ਹਾਕੀ ਵਿਸ਼ਵ ਕੱਪ: ਭਾਰਤ ਦਾ ਕੁਆਰਟਰ ਫ਼ਾਈਨਲ ''''ਚ ਪਹੁੰਚਣਾ ਕਿਉਂ ਔਖਾ ਲੱਗ ਰਿਹਾ, ਹੋਰ ਕੀ ਕੁਝ ਕਰਨ ਦੀ ਲੋੜ
Friday, Jan 20, 2023 - 12:29 PM (IST)
ਭਾਰਤ ਨੇ ਹਾਕੀ ਵਿਸ਼ਵ ਕੱਪ ਦੇ ਗਰੁੱਪ ਡੀ ਦੇ ਆਪਣੇ ਆਖ਼ਰੀ ਮੈਚ ਵਿੱਚ ਵੇਲਜ਼ ਨੂੰ ਹਰਾਇਆ, ਪਰ ਸਿੱਧਾ ਕੁਆਰਟਰ ਫ਼ਾਈਨਲ ਵਿੱਚ ਆਪਣੀ ਥਾਂ ਬਣਾਉਣ ਤੋਂ ਖੁੰਝ ਗਿਆ।
ਭਾਰਤ ਨੇ ਗਰੁੱਪ ਮੈਚਾਂ ਵਿੱਚ ਜੇਤੂ ਰਹਿ ਕੇ ਯੂਕੇ ਦੇ ਬਰਾਬਰ ਸੱਤ ਅੰਕ ਬਣਾਏ ਪਰ ਗੋਲ ਘੱਟ ਕਰ ਸਕਿਆ ਇਸ ਲਈ ਗਰੁੱਪ ਵਿੱਚ ਦੂਜੀ ਥਾਂ ਰਿਹਾ।
ਹੁਣ ਸਥਿਤੀ ਇਹ ਹੈ ਕਿ ਭਾਰਤ ਨੂੰ ਅਗਲਾ ਮੈਚ ਹਰ ਹਾਲ ਵਿੱਚ ਜਿੱਤਣਾ ਪਵੇਗਾ ਤਾਂ ਹੀ ਕੁਆਰਟਰ ਫ਼ਾਈਨਲ ਵਿੱਚ ਆਪਣੀ ਥਾਂ ਬਚਾ ਸਕੇਗਾ।
ਭਾਰਤ ਹੁਣ ਕਰਾਸ ਓਵਰ ਮੈਚ ਨਿਊਜ਼ੀਲੈਂਡ ਖ਼ਿਲਾਫ਼ ਖੇਡੇਗਾ।
ਭਾਰਤੀ ਕੋਚ ਗ੍ਰਾਹਮ ਰੀਡ ਜਾਣਦੇ ਸਨ ਕਿ ਜਦੋਂ ਦਬਾਅ ''''ਚ ਖੇਡਣਾਂ ਹੋਵੇ ਤਾਂ ਟੀਮ ਲਈ ਸਹਿਜ ਰਹਿਕੇ ਪ੍ਰਦਰਸ਼ਨ ਕਰਨਾ ਔਖਾ ਹੁੰਦਾ ਹੈ।
ਇਸੇ ਲਈ ਉਨਾਂ ਨੇ ਮੈਚ ਤੋਂ ਪਹਿਲਾਂ ਟੀਮ ਨੂੰ ਜਿੱਤ ਹਾਰ ’ਤੇ ਨਹੀਂ ਬਲਕਿ ਖੇਡ ''''ਤੇ ਧਿਆਨ ਕੇਂਦਰਿਤ ਕਰਨ ਦੀ ਸਲਾਹ ਦਿੱਤੀ ਹੈ।
ਗ੍ਰਾਹਮ ਰੀਡ ਦਾ ਮੰਨਣਾ ਸੀ ਕਿ ਅਜਿਹਾ ਕਰਨ ਨਾਲ ਨਤੀਜਾ ਆਪਣੇ ਆਪ ਪ੍ਰਾਪਤ ਹੋ ਜਾਵੇਗਾ।
