ਕਸ਼ਮੀਰ ''''ਤੇ ਇਮਰਾਨ ਖ਼ਾਨ ਨੇ ਗ਼ਲਤੀਆਂ ਕੀਤੀਆਂ: ਆਸਿਫ਼ਾ ਭੁੱਟੋ

ਪਾਕਿਸਤਾਨ ਦੀ ਸਾਬਕਾ ਪ੍ਰਧਾਨ ਮੰਤਰੀ ਬੇਨਜ਼ੀਰ ਅਲੀ ਭੁੱਟੋ ਦੀ ਬੇਟੀ ਆਸਿਫਾ ਅਲੀ ਭੁੱਟੋ ਨੇ ਬੀਬੀਸੀ ਉਰਦੂ ਨੂੰ ਕਿਹਾ ਕਿ ਕਸ਼ਮੀਰ ''ਤੇ ਇਮਰਾਨ ਖ਼ਾਨ ਨੇ ਗਲਤੀਆਂ ਕੀਤੀਆਂ ਹਨ।

ਉਨ੍ਹਾਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਦਾ ਇਸ ਵਿਸ਼ੇ ''ਤੇ ਦੇਰ ਨਾਲ ਸੰਸਦ ਵਿੱਚ ਭਾਸ਼ਣ ਦੇਣਾ ਉਨ੍ਹਾਂ ਦੀ ਨਾਕਾਮੀ ਸੀ।

ਉਨ੍ਹਾਂ ਨੇ ਇਹ ਵੀ ਕਿਹਾ, "ਪਾਕਿਸਤਾਨ ਵਿਦੇਸ਼ ਮੰਤਰੀ ਦਾ ਪਾਕਿਸਤਾਨ-ਸ਼ਾਸਿਤ ਕਸ਼ਮੀਰ ਜਾਣਾ ਅਤੇ ਇਹ ਕਹਿਣਾ ਕਿ ਪਾਕਿਸਤਾਨ ਨੂੰ ਕੌਮਾਂਤਰੀ ਭਾਈਚਾਰੇ ਤੋਂ ਜ਼ਿਆਦਾ ਉਮੀਦਾਂ ਨਹੀਂ ਰੱਖਣੀਆਂ ਚਾਹੀਦੀਆਂ, ਹਾਸੋਹੀਣਾ ਹੈ।"

ਪਾਕਿਸਤਾਨ ਦੇ ਸਾਬਕਾ ਰਾਸ਼ਟਰਪਤੀ ਆਸਿਫ ਅਲੀ ਜ਼ਰਦਾਰੀ ਨੇ ਆਪਣੀ ਗ੍ਰਿਫ਼ਤਾਰੀ ਤੋਂ ਪਹਿਲਾਂ ਕਈ ਮੌਕਿਆਂ ''ਤੇ ਅਜਿਹਾ ਇਸ਼ਾਰਾ ਦਿੱਤਾ ਸੀ ਕਿ ਜੇਕਰ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਤਾਂ ਪਾਕਿਸਤਾਨ ਪੀਪੀਲਸ ਪਾਰਟੀ (ਪੀਪੀਪੀ) ਦੇ ਮਾਮਲਿਆਂ ਦੀਆਂ ਤਮਾਮ ਜ਼ਿੰਮੇਦਾਰੀਆਂ ਪਾਰਟੀ ਚੇਅਰਮੈਨ ਬਿਲਾਵਲ ''ਤੇ ਹੋਣਗੀਆਂ।

ਉਨ੍ਹਾਂ ਇਹ ਵੀ ਕਿਹਾ ਸੀ ਕਿ ਜੇਕਰ ਬਿਲਾਵਲ ਵੀ ਕਾਨੂੰਨ ਦੀ ਪਹੁੰਚ ਵਿੱਚ ਆ ਜਾਂਦੇ ਹਨ ਤਾਂ ਸਿਆਸੀ ਮਾਮਲੇ ਉਨ੍ਹਾਂ ਦੀ ਬੇਟੀ ਆਸਿਫ਼ਾ ਭੁੱਟੋਂ ਜ਼ਰਦਾਰੀ ਦੇਖੇਗੀ।

