ਸੁਸ਼ਮਾ ਸਵਰਾਜ ਦਾ ਉਹ ਆਖਿਰੀ ਟਵੀਟ...

ਸਾਬਕਾ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਦਾ ਦਿੱਲੀ ਦੇ ਏਮਜ਼ ਹਸਪਤਾਲ ਵਿੱਚ ਦੇਹਾਂਤ ਹੋ ਗਿਆ ਹੈ। ਪ੍ਰਧਾਨ ਮੰਤਰੀ ਮੋਦੀ ਨੇ ਵੀ ਕਈ ਟਵੀਟ ਕਰਕੇ ਸੁਸ਼ਮਾ ਸਵਰਾਜ ਦੀ ਮੌਤ ''ਤੇ ਦੁੱਖ ਜ਼ਾਹਿਰ ਕੀਤਾ।

ਪੀਐਮ ਮੋਦੀ ਨੇ ਲਿਖਿਆ, "ਖ਼ਰਾਬ ਸਿਹਤ ਦੇ ਬਾਵਜੂਦ ਉਹ ਆਪਣੇ ਫ਼ਰਜ਼ ਨੂੰ ਨਿਭਾਉਣ ਤੋਂ ਕਦੇ ਪਿੱਛੇ ਨਹੀਂ ਹਟੀ।"

https://twitter.com/narendramodi/status/1158802261935415296

ਇਹ ਵੀ ਪੜ੍ਹੋ:

• ਸੂਬਿਆਂ ਨਾਲੋਂ ਕਿੰਨੇ ਵੱਖਰੇ ਹੁੰਦੇ ਹਨ ਕੇਂਦਰ ਸ਼ਾਸਿਤ ਪ੍ਰਦੇਸ਼
• ''ਜੰਮੂ-ਕਸ਼ਮੀਰ ਤੋਂ ਸਾਡਾ ਮਤਲਬ ਪਾਕ-ਸ਼ਾਸਿਤ ਕਸ਼ਮੀਰ ਵੀ ਹੈ''
• ''ਭਾਰਤ ਨੇ ਜਿੰਨ ਨੂੰ ਬੋਤਲ ''ਚੋਂ ਬਾਹਰ ਕੱਢ ਦਿੱਤਾ ਹੈ''
• ਪੰਜਾਬ ''ਚ ਪੈਟਰੋਲ, ਡੀਜ਼ਲ ਤੇ ਵੀਆਈਪੀ ਨੰਬਰ ਪਲੇਟਾਂ ਹੋਣਗੀਆਂ ਮਹਿੰਗੀਆਂ

ਕਾਂਗਰਸ ਦੇ ਅਧਿਕਾਰਿਕ ਟਵਿੱਟਰ ਹੈਂਡਲ ਤੋਂ ਟਵੀਟ ਕੀਤਾ ਗਿਆ, "ਸੁਸ਼ਮਾ ਸਵਰਾਜ ਦੇ ਦੇਹਾਂਤ ਤੋਂ ਸਾਨੂੰ ਕਾਫ਼ੀ ਦੁੱਖ ਹੈ। ਸਾਡੀਆਂ ਭਾਵਨਾਵਾਂ ਪਰਿਵਾਰ ਦੇ ਨਾਲ ਹਨ।"

https://twitter.com/INCIndia/status/1158795093035196416

ਦੇਹਾਂਤ ਦੀ ਖ਼ਬਰ ਆਉਣ ਤੋਂ ਤਿੰਨ ਘੰਟੇ ਪਹਿਲਾਂ ਹੀ ਸੁਸ਼ਮਾ ਸਵਰਾਜ ਨੇ ਟਵਿੱਟਰ ''ਤੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਆਰਟੀਕਲ 370 ਖ਼ਤਮ ਕਰਨ ਲਈ ਵਧਾਈ ਦਿੰਦਿਆਂ ਟਵੀਟ ਕੀਤਾ ਸੀ।

ਸੁਸ਼ਮਾ ਸਵਰਾਜ ਨੇ ਆਪਣੇ ਆਖਿਰੀ ਟਵੀਟ ਵਿੱਚ ਲਿਖਿਆ ਸੀ, "ਪ੍ਰਧਾਨ ਮੰਤਰੀ ਜੀ, ਤੁਹਾਡਾ ਬਹੁਤ ਧੰਨਵਾਦ। ਮੈਂ ਆਪਣੀ ਜ਼ਿੰਦਗੀ ਵਿੱਚ ਇਸ ਦਿਨ ਨੂੰ ਦੇਖਣ ਦੀ ਉਡੀਕ ਕਰ ਰਹੀ ਸੀ।"

https://twitter.com/SushmaSwaraj/status/1158737840752037889

ਸੁਸ਼ਮਾ ਸਵਰਾਜ ਨੇ ਇੱਕ ਹੋਰ ਟਵੀਟ ਵਿੱਚ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੂੰ ਵਧਾਈ ਦਿੱਤੀ ਅਤੇ ਸ਼ਿਆਮਾ ਪ੍ਰਸਾਦ ਮੁਖਰਜੀ ਨੂੰ ਯਾਦ ਕੀਤਾ ਸੀ।