ਪਰ ਭਾਰਤੀ ਟੀਮ ਗਰੁੱਪ ਵਿੱਚ ਇੰਗਲੈਂਡ ਨੂੰ ਪਿੱਛੇ ਛੱਡਣ ਲਈ ਅੱਠ ਗੋਲਾਂ ਦੇ ਫ਼ਰਕ ਨਾਲ ਜਿੱਤ ਸਕਣ ਦੇ ਦਬਾਅ ਨੂੰ ਕਦੇ ਵੀ ਮਾਤ ਨਹੀਂ ਪਾ ਸਕੀ ਸੀ।
ਭਾਰਤ ਜਿੱਤਿਆ ਪਰ ਅਸਲ ਥਾਂ ਨਾ ਪਹੁੰਚ ਸਕਿਆ
ਭਾਰਤ, ਵੇਲਜ਼ ਖ਼ਿਲਾਫ਼ ਮੈਚ ਦੀ ਸ਼ੁਰੂਆਤ ਤੋਂ ਹੀ ਦਬਾਅ ਵਿੱਚ ਸੀ। ਇਸੇ ਦਬਾਅ ਦਾ ਹੀ ਨਤੀਜਾ ਸੀ ਕਿ ਸ਼ੁਰੂਆਤ ਵਿੱਚ ਟੀਮ ਦਾ ਰੁਖ਼ ਤਿੱਖ਼ੇ ਹਮਲੇ ਕਰਨ ਵਾਲਾ ਨਹੀਂ ਸੀ।
ਇਹੀ ਕਾਰਨ ਰਿਹਾ ਗੇਂਦ ਤਾਂ ਬਹੁਤ ਦੇਰ ਭਾਰਤ ਦੇ ਕਬਜ਼ੇ ’ਚ ਰਹੀ ਪਰ ਟੀਮ ਨੂੰ ਗੋਲ ਦਾਗਣ ਲਈ ਲੋੜੀਂਦੇ ਹਮਲੇ ਕਰਨ ਵਿੱਚ ਬਹੁਤੀ ਕਾਮਯਾਬ ਨਾ ਹੋ ਸਕੀ।
ਮੈਚ ਦੌਰਾਨ ਭਾਰਤ ਨਾ ਤਾਂ ਵੇਲਜ਼ ’ਤੇ ਆਪਣੀ ਇੱਛਾ ਮੁਤਾਬਕ ਦਬਾਅ ਪਾ ਸਕਿਆ ਤੇ ਨਾ ਹੀ ਜਿੰਨੇ ਚਾਹੀਦੇ ਸਨ ਉਹ ਗੋਲ ਕਰ ਸਕਿਆ।
ਮੈਚ ਦਾ ਪਹਿਲਾ ਕੁਆਰਟਰ ਬਿਨ੍ਹਾਂ ਕਿਸੇ ਗੋਲ ਦੇ ਖ਼ਤਮ ਹੋ ਗਿਆ ਤੇ ਦੂਜੇ ਕੁਆਰਟਰ ਵਿੱਚ ਭਾਰਤੀ ਟੀਮ ਅੱਧੇ ਸਮੇਂ ਤੱਕ ਮਹਿਜ਼ ਇੱਕ ਗੋਲ ਕਰ ਸਕੀ।
ਜਦੋਂ ਜਿੱਤ ਦੂਰ ਲੱਗਦੀ ਸੀ
ਸ਼ਮਸ਼ੇਰ ਅਤੇ ਆਕਾਸ਼ਦੀਪ ਦੇ ਗੋਲਾਂ ਨਾਲ ਭਾਰਤ ਦੋ ਗੋਲ ਕਰ ਸਕਿਆ ਤੇ ਕੁਝ ਸਮਾਂ ਬਾਅਦ ਭਾਰਤੀ ਟੀਮ ਆਪਣੀ ਖੇਡ ਨੂੰ ਮੁੜ ਲੀਹ ''''ਤੇ ਲਿਆਉਣ ਦੀ ਕੋਸ਼ਿਸ਼ ਕਰਦੀ ਨਜ਼ਰ ਆਈ।
