ਕੋਰੋਨਾਵਾਇਰਸ: ''''ਘਰ ''''ਚ ਹੀ ਮੌਜੂਦ ਆਪਣੇ ਬੱਚਿਆਂ ਨਾਲ ਵੀਡੀਓ ਕਾਲ ਰਾਹੀਂ ਮਿਲਦਾ ਹਾਂ''''

"ਮੈਂ ਆਪਣੇ ਹੀ ਘਰ ਵਿੱਚ ਇਕ ਵੱਖਰੇ ਕਮਰੇ ਵਿੱਚ ਬੰਦ ਹਾਂ, ਕਮਰੇ ਵਿੱਚ ਟੀਵੀ ਹੈ ਇਕ ਮੋਬਾਈਲ ਹੈ ਅਤੇ ਪਿਛਲੇ 9 ਦਿਨਾਂ ਤੋਂ ਕਮਰੇ ਵਿੱਚ ਪਤਨੀ ਖਾਣਾ ਦੇਣ ਲਈ ਆਉਂਦੀ ਹੈ।"

"ਇਸ ਦੌਰਾਨ ਮੈਂ ਬੱਚਿਆਂ ਨੂੰ ਅਤੇ ਘਰ ਵਿੱਚ ਮੌਜੂਦ ਮਾਂ ਨੂੰ ਵੀ ਨਹੀਂ ਮਿਲਿਆ ਹਾਂ, ਘਰ ਵਿੱਚ ਮੌਜੂਦ ਆਪਣੇ ਦੋ ਛੋਟੇ-ਛੋਟੇ ਬੱਚਿਆਂ ਨਾਲ ਵੀਡੀਓ ਕਾਲ ਰਾਹੀਂ ਗੱਲਬਾਤ ਕਰਦਾ ਹਾਂ। ਇਹ ਵੀ ਹੈ ਕਿ ਸਿਹਤ ਵਜੋਂ ਪੂਰੀ ਤਰ੍ਹਾਂ ਤੰਦੁਰਸਤ ਹਾਂ ਪਰ ਪਰਿਵਾਰ, ਸਮਾਜ ਅਤੇ ਆਪਣੇ ਲਈ ਇਸ ਸਮੇਂ ਨਾਲ ਲੜ ਰਿਹਾ ਹਾਂ।"

ਗੁਰਦਾਸਪੁਰ ਦੇ ਰਹਿਣ ਵਾਲੇ 39 ਸਾਲਾ ਇੱਕ ਸ਼ਖਸ ਦੇ ਇਹ ਸ਼ਬਦ ਹਨ ਜੋ ਆਪਣੇ ਹੀ ਘਰ ਵਿੱਚ ਕੁਆਰੰਟੀਨ ਹੋਇਆ ਹੈ।

LIVE ਕੋਰੋਨਾਵਾਇਸ ''ਤੇ ਦੁਨੀਆਂ ਭਰ ਤੋਂ ਹਰ ਅਪਡੇਟ

• ਕੋਰੋਨਾਵਾਇਰਸ: ਟਰੰਪ ਨਿਊ ਯੌਰਕ ਨੂੰ ਕੁਆਰੰਟੀਨ ਕਰਨ ਦੇ ਬਿਆਨ ਤੋਂ ਪਲਟੇ- 5 ਅਹਿਮ ਖ਼ਬਰਾਂ
• ਕੋਰੋਨਾਵਾਇਰਸ: ਗਰੀਬਾਂ ਲਈ ਮੋਦੀ ਸਰਕਾਰ ਦੇ 7 ਐਲਾਨਾਂ ਦੀ ਜ਼ਮੀਨੀ ਹਕੀਕਤ
• ਇਸ ਸਾਇੰਸਦਾਨ ਨੇ ਪਹਿਲਾਂ ਕੋਵਿਡ-19 ਜਾਂਚ ਕਿੱਟ ਦਾ ਕੰਮ ਪੂਰਾ ਕੀਤਾ, ਫ਼ਿਰ ਬੱਚੇ ਨੂੰ ਜਨਮ ਦਿੱਤਾ
• ਕੋਰੋਨਾਵਾਇਰਸ: ''ਜਦੋਂ ਭੁੱਖਾ ਆਦਮੀ ਤੜਫਦਾ ਹੈ ਤਾਂ ਕਿਸੇ ਦੀ ਨਹੀਂ ਸੁਣਦਾ''