ਸੋਸ਼ਲ ਮੀਡੀਆ ''ਤੇ ਸੁਸ਼ਮਾ ਸਵਰਾਜ ਦਾ ਆਖਿਰੀ ਟਵੀਟ ਲੋਕ ਸ਼ੇਅਰ ਕਰ ਰਹੇ ਹਨ ਅਤੇ ਇਸ ਟਵੀਟ ''ਤੇ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ।

https://twitter.com/SushmaSwaraj/status/1158371889703579648

ਲੋਕਾਂ ਦੇ ਪ੍ਰਤੀਕਰਮ

ਸੁਸ਼ਮਾ ਸਵਰਾਜ ਦੇ ਦੇਹਾਂਤ ਨਾਲ ਜ਼ਿਆਦਾਤਰ ਲੋਕ ਹੈਰਾਨ ਹਨ। ਸ਼ੀਵਾਕਸ਼ੀ ਨੇ ਟਵੀਟ ਕੀਤਾ, "ਯਕੀਨ ਹੀ ਨਹੀਂ ਹੁੰਦਾ! ਹਾਲੇ ਵੀ ਹੈਰਾਨ ਹਾਂ। ਭਾਰਤ ਲਈ ਵੱਡਾ ਘਾਟਾ।"

https://twitter.com/Shivakshii/status/1158804307992383489

ਪੂਨਮ ਚੌਧਰੀ ਨੇ ਲਿਖਿਆ, "ਸੁਸ਼ਮਾ ਜੀ ਤੁਸੀਂ ਰੁਆ ਦਿੱਤਾ। ਸਾਨੂੰ ਮਾਫ਼ ਕਰ ਦਿਓ ਜੇ ਸਾਡੇ ਤੋਂ ਕੋਈ ਗਲਤੀ ਹੋਈ ਹੋਵੇ।"

ਵਿਸ਼ਾਲ ਲਿਖਦੇ ਹਨ, "ਸੁਸ਼ਮਾ ਜੀ, ਪੂਰਾ ਹਿੰਦੁਸਤਾਨ ਤੁਹਾਨੂੰ ਅਗਲੇ ਰਾਸ਼ਟਰਪਤੀ ਦੇ ਤੌਰ ''ਤੇ ਦੇਖਣਾ ਚਾਹੁੰਦਾ ਸੀ। ਤੁਸੀਂ ਸਾਨੂੰ ਇਸ ਤਰ੍ਹਾਂ ਛੱਡ ਕੇ ਨਹੀਂ ਜਾ ਸਕਦੇ।"

ਇਬਨੇ ਬਤੂਤਾ ਨਾਮ ਦੇ ਟਵਿੱਟਰ ਹੈਂਡਲ ਤੋਂ ਲਿਖਿਆ ਗਿਆ, "ਤੁਹਾਡੇ ਇਹ ਆਖ਼ਿਰੀ ਸ਼ਬਦ ਬਿਆਨ ਕਰਦੇ ਹਨ ਕਿ ਤੁਹਾਨੂੰ ਦੇਸ ਦੀ ਕਿੰਨੀ ਫ਼ਿਕਰ ਸੀ। ਸੁਸ਼ਮਾ ਜੀ ਤੁਹਾਨੂੰ ਇਹ ਦੇਸ ਕਦੇ ਨਹੀਂ ਭੁੱਲੇਗਾ।"

ਸਤਿਆ ਨੇ ਟਵੀਟ ਕੀਤਾ, "ਭਾਰਤ ਤੁਹਾਡੇ ਵਿਚਾਰਾਂ ਨੂੰ ਯਾਦ ਕਰੇਗਾ। ਮੈਂ ਉਮੀਦ ਕਰ ਰਿਹਾ ਸੀ ਕਿ ਤੁਸੀਂ ਦੇਸ ਦੀ ਅਗਲੀ ਪ੍ਰਧਾਨ ਮੰਤਰੀ ਬਣੋ।"

https://twitter.com/jkeot_sathya/status/1158840467389202432

ਇਹ ਵੀ ਦੇਖੋ:

https://www.youtube.com/watch?v=xWw19z7Edrs&t=1s

https://www.youtube.com/watch?v=MFz3NsKosJY

https://www.youtube.com/watch?v=ZskiV0ohMrw

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTER ਅਤੇ YouTube ''ਤੇ ਜੁੜੋ।)