ਪਰ ਤੀਜੇ ਕੁਆਰਟਰ ਦੇ ਆਖ਼ਰੀ ਦੋ ਮਿੰਟਾਂ ਵਿੱਚ ਵੇਲਜ਼ ਨੇ ਦੋ ਗੋਲ ਕਰਕੇ ਕਲਿੰਗਾ ਸਟੇਡੀਅਮ ਵਿੱਚ ਨਾ ਸਿਰਫ਼ ਭਾਰਤੀ ਟੀਮ ਨੂੰ ਸਗੋਂ ਸਾਰੇ ਦਰਸ਼ਕਾਂ ਨੂੰ ਹੈਰਾਨ ਕਰ ਦਿੱਤਾ ਅਤੇ 2-2 ਦੀ ਬਰਾਬਰੀ ਕਰ ਲਈ। ਇਹ ਮੌਕਾ ਸੀ, ਜਦੋਂ ਪੂਰੇ ਸਟੇਡੀਅਮ ਵਿੱਚ ਸੰਨਾਟਾ ਛਾ ਗਿਆ।
ਵੇਲਜ਼ ਦੇ ਬਰਾਬਰ ਆਉਣ ਤੋਂ ਬਾਅਦ, ਭਾਰਤੀ ਟੀਮ ਹਰਕਤ ਵਿੱਚ ਆਈ ਅਤੇ ਅਕਾਸ਼ਦੀਪ ਸਿੰਘ ਨੇ ਦੂਜਾ ਗੋਲ ਕਰਕੇ ਭਾਰਤ ਨੂੰ ਇੱਕ ਵਾਰ ਫਿਰ 3-2 ਨਾਲ ਅੱਗੇ ਕਰ ਦਿੱਤਾ।
ਪਰ ਇਸ ਸਮੇਂ ਤੱਕ ਵੇਲਜ਼ ਦਾ ਹੌਸਲਾ ਇੰਨਾ ਵੱਧ ਗਿਆ ਸੀ ਕਿ ਆਖ਼ਰੀ ਕੁਆਰਟਰ ਵਿੱਚ ਛੇ-ਸੱਤ ਮਿੰਟ ਤੱਕ ਭਾਰਤੀ ਡਿਫ਼ੈਂਸ ਨੂੰ ਗੋਲ ਬਚਾਈ ਰੱਖਣ ਲਈ ਜੂਝਣਾ ਪਿਆ।
ਕੁਝ ਪਲ ਤਾਂ ਅਜਿਹੇ ਸਨ ਕਿ ਜ਼ਿਹਨ ’ਚ ਭਾਰਤ ਦੀ ਜਿੱਤ ਔਖੀ ਲੱਗਦੀ ਸੀ।
ਹਰਮਨਪ੍ਰੀਤ ਦਾ ਖ਼ਾਤਾ ਖੋਲ੍ਹਣਾ
ਭਾਰਤੀ ਕਪਤਾਨ ਅਤੇ ਦੇਸ਼ ਦੇ ਨੰਬਰ ਇੱਕ ਡਰੈਗ ਫਲਿੱਕਰ ਹਰਮਨਪ੍ਰੀਤ ਸਿੰਘ ਦੀ ਗ਼ੈਰਹਾਜ਼ਰੀ ਨੇ ਭਾਰਤ ਦੀਆਂ ਮੁਸ਼ਕਲਾਂ ਨੂੰ ਹੋਰ ਵਧਾ ਦਿੱਤਾ ਹੈ।
ਆਮ ਤੌਰ ''''ਤੇ ਉਹ ਭਾਰਤ ਦੀ ਜਿੱਤ ''''ਚ ਅਹਿਮ ਭੂਮਿਕਾ ਨਿਭਾਉਂਦੇ ਰਹੇ ਹਨ। ਪਰ ਇਸ ਵਿਸ਼ਵ ਕੱਪ ''''ਚ ਉਹ ਉਮੀਦਾਂ ''''ਤੇ ਖ਼ਰਾ ਨਹੀਂ ਉਤਰ ਸਕੇ।
ਪਹਿਲੇ ਦੋ ਮੈਚਾਂ ਵਿੱਚ ਅਤੇ ਇਸ ਮੈਚ ਦੇ ਖ਼ਤਮ ਹੋਣ ਤੋਂ ਦੋ ਮਿੰਟ ਪਹਿਲਾਂ ਤੱਕ ਉਨ੍ਹਾਂ ਦੇ ਨਾਮ ਇੱਕ ਵੀ ਗੋਲ ਨਹੀਂ ਸੀ।
