ਇਨ੍ਹਾਂ ਜ਼ਰੂਰੀ ਕੰਮਾਂ ਲਈ 31 ਦਸੰਬਰ ਹੈ ਆਖ਼ਰੀ ਤਰੀਕ
Tuesday, Dec 31, 2019 - 02:01 PM (IST)
ਸਾਲ 2019 ਦਾ ਅੱਜ ਆਖ਼ਰੀ ਦਿਨ ਹੈ ਅਤੇ ਇਸ ਦੇ ਨਾਲ ਹੀ ਕੁਝ ਅਜਿਹੇ ਕੰਮ ਹਨ ਜਿਨ੍ਹਾਂ ਲਈ 31 ਦਸੰਬਰ, 2019 ਆਖ਼ਰੀ ਦਿਨ ਹੈ।
ਜੇ ਤੁਸੀਂ ਇਹ ਕੰਮ ਅਜੇ ਤੱਕ ਪੂਰੇ ਨਹੀਂ ਕੀਤੇ ਤਾਂ ਉਨ੍ਹਾਂ ਨੂੰ ਅੱਜ ਯਾਨਿ 31 ਦਸੰਬਰ ਨੂੰ ਜ਼ਰੂਰ ਪੂਰਾ ਕਰ ਲਵੋ ਤਾਂ ਕਿ ਅਗਲੇ ਸਾਲ ਦੀ ਸ਼ੁਰੂਆਤ ਵਿੱਚ ਤੁਹਾਨੂੰ ਆਖ਼ਰੀ ਮਿਤੀ ਨਿਕਲਣ ਦਾ ਦੁੱਖ ਨਾ ਹੋਵੇ।
ਅਜਿਹੇ ਜ਼ਰੂਰੀ ਕੰਮਾਂ ਦੇ ਬਾਰੇ ਪੜ੍ਹੋ:-
ਇਹ ਵੀ ਪੜ੍ਹੋ
- ਦਿੱਲੀ ’ਚ ਠੰਢ ਦਾ 119 ਸਾਲਾਂ ਦਾ ਰਿਕਾਰਡ ਟੁੱਟਿਆ
- ਪਿਆਰਾ ਸਿੰਘ ਭਨਿਆਰਾਂਵਾਲਾ: ਚਪੜਾਸੀ ਤੋਂ ਬਾਬਾ ਬਣਨ ਤੇ ਜੇਲ੍ਹ ਜਾਣ ਦੀ ਕਹਾਣੀ
- ਅਦਾਲਤ ਲਈ ਖ਼ਾਸ ਕਿਵੇਂ ਰਿਹਾ ਸਾਲ 2019
ਆਈਟੀਆਰ ਭਰਨ ਦਾ ਆਖ਼ਰੀ ਦਿਨ
ਜੇ ਤੁਸੀਂ 31 ਅਗਸਤ, 2019 ਤੱਕ ਆਈਟੀਆਰ ਨਹੀਂ ਜਮ੍ਹਾ ਕਰਵਾ ਪਾਏ ਤਾਂ 31 ਦਸੰਬਰ ਦੀ ਤਰੀਕ ਤੁਹਾਡੇ ਲਈ ਬਿਲਕੁਲ ਠੀਕ ਸਮਾਂ ਹੈ।
ਇਨਕਮ-ਟੈਕਸ ਕਾਨੂੰਨ, 1961 ਦੀ ਧਾਰਾ 234 ਐਫ ਦੇ ਮੁਤਾਬਕ, 31 ਦਸੰਬਰ ਤੋਂ ਪਹਿਲਾਂ ਰਿਟਰਨ ਭਰਨ ''ਤੇ 5000 ਰੁਪਏ ਜੁਰਮਾਨਾ ਲੱਗੇਗਾ ਅਤੇ ਉਸ ਦੇ ਬਾਅਦ ਭਰਨ ''ਤੇ 10 ਹਜ਼ਾਰ ਰੁਪਏ ਜੁਰਮਾਨਾ ਦੇਣਾ ਪਵੇਗਾ।
ਇਸ ਕਰਕੇ ਘੱਟ ਜੁਰਮਾਨਾ ਭਰਨ ਲਈ ਅੱਜ ਹੀ ਜਲਦੀ ਤੋਂ ਜਲਦੀ ਰਿਟਰਨ ਭਰੋ।
