ਮਜ਼ਦੂਰ ਜਿਸ ਦੀ ਦੌੜਾਕ ਯੂਸੇਨ ਬੋਲਟ ਨਾਲ ਤੁਲਨਾ ਹੋ ਰਹੀ ਹੈ ਉਸ ਨੇ ਕਿਉਂ ਠੁਕਰਾਈ ਖੇਡ ਮੰਤਰਾਲੇ ਦੀ ਪੇਸ਼ਕਸ਼

ਕਰਨਾਟਕ ਦੇ ਜਿਸ ਕੰਸਟ੍ਰਕਸ਼ਨ ਮਜ਼ਦੂਰ ਦੀ ਤੁਲਨਾ ਓਲੰਪਿਕ ਗੋਲਡ ਮੈਡਲ ਜੇਤੂ ਯੂਸੇਨ ਬੋਲਟ ਨਾਲ ਕੀਤੀ ਜਾ ਰਹੀ ਸੀ, ਉਸ ਨੇ ਭਾਰਤੀ ਖੇਡ ਅਥਾਰਟੀ ਦੇ ਟ੍ਰਾਇਲ ਵਿੱਚ ਹਿੱਸਾ ਲੈਣ ਤੋਂ ਇਨਕਾਰ ਕਰ ਦਿੱਤਾ ਹੈ।

ਇਸ ਮਜ਼ਦੂਰ ਦੇ ਝੋਟਿਆਂ ਦੀ ਦੌੜ ਦੇ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਉਸ ਦੀ ਤੁਲਨਾ ਓਲੰਪਿਕ ਚੈਂਪੀਅਨ ਐਥਲੀਟ ਨਾਲ ਹੋਣ ਲੱਗੀ ਸੀ।

ਇਸ ਤੋਂ ਬਾਅਦ ਕੇਂਦਰੀ ਖੇਡ ਮੰਤਰੀ ਕਿਰਨ ਰਿਜਿਜੂ ਨੇ ਉਨ੍ਹਾਂ ਨੂੰ ਭਾਰਤੀ ਖੇਡ ਅਥਾਰਟੀ ਦੇ ਟ੍ਰਾਇਲ ਵਿੱਚ ਹਿੱਸਾ ਲੈਣ ਦੀ ਸਲਾਹ ਦਿੱਤੀ ਸੀ।

28 ਸਾਲ ਦੇ ਸ਼੍ਰੀਨਿਵਾਸ ਗੌੜਾ ਨੇ ਝੋਨੇ ਦੇ ਖੇਤਾਂ ਵਿੱਚ ਝੋਟਿਆਂ ਦੇ ਨਾਲ 142 ਮੀਟਰ ਦੀ ਦੂਰੀ ਤੇਜ਼ੀ ਨਾਲ ਪੂਰੀ ਕੀਤੀ। ਉਹ ਕਰਨਾਟਕ ਦੇ ਸਮੁੰਦਰੀ ਕੰਢੇ ਵਸੇ ਸ਼ਹਿਰ ਮੈਂਗਲੁਰੂ ਦੇ ਇੱਕ ਪਿੰਡ ਵਿੱਚ ਰਵਾਇਤੀ ਖੇਡ ''ਕੰਬਾਲਾ'' ਵਿੱਚ ਹਿੱਸਾ ਲੈ ਰਹੇ ਸਨ।

ਇਹ ਵੀ ਪੜ੍ਹੋ-

• ਇੱਥੇ ਮਦਰੱਸਿਆਂ ''ਚ ਹਿੰਦੂ ਵਿਦਿਆਰਥੀਆਂ ਦੀ ਗਿਣਤੀ ਵਧੀ, ਇਹ ਹਨ ਵਜ੍ਹਾਂ
• ਸ਼ਾਹੀਨ ਬਾਗ: ਅਮਿਤ ਸ਼ਾਹ ਨੇ ਮਿਲਣ ਦਾ ਵਾਅਦਾ ਕੀਤਾਂ ਤਾਂ ਪੁਲਿਸ ਨੇ ਕਿਉਂ ਰੋਕਿਆ
• ਭਾਰਤੀ ਫੌਜ ਔਰਤਾਂ ਦੀ ਬਰਾਬਰੀ ਲਈ ਸੁਪਰੀਮ ਕੋਰਟ ਦਾ ਵੱਡਾ ਫ਼ੈਸਲਾ

