ਕੋਰੋਨਾਵਾਇਰਸ ਦਾ ਨਵਾਂ ਵੇਰੀਐਂਟ : ਭਾਰਤ ਸਣੇ ਸੰਸਾਰ ਭਰ ਕਿਹੋ ਜਿਹੇ ਬਣ ਰਹੇ ਹਾਲਾਤ, ਕਿੱਥੇ ਨਹੀਂ ਜਾਣਗੀਆਂ ਭਾਰਤੀ ਫਲਾਇਟਾਂ - ਪ੍ਰੈੱਸ ਰਿਵੀਊ

ਬੁੱਧਵਾਰ ਤੋਂ ਹੀ ਭਾਰਤ ਅਤੇ ਦੁਨੀਆਂ ਵਿੱਚ ਕੋਰੋਨਾਵਾਇਰਸ ਦੇ ਨਵੇਂ ਮਿਲੇ ਵੇਰੀਐਂਟ ਓਮੀਕੋਰਨ ਨੇ ਡਰ ਫੈਲਿਆ ਹੋਇਆ ਹੈ।

ਵਾਇਰਸ ਦਾ ਇਹ ਸਰੂਪ ਪਹਿਲਾਂ ਦੱਖਣੀ ਅਫ਼ਰੀਕਾ ਵਿੱਚ ਪਾਇਆ ਗਿਆ, ਉਸ ਤੋਂ ਬਾਅਦ ਇਹ ਹਾਂਗਕਾਂਗ ਤੇ ਇਜ਼ਰਾਈਲ ਸਮੇਤ ਹੋਰ ਥਾਵਾਂ ਉੱਪਰ ਵੀ ਮਿਲ ਚੁੱਕਿਆ ਹੈ।

ਜਿਸ ਲੈਬ ਵਿੱਚ ਓਮੀਕੋਰਨ ਪਹਿਲੀ ਵਾਰ ਪਾਇਆ ਗਿਆ ਸੀ, ਉੱਥੋਂ ਦੇ ਮੁਖੀ ਨੇ ਬੀਬੀਸੀ ਨੂੰ ਦੱਸਿਆ ਕਿ ਇਸ ਵਿਚਲੀਆਂ ਕਈ ਮਿਊਟੇਸ਼ਨਾਂ ਨਵੀਂਆਂ ਹਨ ਅਤੇ ਅਸੀਂ ਪਹਿਲਾਂ ਨਹੀਂ ਦੇਖੀਆਂ।

ਵਿਸ਼ਵ ਸਿਹਤ ਸੰਗਠਨ ਨੇ ਇਸ ਵੇਰੀਐਂਟ ਨੂੰ ਚਿੰਤਾਜਨਕ ਵੇਰੀਐਂਟ ਵਜੋਂ ਵਰਗੀਕ੍ਰਿਤ ਕੀਤਾ ਹੈ, ਜਿਸ ਤੋਂ ਬਾਅਦ ਭੈਅ ਦਾ ਮਾਹੌਲ ਹੈ।

ਭਾਰਤ ਵਿੱਚ ਦੇਖੀਏ ਤਾਂ ਕੇਂਦਰ ਸਰਕਾਰ ਨੇ ਕੌਮਾਂਤਰੀ ਸਥਿਤੀ ਦੇ ਮੱਦੇ ਨਜ਼ਰ ਖ਼ਤਰੇ ਵਾਲੀ ਸੂਚੀ ਵਿੱਚੋਂ ਆ ਰਹੇ ਵਿਦੇਸ਼ੀ ਮੁਸਾਫ਼ਰਾਂ ਦੀ ਸਖ਼ਤੀ ਨਾਲ ਜਾਂਚ ਅਤੇ ਟੈਸਟਿੰਗ ਕਰਨ ਦੀ ਤਾਕੀਦ ਕੀਤੀ ਹੈ।

ਇਹ ਵੀ ਪੜ੍ਹੋ:

• ਹਿਰਾਸਤੀ ਮੌਤਾਂ: ਪੰਜਾਬ ਸਣੇ ਪੂਰੇ ਭਾਰਤ ''ਚ ਕਿੰਨਾ ਘਾਤਕ ਰੁਝਾਨ ਅਤੇ ਅਦਾਲਤ ਦੀਆਂ ਕੀ ਹਨ ਹਦਾਇਤਾਂ
• ਖੇਤੀ ਮਾਹਿਰ ਕਿਉਂ ਕਹਿ ਰਹੇ ਹਨ, ‘ਐੱਮਐੱਸਪੀ ਕਾਨੂੰਨ ਦਾ ਫਾਇਦਾ ਦੇਸ਼ ਦੀ 50% ਅਬਾਦੀ ਨੂੰ ਹੋਵੇਗਾ’
• ਕੀ ਭਾਰਤ ''ਚ ਸੱਚਮੁੱਚ ਮਰਦਾਂ ਦੇ ਮੁਕਾਬਲੇ ਔਰਤਾਂ ਦੀ ਗਿਣਤੀ ਵਧੀ ਹੈ