ਐਸਬੀਆਈ ਦਾ ਏਟੀਐਮ ਡੈਬਿਟ ਕਾਰਡ
ਜੇ ਤੁਹਾਡਾ ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) ਵਿੱਚ ਖ਼ਾਤਾ ਹੈ ਤੇ ਤੁਸੀਂ ਬੈਂਕ ਦੇ ਏਟੀਐਮ ਡੈਬਿਟ ਕਾਰਡ ਦੀ ਵਰਤੋਂ ਕਰਦੇ ਹੋ, ਤਾਂ 31 ਦਸੰਬਰ ਦੀ ਤਰੀਕ ਤੁਹਾਡੇ ਲਈ ਜ਼ਰੂਰੀ ਹੈ।
ਐਸਬੀਆਈ ਬੈਂਕ ਨੇ ਟਵੀਟ ਕਰਕੇ ਜਾਣਕਾਰੀ ਸਾਂਝੀ ਕੀਤੀ ਹੈ ਕਿ ਗਾਹਕ ਆਪਣੇ ਪੁਰਾਣੇ ਮੈਗਨੇਟਿਕ ਏਟੀਐਮ ਡੈਬਿਟ ਕਾਰਡ ਨੂੰ ਬਦਲਵਾ ਲੈਣ।
ਇਸ ਲਈ ਆਖ਼ਰੀ ਤਰੀਕ 31 ਦਸੰਬਰ 2019 ਹੈ। ਨਵਾਂ ਕਾਰਡ ਈਐਮਵੀ ਚਿੱਪ ਵਾਲਾ ਅਤੇ ਪਿਨ ਨਾਲ ਚੱਲਣ ਵਾਲਾ ਹੈ।
ਜੇ ਤੁਹਾਡਾ ਵੀ ਏਟੀਐਮ ਡੈਬਿਟ ਕਾਰਡ ਪੁਰਾਣਾ ਹੈ ਤਾਂ ਤੁਸੀਂ ਨਵੇਂ ਸਾਲ ਵਿੱਚ ਉਸ ਨਾਲ ਪੈਸੇ ਨਹੀਂ ਕੱਢਵਾ ਸਕਦੇ। ਜੋ ਲੋਕ ਨਵੇਂ ਕਾਰਡ ਲਈ ਅਪਲਾਈ ਕਰ ਚੁੱਕੇ ਹਨ, ਪਰ ਉਨ੍ਹਾਂ ਨੂੰ ਅਜੇ ਤੱਕ ਕਾਰਡ ਨਹੀਂ ਮਿਲਿਆ ਤਾਂ ਉਹ ਬੈਂਕ ਜਾ ਕੇ ਇਸ ਬਾਰੇ ਪਤਾ ਕਰਨ।
ਅਡਵਾਂਸ ਟੈਕਸ ਭਰਨ ਦੀ ਆਖ਼ਰੀ ਤਰੀਕ
ਜੇ ਤੁਸੀਂ ਪੂਰਬੀ ਰਾਜਾਂ ਦੇ ਵਾਸੀ ਹੋ ਤੇ ਅਡਵਾਂਸ ਟੈਕਸ ਦੀ ਤੀਜੀ ਕਿਸ਼ਤ ਨਹੀਂ ਭਰੀ ਤਾਂ ਤੁਹਾਡੇ ਕੋਲ ਅਜੇ ਵੀ ਇੱਕ ਦਿਨ ਬਾਕੀ ਹੈ।
ਪੂਰਬੀ ਰਾਜਾਂ ਲਈ ਵਿੱਤੀ ਸਾਲ 2019-20 ਦੇ ਲਈ ਅਡਵਾਂਸ ਟੈਕਸ ਦੀ ਤੀਜੀ ਕਿਸ਼ਤ ਭਰਨ ਦੀ ਆਖ਼ਰੀ ਤਰੀਕ 31 ਦਸੰਬਰ 2019 ਹੈ।