ਦਰਅਸਲ ਉਨ੍ਹਾਂ ਨੇ 19 ਮਾਰਚ ਨੂੰ ਦਿੱਲੀ ਤੋਂ ਅੰਮ੍ਰਿਤਸਰ ਆਈ ਸ਼ਤਾਬਦੀ ਐੱਕਸਪ੍ਰੈੱਸ ਵਿੱਚ ਸਫ਼ਰ ਕੀਤਾ ਸੀ।

ਉਹ ਆਪਣੇ ਘਰ ਤੋਂ ਆਪਣੀ ਗੱਡੀ ਵਿੱਚ ਬਿਆਸ ਤੱਕ ਗਿਆ ਅਤੇ 19 ਮਾਰਚ ਦੀ ਸਵੇਰ ਸ਼ਤਾਬਦੀ ਵਿੱਚ ਸਫ਼ਰ ਕੀਤਾ।

ਕੁਝ ਘੰਟਿਆਂ ਦਾ ਕੰਮ ਪੂਰਾ ਕਰ ਕੇ ਦਿੱਲੀ ਤੋਂ ਉਸੇ ਹੀ ਸ਼ਾਮ ਸ਼ਤਾਬਦੀ ਵਿੱਚ ਸਫ਼ਰ ਕਰ ਬਿਆਸ ਉਤਰਿਆ ਅਤੇ ਆਪਣੀ ਕਾਰ ਵਿੱਚ ਵਾਪਸ ਘਰ ਪਹੁੰਚਿਆ।

ਪਰ ਉਦੋਂ ਤੱਕ ਨਹੀਂ ਪਤਾ ਸੀ ਕਿ ਉਸ ਦੀ ਰੋਜ਼ਾਨਾ ਦੀ ਜ਼ਿੰਦਗੀ ਵਿੱਚ ਬਦਲਾਅ ਆਉਣ ਵਾਲੇ ਹਨ।

ਇਹ ਵੀ ਪੜ੍ਹੋ: ਕੋਰੋਨਾਵਾਇਰਸ ਦੇ ਹਰ ਪਹਿਲੂ ਬਾਰੇ ਬੀਬੀਸੀ ਦੀ ਖ਼ਾਸ ਕਵਰੇਜ - BBC News ਖ਼ਬਰਾਂ

ਜਦੋਂ ਪਤਾ ਲੱਗਾ ਕਿ ਇਸੇ ਗੱਡੀ ਵਿੱਚ ਇੱਕ ਕੋਰੋਨਾਵਾਇਰਸ ਦੇ ਮਰੀਜ਼ ਨੇ ਸਫ਼ਰ ਕੀਤਾ ਹੈ ਤਾਂ ਇਸ ਤੋਂ ਬਾਅਦ ਮਰੀਜ਼ ਵਾਲੇ ਕੋਚ ਨੰਬਰ ਸੀ-2 ਵਿੱਚ ਸਵਾਰ ਬਾਕੀ ਯਾਤਰੀਆਂ ਦੀ ਸ਼ਨਾਖ਼ਤ ਕਰਕੇ ਉਨ੍ਹਾਂ ਨੂੰ ਵੀ ਉਨ੍ਹਾਂ ਦੇ ਘਰਾਂ ਵਿੱਚ 14 ਦਿਨਾਂ ਲਈ ਕੁਆਰੰਟੀਨ ਕਰ ਦਿੱਤਾ ਗਿਆ ਸੀ।

ਗੁਰਦਾਸਪੁਰ ਦਾ ਇਹ ਸ਼ਖਸ ਵੀ ਉਨ੍ਹਾਂ ਵਿਚੋਂ ਇੱਕ ਹੈ।

ਉਸ ਮੁਤਾਬਕ, "ਕੁਝ ਹੀ ਘੰਟਿਆਂ ਬਾਅਦ ਫੋਨ ਆਇਆ ਤਾਂ ਫੋਨ ਕਰਨ ਵਾਲੇ ਨੇ ਖ਼ੁਦ ਨੂੰ ਮੈਡੀਕਲ ਅਧਿਕਾਰੀ ਦੱਸਿਆ ਅਤੇ ਸਿਹਤ ਬਾਰੇ ਪੁੱਛਿਆ ਅਤੇ ਪਰਿਵਾਰ ਤੋਂ ਵੱਖ ਰਹਿਣ ਲਈ ਕਿਹਾ।"