ਵੇਰੀਐਂਟ ਬਾਰੇ ਨਵੀਂ ਹੋਰ ਕੀ ਜਾਣਕਾਰੀ

ਜਿਸ ਲੈਬ ਵਿੱਚ ਓਮੀਕੋਰਨ ਪਹਿਲੀ ਵਾਰ ਪਾਇਆ ਗਿਆ ਸੀ ਉੱਥੋਂ ਦੇ ਮੁਖੀ ਨੇ ਬੀਬੀਸੀ ਨੂੰ ਦੱਸਿਆ ਕਿ ਇਸ ਵਿਚਲੀਆਂ ਕਈ ਮਿਊਟੇਸ਼ਨਾਂ ਨਵੀਂਆਂ ਹਨ ਅਤੇ ਅਸੀਂ ਪਹਿਲਾਂ ਨਹੀਂ ਦੇਖੀਆਂ ਗਈਆਂ ਹਨ।

ਜੌਹਨਸਬਰਗ ਦੇ ਨੈਸ਼ਨਲ ਸੈਂਟਰ ਫਾਰ ਕਮਿਊਨੀਕੇਬਲ ਡਿਜ਼ੀਜ਼ ਦੇ ਪ੍ਰੋਫ਼ੈਸਰ ਐਨੀ ਵੌਂ ਗੌਟਬਰਗ ਨੇ ਕਿਹਾ ਕਿ ਕੋਰੋਨਵਾਇਰਸ ਦੇ ਜ਼ਿਆਦਾਤਰ ਵੇਰੀਐਂਟਾਂ ਵਿੱਚ 10 ਸਪਾਈਕ ਮਿਊਟੇਸ਼ਨਾਂ ਹੁੰਦੀਆਂ ਹਨ ਜਦਕਿ ਓਮੀਕੋਰਨ ਵਿੱਚ 50 ਹਨ।

ਇਸ ਲਈ ਇਹ ਫ਼ੌਰੀ ਤੌਰ ਤੇ ਦੇਖਿਆ ਗਿਆ ਕਿ ਕੁਝ ਵਿਲੱਖਣ ਵਾਇਰਸ ਸੀ। ਉਨ੍ਹਾਂ ਨੇ ਕਿਹਾ ਕਿ ਇਸ ਨੂੰ ਅਜੇ ਚੰਗੀ ਤਰ੍ਹਾਂ ਸਮਝਿਆ ਨਹੀਂ ਜਾ ਸਕਿਆ ਹੈ ਅਤੇ ਹੋਰ ਗਹਿਰੇ ਅਧਿਐਨ ਦੀ ਲੋੜ ਹੈ।

ਹਾਲ ਹੀ ਵਿੱਚ ਸਾਹਮਣੇ ਆਏ ਇਸ ਦੇ ਨਵੇਂ ਵੇਰੀਐਂਟ ਬਾਰੇ ਸਾਇੰਸਦਾਨ ਕਹਿ ਰਹੇ ਹਨ ਕਿ ਇਸ ਵਿੱਚ 50 ਵਾਰ ਜਨੈਟਿਕ ਬਦਲਾਅ ਆ ਚੁੱਕੇ ਹਨ। ਇਨ੍ਹਾਂ 50 ਵਿੱਚੋਂ 32 ਤਾਂ ਵਾਇਰਸ ਦੇ ਸਪਾਈਕ ਪ੍ਰੋਟੀਨ ਵਿੱਚ ਆਏ ਹਨ ਜੋ ਕਿ ਵੈਕਸੀਨ ਦਾ ਮੁੱਖ ਨਿਸ਼ਾਨਾ ਹੈ।

ਫਿਰ ਵੀ ਅਸੀਂ ਕੋਰੋਨਾਵਾਇਰਸ ਦੇ B.1.1.529 ਰੂਪ ਬਾਰੇ ਕਿੰਨਾ ਜਾਣਦੇ ਹਾਂ ਅਤੇ ਇਹ ਕਿੰਨਾ ਖ਼ਤਰਨਾਕ ਹੋ ਸਕਦਾ ਹੈ, ਇਸ ਬਾਰੇ ਕੁਝ ਕਹਿਣਾ ਜਲਦਬਾਜ਼ੀ ਹੋਵੇਗੀ।

