ਈਰਾਨ ਵੱਲੋਂ ਯੂਕੇ ਦਾ ਤੇਲ ਟੈਂਕਰ ਫੜੇ ਜਾਣ ਮਗਰੋਂ ਬਰਤਾਨੀਆ ਨੇ ਦਿੱਤੀ ''''ਗੰਭੀਰ ਨਤੀਜਿਆਂ'''' ਦੀ ਚੇਤਾਵਨੀ

ਈਰਾਨ ਨੇ ਹੋਰਮੁਜ਼ ਦੀ ਖਾੜੀ ਵਿੱਚ ਬਰਤਾਨੀਆ ਦੇ ਇੱਕ ਤੇਲ ਟੈਂਕਰ ਨੂੰ ਕਬਜ਼ੇ ਵਿੱਚ ਲੈ ਲਿਆ ਹੈ।

ਬਰਤਾਨੀਆ ਦੇ ਵਿਦੇਸ਼ ਮੰਤਰੀ ਜੈਰਮੀ ਹੰਟ ਨੇ ਹਾਲਾਤ ਨਾ ਸੁਲਝਾਏ ਜਾਣ ਦੀ ਸੂਰਤ ਵਿੱਚ "ਗੰਭੀਰ ਨਤੀਜਿਆਂ" ਦੀ ਚੇਤਾਵਨੀ ਦਿੱਤੀ ਹੈ ਅਤੇ ਕਿਹਾ ਹੈ ਕਿ ਸਮੁੰਦਰੀ ਜਹਾਜ਼ ਹੋਰਮੁਜ਼ ਦੀ ਖਾੜੀ ਤੋਂ ਗੁਜ਼ਰਨ ਤੋਂ ਬਚਣ।

ਈਰਾਨ ਨੇ ਕਿਹਾ ਹੈ ਕਿ ਤੇਲ ਟੈਂਕਰ ਕੌਮਾਂਤਰੀ ਸਮੁੰਦਰੀ ਨਿਯਮਾਂ ਦੀ ਉਲੰਘਣਾ ਕਰ ਰਿਹਾ ਸੀ।

ਤੇਲ ਟੈਂਕਰ ''ਦਿ ਸਟੇਨਾ ਇਮਪੇਰਾ'' ਦੇ ਮਾਲਕਾਂ ਦਾ ਕਹਿਣਾ ਹੈ ਕਿ ਉਹ ਜਹਾਜ਼ ਨਾਲ ਸੰਪਰਕ ਨਹੀਂ ਕਰ ਸਕੇ ਹਨ।

ਈਰਾਨ ਦੀ ਖ਼ਬਰ ਏਜੰਸੀ ਫਾਰਸ ਮੁਤਾਬਕ ''ਦਿ ਸਟੇਨਾ ਇਮਪੇਰਾ'' ਨੂੰ ਸ਼ੁੱਕਰਵਾਰ ਨੂੰ ਈਰਾਨ ਦੇ ਰੈਵੋਲੂਸ਼ਨਰੀ ਗਾਰਡ ਨੇ ਫੜਿਆ ਸੀ।

ਸਟੇਨਾ ਬਲਕ ਕੰਪਨੀ ਨੇ ਕਿਹਾ ਹੈ ਕਿ ਜਹਾਜ਼ ਸਮੁੰਦਰੀ ਯਾਤਰਾ ਦੇ ਕੌਮਾਂਤਰੀ ਨਿਯਮਾਂ ਦੀ ਪਾਲਣਾ ਕਰ ਰਿਹਾ ਸੀ।

ਇਹ ਵੀ ਪੜ੍ਹੋ:

• ਕੀ ਸੈਕਸ ਲਾਈਫ਼ ਖਾਣੇ ਨਾਲ ਬਿਹਤਰ ਹੋ ਸਕਦੀ ਹੈ
• ਜਦੋਂ ਹੜ੍ਹ ਕਾਰਨ ਬਿਸਤਰੇ ''ਚ ਵੜੀ ਬਾਘਣੀ ਤੇ ਫ਼ਿਰ...
• ਔਰਤਾਂ ਦੀ ਨਵੀਂ ਵਿਆਗਰਾ ਬਾਰੇ ਕੀ ਹਨ ਵਾਦ-ਵਿਵਾਦ

ਬਰਤਾਨੀਆ ਦੇ ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਜਦੋਂ ਟੈਂਕਰ ਕੌਮਾਂਤਰੀ ਪਾਣੀਆਂ ਵਿੱਚ ਦਾਖਲ ਹੋਇਆ ਤਾਂ ਉਸ ਦੇ ਦੁਆਲੇ ਚਾਰ ਹੋਰ ਬੇੜੇ ਸਨ ਤੇ ਉਪਰੋਂ ਇੱਕ ਹੈਲੀਕਾਪਟਰ ਵੀ ਉਡਾਣ ਭਰ ਰਿਹਾ ਸੀ।

ਹਾਲਾਂਕਿ ਟੈਂਕਰ ਦੇ 23 ਮੈਂਬਰੀ ਕ੍ਰਿਊ ਵਿੱਚੋਂ (ਜਿਸ ਵਿੱਚ ਭਾਰਤੀ, ਰੂਸੀ, ਲਾਤੀਵੀ ਅਤੇ ਫਿਲੀਪੀਨਜ਼ ਦੇ ਨਾਗਰਿਕ ਸ਼ਾਮਲ ਸਨ) ਕਿਸੇ ਦੇ ਜ਼ਖਮੀ ਹੋਣ ਦੀ ਕੋਈ ਖ਼ਬਰ ਨਹੀਂ ਹੈ।

ਬਰਤਾਨੀਆ ਦੇ ਇੱਕ ਹੋਰ ਬੇੜੇ ਨੂੰ ਘੇਰਾ ਪਾਉਣ ਮਗਰੋਂ ਛੱਡ ਦਿੱਤਾ ਗਿਆ। ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਇਸ ਬਾਰੇ ਆਪਣੀ ਪ੍ਰਤੀਕਿਰਿਆ ਵਿੱਚ ਕਿਹਾ ਕਿ ਉਹ ਬਰਤਾਨੀਆ ਨਾਲ ਗੱਲਬਾਤ ਕਰਨਗੇ।

ਇਹ ਵੀ ਪੜ੍ਹੋ:

• ਪ੍ਰਿਅੰਕਾ ਗਾਂਧੀ ਹਿਰਾਸਤ ਵਿੱਚ ਲਏ ਜਾਣ ਤੋਂ ਬਾਅਦ ਬੈਠੀ ਧਰਨੇ ’ਤੇ
• ਟਰੰਪ ਦੀ ਬੋਲਤੀ ਬੰਦ ਕਰਨ ਵਾਲੀਆਂ ਕੁੜੀਆਂ
• 15 ਗੋਲੀਆਂ ਲੱਗਣ ਤੋਂ ਬਾਅਦ ਵੀ ਲੜਦੇ ਰਹੇ ਯੋਗੇਂਦਰ

ਇਹ ਵੀਡੀਓ ਵੀ ਤੁਹਾਨੂੰ ਪਸੰਦ ਆ ਸਕਦੇ ਹਨ

https://www.youtube.com/watch?v=xWw19z7Edrs&t=1s

https://www.youtube.com/watch?v=LGPaq87iccY

https://www.youtube.com/watch?v=mdPdrtHANeA

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ।)