ਇਹ ਵੀ ਪੜ੍ਹੋ-

• ''ਭਾਰਤੀ ਅਰਥਵਿਵਸਥਾ ਪੰਜ ਨਹੀਂ, ਜ਼ੀਰੋ ਦੀ ਦਰ ਨਾਲ ਵਧ ਰਹੀ''
• ਅਭਿਨੰਦਨ ਨੇ ਕੀਤੀ ਵਾਪਸੀ, ਪਠਾਨਕੋਟ ਤੋਂ ਧਨੋਆ ਨਾਲ ਭਰੀ ਉਡਾਨ
• ਕਸ਼ਮੀਰ ''ਚ ਹਿੰਦੂ ਰਾਜ ਅਤੇ ਗਜ਼ਨੀ ਦੀ ਹਾਰ ਦੀ ਕਹਾਣੀ
• ਮੇਧਾ ਪਾਟਕਰ- ''ਮੋਦੀ ਨਦੀ ਕੰਢੇ ਵਸੇ ਪਿੰਡਾਂ ਨੂੰ ਟੂਰਿਜ਼ਮ ਦਾ ਕੇਂਦਰ ਸਮਝਦੇ ਹਨ''

ਪੋਲੀਓ ਦੇ ਖ਼ਾਤਮੇ ਲਈ ਕੰਮ ਕਰਨ ਵਾਲੀ ਆਸਿਫਾ ਭੁੱਟੋ ਜ਼ਰਦਾਰੀ ਹੁਣ ਤੱਕ ਇੱਕ ਸਮਾਜਿਕ ਕਾਰਕੁਨ ਵਜੋਂ ਦਿਖਦੀ ਰਹੀ ਹੈ ਪਰ ਹੁਣ ਉਨ੍ਹਾਂ ਦੀ ਜ਼ਿੰਦਗੀ ਵਿੱਚ ਸਿਆਸਤ ਦੇ ਰੰਗ ਵੀ ਨਜ਼ਰ ਆਉਣ ਲੱਗੇ ਹਨ।

''ਗੜੀ ਖ਼ੁਦਾਬਖ਼ਸ਼ ਜਾ ਕੇ ਦੇਖੋ''

ਬੀਬੀਸੀ ਨਾਲ ਗੱਲ ਕਰਦਿਆਂ ਆਸਿਫਾ ਭੁੱਟੋ ਨੇ ਕਿਹਾ ਕਿ ਕਸ਼ਮੀਰ ਮੁੱਦੇ ''ਤੇ ਵਿਸ਼ਵ ਭਾਈਚਾਰੇ ਨੂੰ ਜੋ ਭੂਮਿਕਾ ਅਦਾ ਕਰਨੀ ਚਾਹੀਦੀ ਸੀ, ਉਹ ਉਂਝ ਨਹੀਂ ਕਰ ਰਹੇ ਅਤੇ ਅਜੇ ਤੱਕ ਓਨੀ ਨਿੰਦਾ ਵੀ ਨਹੀਂ ਕੀਤੀ ਗਈ।

ਉਨ੍ਹਾਂ ਨੇ ਭਾਰਤੀ ਸੈਨਾ ''ਤੇ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਦੇ ਇਲਜ਼ਾਮ ਲਗਾਏ।

ਉਨ੍ਹਾਂ ਨੇ ਕਿਹਾ, "ਇਸ ਵੇਲੇ ਜੰਮੂ-ਕਸ਼ਮੀਰ ਵਿੱਚ ਔਰਤਾਂ ਦੀ ਇੱਜ਼ਤ ਮਹਿਫ਼ੂਜ਼ ਨਹੀਂ ਹੈ ਅਤੇ ਬੱਚਿਆਂ ਦਾ ਕਤਲ ਹੋ ਰਿਹਾ ਹੈ। ਪ੍ਰਦਰਸ਼ਕਾਰੀਆਂ ''ਤੇ ਗੋਲੀਆਂ ਚਲਾਈਆਂ ਜਾ ਰਹੀਆਂ ਹਨ।"