ਸਥਾਨਕ ਮੀਡੀਆ ਦੀਆਂ ਰਿਪੋਰਟਾਂ ਵਿੱਚ ਦੱਸਿਆ ਜਾ ਰਿਹਾ ਹੈ ਕਿ ਗੌੜਾ ਨੇ ਇਹ 13.42 ਸਕਿੰਟ ਵਿੱਚ ਤੈਅ ਕੀਤੀ ਸੀ।

ਇਸ ਤੋਂ ਬਾਅਦ ਸੋਸ਼ਲ ਮੀਡੀਆ ਵਿੱਚ ਇਸ ਗੱਲ ਦੀ ਚਰਚਾ ਹੋਣ ਲੱਗੀ ਕਿ ਗੌੜਾ ਨੇ ਯੂਸੇਨ ਬੋਲਟ ਦੇ ਓਲੰਪਿਕ ਰਿਕਾਰਡ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ।

ਓਲੰਪਿਕ ਖੇਡਾਂ ਵਿੱਚ ਬੋਲਟ ਦੇ ਨਾਮ 9.58 ਸੈਕੰਡ ਵਿੱਚ 100 ਮੀਟਰ ਦੀ ਦੂਰੀ ਕਰਨ ਦਾ ਰਿਕਾਰਡ ਹੈ। ਸੋਸ਼ਲ ਮੀਡੀਆ ਵਿੱਚ ਲਗਾਤਾਰ ਕਿਹਾ ਜਾ ਰਿਹਾ ਹੈ ਕਿ ਗੌੜਾ ਨੇ 100 ਮੀਟਰ ਦੀ ਦੂਰੀ ਤੈਅ ਕਰਨ ਦਾ 9.55 ਸਕਿੰਟ ਦਾ ਸਮਾਂ ਲਿਆ।

ਝੋਟਿਆਂ ਨੂੰ ਦੱਸਿਆ ਤੇਜ਼ੀ ਦਾ ਕਾਰਨ

ਇਸ ਤੋਂ ਬਾਅਦ ਗੌੜਾ ਦੇ ਸਾਹਮਣੇ ਟ੍ਰਾਇਲ ਦੀ ਪੇਸ਼ਕਸ਼ ਰੱਖੀ ਗਈ ਪਰ ਗੌੜਾ ਨੇ ਬੀਬੀਸੀ ਨੂੰ ਦੱਸਿਆ ਕਿ ਰੇਸ ਦੌਰਾਨ ਉਨ੍ਹਾਂ ਦੇ ਪੈਰ ਵਿੱਚ ਸੱਟ ਲੱਗ ਗਈ ਸੀ ਅਤੇ ਇਸ ਕਾਰਨ ਉਹ ਟ੍ਰਾਇਲ ਵਿੱਚ ਫਿਲਹਾਲ ਹਿੱਸਾ ਨਹੀਂ ਲੈ ਸਕਣਗੇ।

ਸ਼੍ਰੀਨਿਵਾਸ ਗੌੜਾ ਨੇ ਕਿਹਾ, "ਮੈਂ ਭਾਰਤੀ ਖੇਡ ਅਥਾਰਟੀ ਦੇ ਟ੍ਰਾਇਲ ਵਿੱਚ ਹਿੱਸਾ ਲੈਣ ਲਈ ਫਿਟ ਨਹੀਂ ਹਾਂ। ਮੇਰੇ ਪੈਰਾਂ ''ਤੇ ਸੱਟ ਲਗ ਗਈ ਸੀ ਅਤੇ ਮੇਰਾ ਧਿਆਨ ਵੀ ਕੰਬਾਲਾ ''ਤੇ ਹੈ। ਮੈਨੂੰ ਝੋਨੇ ਦੇ ਖੇਤਾਂ ਵਿੱਚ ਝੋਟਿਆਂ ਨਾਲ ਭੱਜਣ ਦੀ ਆਦਤ ਹੈ।"

ਕੰਬਾਲਾ ਅਕਾਦਮੀ ਦੇ ਸੰਸਥਾਪਕ ਸਕੱਤਰ ਪ੍ਰੋਫੈਸਰ ਗੁਣਾਪਾਲਾ ਕਾਦੰਬਾ ਨੇ ਕਿਹਾ, "ਕੇਂਦਰੀ ਖੇਡ ਮੰਤਰੀ ਵੱਲੋਂ ਮਿਲੀ ਪੇਸ਼ਕਸ਼ ਦਾ ਅਸੀਂ ਸੁਆਗਤ ਕਰਦੇ ਹਾਂ। ਅਸੀਂ ਉਸ ਨੂੰ ਖਾਰਜ ਨਹੀਂ ਕਰਦੇ। ਅਸੀਂ ਇਸ ਨੂੰ ਕੰਬਾਲਾ ਲਈ ਬੜੇ ਸਨਮਾਨ ਵਜੋਂ ਦੇਖ ਰਹੇ ਹਾਂ।"

