ਕਸ਼ਮੀਰ ਮੁੱਦੇ ''''ਤੇ ਫਿਰ ਬੋਲੇ ਇਮਰਾਨ ਖ਼ਾਨ : ''''ਆਰਐੱਸਐੱਸ ਦੀ ਵਿਚਾਰਧਾਰਾ ਕਸ਼ਮੀਰ ਤੱਕ ਨਹੀਂ ਰੁਕੇਗੀ ਸਗੋਂ ਭਾਰਤ ਦੇ ਹੋਰ ਮੁਸਲਮਾਨਾਂ ਨੂੰ ਵੀ ਦਬਾਏਗੀ''''

ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੇ ਭਾਰਤ ਦੀ ਭਾਜਪਾ ਸਰਕਾਰ ਦੁਆਰਾ ਧਾਰਾ 370 ਹਟਾਉਣ ਦੀ ਨਿਖੇਧੀ ਕਰਦਿਆਂ ਆਪਣੇ ਟਵੀਟਰ ਹੈਂਡਲ ''ਤੇ ਆਰਐੱਸਐੱਸ ਦੀ ਵਿਚਾਰਧਾਰਾ ਦੀ ਤੁਲਨਾ ਨਾਜ਼ੀਆਂ ਨਾਲ ਕਰਦੇ ਹੋਏ ਮੁਸਲਮਾਨਾਂ ''ਤੇ ਇਸ ਫ਼ੈਸਲੇ ਦੇ ਪ੍ਰਭਾਵ ਬਾਰੇ ਸ਼ੰਕਾ ਜਤਾਈ ਹੈ।

ਪਹਿਲਾਂ ਵੀ ਇਸ ਮੁੱਦੇ ਬਾਰੇ ਇਮਰਾਨ ਖਾਨ ਨੇ ਬਿਆਨ ਦਿੱਤਾ ਸੀ ਕਿ ਉਹ ਦੁਨੀਆਂ ਨੂੰ ਦੱਸਣਗੇ ਕਿ ਕਸ਼ਮੀਰੀਆਂ ’ਤੇ ਉਹੀ ਜ਼ੁਲਮ ਹੋ ਰਹੇ ਹਨ ਜੋ ਨਾਜ਼ੀਆਂ ਨੇ ਕੀਤੇ ਸੀ।

ਅੱਜ ਆਰਐਸਐਸ ਦੀ ਵਿਚਾਰਧਾਰਾ ''ਤੇ ਬੋਲਦਿਆਂ ਇਮਰਾਨ ਖਾਨ ਨੇ ਦੋ ਟਵੀਟ ਕੀਤੇ।

ਪਹਿਲੇ ਟਵੀਟ ਵਿੱਚ ਉਨ੍ਹਾਂ ਲਿਖਿਆ," ਕਰਫਿਊ, ਸਖ਼ਤ ਕਾਨੂੰਨ ਤੇ ਭਾਰਤ ਸ਼ਾਸਿਤ ਕਸ਼ਮੀਰ ਵਿੱਚ ਕਸ਼ਮੀਰੀਆਂ ''ਤੇ ਹੋਣ ਵਾਲੇ ਅੱਤਿਆਚਾਰ ਨੂੰ ਵੇਖ ਕੇ ਆਰਐਸਐਸ ਦੀ ਨਾਜ਼ੀਆਂ ਤੋਂ ਪ੍ਰੇਰਿਤ ਵਿਚਾਰਧਾਰਾ ਬਾਰੇ ਪਤਾ ਲੱਗ ਰਿਹਾ ਹੈ। ਇਹ ਕੋਸ਼ਿਸ਼ ਹੈ ਕਸ਼ਮੀਰ ਦੀ ਆਬਾਦੀ ਨੂੰ ਨਸਲੀ ਸਫਾਈ ਰਾਹੀਂ ਬਦਲਣ ਦੀ। ਪ੍ਰਸ਼ਨ ਇਹ ਹੈ ਕਿ ਕੀ ਦੁਨੀਆ ਵੇਖੇਗੀ ਅਤੇ ਸ਼ਾਂਤੀ ਲੈ ਕੇ ਆਉਣ ਦੀ ਕੋਸ਼ਿਸ਼ ਕਰੇਗੀ ਜਿਵੇਂ ਮਿਊਨਿਖ ਵੇਲੇ ਹਿਟਲਰ ਦੇ ਸਮੇਂ ਕੀਤੇ ਗਿਆ ਸੀ?"