ਇਸ ਮੈਚ ਵਿੱਚ ਵੇਲਜ਼ ਨੇ ਵਾਪਸੀ ਕਰਨ ਲਈ ਪੂਰੀ ਵਾਹ ਲਗਾਈ। ਉਨ੍ਹਾਂ ਆਪਣੇ ਗੋਲਕੀਪਰ ਨੂੰ ਹਟਾਕੇ ਪੂਰੇ 11 ਖਿਡਾਰੀਆਂ ਨੂੰ ਮੈਦਾਨ ਵਿੱਚ ਉਤਾਰਣ ਦਾ ਫ਼ੈਸਲਾ ਲਿਆ। ਜਦੋਂ ਅਜਿਹਾ ਹੋਇਆ ਮੈਚ ਵਿੱਚ ਹਾਲੇ ਸਵਾ ਮਿੰਟ ਬਚਿਆ ਸੀ।
ਵੇਲਜ਼ ਦੇ ਗੋਲ ਵਿੱਚ ਗੋਲਕੀਪਰ ਦੀ ਗ਼ੈਰ-ਮੌਜੂਦਗੀ ਦਾ ਫ਼ਾਇਦਾ ਚੁੱਕਦਿਆਂ ਲਲਿਤ ਉਪਾਧਿਆਏ ਨੇ ਲੰਮੀ ਕਲੀਅਰੈਂਸ ''''ਤੇ ਗੇਂਦ ''''ਤੇ ਕਬਜ਼ਾ ਕਰਕੇ ਭਾਰਤ ਨੂੰ ਪੈਨਲਟੀ ਕਾਰਨਰ ਦਿਵਾਇਆ। ਇਸੇ ਪਨੈਲਟੀ ਨੂੰ ਹਰਮਨਪ੍ਰੀਤ ਨੇ ਗੋਲ ਵਿੱਚ ਬਦਲ ਦਿੱਤਾ।
ਸੰਭਵ ਹੈ ਕਿ ਇੱਕ ਵਾਰ ਗੋਲ ਦਾ ਖਾਤਾ ਖੁੱਲ੍ਹ ਜਾਣ ''''ਤੇ ਹਰਮਨਪ੍ਰੀਤ ਆਪਣੀ ਲੈਅ ਵਿੱਚ ਵਾਪਸ ਆ ਜਾਣ ਜਿਸਦੀ ਭਾਰਤ ਨੂੰ ਨਿਊਜ਼ੀਲੈਂਡ ਖ਼ਿਲਾਫ਼ ਕਰਾਸ ਓਵਰ ਮੈਚ ''''ਚ ਬਹੁਤ ਲੋੜ ਹੈ।
ਮੌਜੂਦਾ ਸਮੇਂ ਵਿੱਚ ਪਨੈਲਟੀ ਕਰਨ ਵਾਲੇ ਖਿਡਾਰੀ ਨੂੰ ਮਹਿਜ਼ 40 ਸਕਿੰਟ ਮਿਲਦੇ ਹਨ। ਇਸ ਸੂਰਤੇ ਹਾਲ ਪਨੈਲਟੀ ਨੂੰ ਗੋਲ ਵਿੱਚ ਬਦਲਣਾ ਇੱਕ ਵੱਡੀ ਚੁਣੌਤੀ ਹੁੰਦੀ ਹੈ।
ਕਿਉਂਕਿ ਪਨੈਲਟੀ ਮੌਕੇ ਵਿਰੋਧੀ ਟੀਮ ਦੇ ਖਿਡਾਰੀ ਸੁਚੇਤ ਰਹਿ ਫ਼ੁਰਤੀਲੇ ਢੰਗ ਨਾਲ ਗੋਲ ਰੋਕ ਸਕਦੇ ਹਨ। ਅਜਿਹੀ ਸਥਿਤੀ ਵਿੱਚ ਮੈਚ ਦੇ ਆਖ਼ਰੀ ਮਿੰਟਾਂ ਵਿੱਚ ਗੋਲ ਦਾਗਣਾ ਹਰਮਨਪ੍ਰੀਤ ਨੂੰ ਉਤਸ਼ਾਹਿਤ ਕਰਨ ਵਾਲਾ ਹੀ ਹੈ।
