ਲੌਕਡਾਊਨ: ਅੱਜ ਰਾਤ 8 ਵਜੇ ਪ੍ਰਧਾਨਮੰਤਰੀ ਮੋਦੀ ਕਰ ਰਹੇ ਹਨ ਦੇਸ ਨੂੰ ਸੰਬੋਧਨ

Tuesday, May 12, 2020 - 07:32 PM (IST)

ਅੱਜ ਰਾਤ ਅੱਠ ਵਜੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇਸ ਨੂੰ ਸੰਬੋਧਨ ਕਰਨ ਜਾ ਰਹੇ ਹਨ। ਭਾਰਤ ਵਿਚ ਕੋਰੋਨਾਵਾਇਰਸ ਦੀ ਦਸਤਕ ਤੋਂ ਬਾਅਦ ਦੇਸ ਲਈ ਇਹ ਉਨ੍ਹਾਂ ਦਾ ਛੇਵਾਂ ਸੰਦੇਸ਼ ਹੋਵੇਗਾ।

ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਮੁੱਖ ਮੰਤਰੀਆਂ ਨਾਲ ਮੀਟਿੰਗ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲੌਕਡਾਊਨ -4 ਬਾਰੇ ਕੁਝ ਸੰਕੇਤ ਦਿੱਤੇ ਸਨ।

ਨਿਊਜ਼ ਏਜੰਸੀ ਪੀਟੀਆਈ ਦੇ ਅਨੁਸਾਰ, ਉਨ੍ਹਾਂ ਨੇ ਇਸ ਬੈਠਕ ਵਿੱਚ ਕਿਹਾ, "ਲੌਕਡਾਉਨ -2 ਵਿੱਚ ਲੌਕਡਾਊਨ -1 ਵਿੱਚ ਲਏ ਗਏ ਫੈਸਲਿਆਂ ਦੀ ਲੋੜ ਨਹੀਂ ਸੀ, ਲੌਕਡਾਊਨ -2 ਵਿੱਚ ਚੁੱਕੇ ਗਏ ਕਦਮਾਂ ਦੀ ਜ਼ਰੂਰਤ ਲੌਕਡਾਊਨ -3 ਵਿੱਚ ਨਹੀਂ ਸੀ। ਉਸੇ ਤਰ੍ਹਾਂ ਲੌਕਡਾਊਨ -4 ਵਿਚ ਲੌਕਡਾਊਨ -3 ਵਰਗੇ ਫੈਸਲਿਆਂ ਦੀ ਲੋੜ ਨਹੀਂ ਹੋਵੇਗੀ।"

https://twitter.com/PTI_News/status/1259897254531350528?s=20

ਮੋਦੀ ਸਰਕਾਰ ਨੇ ਕੋਰੋਨਾਵਾਇਰਸ ਦੇ ਚਲਦਿਆਂ ਲਈ ਕਦੋਂ ਤੇ ਕਿਹੜੇ ਫੈਸਲੇ?

ਸਭ ਤੋਂ ਪਹਿਲਾਂ 22 ਮਾਰਚ ਨੂੰ ਪੀਐੱਮ ਮੋਦੀ ਨੇ ਇੱਕ ਦਿਨ ਦਾ ਜਨਤਾ ਕਰਫ਼ਿਊ ਲਗਾਇਆ।
ਫਿਰ ਪੀਐੱਮ ਵਲੋਂ 25 ਮਾਰਚ ਤੋਂ 21 ਦਿਨਾਂ ਦੇ ਲੌਕਡਾਊਨ ਦਾ ਐਲਾਨ ਕੀਤਾ ਗਿਆ ਜੋ 14 ਅਪ੍ਰੈਲ ਤੱਕ ਰਿਹਾ।
ਲੌਕਡਾਊਨ ਦੂਸਰੀ ਵਾਰ 15 ਅਪ੍ਰੈਲ ਤੋਂ ਵੱਧ ਕੇ 3 ਮਈ ਤੱਕ ਕਰ ਦਿੱਤਾ ਗਿਆ।
ਫਿਰ 4 ਮਈ ਤੋਂ 17 ਮਈ ਤੱਕ ਤੀਸਰੀ ਵਾਰ ਲੌਕਡਾਊਨ ''ਚ ਵਾਧਾ ਕਰ ਦਿੱਤਾ ਗਿਆ।

ਪੀਐੱਮ ਮੋਦੀ ਆਪਣੇ ਪਿਛਲੇ ਭਾਸ਼ਣਾਂ ਵਿਚ ਜਨਤਾ ਨੂੰ ਸਿਹਤ ਕਰਮਚਾਰੀਆਂ ਦੇ ਸਨਮਾਨ ''ਚ ਭਾਂਡੇ ਖੜਕਾਉਣ ਅਤੇ ਮੋਮਬਤੀਆਂ ਜਗਾਉਣ ਲਈ ਕਹਿ ਚੁੱਕੇ ਹਨ।