਰੀਕਾ ਨੇ ਕੀ ਕਿਹਾ

ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਰੂਸ ਦੀ ਨਿੱਜੀ ਫੌਜ, ਵਾਗਨਰ ਸਮੂਹ ਦੇ ਮੁਖੀ ਯੇਵਗੇਨੀ ਪ੍ਰਿਗੋਜ਼ਿਨ ਦੀ ਮੌਤ ਦੀ ਖ਼ਬਰ ''''ਤੇ ਹੈਰਾਨੀ ਪ੍ਰਗਟ ਨਹੀਂ ਕੀਤੀ ਹੈ।

ਉਨ੍ਹਾਂ ਕਿਹਾ ਕਿ ਉਹ ਇਸ ''''ਤੇ ਹੈਰਾਨ ਨਹੀਂ ਹਨ। ਜਦੋਂ ਬਾਇਡਨ ਨੂੰ ਪੁੱਛਿਆ ਗਿਆ ਕਿ ਕੀ ਰੂਸੀ ਰਾਸ਼ਟਰਪਤੀ ਪੁਤਿਨ ਇਸ ਲਈ ਜ਼ਿੰਮੇਵਾਰ ਹਨ ਤਾਂ ਉਨ੍ਹਾਂ ਕਿਹਾ ਕਿ ਰੂਸ ''''ਚ ਬਹੁਤ ਘੱਟ ਚੀਜ਼ਾਂ ਹੁੰਦੀਆਂ ਹਨ, ਜਿਨ੍ਹਾਂ ਪਿੱਛੇ ਪੁਤਿਨ ਦਾ ਹੱਥ ਨਹੀਂ ਹੁੰਦਾ।

ਪ੍ਰਿਗੋਜ਼ਿਨ ਦਾ ਇਸ ਤਰ੍ਹਾਂ ਮਰਨਾ ਤੈਅ ਸੀ - ਬ੍ਰਿਟੇਨ ਦੇ ਸਾਬਕਾ ਖੂਫੀਆ ਅਧਿਕਾਰੀ

ਬ੍ਰਿਟੇਨ ਦੀ ਐਮਆਈ-6 ਖੁਫੀਆ ਏਜੰਸੀ ਵਿੱਚ ਰੂਸੀ ਡੈਸਕ ਦੇ ਸਾਬਕਾ ਮੁਖੀ ਕ੍ਰਿਸਟੋਫਰ ਸਟੀਲ ਦਾ ਕਹਿਣਾ ਹੈ ਕਿ ਪ੍ਰਿਗੋਜ਼ਿਨ ਦਾ ਅੰਤ ਇਸੇ ਤਰ੍ਹਾਂ ਹੋਣਾ ਸੀ।

ਬੀਬੀਸੀ ਨਾਲ ਗੱਲ ਕਰਦਿਆਂ, ਉਨ੍ਹਾਂ ਕਿਹਾ ਕਿ ਸੰਭਵ ਹੈ ਕਿ ਜਹਾਜ਼ ਹਾਦਸਾ ਕਿਸੇ ਉੱਚ-ਪੱਧਰੀ ਸੁਰੱਖਿਆ ਅਧਿਕਾਰੀ ਦੇ ਕਹਿਣ ''''ਤੇ ਹੋਇਆ ਹੋ ਹੋਵੇ ਅਤੇ "ਪੁਤਿਨ ਨੇ ਇਸ ਨੂੰ ਮੂਕ ਮਨਜ਼ੂਰੀ ਦਿੱਤੀ ਹੋਵੇ।''''''''

"ਸਾਨੂੰ ਕੁਝ ਹਫ਼ਤੇ ਪਹਿਲਾਂ ਦੱਸਿਆ ਗਿਆ ਸੀ ਕਿ ਰੂਸ ਵਿੱਚ ਵਪਾਰਕ ਭਾਈਚਾਰੇ ਦੀਆਂ ਸੀਨੀਅਰ ਸ਼ਖਸੀਅਤਾਂ ਨੇ ਪ੍ਰਿਗੋਜ਼ਿਨ ਨੂੰ ਮਾਰਨ ਲਈ ਸੁਪਾਰੀ ਦਿੱਤੀ ਹੈ। ਰੂਸੀ ਸਰਕਾਰ ਵਿੱਚ ਉਨ੍ਹਾਂ ਦੇ ਕਈ ਦੁਸ਼ਮਣ ਸਨ ਅਤੇ ਦੋਸਤ ਘੱਟ ਸਨ, ਅਤੇ ਦੇਖਿਆ ਜਾਵੇ ਤਾਂ ਸਭ ਨੂੰ ਅੰਦਾਜ਼ਾ ਸੀ ਕਿ ਉਨ੍ਹਾਂ ਦਾ ਅੰਤ ਕੁਝ ਅਜਿਹਾ ਹੀ ਹੋਵੇਗਾ।''''''''