ਬੀਤੇ ਸਾਲਾਂ ਵਿੱਚ ਵੀ ਭਾਰਤ ਵੀ ਪਨੈਲਟੀ ਨੂੰ ਗੋਲ ਵਿੱਚ ਬਦਲਣ ਦੀ ਆਪਣੀ ਰਣਨੀਤੀ ਤੇ ਤਕਨੀਕ ’ਤੇ ਲਗਾਤਾਰ ਕੰਮ ਕਰਦਾ ਰਿਹਾ ਹੈ।
ਜਦੋਂ ਬਾਲਕਿਸ਼ਨ ਭਾਰਤੀ ਟੀਮ ਦੇ ਮੁੱਖ ਕੋਚ ਸਨ ਤਾਂ ਉਨ੍ਹਾਂ ਭਾਰਤ ਨੇ ਗੇਂਦ ਸੁੱਟਣ ਵਾਲੇ ਖਿਡਾਰੀ ਨੂੰ ਗੇਂਦ ਵਾਪਸ ਦੇ ਕੇ ਗੋਲ ਕਰਨ ਦੀ ਰਣਨੀਤੀ ਬਣਾਈ ਸੀ, ਜੋ ਬਹੁਤ ਪ੍ਰਭਾਵਸ਼ਾਲੀ ਸਾਬਿਤ ਹੋਈ ਸੀ।
ਹਾਰਦਿਕ ਦੀ ਗ਼ੈਰ-ਹਾਜ਼ਰੀ ਵਿੱਚ ਅਕਾਸ਼ਦੀਪ ਚਮਕੇ
ਅਸੀਂ ਸਾਰੇ ਜਾਣਦੇ ਹਾਂ ਕਿ ਆਕਾਸ਼ਦੀਪ ਸਿੰਘ ਟੋਕੀਓ ਓਲੰਪਿਕ ਟੀਮ ਵਿੱਚ ਸ਼ਾਮਲ ਹੋਣ ਲਈ ਮੁੱਖ ਦਾਅਵੇਦਾਰ ਸਨ। ਪਰ ਆਖਰੀ ਸਮੇਂ ਉਨ੍ਹਾਂ ਨੂੰ ਛੱਡ ਦਿੱਤਾ ਗਿਆ। ਆਪਣੇ ਖੇਡ ਕਰੀਅਰ ਵਿੱਚ ਉਹ ਸ਼ਾਇਦ ਹੀ ਇਹ ਭੁੱਲ ਸਕਣ।
ਇਸ ਦਾ ਕਾਰਨ ਇਹ ਸੀ ਕਿ ਉਹ ਫ਼ਾਰਵਰਡ ਖਿਡਾਰੀ ਹਨ ਅਤੇ ਕੋਚ ਦੂਜੇ ਫ਼ਾਰਵਰਡ ਖਿਡਾਰੀਆਂ ''''ਤੇ ਵਧੇਰੇ ਭਰੋਸਾ ਕਰ ਰਹੇ ਹਨ।
ਬਰਮਿੰਘਮ ਵਿੱਚ ਹੋਈਆਂ ਰਾਸ਼ਟਰਮੰਡਲ ਖੇਡਾਂ ਦੇ ਸਮੇਂ ਤੋਂ ਕੋਚ ਨੇ ਆਕਾਸ਼ਦੀਪ ਨੂੰ ਹਮਲਾਵਰ ਮਿਡ-ਫੀਲਡਰ ਵਜੋਂ ਮੈਦਾਨ ਵਿੱਚ ਉਤਾਰਨ ਦਾ ਫ਼ੈਸਲਾ ਲਿਆ ਸੀ। ਇਸ ਤੋਂ ਬਾਅਦ ਤੋਂ ਉਨ੍ਹਾਂ ਦੀ ਟੀਮ ਵਿੱਚ ਜਗ੍ਹਾ ਪੱਕੀ ਹੋ ਗਈ।
ਪਹਿਲੇ ਦੋ ਮੈਚਾਂ ਵਿੱਚ ਹਾਰਦਿਕ ਨੇ ਮਿਡਫ਼ੀਲਡਰ ਵਜੋਂ ਜੋ ਭੂਮਿਕਾ ਨਿਭਾਈ।