"ਪਰ ਉਹ ਨਾ ਤਾਂ ਅੱਜ ਟ੍ਰਾਇਲ ਵਿੱਚ ਹਿੱਸਾ ਲੈ ਸਕਦਾ ਹੈ ਅਤੇ ਨਾ ਹੀ ਦੋ-ਤਿੰਨ ਤੱਕ ਉਹ ਇਸ ਦੇ ਲਾਇਕ ਹੋ ਸਕੇਗਾ।"

ਪ੍ਰੋਫੈਸਰ ਕਾਦੰਬਾ ਨੇ ਕਿਹਾ, "ਮੁਸ਼ਕਲ ਇਹ ਹੈ ਕਿ ਉਸ ਨੇ ਅਗਲੇ ਤਿੰਨ ਸ਼ਨੀਵਾਰਾਂ ਨੂੰ ਕੰਬਾਲਾ ਵਿੱਚ ਹਿੱਸਾ ਲੈਣਾ ਹੈ। ਇਸ ਵਚਨਬੱਧੀ ਕਾਰਨ ਉਹ ਕਿਸੇ ਵੀ ਹਾਲਾਤ ਵਿੱਚ ਪਿੱਛੇ ਨਹੀਂ ਹਟ ਸਕਦਾ। ਇਸ ਲਈ ਅਸੀਂ ਉਸ ਦੀ ਪੇਸ਼ਕਸ਼ ਖਾਰਿਜ ਨਹੀਂ ਕਰ ਰਹੇ ਹਾਂ, ਪਰ ਸੰਭਵ ਹੈ ਕਿ ਉਹ ਅਗਲੇ ਦੌਰ ''ਚ ਟ੍ਰਾਇਲ ''ਚ ਹਿੱਸਾ ਲੈਣ।"

ਉੱਥੇ ਗੌੜਾ ਨੇ ਆਪਣੀ ਤੇਜ਼ੀ ਦਾ ਕਾਰਨ ਝੋਟਿਆਂ ਨੂੰ ਦੱਸਿਆ ਹੈ। ਉਨ੍ਹਾਂ ਮੁਤਾਬਕ ਝੋਟਿਆਂ ਦੀ ਗਤੀ ਬਹੁਤ ਤੇਜ਼ ਸੀ ਅਤੇ ਉਹ ਕਿਸੇ ਟਰੈਕ ਈਵੈਂਟ ਵਿੱਚ ਹਿੱਸਾ ਨਹੀਂ ਲੈਣਾ ਚਾਹੁੰਦੇ।

ਪ੍ਰੋਫੈਸਰ ਕਾਦੰਬਾ ਨੇ ਕਿਹਾ, "ਮੈਂ ਦੂਜਿਆਂ ਦੇ ਨਾਲ ਕਿਸੇ ਤੁਲਨਾ ਵਿੱਚ ਨਹੀਂ ਪੈਣਾ ਚਾਹੁੰਦਾ। ਓਲੰਪਿਕ ਪ੍ਰਬੰਧਕਾਂ ਕੋਲ ਕਿਤੇ ਜ਼ਿਆਦਾ ਵਿਗਿਆਨਕ ਵਿਧੀ ਹੈ। ਉਨ੍ਹਾਂ ਕੋਲ ਗਤੀ ਮਾਪਣ ਵਾਲੇ ਬਿਹਤਰੀਨ ਇਲੈਕ੍ਰੋਨਿਕ ਉਪਕਰਨ ਵੀ ਹੁੰਦੇ ਹਨ।"

ਇਹ ਵੀ ਪੜ੍ਹੋ-

• ਕੋਰੋਨਾਵਾਇਰਸ: ''ਖੁਦਕੁਸ਼ੀ ਮਿਸ਼ਨ'' ਦਾ ਹਿੱਸਾ ਬਣ ਕੇ ਪੰਜਾਬੀ ਡਾਕਟਰ ਬਣਿਆ ਚੀਨੀਆਂ ਲਈ ''ਹੀਰੋ''
• Coronavirus : ਹੁਣ ਗ਼ਲਤ ਟੈਸਟ ਨਤੀਜਿਆਂ ਨੇ ਵਧਾਈ ਚਿੰਤਾ
• ਪਰਗਟ ਸਿੰਘ ਦਾ ਕੈਪਟਨ ਨੂੰ ਸਵਾਲ: ਵੱਡੇ 5 ਘੋਟਾਲਿਆਂ ਦੀ ਜਾਂਚ ਅੱਗੇ ਕਿਉਂ ਨਹੀਂ ਵਧੀ

ਕੰਬਾਲਾ ਕੀ ਹੈ?

