ਫੋਨ ਦਾ ਬਿੱਲ ਵਧਣ ਕਾਰਨ ਤਹਾਡੀ ਜੇਬ ਹੋਵੇਗੀ ਢਿੱਲੀ, ਕੀ ਹੈ ਕਾਰਨ

ਭਾਰਤ ''ਚ ਹੁਣ ਉਪਭੋਗਤਾਵਾਂ ਨੂੰ ਮੋਬਾਈਲ ਡਾਟਾ ਲਈ ਆਪਣੀ ਜੇਬ ਜ਼ਿਆਦਾ ਢਿੱਲੀ ਕਰਨੀ ਪਵੇਗੀ, ਕਿਉਂਕਿ ਵੋਡਾਫੋਨ-ਆਈਡੀਆ ਅਤੇ ਏਅਰਟੈਲ ਕੰਪਨੀਆਂ ਨੇ ਰੇਟ ਵਧਾ ਦਿੱਤੇ ਹਨ ਤੇ ਰਿਲਾਇੰਸ ਜੀਓ ਨੇ ਵੀ ਤਿਆਰੀ ਕੱਸ ਲਈ ਹੈ।

3 ਦਸਬੰਰ ਤੋਂ ਵੱਧੀਆਂ ਕੀਮਤਾਂ ਲਾਗੂ ਹੋ ਜਾਣਗੀਆਂ ਅਤੇ ਇਹ ਵਾਧਾ 40 ਫੀਸਦ ਤੋਂ ਵੀ ਵੱਧ ਹੈ।

ਵੋਡਾਫੋਨ-ਆਈਡੀਆ ਅਤੇ ਏਅਰਟੈਲ ਕੰਪਨੀਆਂ ਨੇ ਐਤਵਾਰ ਨੂੰ ਇਸ ਦਾ ਐਲਾਨ ਕਰ ਦਿੱਤਾ ਹੈ।

ਖ਼ਬਰ ਏਜੰਸੀ ਪੀਟੀਆਈ ਮੁਤਾਬਕ, ਰਿਲਾਇੰਸ ਜੀਉ 6 ਦਸਬੰਰ ਤੋਂ ''ਆਲ ਇਨ ਵਨ ਪਲਾਨ'' ਤਹਿਤ ਕੀਮਤਾਂ ''ਚ ਕਰੀਬ 40 ਫੀਸਦ ਦਾ ਵਾਧਾ ਕਰਨ ਜਾ ਰਹੀ ਹੈ।

ਰਿਲਾਇੰਸ ਜੀਉ ਨੇ ਆਪਣੇ ਬਿਆਨ ''ਚ ਕਿਹਾ ਹੈ, "ਭਾਵੇਂ ਕੀਮਤਾਂ ''ਚ ਕਰੀਬ 40 ਫੀਸਦ ਦਾ ਵਾਧਾ ਹੋਵੇਗਾ, ਪਰ ਉਪਭੋਗਤਾਵਾਂ ਨੂੰ 300 ਫੀਸਦ ਜ਼ਿਆਦਾ ਸੁਵਿਧਾਵਾਂ ਵੀ ਮਿਲਣਗੀਆਂ।"

ਇਹ ਵੀ ਪੜ੍ਹੋ-

• ਮੋਗਾ ''ਚ ਡੀਜੇ ਕਤਲ ਮਾਮਲਾ : ਮਸਲਾ ਸੁਲਝਾਉਣ ਪਹੁੰਚੇ ਵਿਧਾਇਕ ਉੱਤੇ ਹਮਲਾ, ਗੱਡੀ ਛੱਡ ਕੇ ਪਿਆ ਭੱਜਣਾ
• ''ਸਾਡੇ ਬੱਚਿਆਂ ਦੀ ਮੌਤ ਦੇ ਬਹਾਨੇ ਸਖ਼ਤ ਹਿਰਾਸਤੀ ਕਾਨੂੰਨ ਨਾ ਬਣਾਓ''
• ਭਗਤ ਸਿੰਘ ਦੇ ਪੋਸਟਰਾਂ ਨਾਲ ਲਾਹੌਰ ’ਚ ਵਿਦਿਆਰਥੀਆਂ ਨੇ ਨਾਅਰੇ ਲਗਾਏ

ਵੋਡਾਫੋਨ-ਆਈਡੀਆ ਪ੍ਰੀਪੇਡ ਦੇ ਪਲਾਨ ਦਾ ਵੇਰਵਾ ਕੁਝ ਇਸ ਤਰ੍ਹਾਂ ਹੈ :

ਏਅਰਟੈਲ ਪ੍ਰੀਪੇਡ ਦੇ ਪਲਾਨ ਦਾ ਵੇਰਵਾ ਕੁਝ ਇਸ ਤਰ੍ਹਾਂ ਹੈ:

ਕੰਪਨੀਆਂ ਕੀਮਤਾਂ ਕਿਉਂ ਵਧਾ ਰਹੀਆਂ ਹਨ?