https://www.youtube.com/watch?v=rofDmAw4bZ8

"ਸਵੇਰੇ ਸਥਾਨਕ ਡਾਕਟਰ ਅਤੇ ਪੁਲਿਸ ਅਧਿਕਾਰੀ ਘਰ ਆਏ ਅਤੇ ਉਨ੍ਹਾਂ 14 ਦਿਨ ਘਰ ਰਹਿਣ ਦੇ ਆਦੇਸ਼ ਦਿੱਤੇ। ਮੈਡੀਕਲ ਟੀਮ ਨੇ ਪੂਰੀ ਜਾਂਚ ਕੀਤੀ ਅਤੇ ਸਿਹਤ ਸਹੀ ਹੋਣ ਕਰਕੇ ਕੋਈ ਦਵਾਈ ਨਹੀਂ ਦਿਤੀ, ਮਹਿਜ਼ ਪਰਿਵਾਰ ਤੋਂ ਵੱਖ ਰਹਿਣ ਬਾਰੇ ਆਖਿਆ।"

"ਪਰਿਵਾਰ ਨੂੰ ਬੱਚਿਆਂ ਨੂੰ ਵੀ ਸੰਪਰਕ ਨਾ ਬਣਾਉਣ ਬਾਰੇ ਆਖਿਆ ਸੀ ਅਤੇ 9 ਦਿਨ ਬਾਅਦ ਮੈਡੀਕਲ ਟੀਮ ਵੱਲੋਂ ਦੁਬਾਰਾ ਘਰ ਆ ਕੇ ਜਾਂਚ ਕੀਤੀ ਗਈ।"

ਸੋਸ਼ਲ ਮੀਡੀਆ ਉੱਤੇ ਗ਼ਲਤ ਸੰਦੇਸ਼

ਉਨ੍ਹਾਂ ਦਾ ਕਹਿਣਾ ਹੈ ਕਿ ਸੋਸ਼ਲ ਮੀਡਿਆ ਵਿੱਚ ਜਦੋਂ ਸ਼ਤਾਬਦੀ ਦੇ ਯਾਤਰੀਆਂ ਦੇ ਨਾਮ ਦੀ ਸੂਚੀ ਲੋਕਾਂ ਵੱਲੋਂ ਉਸੇ ਰਾਤ ਇੱਕ ਦੂਸਰੇ ਨਾਲ ਸਾਂਝੀ ਕੀਤੀ ਤਾਂ ਉਹ ਉਸਦੇ ਲਈ ਅਤੇ ਪਰਿਵਾਰ ਲਈ ਉਹ ਮੁਸੀਬਤ ਦਾ ਸਬੱਬ ਬਣ ਗਈ।

• ਕੋਰੋਨਾਵਾਇਰਸ: ਸਮਾਨ ਖਰੀਦਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ
• ਕੋਰੋਨਾਵਾਇਰਸ ਕਾਰਨ ਕੀ ਬਦਲ ਜਾਣਗੀਆਂ ਤੁਹਾਡੀਆਂ ਇਹ ਆਦਤਾਂ
• ਕੋਰੋਨਾਵਾਇਰਸ: ਉਹ 13 ਸਵਾਲ ਜਿਨ੍ਹਾਂ ਦੇ ਜਵਾਬ ਤੁਸੀਂ ਲੱਭ ਰਹੇ ਹੋ
• ਕੋਰੋਨਾਵਾਇਰਸ: ਲੱਛਣ ਕੀ ਹਨ ਅਤੇ ਕਿਵੇਂ ਬਚਿਆ ਜਾ ਸਕਦਾ ਹੈ
• ਕੋਰੋਨਾਵਾਇਰਸ: ਕਰੰਸੀ ਨੋਟਾਂ ਨਾਲ ਫ਼ੈਲਣ ਦਾ ਕਿੰਨਾ ਖ਼ਤਰਾ