https://twitter.com/ImranKhanPTI/status/1160460575454957568

ਥੋੜ੍ਹੇ ਸਮੇਂ ਬਾਅਦ ਉਨ੍ਹਾਂ ਨੇ ਇੱਕ ਹੋਰ ਟਵੀਟ ਕੀਤਾ," ਮੈਨੂੰ ਡਰ ਹੈ ਕਿ ਆਰਐੱਸਐੱਸ ਦੀ ਹਿੰਦੂ ਵਿਚਾਰਧਾਰਾ, ਨਾਜ਼ੀ ਆਰਯਨ ਵਿਚਾਰਧਾਰਾ ਵਾਂਗ, ਸਿਰਫ਼ ਭਾਰਤ ਸ਼ਾਸਿਤ ਕਸ਼ਮੀਰ ''ਚ ਹੀ ਨਹੀਂ ਰੁਕੇਗੀ, ਸਗੋਂ ਇਹ ਮੁਸਲਮਾਨਾਂ ਨੂੰ ਭਾਰਤ ਵਿੱਚ ਦਬਾਏਗੀ ਤੇ ਫਿਰ ਪਾਕਿਸਤਾਨ ਨੂੰ ਨਿਸ਼ਾਨਾ ਬਣਾਇਆ ਜਾਵੇਗਾ।''''

https://twitter.com/ImranKhanPTI/status/1160460578017742848

https://www.youtube.com/watch?v=ZskiV0ohMrw

ਇਹ ਵੀ ਪੜ੍ਹੋ:

• ਮੋਦੀ ਨੂੰ ਮੁੜ ਪ੍ਰਧਾਨ ਮੰਤਰੀ ਵਜੋਂ ਕਿਉਂ ਦੇਖਣਾ ਚਾਹੁੰਦੇ ਹਨ ਇਮਰਾਨ ਖਾਨ
• ਕੀ ਅਭਿਨੰਦਨ ਨੂੰ ਰਿਹਾਅ ਕਰਕੇ ਮੋਦੀ ਨੂੰ ਇਮਰਾਨ ਨੇ ਦਿੱਤੀ ਮਾਤ
• ਇਮਰਾਨ ਖਾਨ ਦੀ ਸਾਬਕਾ ਪਤਨੀ ਦੀ ਕਿਤਾਬ ''ਤੇ ਤਰਥੱਲੀ

ਲੋਕਾਂ ਨੇ ਇਸ ਬਾਰੇ ਕੀ ਕਿਹਾ?

ਕਸ਼ਯਪ ਪਟੇਲ ਲਿਖਦੇ ਹਨ, “ਭਾਰਤੀ ਮੁਸਲਮਾਨ ਭਾਰਤ ਵਿੱਚ ਬਹੁਤ ਖ਼ੁਸ਼ ਹਨ। ਉਨ੍ਹਾਂ ਨੂੰ ਕਿਸੇ ਵੀ ਹੋਰ ਦੇਸ਼ ਦੇ ਪ੍ਰਧਾਨ ਮੰਤਰੀ ਦੀ ਹਮਦਰਦੀ ਨਹੀਂ ਚਾਹੀਦੀ। ਆਰਐੱਸਐੱਸ ਤੇ ਭਾਰਤ ਅਖੰਡ ਭਾਰਤ ਦੀ ਵਿਚਾਰਧਾਰਾ ਵਿੱਚ ਵਿਸ਼ਵਾਸ ਰੱਖਦੇ ਹਨ। ਇੱਕ ਦਿਨ ਤੁਹਾਨੂੰ ਵੀ ਇਹ ਵਿਚਾਰਧਾਰਾ ਮੰਨਣੀ ਪਵੇਗੀ ਅਤੇ ਅਖੰਡ ਭਾਰਤ ਵਿੱਚ ਸ਼ਾਮਲ ਹੋਣਾ ਪਵੇਗਾ ।”

https://twitter.com/kashyap9991/status/1160468560625446912

ਸੀਪੀ ਖੰਡੇਲਵਾਲ ਨੇ ਲਿਖਿਆ, “ਪਾਕਿਸਤਾਨ ਕਸ਼ਮੀਰ ਵਿੱਚ ਇੱਕ ਹਮਲਾਵਰ ਵਾਂਗ ਹੈ ਅਤੇ (ਉਸ ਨੂੰ) ਪਾਕਿਸਤਾਨ ਸ਼ਾਸਿਤ ਕਸ਼ਮੀਰ ਤੋਂ ਬਾਹਰ ਨਿਕਲ ਜਾਣਾ ਚਾਹੀਦਾ ਹੈ।''''