ਤਿੰਨ ਸਾਲ ਪਹਿਲਾਂ ਟੈਲੀਕਾਮ ਬਜ਼ਾਰ ਵਿਚ ਉਤਰੀ ਰਿਲਾਇੰਸ ਜੀਓ ਕੰਪਨੀ ਕਾਰਨ ਏਅਰਟੈਲ ਅਤੇ ਵੋਡਾਫੋਨ ਨੂੰ ਕਾਫ਼ੀ ਨੁਕਸਾਨ ਹੋਇਆ ਹੈ।

ਰਿਲਾਇੰਸ ਜੀਓ ਵਲੋਂ ਮੋਬਾਈਲ ਡਾਟਾ ਦੀਆਂ ਬੇਹੱਦ ਘੱਟ ਕੀਮਤਾਂ ਕਾਰਨ ਟੈਲੀਕਾਮ ਬਜ਼ਾਰ ਵਿਚ ਹੋਰਨਾਂ ''ਤੇ ਵੀ ਕੀਮਤਾਂ ਘਟਾਉਣ ਦਾ ਦਬਾਅ ਵਧਿਆ ਸੀ।

ਹਾਲਾਂਕਿ ਸਭ ਤੋਂ ਮੁੱਖ ਕਾਰਨ ''ਐਡਜਸਟਡ ਗ੍ਰੌਸ ਰੈਵੇਨਿਊ'' (ਏਜੀਆਰ) ਦੀ ਲੜਾਈ ਹੈ।

ਆਮ ਲੋਕਾਂ ਦੀ ਭਾਸ਼ਾ ਵਿਚ ਇਸਦਾ ਮਤਲਬ ਹੈ ਕਿ ਟੈਲੀਕਾਮ ਕੰਪਨੀਆਂ ਦੁਆਰਾ ਪ੍ਰਾਪਤ ਆਮਦਨਾਂ ਦਾ ਕੁਝ ਹਿੱਸਾ ਸਰਕਾਰ ਦੇ ਟੈਲੀਕਾਮ ਵਿਭਾਗ ਨੂੰ ਦੇਣਾ ਪਏਗਾ।

ਟੈਲੀਕਾਮ ਕੰਪਨੀਆਂ ਤੇ ਸਰਕਾਰ ਵਿਚਾਲੇ ਏਜੀਆਰ ਦੀ ਪਰਿਭਾਸ਼ਾ ਨੂੰ ਲੈ ਕੇ ਵਿਵਾਦ ਹੈ।

ਕੰਪਨੀਆਂ ਚਾਹੁੰਦੀਆਂ ਹਨ ਕਿ ਟੈਲੀਕਾਮ ਰੈਵਨਿਊ ਵਿਚ ਸਿਰਫ਼ ਟੈਲੀਕਾਮ ਅਪਰੇਸ਼ਨਾਂ ਤੋਂ ਹੋਈ ਆਮਦਨ ਸ਼ਾਮਿਲ ਕੀਤੀ ਜਾਵੇ ਪਰ ਸਰਕਾਰ ਇਸ ਦੀ ਪਰਿਭਾਸ਼ਾ ਦੇ ਘੇਰੇ ਵਿਚ ਹੋਰ ਵੀ ਕਈ ਚੀਜ਼ਾਂ ਸ਼ਾਮਿਲ ਕਰਨਾ ਚਾਹੁੰਦੀ ਹੈ।