ਭਾਰਤ ਵਿੱਚ ਕੀ ਤਿਆਰੀ ਕੀਤੀ ਜਾ ਰਹੀ ਹੈ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵਾਇਰਸ ਦੀ ਤਾਜ਼ਾ ਸਥਿਤੀ ਬਾਰੇ ਉੱਚ ਪੱਧਰੀ ਬੈਠਕ ਕੀਤੀ ਅਤੇ ਇਸ ਦਿਸ਼ਾ ਵਿੱਚ ਚੌਕਸੀ ਵਧਾਉਣ ਦਾ ਸੱਦਾ ਦਿੱਤਾ।

ਸਾਰੇ ਵਿਦੇਸ਼ੀ ਮੁਸਫ਼ਰਾਂ ਦੀ ਸਖ਼ਤ ਜਾਂਚ ਅਤੇ ਟੈਸਿਟਿੰਗ ਦੇ ਹੁਕਮ ਹਨ।

ਖ਼ਬਰ ਵੈਬਸਾਈਟ ਮਿੰਟ ਦੀ ਰਿਪੋਰਟ ਮੁਤਾਬਕ ਮਹਾਰਾਸ਼ਟਰ, ਕਰਨਾਟਕ ਅਤੇ ਗੁਜਰਾਤ ਨੇ ਨਵੀਆਂ ਕੋਵਿਡ ਹਦਾਇਤਾਂ ਜਾਰੀ ਕਰ ਦਿੱਤੀਆਂ ਹਨ।

ਉਪਰੋਕਤ ਤੋਂ ਇਲਾਵਾ ਟਾਈਮਜ਼ ਆਫ਼ ਇੰਡੀਆ ਦੀ ਖ਼ਬਰ ਮੁਤਾਬਕ ਦਿੱਲੀ ਦੇ ਗਵਰਨਰ ਅਤੇ ਮੱਧ ਪ੍ਰਦੇਸ਼, ਕੇਰਲਾ, ਉੱਤਰਾਖੰਡ ਦੇ ਮੁੱਖ ਮੰਤਰੀਆਂ ਨੇ ਆਪੋ-ਆਪਣੇ ਸੂਬਿਆਂ ਵਿੱਚ ਵਿਦੇਸ਼ੀ ਅਤੇ ਹੋਰ ਸੂਬਿਆਂ ਤੋਂ ਆਉਣ ਵਾਲੇ ਯਾਤਰੀਆਂ ਬਾਰੇ ਨਵੀਆਂ ਕੋਵਿਡ ਹਦਾਇਤਾਂ ਜਾਰੀ ਕੀਤੀਆਂ ਹਨ।

ਕਿਹੜੇ ਦੇਸ਼ ਸਫ਼ਰੀ ਪਾਬੰਦੀਆਂ ਲਾ ਰਹੇ

ਯੂਰਪੀਅਨ ਸੈਂਟਰ ਫਾਰ ਡਿਜ਼ੀਜ਼ ਪ੍ਰੀਵੈਨਸ਼ਨ ਐਂਡ ਕੰਟਰੋਲ ਨੇ ਚੇਤਾਵਨੀ ਦਿੱਤੀ ਹੈ ਕਿ ਨਵਾਾਂ ਵਾਇਰਸ ਯੂਰਪ ਵਿੱਚ ਤੇਜ਼ੀ ਨਾਲ ਫ਼ੈਲ ਸਕਦਾ ਹੈ। (ਅਤੇ) ਵੈਕਸੀਨ ਵੱਲੋਂ ਪ੍ਰਦਾਨ ਕੀਤੀ ਗਈ ਸੁਰੱਖਿਆ ਵਿੱਚ ਵੀ ਸੰਨ੍ਹ ਲਾ ਸਕਦਾ ਹੈ।

ਅਮਰੀਕਾ, ਕੈਨੇਡਾ ਤੇ ਭਾਰਤ ਸਮੇਤ ਕਈ ਦੇਸ਼ਾਂ ਨੇ ਦੱਖਣੀ ਅਫ਼ਰੀਕਨ ਦੇਸ਼ਾਂ ਲਈ ਉਡਾਣਾਂ ਉੱਪਰ ਰੋਕ ਲਗਾ ਦਿੱਤੀ ਹੈ।

ਇਨ੍ਹਾਂ ਦੇਸ਼ਾਂ ਵਿੱਚ ਸ਼ਾਮਲ ਹਨ - ਯੂਰਪੀ ਦੇਸ਼, ਸਵਿਟਜ਼ਰਲੈਂਡ, ਬ੍ਰਿਟੇਨ, ਸਿੰਗਾਪੁਰ,ਇਟਲੀ, ਫ਼ਰਾਂਸ, ਈਜ਼ਰਾਈਲ. ਜਪਾਨ ਅਤੇ ਕਈ ਸਾਰੇ ਉੱਤਰ ਅਮਰੀਕੀ ਅਤੇ ਪੱਛਮ ਏਸ਼ੀਆਈ ਖਿੱਤੇ ਦੇ ਦੇਸ਼।