ਕੰਬਾਲਾ ਕਰਨਾਟਕ ਦੇ ਤੱਟੀ ਇਲਾਕਿਆਂ ਵਿੱਚ ਖੇਡੀ ਜਾਣ ਵਾਲੀ ਇੱਕ ਰਵਾਇਤੀ ਖੇਡ ਹੈ। ਸਥਾਨਕ ਤੁਲੁ ਭਾਸ਼ਾ ਵਿੱਚ ਕੰਬਾਲਾ ਦਾ ਸ਼ਬਦੀ ਅਰਥ ਹੈ, "ਚਿੱਕੜ ਭਰੇ ਖੇਤਾਂ, ਜਿਸ ਵਿੱਚ ਝੋਨਾ ਉਗਾਇਆ ਜਾਂਦਾ ਹੈ।''

ਇਸ ਖੇਡ ਵਿੱਚ ਹਿੱਸਾ ਲੈਣ ਵਾਲਿਆਂ ਨੂੰ 132-142 ਮੀਟਰ ਦੇ ਖੇਤ ਵਿੱਚ ਨਾਲ ਬੰਨ੍ਹੇ ਦੋ ਝੋਟਿਆਂ ਦੇ ਨਾਲ ਦੌੜਨਾ ਪੈਂਦਾ ਹੈ। ਇਹ ਖੇਡ ਵਿਵਾਦਾਂ ਵਿੱਚ ਰਿਹਾ ਹੈ ਅਤੇ ਇਸ ਨੂੰ ਅਕਸਰ ਕੌਮਾਂਤਰੀ ਪੱਧਰ ''ਤੇ ਪਸ਼ੂ ਅਧਿਕਾਰ ਵਰਕਰਾਂ ਦੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।

ਸਾਲ 2014 ਵਿੱਚ ਭਾਰਤੀ ਸੁਪਰੀਮ ਕੋਰਟ ਨੇ ਬਲਦਾਂ ਅਤੇ ਝੋਟਿਆਂ ਦੀ ਦੌੜ ''ਤੇ ਪਾਬੰਦੀ ਲਗਾ ਦਿੱਤੀ ਸੀ।

ਇਹ ਪਾਬੰਦੀ ਕਰਨਾਟਕ ਦੇ ਗੁਆਂਢੀ ਸੂਬੇ ਤਮਿਲਨਾਡੂ ਵਿੱਚ ਖੇਡੇ ਜਾਣ ਵਾਲੇ ਜਲੀਕੱਟੂ ''ਤੇ ਪਾਬੰਦੀ ਤੋਂ ਬਾਅਦ ਲੱਗੀ ਸੀ।

ਇਸ ਤੋਂ ਦੋ ਸਾਲ ਬਾਅਦ ਕਰਨਾਟਕ ਹਾਈ ਕੋਰਟ ਨੇ ਕੰਬਾਲਾ ਦੇ ਸਾਰੇ ਪ੍ਰੋਗਰਾਮਾਂ ''ਤੇ ਰੋਕ ਲਗਾਉਣ ਦਾ ਅੰਤਰਿਮ ਆਦੇਸ਼ ਦਿੱਤਾ ਸੀ।

ਪ੍ਰੋਫੈਸਰ ਕਾਦੰਬਾ ਦੱਸਦੇ ਹਨ ਕਿ ਹਾਈ ਕੋਰਟ ਨੇ ਪਾਬੰਦੀ ਦਾ ਜਵਾਬ ਦਿੰਦਿਆਂ ਹੋਇਆ ਇਸ ਦੇ ਪ੍ਰਬੰਧਕਾਂ ਨੇ ਕਿਹਾ ਸੀ ਕਿ ਇਸ ਖੇਡ ਨੂੰ ਹੋਰ ਮਨੁੱਖੀ ਬਣਾਉਣਗੇ।