ਇਸ ਸ਼ਖਸ ਮੁਤਾਬਕ ਕਈਆਂ ਨੇ ਤਾਂ ਉਨ੍ਹਾਂ ਦੀ ਤਸਵੀਰ ਵੀ ਵਟਸਐਪ ਆਦਿ ਸੋਸ਼ਲ ਸਾਈਟਾਂ ’ਤੇ ਇਹ ਲਿਖ ਪਾ ਦਿੱਤੀ ਗਈ ਕਿ ਕੋਰੋਨਾਵਾਇਰਸ ਨਾਲ ਪੀੜਤ ਹੈ ਅਤੇ ਉਸ ਤੋਂ ਬਾਅਦ ਰਿਸ਼ਤੇਦਾਰਾਂ ਤੇ ਨਜ਼ਦੀਕੀਆਂ ਦੇ ਫੋਨ ਬਹੁਤ ਆਏ ਅਤੇ ਹਰ ਕਿਸੇ ਨੂੰ ਸਫਾਈ ਦੇਣੀ ਪਾਈ।

ਪਰ ਉਨ੍ਹਾਂ ਨੇ ਆਪਣੀ ਸਫਾਈ ਵਿੱਚ ਗ਼ਲਤ ਸੰਦੇਸ਼ ਪਾਉਣ ਵਾਲਿਆਂ ਨੂੰ ਕੋਈ ਜਵਾਬ ਨਹੀਂ ਦਿੱਤਾ।

ਇਸ ਸ਼ਖਸ ਦਾ ਕਹਿਣਾ ਹੈ, "ਗ਼ਲਤ ਸੰਦੇਸ਼ ਇੱਕ ਤਰ੍ਹਾਂ ਦੀ ਸਮਾਜ ਵਿੱਚ ਵੱਡੀ ਗੰਦਗੀ ਹਨ। ਜਦੋਂ 14 ਦਿਨ ਸਿਹਤ ਵਿਭਾਗ ਦੇ ਆਦੇਸ਼ਾਂ ਮੁਤਾਬਕ ਰਹਿ ਕੇ ਸਹੀ ਹੋਣ ਤੋਂ ਬਾਅਦ ਬਾਹਰ ਆ ਜਾਵਾਂਗਾ ਤਾਂ ਗ਼ਲਤ ਸੰਦੇਸ਼ ਫੈਲਾਉਣ ਵਾਲਿਆਂ ਨੂੰ ਆਪ ਹੀ ਜਵਾਬ ਮਿਲ ਜਾਵੇਗਾ।"

ਪੂਰੀ ਦੁਨੀਆਂ ਵਿੱਚ ਕੋਰੋਨਾਵਾਇਰਸ ਨਾਲ ਚੱਲ ਰਹੀ ਇਸ ਜੰਗ ਵਿੱਚ ਹਰ ਦੇਸ਼ ਆਪਣੇ-ਆਪਣੇ ਢੰਗ ਤਰੀਕੇ ਨਾਲ ਲੜ ਰਿਹਾ ਹੈ।

ਭਾਰਤ ਦੇਸ਼ ਪੂਰੀ ਤਰ੍ਹਾਂ ਲੌਕਡਾਊਨ ਹੈ ਅਤੇ ਭਾਰਤ ਸਰਕਾਰ ਅਤੇ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਦੀਆ ਸਰਕਾਰਾਂ ਅਤੇ ਪ੍ਰਸ਼ਾਸ਼ਨ ਵੱਲੋਂ ਉਨ੍ਹਾਂ ਲੋਕਾਂ ’ਤੇ ਜਿਹੜੇ ਵਿਦੇਸ਼ਾਂ ਤੋਂ ਭਾਰਤ ਪਰਤੇ ਹਨ, ਵਿਸ਼ੇਸ ਤੌਰ ’ਤੇ ਨਜ਼ਰ ਬਣਾਈ ਹੋਈ ਹੈ।

ਉਨ੍ਹਾਂ ਵਿਦੇਸ਼ਾਂ ਤੋਂ ਪਰਤੇ ਲੋਕਾਂ ਅਤੇ ਉਨ੍ਹਾਂ ਦੇ ਸੰਪਰਕ ਵਿੱਚ ਆਏ ਲੋਕਾਂ ਨੂੰ ਵੀ ਕੁਆਰੰਟੀਨ ਕੀਤਾ ਗਿਆ ਹੈ ਅਤੇ ਉਨ੍ਹਾਂ ਨੂੰ ਘਰਾਂ ਵਿੱਚ ਹੀ ਰਹਿਣ ਦੇ ਸਖ਼ਤ ਆਦੇਸ਼ ਹਨ ।