ਇਸ ਵਿਚ ਗੈਰ-ਟੈਲੀਕਾਮ ਮਾਲੀਆ ਜਿਵੇਂ ਕਿ ਵਿਕਰੀ ਅਤੇ ਜਮ੍ਹਾਂ ਰਕਮ ''ਤੇ ਪ੍ਰਾਪਤ ਕੀਤੀ ਵਿਆਜ।

ਪਰ ਸੁਪਰੀਮ ਕੋਰਟ ਨੇ ਸਰਕਾਰ ਦੇ ਹੱਕ ਵਿਚ ਫੈਸਲਾ ਦਿੱਤਾ। ਇਸ ਦਾ ਮਤਲਬ ਹੈ ਕਿ ਟੈਲੀਕਾਮ ਕੰਪਨੀਆਂ ਨੂੰ ਹੁਣ 12.5 ਮਿਲੀਅਨ ਡਾਲਰ ਹੋਰ ਅਦਾ ਕਰਨੇ ਪੈਣਗੇ।

ਇਹ ਵੀ ਪੜ੍ਹੋ-

• ਬੱਚਿਆਂ ਦੀਆਂ ਇਨ੍ਹਾਂ ਹਰਕਤਾਂ ਤੇ ਰੱਖੋ ਨਜ਼ਰ
• ‘ਪਾਪਾ ਫੇਸਬੁੱਕ ‘ਤੇ ਰਹਿੰਦੇ ਹਨ, ਸਾਡੇ ਨਾਲ ਨਹੀਂ’
• ਸਕ੍ਰੀਨਾਂ ਦਾ ਬੱਚਿਆਂ ਦੀ ਸਿਹਤ ਉੱਪਰ ਕੋਈ ਬੁਰਾ ਅਸਰ ਨਹੀਂ ਪੈਂਦਾ ਜੇ ਸੰਤੁਲਨ ਬਣਾਇਆ ਜਾਵੇ

ਮਾਹਿਰਾਂ ਦੀ ਰਾਇ

ਬੀਬੀਸੀ ਪੱਤਰਕਾਰ ਨਵੀਨ ਨੇਗੀ ਨੇ ਤਕਨੀਕੀ ਮਾਮਲਿਆਂ ਦੇ ਜਾਣਕਾਰ ਪ੍ਰਸਾਂਤੋ ਕੇ ਰਾਏ ਤੋਂ ਇਹ ਜਾਨਣ ਦੀ ਕੋਸ਼ਿਸ਼ ਕੀਤੀ ਕਿ ਆਖ਼ਿਰ ਟੈਲੀਕਾਮ ਕੰਪਨੀਆਂ ਨੂੰ ਕੀਮਤਾਂ ''ਚ ਇਨ੍ਹਾਂ ਵਾਧਾ ਕਿਉਂ ਕਰਨਾ ਪਿਆ।

"ਟੈਲੀਕਾਮ ਸੈਕਟਰ ਦੀ ਇਹ ਸਥਿਤੀ ਟਲ ਨਹੀਂ ਸਕਦੀ ਸੀ। ਖਰਚ ਦੇ ਹਿਸਾਬ ਨਾਲ ਕੰਪਨੀਆਂ ਦਾ ਬਾਜ਼ਾਰ ''ਚ ਬਚ ਪਾਉਣਾ ਬਹੁਤ ਹੀ ਮੁਸ਼ਕਿਲ ਸੀ। ਇਹ ਘਾਟਾ ਕਈ ਬਿਲੀਅਨ ਡਾਲਰ ਹੋ ਗਿਆ। ਭਾਰਤ ''ਚ 10 ਟੈਲੀਕਾਮ ਕੰਪਨੀਆਂ ''ਚੋਂ ਮਹਿਜ਼ 3 ਹੀ ਬਚੀਆਂ ਹਨ। ਵੋਡਾਫੋਨ ਹੱਟ ਜਾਵੇ, ਤਾਂ ਜੀਓ ਸਣੇ ਮਹਿਜ਼ ਦੋ ਹੀ ਕੰਪਨੀਆਂ ਰਹਿ ਜਾਣਗੀਆਂ।"