''''ਭਾਰਤ ਹਿੰਦੂਆਂ ਅਤੇ ਹਿੰਦੂ ਧਰਮ ਦੇ ਮੂਲ ਵਿਚਾਰਾਂ ਕਰਕੇ ਜਿਨਾਹ ਦੇ ਦੋ ਦੇਸ਼ ਸਿਧਾਂਤ ਦੇ ਬਾਵਜੂਦ ਇੱਕ ਧਰਮ ਨਿਰਪੱਖ ਦੇਸ਼ ਹੈ। ਆਪਣੇ ਦੇਸ਼ ਨੂੰ ਸੰਭਾਲੋ। ਉੁਪ ਮਹਾਂਦੀਪ ਨੇ ਪਾਕਿਸਤਾਨ ਦੇ ਨਫ਼ਰਤ ਫੈਲਾਉਣ ਕਰਕੇ ਬਹੁਤ ਝੱਲਿਆ ਹੈ।''''

https://twitter.com/CPKhandewal/status/1160477239575601152

https://www.youtube.com/watch?v=R_1B1tPgoXU

ਮੀਰ ਮਹੁਮੰਦ ਅਲੀਖਾਨ ਲਿਖਦੇ ਹਨ,“ਕਰਫਿਊ ਹਟ ਲੈਣ ਦਿਓ। ਸੰਚਾਰ ਖੁੱਲ੍ਹ ਲੈਣ ਦਿਓ। ਕਸ਼ਮੀਰੀ ਲੋਕ ਚੁੱਪ ਨਹੀਂ ਬੈਠਣਗੇ। ਇਹ ਸੱਤ ਦਹਾਕਿਆਂ ਦੀ ਲੜਾਈ ਹੈ ਤੇ ਹੁਣ ‘ਕਰੋ ਜਾਂ ਮਰੋ ਵਾਲੀ’ ਸਥਿਤੀ ਹੈ। ਕਸ਼ਮੀਰੀ ਕਸ਼ਮੀਰ ਵਿੱਚੋਂ ਲੜਣਗੇ ਤੇ ਅਸੀਂ ਉਨ੍ਹਾਂ ਲਈ ਬਾਹਰ ਰਹਿ ਕੇ।''''

https://twitter.com/MirMAKOfficial/status/1160464927800352768

ਪੂਜਾ ਸਿੰਘ ਨੇ ਲਿਖਿਆ, “1947 ਵਿੱਚ ਘੱਟ ਗਿਣਤੀਆਂ ਦੀ ਪਾਕਿਸਤਾਨ ਵਿੱਚ ਆਬਾਦੀ 25% ਸੀ ਜੋ ਹੁਣ ਸਿਰਫ਼ 2% ਰਹਿ ਗਈ ਹੈ। ਕਿਉਂ?”

https://twitter.com/ThePoojaSingh1/status/1160470757161312256

ਗਉਸਿਆ ਮੁਗਲ ਲਿਖਦੇ ਹਨ, “ਇਹ ਚਿੰਤਾ ਜਨਕ ਹੈ ਤੇ ਤੁਸੀਂ ਬਿਲਕੁਲ ਠੀਕ ਹੋ। ਈਦ ''ਤੇ ਕਸ਼ਮੀਰੀ ਭੈਣਾਂ ਤੇ ਭਰਾਵਾਂ ਲਈ ਦੁਆ ਕਰਦੀ ਹਾਂ। ਭਾਰਤ ਆਪਣੀ ਕੱਟੜ ਮਾਨਸਿਕਤਾ ਕਾਰਨ ਪਛਤਾਇਗਾ। ਸਾਰੀ ਮਾਨਵਤਾ ਨੂੰ ਖ਼ਤਰਾ ਹੈ।”