ਪ੍ਰੋਫੈਸਰ ਕਾਦੰਬਾ ਨੇ ਕਿਹਾ ਹੈ ਕਿ ਗੌੜਾ ਸਣੇ ਉਨ੍ਹਾਂ ਦੇ ਮੌਜੂਦਾ ਅਤੇ ਸਾਬਕਾ ਵਿਦਿਆਰਥੀਆਂ ਨੂੰ ਹੁਣ ਇਹ ਸਿਖਾਇਆ ਜਾਂਦਾ ਹੈ ਕਿ ਝੋਟਿਆਂ ਦੇ ਨਾਲ ਕਿਵੇਂ ''ਜ਼ਿਆਦਾ ਮੁਨੱਖੀ ਤਰੀਕੇ ਨਾਲ ਪੇਸ਼ ਆਈਏ ਅਤੇ ਬੇਵਜ੍ਹਾ ਸੱਟ ਨਾ ਪਹੁੰਚਾਉਣ।''

ਸਾਲ 2018 ਵਿੱਚ ਕਰਨਾਟਕ ਵਿੱਚ ਕੰਬਾਲਾ ਨੂੰ ਮੁੜ ਸ਼ੁਰੂ ਕੀਤਾ ਗਿਆ ਪਰ ਇਸ ਦਾ ਨਾਲ ਹੀ ਕਈ ਸ਼ਰਤਾਂ ਵੀ ਲਗਾ ਦਿੱਤੀਆਂ। ਇਨ੍ਹਾਂ ਸ਼ਰਤਾਂ ਵਿੱਚ ਕੋੜਿਆਂ ਦੇ ਇਸਤੇਮਾਲ ''ਤੇ ਰੋਕ ਲਗਾਈ ਗਈ ਹੈ। ਹਾਲਾਂਕਿ ਇਸ ਖੇਡ ''ਤੇ ਅਜੇ ਵੀ ਖ਼ਤਰਾ ਮੰਡਰਾ ਰਿਹਾ ਹੈ।

ਕੌਮਾਂਤਰੀ ਪਸ਼ੂ ਅਧਿਕਾਰ ਗਰੁੱਪ ਪੇਟਾ (PETA) ਨੇ ਸੁਪਰੀਮ ਕੋਰਟ ਨੇ ਇੱਕ ਪਟੀਸ਼ਨ ਦਾਇਰ ਕਰ ਰਿਹਾ ਹੈ ਕਿ ਕੰਬਾਲਾ ਨੂੰ ਦੁਬਾਰਾ ਸ਼ੁਰੂ ਕੀਤੇ ਜਾਣ ਦਾ ਫ਼ੈਸਲਾ ਗ਼ੈਰ-ਕਾਨੂੰਨੀ ਹੈ।

ਪ੍ਰੋਫੈਸਰ ਕਾਦੰਬਾ ਕਹਿੰਦੇ ਹਨ, "ਅੱਜ ਜੋ ਕੰਬਾਲਾ ਹੁੰਦਾ ਹੈ, ਉਹ ਸਾਲਾਂ ਪਹਿਲਾਂਦੇ ਰਵਾਇਤੀ ਕੰਬਾਲਾ ਤੋਂ ਕਾਫੀ ਅਲਗ ਹੈ।"

ਇਹ ਵੀ ਪੜ੍ਹੋ-

• ਜਾਮੀਆ ਲਾਇਬ੍ਰੇਰੀ ਵਿੱਚ ਡੰਡੇ ਮਾਰਦੀ ਪੁਲਿਸ ਦੀ ਵੀਡੀਓ ਤੇ ਸਵਾਲਾਂ ਦੇ ਘੇਰੇ ’ਚ ਦਿੱਲੀ ਪੁਲਿਸ
• ਅਰਵਿੰਦ ਕੇਜਰੀਵਾਲ ਨੇ ਤੀਜੀ ਵਾਰ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕੀ - 10 ਰੌਚਕ ਗੱਲਾਂ
• ''ਜੋਤੀ ਵੁਹਾਨ ਹਵਾਈ ਅੱਡੇ ਤੇ ਡਰ ਨਾਲ ਕੰਬਦੀ ਰਹੀ ਪਰ ਉਸ ਨੂੰ ਜਹਾਜ਼ ਚ ਨਾ ਬੈਠਣ ਦਿੱਤਾ''

ਇਹ ਵੀ ਦੇਖੋ

https://www.youtube.com/watch?v=xWw19z7Edrs

https://www.youtube.com/watch?v=vtGspXmuL7I

https://www.youtube.com/watch?v=-KN1JZlj9aU

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ।)