ਪਰ ਇਸ ਮੈਚ ਤੋਂ ਪਹਿਲਾਂ ਹਾਰਦਿਕ ਨੂੰ ਸੱਚ ਲੱਗ ਗਈ ਸੀ ਜਿਸ ਕਾਰਨ ਆਕਾਸ਼ਦੀਪ ਨੂੰ ਆਪਣੀ ਸਮਰੱਥਾ ਦਿਖਾਉਣ ਦਾ ਮੌਕਾ ਮਿਲਿਆ।
ਉਨ੍ਹਾਂ ਨੇ ਆਕਾਸ਼ਦੀਪ ਦੀ ਕਮੀ ਹੀ ਨੂੰ ਨਹੀਂ ਖ਼ਤਮ ਕੀਤਾ ਬਲਕਿ ਦੋ ਗੋਲ ਵੀ ਦਾਗ਼ ਦਿੱਤੇ।
-
ਡਿਫ਼ੈਂਸ ਪਹਿਲੀ ਵਾਰ ਕੁਝ ਕਮਜ਼ੋਰ ਨਜ਼ਰ ਆਈ
ਭਾਰਤ ਦਾ ਪ੍ਰਦਰਸ਼ਨ ਅਜਿਹਾ ਨਹੀਂ ਰਿਹਾ ਕਿ ਕੋਚ ਮਾਣ ਮਹਿਸੂਸ ਕਰ ਸਕੇ।
ਪਹਿਲੇ ਦੋ ਮੈਚਾਂ ਵਿੱਚ ਭਾਰਦ ਦਾ ਪ੍ਰਦਰਸ਼ਨ ਆਸਾਂ ਮੁਤਾਬਕ ਨਹੀਂ ਸੀ। ਕਮਜ਼ੋਰ ਡਿਫ਼ੈਂਸ ਸਾਫ਼ ਨਜ਼ਰ ਆ ਰਹੀ ਸੀ।
ਵਰਲਡ ਕੱਪ ਵਿੱਚ ਟੀਮ ਦਬਾਅ ਵਿੱਚ ਹੈ। ਇਹ ਹੀ ਕਾਰਨ ਹੈ ਕਿ ਗਰੁੱਪ ਦੀ ਸਭ ਤੋਂ ਕਮਜ਼ੋਰ ਟੀਮ ਖ਼ਿਲਾਫ਼ ਅਤੇ ਪਹਿਲੀ ਵਾਰ ਵਿਸ਼ਵ ਕੱਪ ਖੇਡਣ ਵਾਲੀ ਵੇਲਜ਼ ਟੀਮ ਸਾਹਮਣੇ ਵੀ ਡਿਫ਼ੈਂਸ ਚੰਗਾ ਪ੍ਰਦਰਸ਼ਨ ਨਾ ਕਰ ਸਕੀ।
ਅਸਲ ਵਿੱਚ ਜਿਸ ਤਰੀਕੇ ਨਾਲ ਆਪਣਾ ਦਿਮਾਗ਼ ਠੰਡਾ ਰੱਖ ਸਾਡੇ ਡਿਫੈਂਡਰ ਯੂਕੇ ਅਤੇ ਸਪੇਨ ਖ਼ਿਲਾਫ਼ ਮੈਚਾਂ ਵਿੱਚ ਬਚਾਅ ਕਰ ਰਹੇ ਸਨ, ਟੀਮ ਨੂੰ ਅਜਿਹੇ ਮਨੋਬਲ ਨੂੰ ਜਾਰੀ ਰੱਖਣ ਦੀ ਲੋੜ ਹੈ।