ਭਾਰਤ 15 ਦਸੰਬਰ ਤੋਂ ਨਿਯਮਤ ਕੌਮਾਂਤਰੀ ਉਡਾਣਾਂ ਸ਼ੁਰੂ ਕਰਨ ਜਾ ਰਿਹਾ ਹੈ ਪਰ ਕਿਹਾ ਗਿਆ ਹੈ ਕਿ ਜਿਨ੍ਹਾਂ ਦੇਸ਼ਾਂ ਵਿੱਚ ਓਮੀਕੋਰਨ ਮਿਲਿਆ ਹੈ, ਉੱਥੇ ਅਜੇ ਇਹ ਉਡਾਣਾਂ ਸ਼ੁਰੂ ਨਹੀਂ ਕੀਤੀਆਂ ਜਾਣਗੀਆਂ।

ਇਸ ਤੋਂ ਇਲਾਵਾ 15 ਦੇਸ਼ ਜਿਨ੍ਹਾਂ ਵਿੱਚ - ਬ੍ਰਿਟੇਨ, ਫਰਾਂਸ, ਜਰਮਨੀ, ਨੀਦਰਲੈਂਡਸ, ਫਿਨਲੈਂਡ, ਬ੍ਰਾਜ਼ੀਲ, ਬੰਗਲਾਦੇਸ਼, ਚੀਨ, ਮਾਰਿਸ਼ਸ, ਨਿਊਜ਼ੀਲੈਂਡ, ਜ਼ਿਮਬਾਬਵੇ, ਸਿੰਗਾਪੁਰ ਲਈ ਸੌ ਪ੍ਰਤੀਸ਼ਤ ਹਵਾਈ ਸੇਵਾ ਸ਼ੁਰੂ ਨਹੀਂ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ:

• ਛਾਤੀ ਦਾ ਕੈਂਸਰ : ਕੁੜੀਆਂ ''ਚ ਕੇਸ ਤੇਜ਼ੀ ਨਾਲ ਵਧਣ ਦੇ ਕੀ ਹਨ ਕਾਰਨ ਅਤੇ ਕੀ ਹੈ ਬਚਾਅ ਦਾ ਤਰੀਕਾ
• ਕੀ ਹੁੰਦੀ ਹੈ ਰੇਵ ਪਾਰਟੀ ਤੇ ਇਸ ਪਾਰਟੀ ਵਿੱਚ ਕੀ ਕਰਦੇ ਹਨ ਲੋਕ
• ਵਿਗਿਆਨੀਆਂ ਨੇ ਲੱਭਿਆ ਦਿਮਾਗ ਦਾ ਉਹ ਸੈਂਸਰ, ਜਿਸ ਕਾਰਨ ਕੱਦ ਲੰਬਾ ਹੁੰਦਾ ਹੈ

ਇਹ ਵੀ ਦੇਖੋ:

https://www.youtube.com/watch?v=R8WFu2KwyyA

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ।)

!function(s,e,n,c,r){if(r=s._ns_bbcws=s._ns_bbcws||r,s[]r]||(s[]r+"_d"]=s[]r+"_d"]||[]],s[]r]=function(){s[]r+"_d"].push(arguments)},s[]r].sources=[]]),c&&s[]r].sources.indexOf(c)<0){var t=e.createElement(n);t.async=1,t.src=c;var a=e.getElementsByTagName(n)[]0];a.parentNode.insertBefore(t,a),s[]r].sources.push(c)}}(window,document,"script","https://news.files.bbci.co.uk/ws/partner-analytics/js/fullTracker.min","s_bbcws");s_bbcws(''syndSource'',''ISAPI'');s_bbcws(''orgUnit'',''ws'');s_bbcws(''platform'',''partner'');s_bbcws(''partner'',''jagbani'');s_bbcws(''producer'',''punjabi'');s_bbcws(''language'',''pa'');s_bbcws(''setStory'', {''origin'': ''cps'',''guid'': ''51177926-b7c2-4ff6-a8fa-e2cf1fc9f51f'',''assetType'': ''STY'',''pageCounter'': ''punjabi.india.story.59449099.page'',''title'': ''ਕੋਰੋਨਾਵਾਇਰਸ ਦਾ ਨਵਾਂ ਵੇਰੀਐਂਟ : ਭਾਰਤ ਸਣੇ ਸੰਸਾਰ ਭਰ ਕਿਹੋ ਜਿਹੇ ਬਣ ਰਹੇ ਹਾਲਾਤ, ਕਿੱਥੇ ਨਹੀਂ ਜਾਣਗੀਆਂ ਭਾਰਤੀ ਫਲਾਇਟਾਂ - ਪ੍ਰੈੱਸ ਰਿਵੀਊ'',''published'': ''2021-11-28T03:16:51Z'',''updated'': ''2021-11-28T03:16:51Z''});s_bbcws(''track'',''pageView'');