"ਜੇਕਰ ਕੋਈ ਪਾਕਿਸਤਾਨ ਦਾ ਝੰਡਾ ਲਹਿਰਾਉਂਦਾ ਹੈ ਤੇ ਉਸ ''ਤੇ ਗੋਲੀਆਂ ਚਲਾਉਣਾ ਵੀ ਭਾਰਤੀ ਫੌਜ ਆਪਣਾ ਹੱਕ ਸਮਝਦੀ ਹੈ। ਇਹ ਮਨੁੱਖੀ ਅਧਿਕਾਰਾਂ ਦੀ ਸਖ਼ਤ ਉਲੰਘਣਾ ਹੈ ਅਤੇ ਦੁਨੀਆਂ ਉਸ ''ਤੇ ਖ਼ਾਮੋਸ਼ ਹੈ।"

ਉਨ੍ਹਾਂ ਨੇ ਕਿਹਾ, "ਇਸ ਵੇਲੇ ਕਸ਼ਮੀਰ ਵਿੱਚ ਹਾਲਾਤ ਮਾੜੇ ਹਨ। ਮੈਂ ਉਹ ਗੱਲ ਦੁਹਰਾਉਣਾ ਚਾਹੁੰਦੀ ਹਾਂ ਜੋ ਮੇਰੇ ਪਿਤਾ ਨੇ ਸੰਸਦ ਵਿੱਚ ਕਹੀ ਸੀ ਕਿ ਜੇਕਰ ਇਹ ਸਭ ਸਾਡੀ ਸਰਕਾਰ ਵਿੱਚ ਹੋਇਆ ਹੁੰਦਾ ਤਾਂ ਉਹ ਪਹਿਲੀ ਫਲਾਇਟ ਨਾਲ ਯੂਏਈ ਜਾਂਦੇ, ਫਿਰ ਚੀਨ, ਰੂਸ ਅਤੇ ਫਿਰ ਇਰਾਨ ਦਾ ਕੌਰ ਕਰਦੇ।"

ਇਹ ਵੀ ਪੜ੍ਹੋ:

• GDP: 2013 ਤੋਂ ਬਾਅਦ ਵਿਕਾਸ ਦਰ ਸਭ ਤੋਂ ਨਿਘਾਰ ਵਾਲੀ ਹਾਲਤ ''ਚ
• ਪੰਜਾਬ ਨੈਸ਼ਨਲ ਬੈਂਕ ''ਚ ਯੂਨਾਇਟਿਡ ਬੈਂਕ ਤੇ ਓਰੀਐਂਟਲ ਬੈਂਕ ਆਫ਼ ਕਾਮਰਸ ਦਾ ਰਲੇਵਾਂ
• ਕਸ਼ਮੀਰ: ਫੌਜ ’ਤੇ ਕਥਿਤ ਤਸ਼ੱਦਦ ਦੇ ਇਲਜ਼ਾਮ -‘ਕੁੱਟੋ ਨਹੀਂ ਗੋਲੀ ਮਾਰ ਦਿਓ

"ਮੁਸਲਮਾਨ ਦੇਸਾਂ ਨੂੰ ਇਕਜੁੱਟ ਕਰਦੇ ਅਤੇ ਆਪਣੇ ਸਹਿਯੋਗੀਆਂ ਨੂੰ ਕਹਿੰਦੇ ਕਿ ਉਹ ਸਾਡੇ ਨਾਲ ਖੜੇ ਹੋ ਕੇ ਇਸ ਫਾਸੀਵਾਦ ਅਤੇ ਮਨੁੱਖੀ ਸੰਕਟ ਖ਼ਿਲਾਫ਼ ਆਵਾਜ਼ ਚੁੱਕਣ ਜੋ ਇਸ ਵੇਲੇ ਕਸ਼ਮੀਰ ਵਿੱਚ ਹੋ ਰਿਹਾ ਹੈ।"