ਸੱਚ ਤਾਂ ਇਹ ਹੈ ਕਿ ਇਸ ਮੈਚ ''''ਚ ਦਬਾਅ ਨੇ ਭਾਰਤ ਦੀਆਂ ਮੁਸ਼ਕਿਲਾਂ ਵਧਾ ਦਿੱਤੀਆਂ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਇਹ ਦਬਾਅ ਵਿਰੋਧੀ ਟੀਮਾਂ ਦੀ ਬਜਾਏ ਖ਼ੂਦ ਭਾਰਤੀ ਖਿਡਾਰੀਆਂ ਦਾ ਹੀ ਬਣਾਇਆ ਹੋਇਆ ਹੈ। ਤੇ ਗੱਲ ਖੇਡ ਮਾਹਰਾਂ ਦੀ ਸਮਝ ਤੋਂ ਪਰੇ ਹੈ।
ਇਹ ਵੀ ਸਮਝਣਾ ਔਖਾ ਹੈ ਕਿ ਭਾਰਤੀ ਟੀਮ ਸਿੱਧੇ ਤੌਰ ''''ਤੇ ਕੁਆਰਟਰ ਫਾਈਨਲ ''''ਚ ਜਗ੍ਹਾ ਬਣਾਉਣ ਦੇ ਦਬਾਅ ''''ਚ ਕਿਉਂ ਸੀ।
ਉਸ ਨੂੰ ਇਹ ਸਮਝਣ ਦੀ ਲੋੜ ਸੀ ਕਿ ਉਹ ਪਹਿਲਾਂ ਹੀ ਕ੍ਰਾਸ ਓਵਰ ਲਈ ਕੁਆਲੀਫਾਈ ਕਰ ਚੁੱਕੀ ਹੈ ਅਤੇ ਇਹ ਵੀ ਅੱਗੇ ਵੀ ਚੰਗਾ ਪ੍ਰਦਰਸ਼ਨ ਕਰ ਸਕਦੀ ਹੈ।
ਵੈਸੇ ਤਾਂ ਬੈਲਜੀਅਮ ਦੀ ਟੀਮ ਵੀ ਕਰਾਸ ਓਵਰ ਖੇਡ ਕੇ ਚੈਂਪੀਅਨ ਬਣ ਚੁੱਕੀ ਹੈ। ਮੈਦਾਨ ਵਿੱਚ ਉੱਤਰੀ ਕਿਸੇ ਵੀ ਟੀਮ ਦੀ ਇਹ ਸੋਚ ਹੋਣੀ ਚਾਹੀਦੀ ਹੈ ਕਿ ਵਿਰੋਧੀ ਕੋਈ ਵੀ ਹੋਵੇ ਉਨ੍ਹਾਂ ਨੇ ਬਸ ਬਹਿਤਰ ਪ੍ਰਦਰਸ਼ਨ ਕਰਨਾ ਹੈ ਤੇ ਵਿਰੋਧੀ ਟੀਮ ਨੂੰ ਹਰਾਉਣਾ ਹੈ।
ਜੇਕਰ ਭਾਰਤ ਨਿਊਜ਼ੀਲੈਂਡ ਖ਼ਿਲਾਫ਼ ਕ੍ਰਾਸ ਓਵਰ ਮੈਚ ''''ਚ ਇੱਛਾ ਮੁਤਾਬਕ ਨਤੀਜਾ ਚਾਹੁੰਦਾ ਹੈ ਤਾਂ ਉਸ ਨੂੰ ਮਿਲੇ ਮੌਕਿਆਂ ਦਾ ਫ਼ਾਇਦਾ ਚੁੱਕਦਿਆਂ ਆਪਣੀ ਸਮਰੱਥਾ ਅਨੁਸਾਰ ਬਹਿਤਰ ਪ੍ਰਦਰਸ਼ਨ ਕਰਨਾ ਪਵੇਗਾ।
ਭਾਰਤ ਦੀ ਟੀਮ ਦੇ ਮਨੋਬਲ ਤੇ ਰਣਨੀਤੀ ਵਿੱਚ ਸੁਧਾਰ ਕੀਤੇ ਬਿਨਾਂ, ਜਿੱਤ ਬਾਰੇ ਸੋਚਣਾ ਬੇਅਰਥ ਹੋਵੇਗਾ।
(ਬੀਬੀਸੀ ਪੰਜਾਬੀ ਨਾਲ , , ਅਤੇ ''''ਤੇ ਜੁੜੋ।)