ਸ਼ਤਾਬਦੀ ਵਿੱਚ ਸਫ਼ਰ ਕਰ ਵਾਲਾ ਇਕ ਡਾਕਟਰ

ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਅਤੇ ਬਟਾਲੇ ਵਿੱਚ ਨਿਜੀ ਹਸਪਤਾਲ ਚਲਾ ਰਹੇ ਇੱਕ ਡਾਕਟਰ ਵੀ ਉਸੇ ਕੋਚ ਵਿੱਚ ਸਫ਼ਰ ਕਰ ਰਹੇ ਸਨ।

ਇਹ ਡਾਕਟਰ ਵੀ ਸੋਸ਼ਲ ਮੀਡੀਆ ''ਤੇ ਗ਼ਲਤ ਸੰਦੇਸ਼ਾਂ ਦਾ ਸ਼ਿਕਾਰ ਹੋਏ, ਡਾਕਟਰ ਪ੍ਰਤੀ ਇਕ ਆਡੀਓ ਵਾਇਰਲ ਹੋਈ ਕਿ ਡਾਕਟਰ ਕੋਰੋਨਾ ਨਾਲ ਪੀੜਤ ਹੈ ਅਤੇ ਉਸ ਦੀ ਹਾਲਤ ਵੀ ਗੰਭੀਰ ਬਣੀ ਹੋਈ ਹੈ।

ਅਖੀਰ ਇਸ ਡਾਕਟਰ ਨੇ ਖ਼ੁਦ ਆਪਣੀ ਫੇਸਬੁੱਕ ਤੇ ਆਪਣੀ ਇਕ ਵੀਡੀਓ ਸਾਂਝੀ ਕੀਤੀ ਅਤੇ ਵੀਡੀਓ ਰਾਹੀਂ ਲੋਕਾਂ ਨੂੰ ਉਸ ਸੰਬੰਧੀ ਗ਼ਲਤ ਅਫਵਾਹਾਂ ਨਾ ਫੈਲਾਉਣ ਬਾਰੇ ਅਪੀਲ ਕੀਤੀ ਅਤੇ ਦੱਸਿਆ ਕਿ ਉਹ ਖ਼ੁਦ ਡਾਕਟਰ ਹੈ ਤੇ ਉਸ ਨੂੰ ਖੁਦ ਇਸ ਜਿੰਮੇਵਾਰੀ ਦਾ ਪਤਾ ਹੈ।

ਉਹ ਜਾਣਦੇ ਹਨ ਕਿ ਉਹ ਕਿਵੇਂ ਆਪ ਅਤੇ ਆਪਣੇ ਪਰਿਵਾਰ ਅਤੇ ਸਮਾਜ ਨੂੰ ਇਸ ਕੋਰੋਨਾ ਤੋਂ ਬਚਾਉਣਾ ਜਰੂਰੀ ਹੈ।

ਉਹ ਘਰ ਵਿੱਚ ਹੀ ਬੰਦ ਹੈ ਅਤੇ ਸਿਹਤ ਵਿਭਾਗ ਅਤੇ ਪ੍ਰਸ਼ਾਸ਼ਨ ਵਲੋਂ ਮਿਲੀਆਂ ਹਿਦਾਇਤਾਂ ਦੀ ਪਾਲਣਾ ਕਰ ਰਹੇ ਹਨ ਅਤੇ ਜੋ ਉਨ੍ਹਾਂ ਬਾਰੇ ਗ਼ਲਤ ਸੰਦੇਸ਼ ਫੈਲਾਇਆ ਜਾ ਰਿਹਾ ਹੈ ਉਸ ਬਾਰੇ ਉਸ ਨੇ ਪੁਲਿਸ ਅਤੇ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੂੰ ਜਾਣਕਾਰੀ ਦੇ ਦਿਤੀ ਹੈ।

ਇਹ ਵੀ ਦੇਖੋ-

https://www.youtube.com/watch?v=Sya9BEj5yUI

https://www.youtube.com/watch?v=zdz1hr-g8Mk

https://www.youtube.com/watch?v=rofDmAw4bZ8

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ।)