ਉਨ੍ਹਾਂ ਨੇ ਕਿਹਾ ਕਿ ਇਹ ਦੇਖਣ ਲਈ ਤੁਹਾਨੂੰ ਸਿਰਫ਼ ਗੜੀ ਖ਼ੁਦਾਬਖ਼ਸ਼ ਜਾਣ ਦੀ ਲੋੜ ਹੈ ਕਿ ਮੇਰੇ ਘਰ ਦੇ ਕਿੰਨੇ ਲੋਕਾਂ ਨੇ ਇਸ ਦੇਸ ਲਈ ਜਾਨ ਦਿੱਤੀ ਹੈ।

"ਸਾਡੇ ਕੋਲ ਸਿਰਫ਼ ਇਹੀ ਰਸਤਾ ਸੀ ਕਿ ਜਾਂ ਤਾਂ ਅਸੀਂ ਖ਼ਾਮੋਸ਼ ਰਹੀਏ ਜਾਂ ਅੱਗੇ ਵਧ ਕੇ ਆਵਾਜ਼ ਚੁੱਕੀਏ।"

ਉਨ੍ਹਾਂ ਨੇ ਕਿਹਾ, "ਮੇਰੇ ਨਾਨਾ ਨੇ ਜਨਤਾ ਦੇ ਅਧਿਕਾਰਾਂ ਲਈ ਆਵਾਜ਼ ਚੁੱਕਣ ਨੂੰ ਤਰਜ਼ੀਹ ਦਿੱਤੀ ਹੈ ਅਤੇ ਮੇਰੀ ਮਾਂ ਨੇ ਵੀ ਇਹੀ ਰਸਤਾ ਆਪਣਾਇਆ। ਮੇਰੇ ਭਰਾ ਵੀ ਆਪਣੇ ਨਾਨਾ ਦੇ ਮਿਸ਼ਨ ਅਤੇ ਮਾਂ ਦੀ ਸੋਚ ਨੂੰ ਲੈ ਕੇ ਤੁਰ ਰਹੇ ਹਨ। ਬਿਲਾਵਲ ਪੂਰੇ ਪਾਕਿਸਤਾਨ ਲਈ ਬੋਲਦੇ ਹਨ ਅਤੇ ਮੈਂ ਵੀ ਉਨ੍ਹਾਂ ਨਾਲ ਮਿਲ ਕੇ ਜਨਤਾ ਦੀ ਆਵਾਜ਼ ਬਣਦੀ ਰਹਾਂਗੀ।"

ਵਾਅਦੇ ਤੋਂ ਮੁਕਰਨ ਦਾ ਇਲਜ਼ਾਮ

ਆਸਿਫਾ ਭੁੱਟੋ ਆਪਣੇ ਆਪ ਨੂੰ ਰਾਜਨੀਤੀ ਦਾ ਮੰਜਿਆ ਹੋਇਆ ਖਿਡਾਰੀ ਨਹੀਂ ਮੰਨਦੀ, ਪਰ ਉਨ੍ਹਾਂ ਦਾ ਕਹਿਣਾ ਹੈ ਕਿ ਮੌਜੂਦਾ ਸਰਕਾਰ ਦੇ ਕੰਮਾਂ ਨੂੰ ਸਮਝਣ ਲਈ ਕਿਸੇ ਨੂੰ ਸਿਆਸੀ ਜਾਣਕਾਰ ਹੋਣ ਦੀ ਲੋੜ ਨਹੀਂ ਹੈ।