ਪਹਿਲਾਂ ਅਡਵਾਂਸ ਟੈਕਸ ਭਰਨ ਦੀ ਆਖ਼ਰੀ ਤਰੀਕ 15 ਦਸੰਬਰ ਸੀ, ਜਿਸ ਨੂੰ ਅੱਗੇ ਵਧਾ ਕੇ 31 ਦਸੰਬਰ ਕਰ ਦਿੱਤਾ ਗਿਆ ਸੀ।
ਆਈਟੀਆਰ ਵੈਰੀਫ਼ਾਈ ਕਰਨ ਲਈ ਅਖ਼ੀਰਲਾ ਦਿਨ
ਜੇ ਤੁਸੀਂ ਅਜੇ ਤੱਕ ਇਨਕਮ ਟੈਕਸ ਦੀ ਰਿਟਰਨ ਨੂੰ ਮੁੜ ਚੈੱਕ ਨਹੀਂ ਕੀਤਾ ਹੈ ਤਾਂ 31 ਦਸੰਬਰ ਤੋਂ ਪਹਿਲਾਂ ਇਸ ਨੂੰ ਪੂਰਾ ਕਰ ਲਵੋ।
ਇਨਕਮ ਟੈਕਸ ਦੇ ਨਿਯਮਾਂ ਦੇ ਮੁਤਾਬਕ ਰਿਟਰਨ ਵੈਰੀਫ਼ਾਈ ਕਰਨ ਲਈ ਰਿਟਰਨ ਭਰਨ ਤੋਂ ਬਾਅਦ 120 ਦਿਨਾਂ ਦਾ ਸਮਾਂ ਦਿੱਤਾ ਜਾਂਦਾ ਹੈ।
ਇਨਕਮ ਟੈਕਸ ਵਿਭਾਗ ਨੇ ਆਈਟੀਆਰ ਜਮਾਂ ਕਰਵਾਉਣ ਦੀ ਆਖ਼ਰੀ ਮਿਤੀ 31 ਜੁਲਾਈ 2019 ਤੋਂ ਵਧਾ ਕੇ 31 ਅਗਸਤ 2019 ਕਰ ਦਿੱਤੀ ਸੀ।
ਇਸ ਹਿਸਾਬ ਨਾਲ ਆਈਟੀਆਰ ਨੂੰ ਵੈਰੀਫ਼ਾਈ ਕਰਨ ਦੀ ਆਖ਼ਰੀ ਮਿਤੀ 31 ਦਸੰਬਰ, 2019 ਹੈ।
ਇਹ ਵੀ ਪੜ੍ਹੋ-
- ਪਿਆਰਾ ਸਿੰਘ ਭਨਿਆਰਾਂਵਾਲਾ: ਚਪੜਾਸੀ ਤੋਂ ਬਾਬਾ ਬਣਨ ਤੇ ਜੇਲ੍ਹ ਜਾਣ ਦੀ ਕਹਾਣੀ
- ਤੁਹਾਡੀ ਐਤਵਾਰ ਦੀ ਛੁੱਟੀ ਕਾਰਲ ਮਾਰਕਸ ਦੀ ਦੇਣ ਹੈ
- ਤੁਹਾਡਾ ਪਾਸਪੋਰਟ ਖਰਾਬ ਹੋ ਜਾਵੇ, ਫਟ ਜਾਵੇ ਤਾਂ ਤੁਹਾਨੂੰ ਇਹ ਪ੍ਰੇਸ਼ਾਨੀਆਂ ਆ ਸਕਦੀਆਂ ਹਨ
ਇਹ ਵੀ ਦੋਖੋਂ
https://www.youtube.com/watch?v=Jqs3vB7Zf-E
https://www.youtube.com/watch?v=lH5ndoCBj-0
https://www.youtube.com/watch?v=KIuRLxUr9Z8
(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTER ਅਤੇ YouTube ''ਤੇ ਜੁੜੋ)