ਮੋਗਾ ਵਿੱਚ ਮਿਲਿਆ ਮੋਰਟਾਰ ਸ਼ੈੱਲ, ਬੰਬ ਡਿਸਪੋਜ਼ਲ ਟੀਮ ਨੂੰ ਸੱਦਿਆ

ਮੋਗਾ-ਲੁਧਿਆਣਾ ਨੈਸ਼ਨਲ ਹਾਈਵੇ ''ਤੇ ਬੁੱਘੀਪੁਰਾ ਬਾਈਪਾਸ ਨੇੜੇ ਇੱਕ ਮੋਰਟਾਰ ਸ਼ੈੱਲ ਮਿਲਿਆ ਹੈ। ਇਹ ਇੱਕ ਕਬਾੜੀ ਵਾਲੇ ਨੂੰ ਮਿਲਿਆ ਹੈ।

ਦਰਅਸਲ ਰਾਜ ਕੁਮਾਰ ਨਾਮ ਦਾ ਕਬਾੜੀ ਸਵੇਰੇ ਕਬਾੜ ਇਕੱਠਾ ਕਰ ਰਿਹਾ ਸੀ ਜਦੋਂ ਉਹ ਕਿਸੇ ਭਾਰੀ ਜਿਹੀ ਚੀਜ਼ ਨਾਲ ਟਕਰਾਇਆ।

ਰਾਜ ਕੁਮਾਰ ਮੁਤਾਬਕ, "ਮੈਨੂੰ ਲੱਗਿਆ ਸ਼ਾਇਦ ਕੋਈ ਪਾਈਪ ਹੈ। ਜਦੋਂ ਇਸ ਨੂੰ ਅੱਗੋਂ ਨੁਕੀਲਾ ਜਿਹਾ ਦੇਖਿਆ ਤਾਂ ਮੈਨੂੰ ਲੱਗਿਆ ਕਿ ਸ਼ਾਇਦ ਬੰਬ ਹੈ। ਇਸ ਲਈ ਮੈਂ ਪੁਲਿਸ ਨੂੰ ਜਾਣਕਾਰੀ ਦਿੱਤੀ।"

ਜਿਸ ਥਾਂ ਤੋਂ ਇਹ ਮੋਰਟਾਰ ਸ਼ੈੱਲ ਮਿਲਿਆ ਹੈ, ਉਸ ਦੇ ਨੇੜੇ ਸ਼ਹਿਰ ਦੇ ਦੋ ਅਹਿਮ ਤਿੰਨ ਸਟਾਰ ਹੋਟਲ ਹਨ।

ਇਹ ਵੀ ਪੜ੍ਹੋ:

• ਕੀ ਮੁੱਜ਼ਫਰਪੁਰ ''ਚ ਲੀਚੀ ਬਣੀ ਬੱਚਿਆਂ ਦੀ ਮੌਤ ਦਾ ਕਾਰਨ
• ਪਾਕ ਆਗੂ ਦੀ ਕਾਨਫਰੰਸ ''ਚ ਲੱਗਿਆ ''ਬਿੱਲੀ ਵਾਲਾ ਫਿਲਟਰ''
• ਪੁਲਿਸ ਸਾਹਮਣੇ ਡੱਟ ਕੇ ਬੈਠੀ ''ਸ਼ੀਲਡ ਗਰਲ'' ਨੂੰ ਮਿਲੋ

ਪੁਲਿਸ ਮੌਕੇ ''ਤੇ ਪਹੁੰਚੀ ਅਤੇ ਛਾਣਬੀਣ ਸ਼ੁਰੂ ਕਰ ਦਿੱਤੀ। ਬੰਬ ਡਿਸਪੋਸਜ਼ਲ ਟੀਮ ਨੂੰ ਵੀ ਬੁਲਾ ਲਿਆ।

ਮੋਗਾ ਦੇ ਐਸਐਸਪੀ ਅਮਰਜੀਤ ਸਿੰਘ ਬਾਜਵਾ ਨੇ ਦੱਸਿਆ, "ਇਹ ਕੋਈ ਬੰਬ ਨਹੀਂ ਹੈ, ਇਹ ਤਾਂ ਮੋਰਟਾਰ ਸ਼ੈੱਲ ਹੈ। ਇਹ ਕੋਈ ਨਵਾਂ ਮੋਰਟਾਰ ਸ਼ੈੱਲ ਨਹੀਂ ਸਗੋਂ ਕਾਫ਼ੀ ਪੁਰਾਣਾ ਹੈ ਅਤੇ ਜੰਗਾਲਿਆ ਹੋਇਆ ਹੈ। ਸ਼ਾਇਦ ਕਿਸੇ ਸਕਰੈਪ ਵਿੱਚ ਆਇਆ ਹੋਏਗਾ ਅਤੇ ਫਿਰ ਘਬਰਾ ਕੇ ਇਸ ਨੂੰ ਸੁੱਟ ਦਿੱਤਾ।"

ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਹ ਇੱਕ ਫੁੱਟ ਲੰਬਾ ਅਤੇ ਮੋਟਾ ਸ਼ੈੱਲ ਹੈ। ਜਲੰਧਰ ਤੋਂ ਬੰਬ ਡਿਸਪੋਜ਼ਲ ਟੀਮ ਨੂੰ ਬੁਲਾਇਆ ਹੈ।

ਇਹ ਵੀ ਪੜ੍ਹੋ:

• ਸਿੱਖ ਪਿਓ-ਪੁੱਤ ਦੀ ਕੁੱਟਮਾਰ ''ਤੇ ਕੈਪਟਨ-ਕੇਜਰੀਵਾਲ ਕੀ ਬੋਲੇ
• ਜਾਦੂ ਦਿਖਾਉਣ ਲਈ ਨਦੀ ''ਚ ਉੱਤਰਿਆ ਜਾਦੂਗਰ ਹੀ ਗਾਇਬ
• ਦੋ ਮੁਲਕਾਂ ਦੇ 5 ਕਰੋੜ ਲੋਕ ਜਾਗੇ ਤਾਂ ਪਤਾ ਲੱਗਿਆ ਬਿਜਲੀ ਗੁੱਲ ਹੈ

ਇਹ ਵੀ ਦੇਖੋ:

https://www.youtube.com/watch?v=xWw19z7Edrs&t=1s

https://www.youtube.com/watch?v=M11THWSUlhg

https://www.youtube.com/watch?v=mKcXDJxzmYw

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube ''ਤੇ ਜੁੜੋ।)