ਉਨ੍ਹਾਂ ਮੁਤਾਬਕ ਦੇਸ ਦੇ ਹਾਲਾਤ ਉਸ ਦੇ ਹਾਲ ਨੂੰ ਖੂਬ ਬਿਆਨ ਕਰ ਰਹੇ ਹਨ।

ਉਨ੍ਹਾਂ ਨੇ ਕਿਹਾ, "ਇਮਰਾਨ ਖਾਨ ਦੀ ਸਰਕਾਰ ਅਤੇ ਸਾਬਕਾ ਤਾਨਾਸ਼ਾਹ ਪਰਵੇਜ਼ ਮੁੱਸ਼ਰਫ ਦੇ ਦੌਰ ਵਿਚਕਾਰ ਬਹੁਤ ਸਮਾਨਤਾਵਾਂ ਹਨ।"

ਇਹ ਵੀ ਪੜ੍ਹੋ:

• ਹਾਲਾਤ ਜਿਨ੍ਹਾਂ ਕਸ਼ਮੀਰ ਨੂੰ ਭਾਰਤ ''ਚ ਸ਼ਾਮਲ ਕੀਤਾ
• ਕਸ਼ਮੀਰ ''ਚ ਅਫ਼ਵਾਹਾਂ ਵਿਚਾਲੇ ਕਿਵੇਂ ਲੰਘਿਆ ਦਿਨ
• ਕਸ਼ਮੀਰ ਸਮੱਸਿਆ ਨਹਿਰੂ ਦੀ ਦੇਣ - ਅਮਿਤ ਸ਼ਾਹ

"ਜਿਵੇਂ ਉਨ੍ਹਾਂ ਦੀ ਉਹ ਹੀ ਕੈਬਨਿਟ ਹੈ ਜੋ ਮੁੱਸ਼ਰਫ ਦੀ ਸੀ। ਇਮਰਾਨ ਦੀਆਂ ਅਸਫਲਤਾਵਾਂ ਦੀ ਸੂਚੀ ਉਨ੍ਹਾਂ ਦੀ ਸਫਲਤਾਵਾਂ ਦੀ ਸੂਚੀ ਤੋਂ ਕਿਤੇ ਲੰਬੀ ਹੈ। ਮੌਜੂਦਾ ਸਰਕਾਰ ਨੇ ਦੇਸ ਨੂੰ ਆਰਥਿਕ ਪੱਖੋਂ ਅਸਥਿਰ ਕੀਤਾ ਹੈ।"

ਪਾਕਿਸਤਾਨ ਦੇ ਲੋਕਾਂ ਨੂੰ ਕੀਤੇ ਹੋਏ ਵਾਅਦਿਆਂ ਬਾਰੇ ਆਸਿਫਾ ਨੇ ਕਿਹਾ, "ਇਮਰਾਨ ਖ਼ਾਨ ਨੇ ਇੱਕ ਕਰੋੜ ਨੌਕਰੀਆਂ ਦੇਣ ਦਾ ਐਲਾਨ ਕੀਤਾ ਸੀ। ਪਰ ਉਹ ਇੱਕ ਵੀ ਨੌਕਰੀ ਨਹੀਂ ਦੇ ਸਕੇ। ਉਨ੍ਹਾਂ ਨੇ ਅਰਥਵਿਵਸਥਾ ਨੂੰ ਅਸਥਿਰ ਕੀਤਾ ਹੈ ਜੋ ਹਜ਼ਾਰਾਂ ਲੋਕਾਂ ਦੀ ਨੌਕਰੀ ਜਾਣ ਦਾ ਕਾਰਨ ਬਣਿਆ।"

ਇਹ ਵੀ ਦੇਖੋ:

https://www.youtube.com/watch?v=xWw19z7Edrs&t=1s

https://www.youtube.com/watch?v=j6YAhpe9tGE

https://www.youtube.com/watch?v=zYvTzI7x5sg

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTER ਅਤੇ YouTube ''ਤੇ ਜੁੜੋ।)