https://twitter.com/Sonia_Osmagh/status/1160484375890464768

ਤਾਹਾ ਸ਼ਿਗਰੀ ਲਿਖਦੇ ਹਨ, "ਸ਼ਮੀਰ ਦੀ ਇਸ ਤਰ੍ਹਾਂ ਦੇ ਹਾਲਾਤ, ਜਿੱਥੇ ਲੋਕਾਂ ਨੂੰ ਜਿਆਦਾ ਭੁਗਤਣ ਲਈ ਛੱਡ ਦਿੱਤਾ ਗਿਆ ਹੈ। ਜੇ ਇਹ ਚੱਲਦਾ ਰਿਹਾ, ਤਾਂ ਮਨੁੱਖਤਾ ਲਈ ਬਰਬਾਦੀ ਦਾ ਕਾਰਨ ਬਣੇਗਾ। ਭਾਰਤ ਆਪਣੀਆਂ ਜ਼ਾਲਮ ਹਰਕਤਾਂ ਨਹੀਂ ਲਕੋ ਸਕਦਾ।"

https://twitter.com/ShigriTaha/status/1160488267629940736

https://www.youtube.com/watch?v=pvU-121L0y8

ਰਜਨੀਕਾਂਤ ਨੇ ਅਮਿਤ ਸ਼ਾਹ ਨੂੰ ਕਿਹਾ ''ਅਰਜੁਨ'' ਅਤੇ ਨਰਿੰਦਰ ਮੋਦੀ ਨੂੰ ''ਕ੍ਰਿਸ਼ਨ''

ਦੂਜੇ ਪਾਸੇ ਮਸ਼ਹੂਰ ਅਦਾਕਾਰ ਰਜਨੀਕਾਂਤ ਨੇ ਚੇਨੱਈ ਵਿੱਚ ਹੋਏ ਇੱਕ ਸਮਾਗਮ ਵਿੱਚ ਧਾਰਾ 370 ਹਟਾਉਣ ਦੇ ਫ਼ੈਸਲੇ ਦੀ ਤਰੀਫ਼ ਕਰਦੇ ਹੋਏ, ਅਮਿਤ-ਸ਼ਾਹ ਤੇ ਨਰਿੰਦਰ ਮੋਦੀ ਦੀ ਜੋੜੀ ਦੀ ਤੁਲਨਾ ਕ੍ਰਿਸ਼ਨ-ਅਰਜੁਨ ਨਾਲ ਕੀਤੀ ਹੈ।

https://twitter.com/srimat/status/1160439760080343040

ਉਨ੍ਹਾਂ ਕਿਹਾ, "ਮੈਂ ਮਿਸ਼ਨ ਕਸ਼ਮੀਰ ਲਈ ਵਧਾਈ ਦਿੰਦਾ ਹਾਂ। ਤੁਸੀਂ ਜੋ ਭਾਸ਼ਣ ਸੰਸਦ ਵਿੱਚ ਦਿੱਤਾ ਉਹ ਲਾਜਵਾਬ ਸੀ। ਅਮੀਤ ਸ਼ਾਹ ਅਤੇ ਮੋਦੀ ਜੀ ਦੀ ਜੋੜੀ ਕ੍ਰਿਸ਼ਨ-ਅਰਜੁਨ ਵਰਗੀ ਹੈ।"

ਇਹ ਵੀ ਪੜ੍ਹੋ:

• ਸ਼੍ਰੀਨਗਰ ਵਿੱਚ ਹੋਏ ਵਿਰੋਧ ਪ੍ਰਦਰਸ਼ਨ ਦੀ ਵੀਡੀਓ
• ''6 ਦਿਨਾਂ ਵਿੱਚ ਕਸ਼ਮੀਰ ''ਚ ਕੋਈ ਗੋਲੀ ਨਹੀਂ ਚੱਲੀ''
• ਕੀ ਮਾਂ ਬਣਨਾ ਔਰਤਾਂ ਨੂੰ ਕੁਸ਼ਲ ਦੌੜਾਕ ਬਣਾਉਂਦਾ ਹੈ

ਇਹ ਵੀ ਦੇਖੋ:

https://www.youtube.com/watch?v=cyaOLy3s2gI

https://www.youtube.com/watch?v=xWw19z7Edrs&t=1s

https://www.youtube.com/watch?v=mlGtssLeN9I

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ।)