ਉਹਨਾਂ ਅੱਗੇ ਕਿਹਾ, "ਜੀਓ ਨੇ ਕਸਟਮਰ ਐਕਟੀਵੇਸ਼ਨ ਯਾਨਿ ਉਪਭੋਗਤਾ ਜਟਾਉਣ ''ਚ ਕਾਫ਼ੀ ਖਰਚਾ ਕੀਤਾ। ਟੈਲੀਕਾਮ ਇਕ ਮਹਿੰਗਾ ਕਾਰੋਬਾਰ ਹੈ। ਉਪਭੋਗਤਾ ਦਾ ਔਸਤ ਬਿਲ 100-120 ਰੁਪਏ ਤੱਕ ਰਹਿ ਗਿਆ ਜੋ ਦੁਨੀਆਂ ''ਚ ਸਭ ਤੋਂ ਘੱਟ ਸੀ। ਹਾਲਾਂਕਿ ਬਿਲ ਦੀ ਇਹ ਔਸਤ 200-300 ਰੁਪਏ ਹੋਣੀ ਚਾਹਿਦੀ ਸੀ।"

ਸਵਾਲ ਉੱਠਿਆ ਕੀ ਕਿ ਬਾਕੀ ਕੰਪਨੀਆਂ ਇਸ ਨੁਕਸਾਨ ਨੂੰ ਪਹਿਲਾਂ ਅੰਦਾਜ਼ਾ ਨਹੀਂ ਲਗਾ ਸਕੀਆਂ, ਇਸ ''ਤੇ ਪ੍ਰਸਾਂਤੋ ਦਾ ਕਹਿਣਾ ਹੈ, "ਬਾਜ਼ਾਰ ਦੀ ਸਥਿਤੀ ਨੂੰ ਕੰਪਨੀਆਂ ਜ਼ਰੂਰ ਸਮਝ ਰਹੀਆਂ ਸਨ ਪਰ ਜੀਓ ਨਾਲ ਮੁਕਾਬਲਾ ਔਖਾ ਹੋ ਗਿਆ। ਜੀਓ ਨਵਾਂ ਆਪਰੇਟਰ ਸੀ ਜਿਸ ਨੇ ਪੂਰੀ ਨਵੀਂ ਤਕਨੀਕ ਲਗਾਈ। ਜਦਕਿ ਬਾਕੀ ਕੰਪਨੀਆਂ ਪੁਰਾਣੀਆਂ ਤਕਨੀਕਾਂ ਨੂੰ ਹੀ ਅਪਗ੍ਰੇਡ ਕਰਨ ''ਚ ਲੱਗੀਆ ਰਹੀਆਂ।"

"ਜੇਬ੍ਹ ਤੇ ਵਾਧੂ ਬੋਝ ਨਾ ਪਵੇ ਇਸ ਲਈ ਉਪਭੋਗਤਾਵਾਂ ਨੂੰ ਡਾਟਾ ਨੂੰ ਲੈ ਕੇ ਵਿਵਸਥਿਤ ਹੋਣਾ ਚਾਹੀਦਾ। 4ਜੀ ਤੋਂ ਥੋੜ੍ਹਾ ਪਰਹੇਜ਼ ਕਰਨਾ ਚਾਹੀਦਾ ਹੈ। ਫ੍ਰੀ ਵਾਈ-ਫਾਈ ਨੂੰ ਪ੍ਰਾਥਮਿਕਤਾ ਦੇਣੀ ਚਾਹੀਦੀ ਹੈ।"

ਇਹ ਵੀ ਪੜ੍ਹੋ-

• ਐਮੇਜ਼ੌਨ ਚੀਜ਼ਾਂ ਸਸਤੀਆਂ ਵੇਚੇ ਤਾਂ ਇਨ੍ਹਾਂ ਲੋਕਾਂ ਨੂੰ ਤਕਲੀਫ਼: ਜਾਣੋ ਕਾਹਨੂੰ
• ‘ਇਹ ਮੇਰੀ ਜ਼ਿੰਦਗੀ ਹੈ, ਤੁਹਾਡਾ ਪੋਰਨ ਨਹੀਂ’: ਲੁਕਵੇਂ ਕੈਮਰਿਆਂ ਦੀਆਂ ਸ਼ਿਕਾਰ ਕੁੜੀਆਂ ਦਾ ਦੁੱਖ
• ਗਾਂ ਦਾ ਦੁੱਧ ਪੀਣ ਦਾ ਕਿੰਨਾ ਕੁ ਫਾਇਦਾ ਹੈ

ਇਹ ਵੀਡੀਓਜ਼ ਵੀ ਦੇਖੋ

https://www.youtube.com/watch?v=xWw19z7Edrs&t=1s

https://www.youtube.com/watch?v=1xznOP55alU

https://www.youtube.com/watch?v=ptleDzf_Zwk

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ)